|
|
· Ana səhifə· Rəsmi· Heydər Əliyev Fondu· Əmrlər, sərəncamlar· Təhsil Nazirliyində· Xəbərlər· Pedaqoji yazılar· Məktəblərimiz· Bizimlə əlaqə
|
Bütün yerli təhsili idarəetmə orqanlarının rəhbərlərinə və Təhsil Nazirliyinin birbaşa tabeliyində olan ümumi təhsil müəssisələrinin direktorlarına Respublikanın ümumtəhsil
məktəblərində pedaqoji kadrların işə
qəbulu vəziyyətinin öyrənilməsi və aparılan
təhlillər göstərmişdir ki, pedaqoji kadrların seçilib
yerləşdirilməsində, onlar arasında dərs yükünün
bölünməsində hələ də ciddi nöqsanlara yol
verilməkdədir. Əksər hallarda heç bir ehtiyac olmadan
bir stavkadan, hətta 6 saatdan da aşağı dərs yükünə
müəllimlər işə qəbul edilir. Bu isə öz növbəsində
məktəblərdə kadr sıxlığının
yaranmasına və müəllim-şagird nisbətinin aşağı
düşməsinə səbəb olur. Bəzi hallarda
isə qeyri-ixtisas və ya qeyri-pedaqoji təhsilli şəxslər
də işə qəbul edilir ki, bütün bunlar son
nəticədə təhsilin keyfiyyətinə öz
mənfi təsirini göstərir. Eyni zamanda son 5 ildə respublikanın ümumtəhsil
məktəblərində müəllim və şagirdlərin
say tərkibinin müqayisəsi göstərmişdir ki,
məktəblərdə şagird kontingentinin 219 min
nəfər azalmasına baxmayaraq, müəllimlərin sayı
11 min nəfər artmış, bu isə respublika üzrə
müəllim-şagird nisbətinin 10,1-dən 8,4-ə düşməsinə
səbəb olmuşdur. Heç bir ehtiyac olmadan müəllimlərin
işə götürülməsi, onların sayının süni
surətdə şişirdilməsi müəllimlərin
əməkhaqlarının artırılmasında və
digər stimullaşdırıcı tədbirlərin
həyata keçirilməsində problemlərin yaranmasına
gətirib çıxarır. Yuxarıda qeyd olunan nöqsanların aradan qaldırılması
və müəllimlərin işə qəbulunun
səmərəli sisteminin yaradılması, bu
sahədə yeni mexanizmlərin işlənib hazırlanması
məqsədilə Təhsil Nazirliyinin 03 mart 2008-ci il
tarixli, 299 nömrəli əmrilə həmin tarixdən
pedaqoji kadrların işə qəbulu dayandırılmışdır.
ötən müddət ərzində ümumtəhsil
məktəblərinə müəllimlərin işə
qəbulunun təkmilləşdirilməsi
istiqamətində müvafiq iş aparılmış, bu
sahədə beynəlxalq təcrübə öyrənilmiş,
daha səmərəli işə qəbul mexanizminin işlənib
hazırlanması üzrə tədbirlər müəyyənləşdirilmiş,
respublikanın ümumtəhsil məktəblərində müəllim
vəzifəsi nazirliyin uçot nomenklaturasına daxil edilmişdir. Qeyd edilənlərlə əlaqədar,
2008-2009-cu tədris ilindən etibarən respublikanın ümumtəhsil
məktəblərində pedaqoji kadrların işə
qəbulunun "Təhsil Nazirliyi sisteminin vəzifə
nomenklaturası barədə" Təhsil Nazirliyinin müvafiq
əmrində müəyyənləşdirilmiş Qaydalara
uyğun həyata keçirilməsi nəzərdə tutulmuşdur.
Bu zaman aşağıdakı şərtlərə
əməl olunmalıdır:
- ümumtəhsil məktəblərində
fənlər üzrə vakant dərs saatları
barədə rəsmi məlumat təhsil şöbələri
(idarələri) və nazirliyin birbaşa tabeliyindəki
ümumi təhsil müəssisələrinin
rəhbərləri tərəfindən məktuba
əlavə olunmuş formaya uyğun nazirliyə təqdim
olunur; - məktəblər üzrə vakant dərs
saatları barədə əsaslandırılmış
təkliflər Təhsil Nazirliyinin aidiyyəti struktur bölməsi
tərəfindən araşdırılır, vakant
dərs saatı və kadra olan ehtiyac barədə kütləvi
informasiya vasitələrində müvafiq elan verilir; - vakant yerlər barədə elan əsasında
yerli təhsili idarəetmə orqanlarından və
Təhsil Nazirliyinin birbaşa tabeliyində olan təhsil müəssisələrindən
müşayiətedici məktubla Təhsil Nazirliyinə daxil
olmuş şəxsi işlərə Strateji təhlil,
planlaşdırma və kadrların idarəolunması
şöbəsində baxılır. Təhsil, pedaqoji staj, iş
təcrübəsi və s. əsas götürülməklə,
ixtisas göstəriciləri qoyulmuş
tələblərə cavab verən namizəd (və ya
namizədlərin) nazirin müvafiq razılıq məktubu
əsasında vakant yerə təyin edilməsi işəgötürən
tərəfindən rəsmiləşdirilir, onunla
əmək müqaviləsi bağlanılır. Vakant dərs saatı dedikdə
məktəbdə hər hansı fənn üzrə ümumi
dərs saatının ixtisas müəllimləri arasında
18 saatdan az olmamaq şərti ilə bölündükdən sonra
qalan 18 saatdan çox dərs saatı başa düşülməlidir. Eyni zamanda nəzərə alınmalıdır ki, məktəbdə tədris planına əsasən hər hansı bir fənn üzrə ümumi dərs yükü 18 saatdan az olduğu və ixtisaslı kadr olmadığı halda, həmin saatlar vakant kimi qəbul edilə və fənn üzrə kadrın işə qəbul olunması məsələsi qaldırıla bilər. Namizədlərin vakant yerə təqdim
olunması prosesi dövlət ali və orta ixtisas
məktəblərini bitirərək 1 və 2 nömrəli
forma üzrə birbaşa kənd məktəblərinə
təyinatla göndərilənlərə şamil olunmur. Analıq məzuniyyətinə çıxmış
müəllimin dərs yükü imkan daxilində, ilk növbədə,
həmin tədris müəssisəsində çalışan
ixtisaslı kadrlara verilməlidir. Digər hallarda isə
analaq məzuniyyətinə çıxmış müəllimin
yerinə işə götürülmüş kadrlarla maksimum 3 il müddətinə
əmək müqaviləsinin bağlanmasına icazə
verilir. Həmin müddət bitdikdən sonra əmək müqaviləsinin
şərtlərinə yenidən baxılır. Bu təlimati məktubun
tələblərinə ciddi əməl olunmasına görə
yerli təhsili idarəetmə orqanlarının və
təlim-tərbiyə müəssisələrinin
rəhbərləri bilavasitə məsuliyyət daşıyırlar. Misir MƏRDANOV, Azərbaycan Respublikasının təhsil naziri 27 avqust 2008-ci il
|