|
|
· Ana səhifə· Rəsmi· Heydər Əliyev Fondu· Əmrlər, sərəncamlar· Təhsil Nazirliyində· Xəbərlər· Pedaqoji yazılar· Məktəblərimiz· Bizimlə əlaqə
|
Valideynlərlə maarifləndirmə işi genişlənir Təhsil Nazirliyi və YUNİSEF-in
dəstəyi ilə yaranmış
Azərbaycan Milli Valideyn - Müəllim Assosiasiyası
artıq 5 ildən çoxdur ki, fəaliyyət göstərir.
VMA-nın icraçı direktoru Təranə Şərifovanın
verdiyi məlumata görə, bu illər ərzində təşkilatın
apardığı maarifləndirmə
işi 1000-ə yaxın məktəbdə Valideyn- Müəllim
Assosiasiyasının yaranmasına səbəb olub.
2008-2009-cu tədris ilindən başlayaraq məktəb
ailə ilə birgə
əməkdaşlığa gəlmək yolunda
əhəmiyyətli addımlar atır, bir çox təhsil müəssisələrində
valideyn- müəllim birlikləri yaranır. Bakı şəhərindəki
20,164,276 nömrəli
və digər məktəblərdə artıq bu qurumlar
var. Bu il ilk dəfə olaraq respublikamızın
ümumtəhsil məktəblərində I siniflərdə
tətbiq olunan fənn
kurikulumları ilə bağlı valideynlərin,bütövlükdə
cəmiyyətin maarifləndirmə işini Milli Valideyn- Müəllim
Assosiasiyası Təhsil
Problemləri İnstitutunun Kurikulum Mərkəzi ilə
birgə əməkdaşlıqda aparır. 2008-2009-cu
tədris ilinin əvvəlindən Bakının 20-dən
artıq təhsil müəssisəsində kurikulumun
mahiyyəti ,məzmunu valideynlər üçün açıqlanıb,müzakirə
olunub, onları maraqlandıran,
həmçinin narahat edən suallara mütəxəssis cavabları
verilib.Qeyd etmək lazımdır ki, Milli Valideyn- Müəllim
Assosiasiyası tərəfindən
maarifləndirmə işləri respublikamızın
bölgələrində - Gəncə və Qubada da aparılıb.
Bu istiqamətdə işlərin davamlı olaraq respublikamızın
digər şəhər və rayonlarında da həyata
keçirilməsi nəzərdə
tutulur. Samirə KƏRİMOVA
Milli Qəhrəmanın ad günü qeyd edildi Bahar bayramı ərəfəsində
Azərbaycanın Milli Qəhrəmanı Rafiq
Nəsrəddinovun adını daşıyan Bakıdakı
39 nömrəli orta məktəbdə xüsusi bir canlanma var
idi. O gün təhsil ocağının pedaqoji kollektivi
və şagirdləri Milli Qəhrəmanın ad gününü
qeyd etdilər. Məktəbin direktoru Qaçay Tamoyev
Azərbaycanın Milli Qəhrəmanı
Nəsrəddinov Rafiq Hüseyn oğlunun həyat və döyüş
yollarından söz açaraq bildirdi ki, o, Qarabağ uğrunda
erməni faşistlərinə qarşı gedən
gərgin döyüşlərin birində, 1992-ci il sentyabrın
6-da qəhrəmancasına həlak olmuşdur. Rafiq Nəsrəddinov 1994-cü il iyunun 16-da
ulu öndər Heydər Əliyevin fərmanı ilə Ağdərə
rayonundakı Qızıl-Qaya yüksəkliyinin alınmasında
göstərdiyi şücaətə görə ölümündən
sonra Azərbaycan Respublikasının Milli
Qəhrəmanı adına layiq görülmüşdür. Tədbirdə qonaqlar, müəllim və
şagirdlər çıxış edərək onun
barəsində öz xatirələrini danışdılar,
qəhrəmanlar, vətən haqqında şeirlər söylədilər. Tədbirdə Müdafiə Nazirliyinin
məsul işçisi Faiq Ələkbərov, əmək
veteranı Fatmaxanım Səttarova, müharibə iştirakçısı,
valideyn Bağır Məlikov, Milli Qəhrəmanın
anası Solmaz, qardaşı Mehdi, qızları Aynır,
Nərgiz və başqaları iştirak edirdilər. Ədalət DAŞDƏMİRLİ
"Dəmir İpək Yolu" layihəsində təmsil olunan universitet rəhbərlərinin yığıncağı keçirilib Türkiyə
Cümhuriyyətinin Qars Qafqaz Universiteti Bakı-Tbilisi-Ərdahan-Qars
dəmiryolu üzərində yerləşən ali
məktəblərin əməkdaşlığı
layihəsinin həyata keçirilməsi barədə təşəbbüs
irəli sürmüşdür. Həmin tədbirdə dəmiryolu
marşrutunu əhatə edən Bakı Dövlət
Universiteti, Naxçıvan Dövlət Universiteti, Gəncə Dövlət
Universiteti, Tbilisi Dövlət Universiteti, Axıska Dövlət
Pedaqoji İnstitutu və Qars Qafqaz Universiteti "Dəmir
İpək Yolu" layihəsi üzrə elm,
mədəniyyət və idman sahəsində qarşılıqlı
əməkdaşlıq məsələlərini
gerçəkləşdirəcəklər. Bu günlərdə Türkiyənin Qars şəhərində
"Dəmir ipək yolu" layihəsində təmsil
olunan universitetlərin rəhbərlərinin birinci təşkilati
yığıncağı keçirilmişdir. Qars Qafqaz
Universitetinin rektoru, professor Əbamüslüm Güvən, Bakı
Dövlət Universitetinin rektoru, akademik Abel
Məhərrəmov, Naxçıvan Dövlət Universitetinin
rektoru, akademik İsa Həbibbəyli, Tbilisi Dövlət
Universitetinin rektoru, professor Georgi Khubua, Axıska Dövlət
Pedaqoji İnstitutunun rektoru, professor Tina Gelaşvili çıxış
edərək "Dəmir ipək yolu" birgə
əməkdaşlıq proqramının həyata keçirilməsinin
ayrı-ayrı mövzuları barədə təkliflər
irəli sürmüş, mülahizələrini bildirmişlər.
Nəticədə meydana çıxan təklifləri özündə
əks etdirən geniş layihənin hazırlanması
qərara alınmışdır. "Dəmir ipək yolu" layihəsinin
həyata keçirilməsi sahəsində ev sahibliyini ilk
olaraq Qars Qafqaz Universiteti öz üzərinə götürmüşdür.
Bundan başqa, birgə əməkdaşlıq layihəsi
əsasında Naxçıvan Dövlət Universiteti Axıska
Universiteti, Bakı Dövlət Universiteti və Tbilisi Dövlət
Universitetini dəvət etmişdir. Qars Qafqaz Universitetində toplaşan
universitetlərin rəhbərləri Azərbaycan xalqının
ümummilli lideri Heydər Əliyevin bu şəhərdə
ucaldılan abidəsini ziyarət etmiş, nümayəndə
heyəti Azərbaycan Respublikasının Qars şəhərindəki
baş konsulluğunda da olmuşdur. Qars vilayətinin valisi Mehmet Ufuk Erden Qafqaz
universitetlərinin rektorlarını qəbul etmişdir. Azərbaycandan və Gürcüstandan
gələn qonaqlar Qars Qafqaz Universiteti ilə tanış
olmuş, bu təhsil ocağında yaradılmış
"Heydər Əliyev tədris mərkəzi"nə
kitablar bağışlamışlar. İtalyan dili mərkəzi açıldı Martın 3-də ADU-da İtalyan dili
mərkəzinin açılış mərasimi
keçirilib.Tədbirdə Azərbaycanda
səfərdə olan İtaliya xarici işlər
nazirinin müavini cənab Alfredo Mantika, İtaliyanın
Azərbaycandakı fövqəladə və
səlahiyyətli səfiri cənab Jan Luiçi Maşa və
onun xanımı Marinella Maşa iştirak
ediblər. Qonaqları qəbul edən ADU-nun rektoru,
professor Səməd Seyidov onlarla görüşündən
məmnun olduğunu bildirərək İtaliya ali
məktəbləri ilə əlaqələrindən danışıb.
Mərkəzlə yaxından tanış olduqdan
sonra cənab Alfredo Mantika Azərbaycanda bu cür
mərkəzin açılmasına görə universitetin
rəhbərliyinə öz minnətdarlığını
bildirib. Mərkəzdə azərbaycanlı
tələbələr italyan dilini öyrənməklə
yanaşı, daha genişmiqyaslı dünya
mədəniyyətilə də tanış olacaqlar. Peşə təhsilinin inkişafına aid seminar keçirilib Təhsil Problemləri İnstitutunda
Təhsil Nazirliyi ilə YUNESKO arasında
"Azərbaycanda peşə təhsilinin inkişafı"
üzrə layihə çərçivəsində seminar keçirilmişdir.
Seminarın keçirilməsində əsas
məqsəd layihə çərçivəsində mehmanxana
xidmətləri-turizm və İKT üzrə müasir
tələblərə cavab verən kurikulumun yaradılması
ilə əlaqədar yerli mütəxəssislərin hazırlanmasıdır.
Bu məqsədlə hər iki sahə üzrə 10
nəfərdən ibarət işçi qrupu yaradılmışdır.
Təhsil Nazirliyinin Texniki peşə
təhsili şöbəsinin müdiri Namiq Məmmədov
layihənin əhəmiyyəti barədə tədbir iştirakçılarına
məlumat verərək bildirmişdir ki, layihə peşə
təhsilinin məzmununun yeniləşməsinə yardım
etməklə yanaşı, gələcəkdə müasir
tələblərə cavab verəcək kurikulumların
hazırlanması üzrə mütəxəssislərin yetişdirilməsinə
də öz töhfəsini verəcək. Peşə təhsili
müəssisələrinin maddi-texniki bazasının möhkəmləndirilməsi
ilə yanaşı, tədris-istehsalat prosesinin də dövrün
tələblərinə uyğun qurulması çox
əhəmiyyətlidir. YUNESKO-nun
Moskva nümayəndəliyinin mütəxəssisi Alişer
Umarov baş verən yeniliklərin müsbət qarşılandığını
və bu sahənin inkişafına yönəlmiş
tədbirləri dəstəkləməkdə davam
edəcəklərini bildirmişdir. Kurikulum üzrə YUNESKO-nun mütəxəssisləri
Anna Muravyova və Georgi Pokrokinin rəhbərliyi altında
davam edən seminarda müəyyən edilmiş ixtisaslar üzrə
kurikulumların hazırlanması metodologiyası haqqında
məlumat verilmiş və müzakirələr aparılmışdır.
Ş.CƏFƏROV ADU-da yubiley tədbiri Martın
14-də Azərbaycan Dillər Universitetində əməkdar
müəllim Müzahirə Paşayevanın anadan
olmasının 80 illiyi münasibətilə yubiley tədbiri
keçirildi. ADU-nun tədris işləri üzrə
prorektoru Natiq Yusifov öncə universitetin rektoru, professor Səməd
Seyidovun təbrikini yubilyara çatdırdı. Qeyd etdi ki, Müzahirə
Paşayeva bu təhsil ocağında 59 ildir fasiləsiz fəaliyyət
göstərir. Onun yetirmələrinin səsi müxtəlif
ölkələrdən gəlir. Tədbirdə Müzahirə
Paşayevanın elmi yaradıcılığından
geniş söz açıldı. Sonda əməkdar müəllim Müzahirə Paşayeva
tədbirdə çıxış edərək öz ürək
sözlərini söylədi. Mərasimin təşkilatçılarına
və qonaqlara minnətdarlığını bildirdi. Kurikulum öyrənilir və tətbiq edilir Bakıdakı
9 nömrəli orta məktəbdə fənn kurikulumları
üzrə keçirilən pedaqoji eksperimentin yekunlaşdırılması
və nəticələrin ümumiləşdirilməsinə
dair tədbir keçirilib. Təhsil Problemləri İnstitutunun
Kurikulum Mərkəzinin aparıcı mütəxəssisi,
pedaqoji elmlər namizədi, dosent Ə.Gərayev, pedaqoji
elmlər namizədi H.Hacıyeva, Bakı Şəhəri
üzrə Təhsil İdarəsi Metodmərkəzinin
rəhbəri Sitarə Məmmədova və başqaları
tədbirdə çıxış ediblər.
Məktəbdə müxtəlif fənn və siniflər üzrə
30-dan artıq "açıq dərs" dinlənilib.
Məktəbin bacarıqlı şagirdlərinin əl işləri
ilə bəzədilməsi təhsil müəssisəsində
istedadlı şagirdlərlə yüksək
səviyyədə iş aparıldığını
təsdiq edir. Məhz bunun nəticəsidir ki,
məktəbin şagirdlərinin ali
məktəblərə qəbul imtahanlarında topladıqları
ballar və fənn olimpiadalarında əldə
etdikləri nəticələr yüksək olmuşdur. Tədbirin sonunda qonaqlar bütün bu uğurları
müsbət qiymətləndirərək məktəbin yüksək
səviyyəli pedaqoji iş təcrübəsinə malik
olmasını qeyd etdilər. Fazil İDRİSOĞLU
|