|
|
· Ana səhifə· Rəsmi· Heydər Əliyev Fondu· Əmrlər, sərəncamlar· Təhsil Nazirliyində· Xəbərlər· Pedaqoji yazılar· Məktəblərimiz· Bizimlə əlaqə
|
Təhsil Nazirliyində müşavirə Noyabrın 5-də Təhsil Nazirliyində
"2007-2015-ci illərdə Azərbaycan gənclərinin
xarici ölkələrdə təhsili üzrə Dövlət
Proqramı" çərçivəsində görülən işlər
və mövcud problemlərə dair müşavirə keçirilib. Müşavirədə təhsil naziri Misir
Mərdanov, təhsil nazirinin müavini Elmar Qasımov,
Azərbaycan Respublikası Dövlət Neft Fondunun icraçı
direktoru Şahmar Mövsümov, Təhsil Nazirliyinin müvafiq
struktur bölmə rəhbərləri və Dövlət Neft
Fondunun bir neçə əməkdaşı iştirak
ediblər. Tədbirdə Misir Mərdanov çıxış
edərək müvafiq proqram üzrə dünyanın bir sıra
nüfuzlu təhsil qurumları ilə yaradılan
əlaqələr, bu təşkilatlarla imzalanan müqavilələr,
2 il ərzində qazanılan uğurlar barədə
məlumat verib. Əldə olunan nailiyyətlərlə
yanaşı, bir sıra problemlərin mövcudluğundan da
söz açan nazir onu da qeyd edib ki, xarici ölkələrin ali
məktəblərində oxumaq üçün
tələbələrin seçimi müvafiq sənədlər
əsasında aparılmalıdır. Misir Mərdanov azərbaycanlı
gənclərin xarici ölkələrdə təhsil
xərcləri ilə bağlı məsələyə
də toxunub və bu istiqamətdə normativ aktların
təsdiq olunmasının əhəmiyyətini bildirib. Sonra Şahmar Mövsümov Dövlət Proqramının
icrası istiqamətində qarşıya çıxan çətinliklərin
müzakirə edilməsi baxımından birgə görüşlərin
mütəmadi keçirilməsinin zəruriliyini diqqətə çatdırıb.
Ş.Mövsümov həmçinin Dövlət Neft Fondunun bir sıra
mühüm layihələr həyata keçirdiyini, "2007-2015-ci
illərdə Azərbaycan gənclərinin xarici ölkələrdə
təhsili üzrə Dövlət Proqramı"na da xüsusi önəm
verdiklərini açıqlayıb, habelə bu Proqram çərçivəsində
xaricdə təhsil alan tələbələrin təhsil
xərclərinin ödənilməsi
məsələsindən söz açıb. Müşavirə iştirakçıları müzakirə
olunan məsələyə münasibət bildirib,
eləcə də qeyd olunan Dövlət Proqramı çərçivəsində
Azərbaycan gənclərinin xaricdə təhsili ilə
bağlı xərclərə dair sənəd təsdiq
olunduqdan sonra tələbələrin təhsil və yaşayış
xərclərinin daha operativ həll olunacağına ümid
etdiklərini bildiriblər.
|