|
|
· Ana səhifə· Rəsmi· Heydər Əliyev Fondu· Əmrlər, sərəncamlar· Təhsil Nazirliyində· Xəbərlər· Pedaqoji yazılar· Məktəblərimiz· Bizimlə əlaqə
|
Azərbaycan müəllimlərinin qurultayları tarixindən VII qurultayın gündəliyindən 1960-cı il noyabrın 14-də
Azərbaycan SSR Elmlər Akademiyasının binasında başlanan
ali məclis iki gün davam etmişdir. Qurultayı giriş sözü
ilə Respublika Nazirlər Sovetinin sədri M.İsgəndərov
açmışdır. Qurultay ərəfəsində 579
nəfər maarif işçisi "Lenin", "Qırmızı
Əmək bayrağı", "Şərəf Nişanı"
ordenləri, "Əmək igidliyinə görə"
medalı ilə təltif olunmuşdur. Azərbaycan
Nazirlər Sovetinin qurultaya təbriki oxunmuşdur. Azərbaycan SSR maarif naziri, professor
M.Mehdizadə və Azərbaycan LKGİ MK-nın birinci
katibi M.Əlizadənin məktəblərin yenidən
qurulması sahəsində, gəncliyin təlimi və
tərbiyəsi istiqamətlərində qarşıda
duran vəzifələri şərh edən geniş
məruzələri dinlənilmişdir. Sonra qurultayın mandat komissiyasının
hesabatı ilə M.Zeynalov məruzə etmişdir. Azərbaycan müəllimlərinin ali
məclisində İ.Nadejkov (RSFSR), P.Solntsev (Belarusiya SSR),
P.Mirqorodski (Ukrayna SSR) S.Zadin (Qazaxıstan SSR), A.Buylis
(Latviya SSR), Y.Əsgərov (Tacikistan SSR), Q.Laşkaraşvili
(Gürcüstan SSR) və başqalarının təbrik-çıxışları
dinlənilmişdir. 2 gün davam etmiş ali məclisdə
Azərbaycanın yaradıcı təşkilatlarının
nümayəndələri də çıxış etmişlər. VIII qurultayın gündəliyindən 1967-ci ilin 26 yanvarında Bakıda
Azərbaycan müəllimlərinin sayca VIII qurultayı başlamışdır.
Azərbaycan KP MK, Respublika Ali Soveti Rəyasət Heyəti
və Azərbaycan SSR Nazirlər Sovetinin təbriki ilə
açılan qurultayda maarif naziri, akademik M.Mehdizadənin
"Sov.İKP-nin XXIII qurultayının qərarları
ilə əlaqədar olaraq Azərbaycan SSR-də ümumtəhsil
məktəblərinin işinin daha da yaxşılaşdırılması
haqqında" mövzusunda məruzəsi dinlənilmişdir.
Məruzədə respublika ümumtəhsil
məktəblərinin tədris-maddi bazasının möhkəmləndirilməsi,
təlimin keyfiyyətinin yüksəldilməsi, pedaqoji elmin
inkişafı və s. məsələlər təhlil,
təqdir və ya tənqid edilmiş, qarşıda duran
vəzifələr konkretləşdirilmişdir. Qurultayda SSRİ maarif naziri, professor
M.A.Prokofyev, Azərbaycan KP MK-nın katibi Ş.Q.Qurbanov,
Bakı Xalq Maarif Şöbəsinin müdiri Y.Stolyarevskaya,
Naxçıvan MSSR-in maarif naziri M.Bəktaşi, Şamxor
RXMŞ müdiri T.Hacıyev, Bakıdakı 190 nömrəli
məktəbin direktoru S.Tağıyeva, Azərbaycan SSR ali
və orta ixtisas təhsili naziri Z.Hüseynova, Latviya SSR-in
maarif naziri M.Qedvilas, İsmayıllı RXMŞ müdiri
İ.Həsənov, Tacikistan SSR-in xalq təhsil naziri
R.Yusifbəyov, Azərbaycan SSR Dövlət Texniki Peşə
Təhsili Komitəsinin sədri T.Allahverdiyev, Estoniya SSR-in
maarif naziri F.Eysen, Azərbaycan Yazıçılar İttifaqından
H.Abbaszadə çıxış etmişlər. Qurultay həmçinin mandat komissiyasının
sədri R.Rəhimovun məruzəsini dinləmiş, geniş
məzmunda qətnamə qəbul etmişdir.
|