|
|
· Ana səhifə· Rəsmi· Heydər Əliyev Fondu· Əmrlər, sərəncamlar· Təhsil Nazirliyində· Xəbərlər· Pedaqoji yazılar· Məktəblərimiz· Bizimlə əlaqə
|
Yeni
dərs ili qarşısında Azərbaycan təhsilinin yeni vəzifələri Azərbaycanın
gələcək inkişafı məhz təhsillə bağlıdır. İlham ƏLİYEV, Azərbaycan Resrublikasının Prezidenti XX əsrin doxsanıncı illərində
yenidən müstəqillik qazanan Azərbaycan Respublikası
iqtisadi, sosial, mədəni inkişafı üçün dövlət
səviyyəsində siyasətini müəyyənləşdirdi
və təhsilə xüsusi önəm verdi. Təhsil cəmiyyətin ən ümdə
problemlərini özündə daşıya bilən bir sosial
prosesdir. Onun məzmun və strukturu elə hazırlanmalıdır
ki, cəmiyyətin gələcək üfüqlərinin parıltıları
oradan görünsün. Heç təsadüfi deyildir ki, ulu öndər
Heydər Əliyev təhsili müqəddəs bir sahə
kimi qiymətləndirərək demişdir: "Təhsil
millətin gələcəyidir... təhsil sahəsi müqəddəs
bir sahədir. çünki təhsil sahəsi uşaqları,
gəncləri hazırlayıb gələcəyə
əsl vətəndaş, yüksək səviyyəli mütəxəssis
etmək üçün mövcuddur". Bu fikirlər təhsil
sahəsindəki fəaliyyətlərin əsasına
gətirildi. Təhsil siyasətinin müəyyən olunmasında
onlara istinad olundu. Artıq 1995-ci ildə müstəqil
Azərbaycan Respublikasının ilk Konstitusiyası hazırlanarkən,
digər sahələrdə olduğu kimi, təhsildə
də inkişafın başlıca istiqamətləri müəyyənləşdirildi.
1999-cu ildə Azərbaycan təhsilinin
tarixində tamamilə yeni bir dövr başladı. İlk
dəfə olaraq müstəqil Azərbaycan Resrublikasında
Təhsil İslahatının
həyata keçirilməsinə zərurət yarandı.
"Azərbaycan Respublikasında təhsil sahəsində
İslahat Proqramı" təsdiq edildi və
bu islahat ölkədəki
təhsil həyatının bütün tərəflərini
əhatə etməyə başladı. Bundan
əlavə, onun tədricən,
mərhələ-mərhələ (təkamül yolu
ilə) aparılması mühüm prinsip kimi nəzərdə
tutuldu. Artıq Təhsil İslahatına başladığımız
vaxtdan doqquz il keçir. Bu illər ərzində İslahat
Proqramında müəyyən olunmuş iki bütöv
mərhələni, eyni zamanda üçüncü
mərhələdən də beş ilə yaxın bir dövrü
arxada qoymuşuq. Həmin dövrdə ilkin olaraq hüquqi-normativ
bazanın yaradılmasına, öyrədici innovasiya
mərhələsinin başa çatdırılmasına, eyni
zamanda ümumi təhsilin kurrikulumlarının hazırlanmasına
nail olunmuşdur. Azərbaycanda aparılan təhsil islahatlarının
mühüm istiqamətini ümumtəhsil məktəbi kurrikulumlarının
hazırlanması istiqamətində görülmüş işlər
təşkil edir. Təbii ki, təlimin məzmunu, forma,
metod və vasitələri istiqamətində hər zaman
araşdırmalar aparılmış, məktəbə müvafiq
istiqamətlərdə göstərişlər
verilmişdir. Lakin dünyanın qloballaşdığı,
məlumatlı cəmiyyətin yarandığı və
informatlaşdırmaya ehtiyacın olduğu hazırkı
şəraitdə təhsili daha müasir modellərlə
qurmaq, daha intensiv və informativ xarakterdə təşkil
etmək, ən vacibi cəmiyyətin tələbatlarına
uyğun zəruri kompetensiyaları müəyyənləşdirmək
tələb olunur. Bütün bunlar, dünyanın inkişaf etmiş
ölkələrində olduğu kimi, Azərbaycanda da
kurrikulum çərçivəsində təhsil standartlarını
hazırlamağı, müvafiq təhsil strategiyalarını
və qiymətləndirmə mexanizmlərini müəyyən
etməyi tələb edirdi. 1999-cu ildən başlayaraq
Azərbaycanda ümumi təhsilin durumunun öyrənilməsi
ilə bağlı aparılan araşdırmalar bu firkin doğruluğunu
meydana çıxardı. Eyni zamanda yeni məzmun, texnologiya,
qiymətləndirmə məsələlərini ehtiva
edən kurrikulum modellərindən istifadə olunmasını
əhəmiyyətli bir müddəa kimi irəli sürdü. Bu müddəaların
reallaşdırılması istiqamətində müzakirələr
aparıldı və müvafiq təklif əsasında
kurrikulumların hazırlanmasına başlanıldı. Yeni texnologiya ilə milli
səviyyədə kurrikulumun hazırlanması ölkəmizdə
ilk hadisə idi. Nəticəyönümlü xarakterə malik olan,
dəyərləri əks etdirən belə bir
sənədin hazırlanması yeni
bacarıqlar və texnologiyalar tələb edirdi. Başlıca
cəhət ondan ibarətdir ki, bu kurrikulumlarda
Azərbaycan üçün xarakterik olan, onun ehtiyac və
tələbatlarına uyğun gələn
nəticələr öz əksini tapmalı
idi.Nəticədə "Azərbaycan Respublikasında ümumi
təhsilin konsepsiyası (Milli Kurrikulumu)" hazırlandı,
geniş müzakirələrdən sonra Azərbaycan
Nazirlər Kabineti tərəfindən 2006-cı ildə
təsdiq olundu. Belə bir konseptual sənədin dünya
standartları səviyyəsində hazırlanaraq
təsdiq olunması Azərbaycan təhsil tarixində ilk
hadisə idi. Növbəti mərhələdə bu
sənədə əsasən fənn kurrikulumları hazırlandı.
İbtidai təhsilin I-IV sinifləri üçün fənn
kurrikulumları təhsil naziri tərəfindən
təsdiq edildi. Artıq yeni dərs ilində I
siniflərdə onun tətbiqinə başlanacaqdır.
Birinci sinifdə dərs deyəcək 9 minə yaxın müəllim
təlim kurslarına cəlb edildi və müvafiq sertifikat
aldı. Yeni dərs ili bizi uğurlarımızı
xatırlamağa, onlardan bəhs etməyə sövq
etməklə yanaşı, həm də görüləcək
işlər barəsində (vəzifələrimiz
barəsində) də söhbət aparmağa
istiqamətləndirir. Sentyabr
konfransı ənənəvi olsa da, o, hər il özünün
yeniliyi, orijinal cəhətləri ilə əvvəlki
illərə bənzəmir və ondan fərqlənir.
Təbii olaraq 2008-2009-cu dərs ili də bu mənada
yenidir. Azərbaycan təhsili tarixində ilk dəfə
olaraq hazırlanmış kurrikulumlar tətbiq olunmağa
başlayacaqdır. Birinci sinifdə yeni kurrikulumların
tətbiq olunması nə deməkdir? İlk növbədə, bunu Azərbaycan ümumtəhsilində
yeni təlim sisteminin, yeni məktəbin başlanğıcı
kimi qəbul etmək lazımdır. Bir vaxt
müəyyən layihə
çərçivəsində təşəbbüskar
müəllimlərin təcrübəsində sınaqdan keçən
yeni təlim texnologiyaları, fəal
təlim strukturu
artıq yeni kurrikulumların bazasında kütləvi olaraq
respublikanın bütün məktəblərində, onun
I siniflərində tətbiq olunmağa başlayır.
İlk növbədə, bu siniflərdə dərs
deyəcək müəllimlər bölmə iclaslarında
fikir mübadiləsi aparmaqla, bu baxımdan
fəaliyyətlərini planlaşdırmalı, işlərini
daha səmərəli qurmaq üçün yeni nəşr olunan
dərslikləri, onların məzmun,
struktur xüsusiyyətlərini öyrənməlidirlər. Yeri gəlmişkən, nəzərə
almaq lazımdır ki, ümumtəhsil məktəblərinin
I sinifləri üçün hazırlanmış yeni
dərsliklər məzmun və strukturuna görə
əvvəlki dərsliklərdən tamamilə
fərqlənir. Həmin dərsliklərlə işləmək
həm çətin, həm də
asandır. İlk növbədə, çətinlik onun məntiqini başa
düşmək, sistemini anlamaqla əlaqədardır. Əslində
bu işi bir az da asanlaşdırmaq üçün pedaqoji
məsələ kimi şəxsiyyətyönümlü
dərsliklərin xüsusiyyətlərinə bələd
olmaq lazımdır.Yeni dərsliklərlə işləmənin
asanlığı onların şəffaf olması, müəllim
və şagirdlərin fəaliyyətlərini bütünlükdə
əhatə edə bilməsi ilə bağlıdır.
Orada müəllimin hər bir dərs
saatında atdığı addım
istiqamətləndirilir. Şagirdlərin fəaliyyəti
idraki fəallıq baxımından müxtəlif növ çalışmalar
vasitəsilə tənzimlənir.
Yeni kurrikulumların tətbiqinə başlayan
müəllim çətinliklərlə qarşılaşacaqdır.
Bunlar onu çaşdırmamalı, daha prinsipial, öz işində
tolerant olmağa sövq etməlidir. Unutmaq olmaz ki, yeni
kurrikulumlarla işləyərkən yalnız faktları
bilmək, yadda saxlamaq, yada salaraq təkrarlamaq son hədd
hesab edilmir. Burada şagirdin inkişafı onun yaddaşında
qalanlarla deyil, düşünə bilmək, təhlil edə
bilmək, müqayisələr apara bilmək, sintez edə
bilmək, yaradıcı fəaliyyət göstərə
bilmək və s. keyfiyyətləri ilə ölçüləcəkdir.
Ona görə də təlim prosesində şagirdlərin
idraki, hissi və fiziki bacarıqlarının inkişafı
diqqət mərkəzində olmalıdır. Yeni kurrikulumların xüsusiyyətlərini
öyrənmək, tətbiqi ilə bağlı çətinlikləri
hiss etmək və bu çətinliklərin aradan qaldırılması
yollarını tapa bilmək hər bir müəllimin,
təhsil prosesinə, təhsil sisteminə rəhbərlik
edən təhsil menecerinin ümdə vəzifəsidir,
əks halda, yeni kurrikulumlar əsasında təhsilin
idarə olunmasında çətinliklər yaranacaqdır.
Bunun üçün, ilk növbədə, bu gün formalaşmaqda olan
təhsil prosesinin daha müvəffəqiyyətlə
həyata keçirilməsində təkanverici qüvvəyə
çevrilə bilən yeni pedaqoji təfəkkürə
yiyələnmək son dərəcə vacibdir. Bu, XXI
əsrin başlanğıcında təhsil işçisi kimi
fəaliyyət göstərən və
gələcəkdə də bu sahədə
fəaliyyətini davam etdirmək fikrində olan hər bir
kəs üçün zəruridir. Bunun üçün, ilk növbədə,
Azərbaycanda müasir təhsil siyasətinin mahiyyətini
dərk etmək, ən başlıcası Təhsil İslahatının
prinsiplərini (demokratikləşdirmə, humanistləşdirmə,
humanitarlaşdırma, inteqrasiya, diferensiallaşdırma,
fərdiləşdirmə), onların
məqsədlərini mənimsəmək tələb
olunur. Yeni pedaqoji təfəkkür təhsil anlayışına
tamamilə yeni müstəvidə yanaşmağı
tələb edir. Burada təhsil sadəcə bəşəriyyətin
əldə etdiyi biliklərə yiyələnmə
prosesinin nəticəsi deyildir. Şəxsiyyətyönümlü
təhsil ona bir neçə mövqedən yanaşmağı
tələb edir: təhsil dəyərdir; təhsil
sistemdir; təhsil prosesdir; təhsil nəticədir. Təlim rrosesində bizi düşündürən
mühüm bir rroblem də redaqoyi rrosesin, eləcə də
təlim rrosesinin humanist, demokratik, inteqrasiya və s.
prinsirlər əsasında qurulmasıdır. Unutmaq olmaz
ki, bu rrinsirlərə söykənən təlim rrosesi özünün
inzibati qiyafəsini dəyişərək, daha humanist
və demokratik rəng alacaqdır. Bu zaman dərs uşaqların
tələbatlarına uyğun qurulan, onların daha cox
maraq göstərdikləri bir rrosesə çevriləcəkdir.
Belə şərait özlüyündə şagirdin öyrənmə
fəaliyyətini stimullaşdıran bir vasitə rolunu
oynayacaqdır. Şagird bir şəxsiyyət olaraq
təlim rrosesinin subyekti kimi təlim tapşırıqlarının
yerinə yetirilməsində fəal çıxış
edəcəkdir. Müəllim və şagird
fəaliyyətini əhatə edən məsələnin
mahiyyət etibarilə belə şərhi əslində
təlim prosesində yeni yanaşma tərzini ifadə edir.
Bu elə bir təlim texnologiyasıdır ki, orada şagird
daha fəal subyektə çevrilərək müəllimin
fəaliyyət mexanizmini tamamlayır. Onlar hər ikisi
təlim prosesində fəal tərəfdaşlar kimi çıxış
edirlər. Məktəbin yeni idarəolunma
mexanizminə keçməsi, keyfiyyətin idarə olunması
özü də, ilk növbədə, məktəblərdən bu
məsələyə dair praktik bacarıqlar tələb
edir. Elə praktik bacarıqlar ki, keyfiyyətin idarəolunması mexanizmini
hərəkətə gətirə bilsin, keyfiyyətin
səviyyəsini müəyyən edə bilsin. Bunun üçün isə
ən vacib məsələ təhsildə keyfiyyət
anlayışını birmənalı qəbul etmək,
onun mahiyyətinə varmaq lazımdır. Bu anlayışın
mahiyyətini dərk etməzdən əvvəl onun hansı
müstəvidə şərh olunmasına diqqət
yetirilməsi problemin mahiyyətinin açıqlanmasında
əhəmiyyətli rol oynayır. Yeni təhsil quruculuğunda
valideynlərlə iş ön planda dayanır. çünki onlar
bilavasitə təhsil həyatının qurulmasında
maraqlı olan tərəflər kimi çıxış
edirlər. Onların maarifləndirilməsi təlim
prosesinin hər hansı mərhələsində yardımçı
rolunu oynamaqla, nəticələrə daha sürətlə
çatmağa səmərəli kömək göstərir. Təhsil müəssisələrinin
yenilikləri idarə etmələri bilavasitə onların
məsələlərə nə dərəcədə
yaxın olmasından asılıdır. Xüsusilə
təhsil söbələrinin nəzdində fəaliyyət
göstərən metodkabinetlərin, metodik
mərkəzlərin yeni pedaqoji təfəkkürün
tələblərinə uyğun olaraq təhsil
siyasətinin həyata keçirilməsində böyük
məsuliyyəti vardır. Onların hesabatları ilə
ilkin tanışlıq belə qənaətə
qəlməyə imkan verir ki, həmin qurumların
fəaliyyəti elmi-pedaqoji əsasda yenidən qurulmalı,
islahatın tələblərinə cavab verməlidir.
Lakin onlar, təəssüflər olsun ki, hazırda daha çox
təhsil şöbəsinin idarəçilik mexanizminə yardım
etmək funksiyasını yerinə yetirirlər. özlərinin
əsasnaməsində qeyd olunmuş pedaqoji innovasiyaların
öyrənilib yayılması, pedaqoji kadrların peşəkarlığının
ardıcıl olaraq yüksəldilməsi məqsədilə
müxtəlif çeşidli tədbirlərin keçirilməsi, müzakirələrin
aparılması və s. məsələlərə
diqqət yetirmirlər. İnnovasiyaların
məktəblərə gətirilməsində qaneedici
fəaliyyət göstərmirlər. ümumiyyətlə,
təhsil müəssisələrində, eləcə
də idarəetmə qurumlarında görülmüş işlərin
ciddi təhlilinin aparılmaması yolverilməzdir.
Belə rroblem xarakterli məsələlərdən
bəhs edən təhsil naziri, rrofessor Misir Mərdanov haqlı
olaraq qeyd edir: "Ən bəlalı cəhət ondan
ibarətdir ki, bizim təhsil ocaqlarımızda
fəaliyyətin heç bir sahəsi üzrə analitik təhlil
aparılmır". Təbii ki, belə təhlillər
aparılarsa, çatışmazlıqlar, onların
səbəbləri asanlıqla görünər və aradan qaldırılar.
Ona görə də, müasir idarəçilik mexanizmində
monitorinqlərin keçirilməsinə, analitik
təhlillərin aparılmasına geniş yer ayrılmalı,
fəaliyyət prosesində istər diaqnostik,
istərsə də korreksiya işləri aparılarkən
təhlillərin nəticəsinə istinad olunmalıdır.
2008-2009-cu dərs ilində 1 milyon 800 min
təhsil alanla (o cümlədən 1,5 milyon şagird, 200 min
tələbə, 100 min uşaqla) fəaliyyətə başlayan
Azərbaycan təhsil sistemi artıq üzərinə düşən
şərəfli missiyanı uğurla davam
etdirməyə hazırdır. Sentyabr konfranslarının
rlenar və bölmə iclaslarında bu hazırlıq işinin
mahiyyətini açıqlamaqla yanaşı, qarşıda
duran əsas vəzifələr, o cümlədən: fənn
kurrikulumlarının tətbiqi; şagird
nailiyyətlərinin qiymətləndirilməsi üzrə
yeni mexanizmlərin sınaqdan
keçirilməsi; məktəbəqədər və ümumi
təhsilin keyfiyyətinin yaxşılasdırılması;
istedadlı şagirdlərlə səmərəli iş
sisteminin yaradılması; xüsusi qayğıya ehtiyacı
olan uşaqlarla iş və de-institutlaşdırma;
tədris rroqramları və dərsliklər, metodik
xidmətin keyfiyyətinin yüksəldilməsi; redaqoyi
kadrların ixtisasının artırılması;
idarəetmənin təkmilləşdirilməsi kimi rroblem
xarakterli məsələlərin müzakirə olunması
və müvafiq əməli təkliflərin hazırlanması
tövsiyə olunur. Azərbaycanda təhsil quruculuğu davam
edir. Ona görə də müzakirələrdə təkcə
sadalanan problemlər deyil, müxtəlif bölgələrin
spesifik xüsusiyyətlərinə aid digər
məsələlər də müzakirə obyektinə çevrilməlidir.
Heç şübhə etmirik ki, həmin müzakirələrdə
əldə olunmuş nəticələr, irəli sürüləcək
təkliflər ümumiləşdiriləcək və
Təhsil Problemləri İnstitutuna göndəriləcəkdir.
Abdulla MEHRABOV, Təhsil
Problemləri İnstitutunun
direktoru,
professor, Ənvər ABBASOV, Təhsil
Problemləri İnstitutunun
direktor müavini, dosent |