|
|
· Ana səhifə· Rəsmi· Heydər Əliyev Fondu· Əmrlər, sərəncamlar· Təhsil Nazirliyində· Xəbərlər· Pedaqoji yazılar· Məktəblərimiz· Bizimlə əlaqə
|
ürəklərdə və tarixin yaddaşında əbədi yaşayacaq dahi şəxsiyyət Mayın 7-də Azərbaycan Dövlət
Pedaqoji Universitetində Azərbaycan xalqının ümummilli
lideri Heydər Əliyevin anadan olmasının 85-ci ildönümünə
həsr olunan "ürəklərdə və tarixin
yaddaşında əbədi yaşayacaq dahi şəxsiyyət"
mövzusunda elmi konfrans keçirildi. Tədbir iştirakçıları öncə
ulu öndər Heydər Əliyevin xatirəsini bir
dəqiqəlik sükutla yad
etdilər. Konfransı Azərbaycan Dövlət Pedaqoji
Universitetinin rektoru,
AMEA-nın müxbir üzvü, əməkdar elm xadimi, professor
Yusif Məmmədov açaraq müstəqil dövlətimizin
qurucusu, ümummilli lider Heydər Əliyevin anadan olmasının
85-ci ildönümü münasibətilə rəhbərlik etdiyi ali
təhsil müəssisəsində həyata keçirilən çoxsaylı
tədbirlərdən danışdı. Keçirilən elmi
konfransın professor - müəllim heyəti,
tələbələr, həmçinin burada iştirak
edən respublikanın tanınmış ziyalıları
üçün mühüm əhəmiyyət kəsb etdiyini söylədi.
"Azərbaycan təhsilinin inkişafının
Heydər Əliyev mərhələsi" mövzusunda geniş
məruzə ilə çıxış edən rektor bildirdi
ki, dünya şöhrətli siyasətçi, müstəqil
Azərbaycanın memarı Heydər Əliyev bütün ömrünü
xalqına həsr etmiş dahi
bir şəxsiyyətdir. Heydər Əliyevin
fəaliyyətinin uğurlu məqamlarından söz açan
məruzəçi daha sonra ulu öndərin Azərbaycan
təhsilinin inkişafındakı müstəsna
xidmətlərindən danışdı. Əbədiyaşar
liderin təhsilə göstərdiyi diqqət və qayğının
nəticələrindən bəhs etdi. "Heydər Əliyev və Azərbaycanda
insan hüquqlarının inkişafı" mövzusunda
məruzə ilə çıxış edən Azərbaycan
Respublikasının İnsan Hüquqları üzrə müvəkkili
(ombudsman), professor Elmira Süleymanova söylədi ki, ulu öndərin
müstəqil respublikamıza başçılıq etdiyi dövrlərdə
ən çox diqqət yetirdiyi sahələrdən biri də
insan hüquq və azadlıqlarının qorunması olmuşdur.
O, ümummilli liderin bu istiqamətdə gördüyü məqsədyönlü işlər barəsində
konfrans iştirakçılarına geniş məlumat verdi. Daha sonra digər çıxışçılar-
Səbail Rayon İcra Hakimiyyətinin başçısı
Sahib Ələkbərov "Ulu öndərin arzuları gerçəkləşir",
ADPU-nun kafedra müdirləri ,akademik Hüseyn Əhmədov
"Heydər Əliyev və milli təhsil quruculuğu", professorlar Əbdül Əlizadə "Heydər
Əliyev : Dövrün əzəmətli, fəlsəfi,
sosioloji və psixopedaqoji problemləri", AMEA- nın müxbir
üzvü Vəli Əliyev "Naxçıvan tarixinin, maddi və
mənəvi mədəniyyətinin tədqiqinə
Heydər Əliyev qayğısı" mövzularında
məruzələr etdilər. Məruzələrdə o da xüsusi
vurğulandı ki, ümummilli lider, Azərbaycan xalqının
böyük oğlu, əbədiyaşarlıq qazanmış
ulu öndər Heydər Əliyevin milli ideologiya, dövlətçilik
və azərbaycançılıq konsepsiyası
bu gün onun ən layiqli davamçısı olan
ölkə başçısı cənab İlham Əliyev tərəfindən uğurla
davam etdirilir. Samirə KƏRİMOVA
|