Pərvin Əşari

Musiqi Müəllimi

Pərvin Əşari

Mən - Pərvin Əşari Zakir qızı. 1990-cı il 22 iyun tarixində Bakı şəhərində anadan olmuşam. Musiqi təhsilimi G.G.Şaroyev adına 35 nömrəli 11 illik musiqi məktəbində almışam. 2010-2014-cü illərdə Üzeyir Hacıbəyli adına Bakı Musiqi Akademiyasının bakalavr pilləsində, 2016-2018-ci illərdə isə Üzeyir Hacıbəyli adına Bakı Musiqi Akademiyasının magistratura pilləsində təhsil almışam. Magistr pilləsini (fərqlənmə) ilə bitirmişəm. Respublika və beynəlxalq müsabiqələr laureatıyam. Arfa ifaçısı və musiqi müəllimiyəm. 2015-ci ildə Təhsil Nazirliyinin (indiki ETN) təşkil etdiyi MİQ imtahanından 50 bal (maksimum 60 bal idi) nəticə göstərərək Xırdalan şəhər 7 nömrəli tam orta məktəbdə musiqi fənnini tədris etməyə başlamışam. Azedu.az portalının dəstəyi ilə keçirilən "İlin gənc müəllimi-2019" müsabiqəsinin 10 finalçısından və "100 Örnək müəllim"dən biri seçilmişəm. 2019-cu ildən də Elm və Təhsil Nazirliyində musiqi dərsliklərinin işlənməsi üzrə ekspert kimi fəaliyyət göstərirəm. Orta məktəblərin həm ibtidai, həm də yuxarı sinifləri üçün musiqi dərsliklərinə vətənpərvər mövzulu mahnıların əlavə edilməsində ekspert yoldaşlarımla birgə əməyimiz olmuşdur. Şahin Musaoğlunun "İgid əsgər, möhkəm dayan", "Cənab leytenant", "Vətən əmanəti", Bəhram Nəsibovun "Qarabağ mahnısı", Şuşanın dağları, Vətən yaxşıdır və bir çox həm xalq, həm də bəstəkar mahnılarımızın dərsliyə əlavə edilməsini ETN dəstəyi ilə etmişik. Bir il (2022-2023-cü illərdə) Nərimanov rayonu Tahir Həsənov adına 57 nömrəli tam orta məktəbdə musiqi fənn müəllimi kimi işləmişəm. Hal-hazırda isə isə (2022) Azərbaycan Beynəlxalq Maarif Məktəblərində musiqi fənnini tədris edirəm. 2023-cü ilin noyabrın 5də Azərbaycan Respublikasının Diasporla İş üzrə Dövlət Komitəsinin, Azərbaycanın İsveçrədəki səfirliyinin və Türkiyənin "İnvestAz" şirkətinin dəstəyi ilə - Türkiyə Cümhuriyyətinin 100 illiyi, Azərbaycan ümummilli lideri Heydər Əliyevin anadan olmasının 100 illiyi, Zəfər Günü və Bayraq Gününə İsveçrənin Sürix şəhərində təşkil edilən "Yeddi gözəl" layihəsi çərçivəsində Azərbaycanı təmsil edərək arfa alətində ifa ilə çıxış etmişəm. 2025-ci ildə 23 Aprel tarixində Azərbaycan Beynəlxalq Maarif Məktəblərinin musiqi müəllimi, həmkarım Kamran Əhmədovla və şagirdlərimizlə İstanbulda - Fələstinə dəstək olaraq təşkil edilən "Barış ekmeği" festivalında çıxış edərək, Azərbaycanı təmsil etmişik.