|
· Ana səhifə· Rəsmi· Heydər Əliyev Fondu· Əmrlər, sərəncamlar· Təhsil Nazirliyində· Xəbərlər· Pedaqoji yazılar· Məktəblərimiz· Bizimlə əlaqə
|
Təlim-seminar keçmiş müəllimlərə sertifikatlar verildi İyulun
11-də "Park İNN - Azərbaycan" otelində
Təhsil Nazirliyi ilə "British Council" təşkilatının
birgə həyata keçirdikləri "İngilis
dilinin intensiv tədrisi layihəsi" üzrə
təlim-seminar keçmiş bir qrup müəllimə sertifikatların
təqdim olunması mərasimi oldu. Tədbirdə təhsil naziri Misir
Mərdanov, "British Council"ın Azərbaycandakı
direktoru xanım Nikol lə Os de Lalüvye, Təhsil
Nazirliyinin Strateji təhlil, planlaşdırma və kadrların
idarəolunması şöbəsinin müdiri Fərzəli
Qədirov, paytaxtın bir sıra ümumtəhsil
məktəblərinin direktorları, təlim-seminar keçmiş
müəllimlər və
başqaları iştirak edirdilər. Məlumat üçün bildirək ki, ingilis dili
dərslərini daha maraqlı və müasir etmək üçün
"British Council" Təhsil
Nazirliyi ilə birgə Azərbaycan müəllimləri
üçün yeni və dinamik ingilis dili təlim kursu hazırlayıb.
Yeni olan bu təşəbbüs müasir təlim metodlarını
təqdim etməklə paytaxtın ən aparıcı
60-a yaxın ingilis dili
müəlliminin səviyyəsinin
təkmilləşdirilməsini nəzərdə
tutur. Bu məqsədlə 7-11 iyul tarixlərində artıq
bir qrup müəllim "İngilis
dilinin intensiv tədrisi layihəsi" üzrə keçirilən
təlim-seminarda iştirak edib. Layihə Bakı şəhərinin 7, 23,
27 nömrəli məktəbləri, "İntellekt"
liseyi, S.C.Pişəvəri adına humanitar fənlər
gimnaziyası, "Ankara məktəbi"
məktəb-liseyi və Beynəlxalq
Təhsil Kompleksinin I və V siniflərində həyata keçiriləcək.
Həmçinin sənədə əsasən, ingilis dili
intensiv tədris edilən siniflər üçün yeni tədris
plan və proqramlarının hazırlanması,
dərsliklərin müəyyənləşdirilməsi
istiqamətində mühüm işlər görülməkdədir.
Belə ki, qısa müddət ərzində tədris planları
hazırlanıb, proqramlar tərtib edilib və bu günlərdə
təsdiq olunacaqdır. Tədbirdə
nazir Misir Mərdanov çıxış edərək ölkəmizin
ümumtəhsil məktəblərində xarici dillərin
tədrisi ilə bağlı mövcud vəziyyətdən söz
açdı. Bu istiqamətdə görülməsi vacib olan
məsələlərdən danışdı.Təhsil
naziri bildirdi ki, mövcud
problemlərin aradan qaldırılması üçün xarici
dillər intensiv tədris edilməli,bunun üçün ünsiyyət
əsaslı (kommunikativ) yanaşma metodikası tətbiq
edilməli, müəllimlərin
peşəkarlıq səviyyəsinin artırılması
sahəsində müasir və effektiv ixtisasartırma-
təkmilləşdirmə sistemi tətbiq olunmalıdır. Nazir layihənin
həyata keçirilməsi üçün adları qeyd olunan
məktəblərin seçilməsini
həmin təhsil müəssisələrində ingilis
dilinin dərindən öyrədilməsi
və lazımi kadr potensialının
olması ilə əlaqələndirərək bu
layihənin 2008-2009-cu dərs ilindən
fəaliyyətə başlayacaq akademik Zərifə Əliyeva
adına məktəbi də əhatə etdiyini
xüsusi vurğuladı. Təhsil
Nazirliyi ilə "British Council" təşkilatının
birgə həyata keçirdikləri "İngilis dilinin intensiv
tədrisi layihəsi" üzrə təlim-seminarın
əhəmiyyətinə toxunan Misir Mərdanov
bunun son nəticədə müəllimlərin peşəkarlıq
və hazırlıq səviyyəsinin artırılmasına,
bu dilin tədrisinin keyfiyyətinin yüksəldilməsinə
xidmət etdiyini söylədi. Nazir
bütövlükdə 2003-2008-ci illərdə "British
Council" təşkilatı ilə Təhsil Nazirliyinin
həyata keçirdikləri birgə layihələrin əsas
məqsədindən söz açaraq görülən işləri müsbət
qiymətləndirdi. çıxışında
digər məsələlərə də aydınlıq
gətirən təhsil naziri
sonda onları bu işdə
dəstəklədiklərinə və əməli kömək
göstərdiklərinə görə "British Council"ın
Azərbaycandakı direktoru xanım Nikol lə Os de Lalüvyeyə
və təşkilatın bütün əməkdaşlarına
öz təşəkkürünü bildirdi. "British Council"ın Azərbaycandakı
direktoru Nikol lə Os de Lalüvye keçirilmiş
təlim-seminarda azərbaycanlı müəllimlərin hazırlıq
səviyyəsindən razı qaldığını
bildirərək rəhbərlik etdiyi təşkilatla
Təhsil Nazirliyinin əməkdaşlığını
yüksək dəyərləndirdi. Bunun üçün təhsil
naziri Misir Mərdanova minnətdarlıq etdi. Tədbirin sonunda təhsil naziri Misir
Mərdanov və "British Council"ın
Azərbaycandakı direktoru Nikol lə Os de Lalüvye
tərəfindən "İngilis dilinin intensiv tədrisi
layihəsi" üzrə təlim-seminarda
iştirak etmiş ingilis
dili müəllimlərinə sertifikatlar təqdim
olundu. Samirə KƏRİMOVA |