Şəmkir Aqroparkının tərkibində olan Logistik Mərkəzdə Azərbaycan Texnologiya Universitetinin (UTECA) Yüngül Sənaye mühəndisliyi və logistika fakultəsinin 4-cü kurs tələbəsi Səxavət Həsənlinin seminarı keçirilib. “Müasir logistika mərkəzlərinin inkişaf perspektivləri” mövzusunda seminarda mərkəzinin direktoru, mühəndisləri və aparıcı işçiləri, eləcə də UTECA-nın tələbə və müəllim heyəti iştirak ediblər.
Seminarda logistik mərkəzlərin hədəf indiqatorları, strateji baxış və perspektivlər, strateji yol xəritəsinin tətbiqi və əhəmiyyəti açıqlanıb. Həmçinin Bakı-Tbilisi dəmir yol xətti, Avropaya açılacaq dəhlizdən, Bakı limanının sonrakı dövr üçün fəaliyyətindən bəhs edilib. Məruzəçi seminar iştirakçılarının suallarını cavablandırıb.
Seminar çərçivəsində UTECA-nın müəllim və tələbə heyəti Şəmkir Aqroparkının soyuducu anbarlar bölümünə və qablaşdırma sexinə ekskursiya ediblər.