|
· Ana səhifə· Rəsmi· Heydər Əliyev Fondu· Əmrlər, sərəncamlar· Təhsil Nazirliyində· Xəbərlər· Pedaqoji yazılar· Məktəblərimiz· Bizimlə əlaqə
|
Azərbaycan Prezidenti İlham Əliyevin sədrliyi ilə Nazirlər Kabinetinin 2008-ci ilin birinci yarısının sosial-iqtisadi inkişafının yekunlarına həsr olunmuş geniş iclası keçirilib Azərbaycan
Respublikasının təhsil naziri Misir Mərdanovun çıxışı -Zati-aliləri, möhtərəm cənab
Prezident! Hörmətli müşavirə iştirakçıları!
ölkəmizin 400 minə yaxın təhsil işçisi,
hörmətli cənab Prezident, Sizin rəhbərliyinizlə
ötən dərs ilini uğurla başa vuraraq növbəti -
daha məsul tədris ilinin ərəfəsindədir.
2008-2009-cu tədris ilinə 1 milyon 800 min təhsilalan, o cümlədən
1,5 milyon şagird, 200 min tələbə, 100 min uşaqla
başlayan təhsil sistemi üzərinə düşən
şərəfli missiyanı uğurla davam etdirmək
əzmindədir. Hörmətli cənab Prezident, icazə verin,
son illərdə təhsil sahəsində əldə
olunmuş uğurlardan bəzilərini, həyata keçirilən
proqramların nəticələrini, bu gün mövcud olan
problemləri və növbəti dərs ilində onların
həlli ilə bağlı nəzərdə tutulan addımları
yüksək diqqətinizə təqdim edim. Şübhəsiz,
son illərin ən uğurlu nəticəsi bir növbədə
300 min şagird yerlik 1360 yeni məktəb binasının
tikilməsi, 300-dək məktəbin əsaslı
təmir edilməsidir. Yalnız cari ildə 161 yeni
məktəb binası və əlavə korpuslar
tikiləcək, 129 məktəb əsaslı təmir
olunacaqdır. Beləliklə, son illərdə yeni tikilmiş
və əsaslı təmir edilmiş
məktəblərin sayı 1600-ü ötəcək, ümumilikdə
700 mindən çox şagird, yəni bütün şagirdlərin
50 faizindən çoxu müasir tələblərə cavab
verən məktəblərdə təhsil almaq imkanı
əldə edəcəkdir. Bütün bunlar yerli və
beynəlxalq ekspertlər tərəfindən Azərbaycanın
təhsil tarixində yaddaqalan hadisə kimi
qiymətləndirilir. ümummilli lider Heydər Əliyevin adını
daşıyan Fondun məktəblərin infrastrukturunun
yeniləşdirilməsi və təhsilin inkişafı
sahəsində xidmətlərini xüsusi qeyd etmək
istəyirəm. Fondun təşəbbüsü ilə son
illərdə 184 yeni məktəb binası tikilmiş, 37
məktəb əsaslı təmir olunmuş, müasir avadanlıqla
təmin edilmişdir. ötən dərs ilinin sonunda Bakı Dövlət
Universiteti, Azərbaycan Tibb Universiteti üçün yeni korpusların
inşasına, Bakı Musiqi Akademiyası və bir sıra
universitetlərin əsaslı təmirinə, qəzalı
məktəblərin bərpasına Prezidentin Ehtiyat
Fondundan 34 milyon manat vəsaitin ayrılması da Prezident
qayğısının bariz nümunəsidir. Məhz bu siyasətin nəticəsidir ki,
son illərdə təhsil sektorunun maliyyələşməsi
dinamik inkişaf etmiş, təhsilə ayrılan büdcə
2008-ci ildə 47 faiz, investisiya xərcləri isə 2
dəfədən çox artmışdır. Hörmətli cənab Prezident, onu da
diqqətinizə çatdırım ki, məktəblərin
avadanlıqla təminatı sahəsində də
əhəmiyyətli nailiyyətlər əldə edilmiş,
yeni tikilən və əsaslı təmir edilən bütün
məktəblər müasir avadanlıqla təmin olunmuşdur.
Bundan əlavə, son 3 ildə daha 325 məktəb, o cümlədən
Bakı şəhərində 200 məktəb müasir
avadanlıqla təchiz edilmişdir. Cari ildə 150
məktəbə yeni avadanlıq verilməsi də
nəzərdə tutulmuşdur. Ən uğurlu nəticələrdən
biri də təhsil müəssisələrinin müasir İKT
avadanlığı ilə təminatıdır. Sizin
təsdiq etdiyiniz Proqramın həyata keçirilməsi
nəticəsində, cənab Prezident, bu gün ümumtəhsil
məktəblərinin V-XI sinif şagirdlərinin hər
29 nəfərinə bir kompüter düşür, halbuki 4 il bundan
əvvəl bu nisbət 1047 şagirdə bir kompüter idi.
Bu istiqamətdə həyata keçirilən mühüm
tədbirlərdən biri də ölkəmizin təhsil
tarixində ilk dəfə olaraq elektron tədris resurslarının
hazırlanıb məktəblərə çatdırılması,
bir neçə məktəbdə elektron məktəb
layihəsinə başlanılmasıdır. Eyni zamanda dünyanın
İKT sahəsində tanınmış şirkətləri
ilə birgə layihələr üzrə səmərəli
əməkdaşlıq edilmiş, 20 mindən çox müəllim
və məktəb rəhbərləri treninqdən keçirilərək
müvafiq bacarıqlara yiyələnmişlər. Cənab Prezident, biz yaxşı başa düşürük
ki, məktəblərə avadanlıq verilməsi bu vacib
işin yalnız başlanğıcıdır. Əsas
məsələ bütün müəllimlərin, təhsil işçilərinin
bu avadanlıqdan bacarıqla istifadə
etmələrinə nail olmaqdan ibarətdir. Cari ilin iyun ayında təsdiq etdiyiniz Dövlət
Proqramı bu istiqamətdə atılmış mühüm addım
olmaqla təhsil sahəsində İKT-nin tətbiqi üzrə
yeni, daha yüksək və həlledici bir
mərhələnin başlanğıcı olmuşdur.
Cari ildə Proqram çərçivəsində 200
məktəbin genişzolaqlı sürətli İnternetlə
təmin olunması, DATA mərkəzinin, elektron tədris
resursları bazasının, vahid təhsil portalının
yaradılması və digər məsələlər
də nəzərdə tutulmuşdur. Ciddi problemlərdən biri də ümumtəhsil
məktəblərinin istilik sisteminin təmiri və
bərpası idi. Yeni tikilən və əsaslı
təmir olunan məktəblərdə müasir istilik sistemi
qurulmaqla yanaşı, Sizin tapşırığınıza
əsasən Bakı şəhərində 250
məktəbin istilik sistemi təmir və bərpa olunmuşdur.
Cari ildə isə Bakı, Sumqayıt şəhərlərində
və respublikanın digər şəhər və
rayonlarında daha 332 məktəbin istilik sisteminin
əsaslı təmiri başa çatdırılacaqdır. Bütün
bunlar, cənab Prezident, "Uşaqlar yaxşı
məktəblərdə oxumalı, müəllimlər
də yaxşı məktəblərdə işləməlidirlər"
tələbinizin real nəticələrindən biridir. Başqa bir məsələni də qeyd
etmək istəyirərm. Uzun illər ən ciddi problemli
sahə olan məktəbəqədər təhsilin inkişafı
istiqamətində tərəfinizdən təsdiq olunmuş
Proqram çərçivəsində ciddi addımlar atılmışdır.
ötən il Bakı şəhərində son 20 ildə ilk
dəfə olaraq 11 müasir tipli yeni uşaq bağçası
tikilib istifadəyə verilmiş, cari ildə isə 21 uşaq
bağçasının əsaslı təmirinin başa çatdırılması
nəzərdə tutulur. ümumtəhsil məktəblərinin pedaqoji
kadrlarla təminatı Proqramına əsasən 2005-2008-ci
illərdə ciddi ehtiyac olan ucqar kənd
məktəblərinə göndərilən müəllimlərin
sayı 4800 nəfərə çatıbdır və növbəti
ildə 1308 müəllimin ucqar kənd
məktəblərinə göndərilməsi
nəzərdə tutulur. Həm məzmun, həm də poliqrafiya
cəhətdən müasir tələblərə cavab
verən yeni nəsil dərsliklərin hazırlanması
və bütün şagirdlərə pulsuz çatdırılması,
bizim fikrimizcə, son illərin ən uğurlu
nəticələrindən biridir. Cari ildə 102 adda 4
milyon nüsxədən çox dərslik və müəllim üçün
dərs vəsaiti çap olunur və məktəblərə
çatdırılacaqdır. Dərsliklərlə yanaşı,
2007-ci ildə 19 adda 351 min 595 nüsxə xəritə çap
edilərək məktəblərə çatdırılmışdır.
Cənab Prezident, məktəblərin latın qrafikası
ilə çap olunmuş dərsliklər, dərs
vəsaitləri, əlavə oxu materialları ilə
təminatı problemi artıq ölkəmizdə öz
həllini tapmışdır. Sovet dövründən sonra ilk dəfə olaraq
Heydər Əliyev Fondu Təhsil Nazirliyi ilə birlikdə
bu il ayrı-ayrı fənlər üzrə 140 adda 1 milyon
400 min nüsxə əyani tədris vəsaitləri hazırlamışdır
və yeni dərs ili başlanana qədər bu
vəsaitlər məktəblərə çatdırılacaqdır.
İnkişaf etmiş ölkələrin
təcrübəsi öyrənilməklə ötən il ümumi
təhsil sistemində yeni tədris proqramının hökumət
tərəfindən təsdiq olunması bizim təhsil
tariximizdə atılmış ən mühüm addımlardan
biri hesab olunur. Həmin proqram növbəti dərs ilindən
ölkənin bütün məktəblərinin I
siniflərindən tətbiq olunacaqdır. Bununla
əlaqədar I siniflərdə dərs deyəcək 9
minədək müəllim müvafiq treninq kurslarından keçmişdir.
Bu proqramın tətbiqindən əsas məqsədimiz keçmişdə
mövcud olan, daha çox yaddaşa, hafizəyə əsaslanan
təhsil modelindən tədricən imtina olunmasından,
birbaşa təhsilalanların inkişafına, onlarda
həyati və tətbiqi bacarıqların formalaşmasına
yönəlmiş yeni təhsil modelinə keçilməsindən
ibarətdir. Eyni zamanda bu proqramın həyata keçirilməsi
təhsildə həlledici rolu olan müəllimlərin
də qarşısında yeni vəzifələr qoyur.
Əvvəlki illərdən fərqli olaraq, müasir dövrdə
müəllim daha çox əldə edilmiş biliklərin
həyati bacarıqlara çevrilməsində bələdçi,
istiqamətverici kimi qəbul olunur. İndi əsl müəllim
o şəxslərə deyirlər ki, öz biliyi, bacarığı,
davranışı, müasir təlim texnologiyalarına
yiyələnməsi, vətənpərvərliyi ilə fərqlənsin,
gənclər onların
yanına həvəslə
öyrənməyə getsinlər. ümumi orta təhsil sahəsində aparılan
məqsədyönlü islahatların nəticəsidir ki, cari
ildə ali məktəblərə qəbul imtahanlarında
məzunların nəticələri ötən ilə
nisbətən xeyli yüksəlmişdir. İlkin
təhlillərə əsasən, cənab Prezident, 2008-ci
ildə 600-dən çox bal toplayanların sayı ötən
illə nisbətdə 500 nəfərdən çox artmışdır.
Əgər ötən il 1100 nəfər idisə, bu il 1582
nəfər olmuşdur. Minimal keçid balı isə ötən
il 200 bal olub, bu il 300 bala yüksəlmişdir. ötən dərs ilinin ən yaddaqalan
hadisələrindən biri də "Ən yaxşı
ümumtəhsil məktəbi" və "Ən yaxşı
müəllim" mükafatlarının təsis edilməsi
haqqında imzaladığınız sərəncam olmuşdur.
Bu sərəncam məktəbin və müəllimin nüfuzunu
qaldırmaqla bərabər, təhsil ictimaiyyəti
tərəfindən böyük rəğbətlə qarşılanmışdır.
Artıq müsabiqə yekunlaşmışdır. ümid edirik
ki, növbəti dərs ili ərəfəsində ölkəmizin
ən yaxşı müəllimləri və ən yaxşı
məktəblərinin nümayəndələri, cənab
Prezident, mükafatları Sizin əlinizdən almaq şərəfinə
nail olacaqlar. Möhtərəm cənab Prezident, tapşırığınıza
əsasən ötən dərs ilindən respublikanın ümumtəhsil
məktəblərində məktəbli formasının
tətbiqinə başlanmışdır. İctimaiyyətin
rəğbətlə qarşıladığı bu
tədbirin şagirdlərin tərbiyəsinə,
təlimin keyfiyyətinə, cəmiyyətdə
məktəbin nüfuzuna müsbət təsiri
nəzərə alınaraq, növbəti dərs ilindən
ölkənin bütün məktəblərində məktəbli
formasına keçilməsi nəzərdə tutulur. 2008-ci ilin ən əhəmiyyətli
hadisələrindən biri də Heydər Əliyev
Fondunun prezidenti Mehriban xanım Əliyevanın təşəbbüsü
ilə Bakı şəhərində "Dünyada savadlılığın
dəstəklənməsi" mövzusunda YUNESKO-nun regional
konfransının keçirilməsi olmuşdur. Konfransda dünyanın
30 ölkəsindən təhsil sahəsində 200-dək nüfuzlu
ekspertin iştirakı və onların çıxışları,
düşünürəm ki, Azərbaycanda təhsilin inkişafında
çox əhəmiyyətli rol oynayacaqdır. Hörmətli cənab Prezident! ötən il təsdiq etdiyiniz "Texniki peşə
təhsilinin inkişafı üzrə Dövlət Proqramı"
çərçivəsində Avropa Təhsil Fondu ilə İsmayıllı
turizm və otelçilik üzrə peşə məktəbinin
yenidən qurulması, Böyük Britaniya şirkəti ilə
Bakı şəhərində avtomobil sənayesi üzrə
ixtisaslaşmış peşə təhsili müəssisəsinin
bazasında təlim mərkəzinin yaradılması,
Avstriya təşkilatı ilə Biləsuvar rayonunda
kənd təsərrüfatı sahəsi üzrə peşə
məktəbinin yaradılması, Koreya Respublikasının
"Daewoo" şirkəti ilə Bakı şəhərində
ali texniki peşə təhsili kompleksinin inşası,
YUNESKO ilə peşə təhsilinin təkmilləşdirilməsi
layihəsinin həyata keçirilməsi də
nəzərdə tutulmuşdur. Bundan əlavə, cari
ildə dövlət vəsaiti hesabına 8 peşə
məktəbinin əsaslı təmiri başa çatdırılacaq,
Qəbələdə turizm və otelçilik üzrə peşə
tədris mərkəzi fəaliyyətə başlayacaqdır.
Cəmiyyətin ahəngdar inkişafında,
onun intellektual potensialının formalaşmasında, maddi
sərvətlərin insan kapitalına çevrilməsində
ali təhsilin müstəsna rolu, əlbəttə, danılmazdır.
Cənab Prezident, Sizin sərəncamınıza
əsasən, 2008-2012-ci illərdə Azərbaycan
Respublikasının ali təhsil sistemində islahatlar üzrə
Dövlət Proqramının layihəsini hazırlayıb hökumətə
təqdim etmişik. Cənab Prezident, hörmətli müşavirə
iştirakçıları! Diqqətinizə bir faktı da çatdırmaq
istəyirəm ki, hazırda 4000 nəfər azərbaycanlı
gənc dünyanın müxtəlif ölkələrinin ali
təhsil müəssisələrində müvəffəqiyyətlə
təhsil alır. Onlardan 1000 nəfəri dövlətin hesabına
təhsil alır. Ali təhsil sahəsində aparılan
məqsədyönlü islahatların nəticəsidir ki, bu gün
ölkəmizin ali məktəblərində təhsil alan
əcnəbi tələbələrin sayı ilbəil
artmaqdadır. Müqayisə edək, 2003-cü ildə
Azərbaycanın ali məktəblərində 28 ölkədən
1850 nəfər təhsil alırdı. Bu gün 6500
nəfər əcnəbi tələbə bizim
universitetlərdə təhsillərini davam etdirir. 2007-2015-ci illərdə Azərbaycan
gənclərinin xarici ölkələrdə təhsil almalarına
dair təsdiq etdiyiniz Proqrama əsasən 100-ə yaxın
gənc dünyanın 15 ölkəsinin 45 ali
məktəbinə göndərilmişdir və cari ildə
daha 200 nəfərin göndərilməsini
nəzərdə tuturuq. Hörmətli cənab Prezident! Son illərdə təhsilin inkişafı,
bu sahədə aparılan məqsədyönlü islahatlar,
həyata keçirilən proqramlar, beynəlxalq təşkilatlarla
səmərəli əməkdaşlıq, xüsusilə
Sizin təhsilə böyük diqqət və qayğınız
bir daha əmin olmağa əsas verir ki, müasir Azərbaycan
təhsili özünün zəngin ənənələrinə
əsaslanaraq ümummilli lider Heydər Əliyevin müəyyənləşdirdiyi
və cənab Prezident, Sizin uğurla davam etdirdiyiniz
strateji kursla inkişaf edəcəkdir. ölkəmizin
tərəqqisi və davamlı inkişafı naminə
həyata keçirdiyiniz bütün strateji kurs çoxminli təhsil işçiləri
tərəfindən qətiyyətlə
dəstəklənir və gələcəkdə də
dəstəklənəcəkdir. Diqqətinizə görə təşəkkür edirəm. |