|
|
· Ana səhifə· Rəsmi· Heydər Əliyev Fondu· Əmrlər, sərəncamlar· Təhsil Nazirliyində· Xəbərlər· Pedaqoji yazılar· Məktəblərimiz· Bizimlə əlaqə
|
Gələn
ay onbirinciləri növbəti sınaq gözləyir
Aprelin 27-də Təhsil Nazirliyinin birbaşa
nəzarəti ilə Bakı, Sumqayıt, Gəncə,
Mingəçevir, Əli Bayramlı şəhərləri,
Ucar, İsmayıllı, İmişli, Abşeron rayonlarının
ümumtəhsil, məcburi köçkün məktəbləri və
peşə liseylərinin buraxılış
siniflərində orta təhsil kursu
üzrə növbəti yoxlama test imtahanı keçiriləcək.
İmtahanda şagirdlər 8 əsas fəndən 125 suala
7 variant üzrə cavab verəcəklər. Məlumat üçün bildiririk ki, keçiriləcək
yoxlama imtahanının nəticəsi attestata yazılacaq
yekun qiymətin 10 faizini təşkil edəcək. Onu da qeyd edək ki, fevralın 24-də orta
ümumtəhsil məktəblərində keçirilən ikinci
yoxlama imtahanında 52 minə yaxın şagird iştirak
edib, müvəffəq göstəricisi isə 61 faiz olub.
Azərbaycan
nümayəndə heyəti Rumıniyada səfərdə
olub
Təhsil nazirinin müavini İradə Hüseynova
fevral ayının 10-dan 15-dək Azərbaycan
Respublikası Təhsil, Əmək və Əhalinin
Sosial Müdafiəsi nazirliklərinin, Ailə, Qadın və
Uşaq Problemləri üzrə Dövlət Komitəsinin
və Açıq Cəmiyyət İnstitutunun dəstəyi
ilə Rumıniyanın Baia Mare şəhərində işgüzar
səfərdə olub. Səfərdə məqsəd Müasir
Təhsil və Tədrisə Yardım Mərkəzi
(MTTYM), Açıq Cəmiyyət İnstitutunun Əqli Sağlamlıq
Təşəbbüsü və Suraxanı rayonunda yerləşən
7 nömrəli internat məktəbin birgə reallaşdırdığı
dövlət uşaq müəssisələrindən uşaqların
ailələrə verilməsi (de-institutlaşdırma)
pilot layihəsi ilə bağlı tədbirlərin
həyata keçirilməsi, layihədə iştirak
edəcək mütəxəssislərin bilik və bacarıqlarının
artırılması, habelə təcrübə mübadiləsinin
aparılması idi. Səfərin ilk günü təşkilatçılar
Rumıniyada bu proqramın tarixi, layihə çərçivəsində
uşaqların ailələrə verilməsi və
alternativ qayğının təşkili mexanizmlərinin
yaradılması, səmərəli işləməsinin
təmin edilməsi ilə əlaqədar görülən
və gələcəkdə nəzərdə tutulan işlər
barədə tədbir iştirakçılarına ətraflı
məlumat verdilər. Sonra "Azərbaycanda de-institutlaşdırma:
mövcud vəziyyət və perspektivlər" mövzusunda
geniş məruzə ilə çıxış edən nazir
müavini ölkə Prezidenti İlham Əliyevin
rəhbərliyi altında bu sahəyə göstərilən
dövlət qayğısını diqqətə çatdırdı.
Ertəsi gün iştirakçıların Siqheti
Marmatieyə səfəri təşkil olundu. Səfər
çərçivəsində onlar "Valideyn himayəsindən
məhrum uşaqların təcili yerləşdirilməsi",
"Himayəyə ehtiyacı olan ana və uşaqlara
xidmət" və "Günərzi - Qayğı"
mərkəzləri ilə tanış oldular. Azərbaycanı təmsil edən nümayəndə
heyəti Siqhetidə yerləşən Xidmət
Mərkəzi ilə əlaqədar müzakirələrdə
fəal iştirak etdi. Bu müzakirələrdə Rumıniyada
de-institutlaşdırma proqramının həyata keçirilməsi
ilə əlaqədar yoxsulluğun aradan qaldırılması,
bu təbəqədən olan əhali üçün
xidmətlərin təşkili ilə bağlı yerli
bələdiyyə, ərazi və milli büdcə
səviyyəsində maliyyələşdirmə haqqında
geniş məlumat verildi. Tədbir iştirakçıları
səfər çərçivəsində
Baia Maredə yerləşən sağlamlıq
imkanları məhdud uşaqlar üçün
reabilitasiya mərkəzi ilə də tanış
oldular. Hicran ƏKBƏROVA
Bakı
Avropa Liseyində təqdimetmə mərasimi
Bakı Avropa Liseyi Azərbaycanda təhsil
islahatının önündə duran, istedadlı uşaqlar
üçün yaradılan yeni tipli dövlət məktəbidir.
Liseyin `bazasında zamanın tələblərinə
və təhsil prinsiplərinə cavab verən yeni
təhsil modelləri sınaqdan keçirilmiş və
tətbiq olunmuşdur. Bakı Avropa Liseyində 2005-ci
ildə yaradılmış Birləşmiş Liseyçilər
Təşkilatı (BLT) isə müstəqil, özü-özünü
idarə edən təşkilatdır. Onun əsas
prinsipləri məsuliyyətlilik, bərabərhüquqluluq,
aşkarlıq, əməkdaşlıq, kollektivçilikdir.
BLT üzvləri 10 yaşından 17 yaşına
qədər olan şagirdlərdir. Birləşmiş
Liseyçilər Təşkilatı "müstəqil dövlətlərin"
nümayəndələrindən ibarətdir. Hər sinif müstəqil
dövlət statusu daşıyır. Müstəqil dövlətlərin
hər birində prezident, vəkillər, arbitrlər, müxtəlif
nazirliklər, müstəqil nümayəndələr və
patrullar seçilir. Bu günlər Bakı Avropa Liseyində keçirilən
tədbirdə aparıcılar Birləşmiş Liseyçilər
Təşkilatının tərkibinə daxil olan 13 müstəqil
dövlətin təqdimetmə mərasimində iştirakçıları
salamladılar. Sonra təqdimetmə mərasiminin rəsmi
hissəsi başlandı. BLT-nin üzvü olan 13 dövlətin
prezidentlərinin inaqurasiya mərasimi keçirildi.
Prezidentlər hər bir sahədə liseylərinin şərəfini
qoruyacaqlarına and içdilər... Təqdimetmə mərasiminin rəsmi
hissəsi bağlı elan edildikdən sonra liseyin direktoru
Zülfiyyə Veysova uşaqları bu münasibətlə
təbrik etdi, prezidentlərə apreldə görəcəkləri
işlər barədə hesabat verəcəklərini xatırlatdı.
Bu təşkilatın rəhbəri,ingilis dili müəllimi
Kristina Əliyevaya, fənlərarası təlim proqramı
üzrə müəllim Səbinə Bayramovaya və liseyin uşaq
birliyi təşkilatının rəhbəri Gülnar
Məmmədovaya tədbiri yüksək səviyyədə
hazırladıqlarına görə təşəkkür etdi.
Sonra direktor onu da qeyd etdi ki, şagird özünüidarəetməsində
məqsəd sosial yaradıcılıq qabiliyyəti olan,
Vətənin, cəmiyyətin və öz şəxsiyyətinin
kamilləşdirilməsi üçün fəaliyyət göstərə
bilən, yüksək demokratik mədəniyyətə malik
əsl vətəndaş yetişdirməkdir. ƏDALƏT Yeni
fənn kurrikulumları əsasında dərslik hazırlanması
və nəşrinə dair tender elan olunub
2008-2009-cu tədris ilindən etibarən ölkəmizin
bütün ümumtəhsil məktəblərinin 1-ci
siniflərində yeni kurrikulumun tətbiqinə başlanılması
və bu işin mərhələli şəkildə
həyata keçirilməsi nəzərdə tutulub. Yeni
fənn kurrikulumları əsasında dərslik, müəllimlər
üçün vəsait və şagirdlər üçün iş
dəftərlərinin hazırlanması, nəşri
və çapına dair "Dövlət satınalmaları haqqında"
Azərbaycan Respublikasının Qanununa uyğun olaraq, iki
mərhələli tender elan olunub. Hazırlanacaq 13 adda
dərslik və müəllimlər üçün 21 adda vəsait
(cəmi 34 adda) dövlət, şagirdlər üçün iş
dəftərləri isə nəşriyyatların hesabına
çap olunacaq. Estafet
yarışında fərqlənənlər mükafatlandırıldı
Martın 1-də Bakının Suraxanı
rayonunda yerləşən 114 nömrəli ümumtəhsil
məktəbində Beynəlxalq
Mülki-Müdafiə gününə həsr olunmuş tədbir keçirildi. Tədbiri giriş sözü ilə açan
məktəbin direktoru Ceyran Novruzova qeyd etdi ki, mülki- müdafiənin
məqsəd və vəzifələrini bilmək indi
hər bir vətəndaşın borcudur. Düşmən
basqınları vaxtı əhalini qorumaq,
zəlzələ, torpaq sürüşmələri, sel, qasırğa,
daşqın, qar uçqunları, meşə yanğınları
və s. təbii fəlakətlərdən insanları
xilas etmək mülki-müdafiənin əsas məqsəd
və vəzifələrindəndir. Azərbaycan Respublikası Fövqəladə
Hallar Nazirliyinin tabeliyində olan mülki-müdafiə qurumları
son illər ölkə ərazisində baş vermiş bir sıra
təbii fəlakətlərin aradan qaldırılmasında
yüksək peşəkarlıq nümayiş etdirmişlər.
Suraxanı Rayonu İcra Hakimiyyətinin başçısı
İlqar Abbasov və tədbirə gələn digər
qonaqlar ümummilli lider Heydər Əliyevin anadan olmasının
85-ci ildönümünə töhfə olaraq məktəbin pedaqoji
kollektivinin arzusu ilə təşkil edilmiş
"Heydər Əliyev" Muzeyinə baxış keçirdilər.
Qonaqlar məktəbin
foyesində qoyulmuş fərdi mühafizə
vasitələri ilə də yaxından tanış
oldular. Daha sonra II, V, VI sinflərdə mülki-müdafiə
ilə bağlı "açıq dərs"lərdə
şagirdlər fövqəladə hadisə zamanı nə
edəcəkləri barədə məlumat verdilər.
Şagirdlər arasında (iki komandadan
ibarət) keçirilən estafet yarışında
fərqlənənlərə mükafat və diplomlar
təqdim olundu. Rəşad ZİYADOV
|