|
|
· Ana səhifə· Rəsmi· Heydər Əliyev Fondu· Əmrlər, sərəncamlar· Təhsil Nazirliyində· Xəbərlər· Pedaqoji yazılar· Məktəblərimiz· Bizimlə əlaqə
|
Təhsil Nazirliyində müşavirə Oktyabrın
17-də təhsil naziri Misir Mərdanovun iştirakı
ilə 2008-2009-cu dərs ilində orta təhsil kursu üzrə
mərkəzləşdirilmiş qaydada yoxlama və buraxılış
imtahanlarının aparılması işinin
təkmilləşdirilməsi və daha
səmərəli təşkili məqsədilə bölgələrə
ezam olunan koordinatorlarla müşavirə keçirildi.
Tədbirdə təhsil nazirinin müavinləri, müvafiq şöbə
və struktur bölmələrinin rəhbərləri,
respublikanın bir sıra şəhər, rayon təhsil
şöbələrinin müdirləri və başqaları iştirak
edirdilər. Müşavirəni təhsil naziri Misir
Mərdanov açaraq son illər ölkəmizin bir sıra ümumtəhsil
məktəblərində buraxılış imtahanlarının
mərkəzləşdirilmiş qaydada keçirildiyini söylədi.
Nazir qeyd etdi ki, ötən tədris ilində Bakı, Sumqayıt,
Mingəçevir, Şirvan, Gəncə şəhərlərinin,
Abşeron, İmişli, Ucar, İsmayıllı rayonlarının,
həmçinin adları qeyd olunan şəhər və
rayonların ərazilərində fəaliyyət göstərən
məcburi köçkün rayonlarının, bu bölgələrdəki
peşə liseylərinin, ali təhsil müəssisələrinin
nəzdindəki ümumtəhsil məktəblərinin və
bilavasitə Təhsil Nazirliyi tabeliyindəki lisey və
gimnaziyaların XI (XII ) sinif şagirdləri cavab kartı
tətbiq edilməklə və nəticələri
nazirlikdə yoxlanılmaqla test sualları
əsasında mərkəzləşdirilmiş
qaydada buraxılış imtahanları veriblər.
2008-2009-cu dərs ilindən isə respublikanın bütün ümumtəhsil
məktəblərində buraxılış imtahanlarının
mərkəzləşdirilmiş qaydada test
üsulu ilə keçirilməsi
qərara alınıb. Mərkəzləşdirilmiş qaydada keçirilən
buraxılış imtahanları haqqında ictimaiyyətin
artıq məlumatlı olduğunu deyən təhsil naziri
respublikanın bütün bölgələrində həmin
məsələ ilə bağlı daha geniş hazırlıq
və təlimati işlərin aparılmasının
vacibliyini diqqətə çatdırdı. Nazir Misir
Mərdanov qeyd etdi ki, 2008-2009-cu dərs ilində orta
təhsil kursu üzrə mərkəzləşdirilmiş
qaydada yoxlama və buraxılış imtahanlarının
aparılması işinin təkmilləşdirilməsi
və daha səmərəli təşkili
məqsədilə Təhsil Nazirliyinin nümayəndələrinin,
həmin məsələylə bağlı kifayət
qədər təcrübəsi olan ayrı-ayrı mütəxəssislərin,
təhsil işçilərinin respublikanın bölgələrinə
ezam olunması nəzərdə tutulub. Təhsil naziri
respublikanın şəhər və rayonlarına
səfər edəcək koordinatorlar üçün xüsusi bir
təlimatın hazırlandığını bildirdi.
Təlimatda nəzərdə tutulan
məsələlərlə, tətbiq edilən
yeniliklərlə müşavirə iştirakçılarını
tanış edən nazir bununla bağlı bir sıra tövsiyələr
verdi. Nazir Misir Mərdanov koordinatorların ezam olunduqları
bölgələrdə görəcəkləri işlərdən
söz açdı, mərkəzləşdirilmiş qaydada keçiriləcək
yoxlama və buraxılış imtahanları ilə bağlı
yerlərdə əhalinin lazımi səviyyədə daha
ətraflı məlumatlandırılmasının,
məktəb direktorları, müəllimlər, şagirdlər
və valideynlər arasında geniş izahat işlərinin
aparılmasının zəruriliyini qeyd etdi. Nazir bu
məsələnin olduqca mühüm və gərəkli olduğunu
deyərək, müşavirədə iştirak edən
şəhər və rayon təhsil şöbə müdirlərinə
müvafiq tapşırıqlar verdi. Müşavirədə
təhsil naziri Misir Mərdanov
görüləsi digər vacib işlərə də geniş
toxunaraq öz fikir və mülahizələrini söylədi. Samirə KƏRİMOVA
|