"Sertifikatlaşdırmanın proqram təminatı kifayət qədər sadədir. Gündəlik işi kompüterlə olmayan müəllim belə, sadə şəkildə bu imtahanda nəyi necə etməli olduğunu daha öncədən elan edilən təlimat əsasında öyrənə bilər".
"Azərbaycan müəllimi" xəbər verir ki, bunu Məktəbəqədər və Ümumi Təhsil üzrə Dövlət Agentliyinin direktor müavini Vəfa Yaqublu Təhsil TV-nin "360 dərəcə təhsil" proqramında qonaq olarkən deyib.
O bildirib ki, könüllülər də texniki kömək lazım olanda dəstək göstərirlər.
"Bundan əlavə, texniki dəstək heyəti də olur və kompüterdə hansısa nasazlıq olanda müdaxilə edilir, zərurət olanda kompüter dəyişdirilir və müəllimə də əlavə vaxt verilir ki, onun itirilmiş vaxtı kompensasiya edilsin".
Vəfa Yaqublu əlavə edib ki, proses kompüterlə aparıldığından şəffaf şəkildə keçir:
"Ədalətlilik məsələsinə gəldikdə, ötən il MİQ-də ayrı-ayrı seanslarda sualların təkrar olmaması üçün imtahan iştiakçılarına analoq suallar salınmışdı.
Bu səbəbdən bəzi iştirakçılar iddia edirdilər ki, birinci seansın sualları asan, ikincilər daha çətin və ya üçüncülər daha asan idi və s.
Sertifikatlaşdırmada isə bütün müəllimlər eyni suallar əsasında imtahan edilirlər. Bu da ədalətliliyi təmin etmək baxımından daha yaxşıdır".
.jpeg)
Digər xəbərlər
Digər xəbərlər tapılmadı
Qəzetimizə abunəlik
"Azərbaycan müəllimi" qəzetindən ən son xəbərləri və xüsusi təklifləri əldə etmək üçün abunə olun
Bölmələrimiz
2025 © "Azərbaycan müəllimi" qəzeti. Bütün müəllif hüquqları qorunur. Məlumatdan istifadə zamanı istinad mütləqdir. Məlumat internet səhifələrində istifadə edildikdə hiperlink qoyulmalıdır.
Şərhlər