|
|
· Ana səhifə· Rəsmi· Heydər Əliyev Fondu· Əmrlər, sərəncamlar· Təhsil Nazirliyində· Xəbərlər· Pedaqoji yazılar· Məktəblərimiz· Bizimlə əlaqə
|
Akademik Zərifə xanım Əliyevanın anadan olmasının 86-cı ildönümü qeyd olundu Aprelin 28-də görkəmli oftalmoloq alim
Zərifə xanım Əliyevanın adını daşıyan
orta məktəbdə anadan olmasının 86-cı ildönümünə
həsr olunmuş tədbir keçirildi. öncə Fəxri
xiyabanı ziyarət edən qonaqlar sonra akademik
Zərifə Əliyeva adına məktəblə tanış
oldular. "Xatirələrdə yaşayan" adlı
tədbirdə təhsil naziri Misir Mərdanov, rabitə
və informasiya texnologiyaları naziri Əli Abbasov,
Azərbaycan Dövlət Pedaqoji Kollecinin direktoru,
əməkdar müəllim, YAP Qadınlar şurasının
sədri Nurlana Əliyeva, millət vəkilləri və
digər qonaqlar iştirak edirdilər. Məktəbin direktoru Məhəbbət
Vəliyeva tədbiri açıq elan etdikdən sonra son bir
ildə tədris müəssisəsində görülən işlər,
qazanılmış nailiyyətlər və perspektiv
planlar haqqında geniş məlumat verdi. Bildirdi ki, akademik
Zərifə xanım Əliyevanın adını daşıyan
məktəbdə təhsil alan şagirdlər
Zərifə xanımın həyat və
fəaliyyətini dərindən öyrənirlər. Sonra
"Tədris prosesində müasir pedaqoji texnologiyalar:
zənginlik və müxtəliflik, məqsədyönlülük
və effektivlik" mövzusunda nümunəvi dərslərin
İnternetdə nümayişi oldu. Məktəbin rəsmi
saytının açılışından sonra şagirdlərin
ifasında "Zərifə Əliyeva - ana, qadın
və alim" mövzusunda təqdimat keçirildi. Təhsil naziri Misir Mərdanov çıxış
edərək Zərifə xanım Əliyevanın adını
daşıyan orta məktəbin bir ildəki
fəaliyyətinə müsbət münasibət bildirdi. Bütün
sahələrə, o cümlədən təhsilə göstərilən
dövlət qayğısını diqqətə çəkərək
vurğuladı ki, Zərifə Əliyeva adına
məktəbdə çalışan müəllimlərin,
təhsil alan şagirdlərin məsuliyyəti daha böyükdür.
Onların qazandıqları uğurlar digər təhsil müəssisələrinə
nümunə olmalıdır. Professor Misir Mərdanov çıxışında
müəllim nüfuzunun artırılmasının vacibliyini
və bu işdə valideynlərin fəallığını
xüsusi qeyd etdi. Keçilən nümunəvi dərslərin İnternet
vasitəsilə nümayiş etdirilməsindən
məmnun qalan nazir həlli vacib olan digər
məsələlərə də toxundu. Lazımi tövsiyələrini
verdi. Əmin olduğunu bildirdi ki, akademik Zərifə xanım
Əliyeva adına orta məktəbin yetirmələri bir
neçə il ərzində daha böyük uğurlara imza atacaqlar.
Sonra qonaqlar nümunəvi dərslər keçilən otaqlara baş
çəkdilər. Sonda məktəbin həyətyanı
ərazisində ümummilli lider Heydər Əliyevin və
Zərifə xanım Əliyevanın xatirələrini
əbədiləşdirmək məqsədilə uzunömürlü
2 çinar ağacı əkildi. Fazil İDRİSOĞLU |