|
|
· Ana səhifə· Rəsmi· Heydər Əliyev Fondu· Əmrlər, sərəncamlar· Təhsil Nazirliyində· Xəbərlər· Pedaqoji yazılar· Məktəblərimiz· Bizimlə əlaqə
|
Bakı Dövlət Universitetində Azərbaycan-Koreya İnformasiya Təminatı Mərkəzinin açılışı oldu Dekabrın 17-də BDU- da KADO-nun
(Rəqəmsal imkanların yayılması üzrə Koreya
agentliyi) birbaşa yardımı ilə yaradılmış
Azərbaycan-Koreya İnformasiya Təminatı
Mərkəzinin açılış mərasimi keçirildi. Yığıncağı giriş sözü
ilə açan BDU-nun rektoru, akademik Abel Məhərrəmov
qonaqları və toplantı iştirakçılarını
salamladıqdan sonra bu Mərkəzin 2008-2009-cu tədris
ilində BDU-nun istifadəyə verilmiş təzə
korpusunda yaradılmasından məmnun olduğunu bildirdi,
təhsil naziri Misir Mərdanova, koreyalı qonaqlara və
mərkəzin yaradılmasında əməyi olan bütün
insanlara təşəkkür etdi. BDU-nun qlobal inkişafda
irəlidə gedən Koreyanın ali təhsil müəssisələri
ilə sıx əlaqə saxladığını və
bu əlaqələrin bundan sonra da genişləndiriləcəyini
söylədi. Təhsil naziri Misir Mərdanov Azərbaycan
təhsilinin inkişafında Bakı Dövlət
Universitetinin öz yeri olduğunu və bu mərkəzin
məhz burada yaradılmasının təsadüfi olmadığını
diqqətə çatdırdı. Koreyada Azərbaycana marağın
böyük olduğundan, ölkə başçısının Koreya
Respublikasına səfərindən sonra bu marağın
daha da artdığından və əlaqələrin genişləndirildiyindən
söz açan nazir bunun elmin inkişafına, sülhə,
əmin-amanlığa xidmət etdiyini bildirdi. Koreya
Respublikasına etdiyi səfərinə toxunan nazir son 25
ildə qloballaşan dünyada Koreyanın daha da inkişaf
etdiyini və bu inkişafa səbəb kimi ölkədə
təhsilə, xüsusilə peşə təhsilinə önəm
verildiyini diqqətə çatdırdı. Qeyd etdi ki, biz Koreyada olanda bu ölkənin müxtəlif
təhsil və təlim-tərbiyə müəssisələrinə
getdik. Hər yerdə səliqə-sahmanın, ciddi
nizam-intizamın və böyük işgüzarlığın
şahidi olduq. Bir uşaq bağçasında bizi müəssisənin
rəhbəri kimi qarşılayan qadının Koreya
universitetlərindən birinin professoru olduğunu və
həmin bağçanı inkişaf etdirmək üçün 5 ildir
ki, burada işlədiyini öyrəndik. Bax, Koreyada
təlim-tərbiyənin inkişafına belə diqqət
yetirilir. Burada hər bir insan ona tapşırılan işin
öhdəsindən layiqincə gəlməyə çalışır.
Nazir hazırda geniş əlaqələrin bariz nümunəsi
kimi 40 nəfər azərbaycanlı gəncin Koreya
universitetlərində təhsil aldığını
diqqətə çatdırdı. Misir Mərdanov KADO-nun xarici və daxili
rəqəmsal sistemləri hərtərəfli təmin
etmək məqsədilə yaradılan və Koreya dövlətinin
birbaşa dəstək verdiyi bir təşkilat olduğunu
qeyd etdi. Onun əsas vəzifələrindən biri
əhalini informasiya və kommunikasiya sistemləri ilə
təchiz və müasir texnologiya və avadanlıqlarla tanış
etmək, bununla da ictimaiyyətin informasiya almaq imkanlarını
yaxşılaşdırmaq, nəticədə dövlət
iqtisadiyyatına yardım göstərməkdən ibarət
olduğunu diqqətə çatdırdı. Nazir çıxışının
sonunda BDU-da açılan Azərbaycan-Koreya İnformasiya
Təminatı Mərkəzinə görə koreyalı
qonaqlara öz təşəkkürünü bildirdi. Yığıncaqda çıxış
edən Koreya Respublikasının İctimai İdarəetmə
və Təhlükəsizlik nazirinin müavini Kin Young Ho, Koreya
Respublikasının ölkəmizdəki fövqəladə
və səlahiyyətli səfiri Lyu Kvang Chul və KADO-nun
vitse-prezidenti Park Von Gsun Azərbaycanın müstəqillik
qazanandan sonra sürətli inkişafından, Bakının böyüyərək
daha da gözəlləşməsindən söz açdılar
və burada yaradılmış yeni Mərkəzin KADO-nun
birbaşa dəstəyi ilə fəaliyyət göstərəcəyini
qeyd etdilər. Rəmzi açılışı bildirən
lent kəsildikdən sonra qonaqlar və media nümayəndələri
Mərkəzə baxış keçirdilər. Nizami MİRZƏ
|