|
|
· Ana səhifə· Rəsmi· Heydər Əliyev Fondu· Əmrlər, sərəncamlar· Təhsil Nazirliyində· Xəbərlər· Pedaqoji yazılar· Məktəblərimiz· Bizimlə əlaqə
|
Sınaq imtahanının nəticələrinə dair mətbuat konfransı Fevralın 29-da Təhsil Nazirliyində
ikinci sınaq imtahanının nəticələrinə
həsr olunmuş mətbuat konfransı keçirildi. Nazirliyin
İctimaiyyətlə əlaqə şöbəsinin müdiri
Bayram Hüseynzadə konfransı açaraq media nümayəndələrini
salamladı və sözü Şagird nailiyyətlərinin
qiymətləndirilməsi şöbəsinin müdirinin müavini
Təranə Hacıyevaya verdi. öncə buraxılış imtahanlarının
mərkəzləşdirilmiş qaydada aparılmasının
əhəmiyyətindən danışan T.Hacıyeva qeyd
etdi ki, şagird nailiyyətlərinin düzgün
qiymətləndirilməsi təhsilin keyfiyyətinə
təsir edən ən başlıca amillərdən
biridir. Bu səbəbdən yeni qiymətləndirmə
sistemi (məktəbdaxili, milli, beynəlxalq
qiymətləndirmə) tətbiq olunur və
məktəbdaxili qiymətləndirmənin əsas
komponentlərindən biri də mərkəzləşdirilmiş
üsulla keçirilən buraxılış imtahanıdır. Sonra Təranə Hacıyeva
jurnalistlərə orta təhsil kursu üzrə buraxılış
imtahanına hazırlıq məqsədilə fevralın
24-də Bakının bütün rayonları, Sumqayıt,
Gəncə, Mingəçevir, Əli Bayramlı şəhərləri,
Ucar, İsmayıllı, İmişli və Abşeron
rayonlarının orta ümumtəhsil, məcburi köçkün
məktəbləri və peşə liseylərinin XI
sinif şagirdləri əhatə olunmaqla keçirilən
sınaq imtahanı haqqında məlumat verdi. Aydın oldu
ki, sınaq imtahanına 51727 şagird cəlb edilsə
də, onlardan 50128-i iştirak edib. (2 faizdən bir
qədər çoxu üzürlü səbəbdən imtahana
gəlməyib). Bakının 11 rayonunu, ölkənin 8 bölgəsini
əhatə edən bu imtahan paytaxtda 53, Sumqayıtda 10,
Gəncədə 5, Mingəçevirdə 4, Abşeronda 2,
Əli Bayramlıda 2, Ucarda 4, İmişlidə 5, İsmayıllıda
4 olmaqla, ümumilikdə 89 mərkəzdə təşkil
edilib. Hər mərkəzdə 500-1000 şagird imtahan
verib, 1000 nəfərdən çox şagirdin yerləşdirildiyi
mərkəzlərə isə iki imtahan rəhbəri
təyin edilib. (2 mərkəzdə 1100 və 1150 şagird
yerləşdirilib). Hər otaqda şagirdlərin sayı
30 nəfərdən artıq olmayıb. Yoxlama imtahanına
nəzarətçi kimi yuxarıda adıçəkilən şəhər
və rayonlarda yerləşən ümumtəhsil
məktəblərinin ibtidai sinif və qeyri-ixtisas fənn
müəllimləri cəlb olunub. İmtahanda şagirdlər
8 əsas fəndən 7 variant üzrə 125 suala cavab verib.
çətinlik dərəcəsinə görə testlər:
asan suallar - 25%, çətin suallar - 25%, orta suallar - 50%
nisbətində tərtib edilib. ümumi
nəticələrə görə müvəffəqiyyət göstəricisi
61%-dir. Cavablar Təhsil Nazirliyinin rəsmi İnternet saytında,
imtahan səhifəsində yerləşdirilib. Hər bir
şagird kodunu daxil etməklə öz nəticəsini öyrənə
bilər. Eyni zamanda bu saytda hər bir fənn üzrə
testlərin düzgün cavabları da verilib və şagirdlər
həmin şablonla müqayisə etməklə öz
səhvlərini müəyyən edə
biləcəklər. Bu yoxlama imtahanının
nəticəsi attestata yazılacaq yekun qiymətin 8 faizini
təşkil edir. Mətbuat konfransının sonunda
Təranə Hacıyeva KİV nümayəndələrinin
mərkəzləşdirilmiş üsulla keçirilən
imtahanlarla bağlı çoxsaylı suallarını cavablandırdı. Hicran ZöHRABQIZI
|