|
|
· Ana səhifə· Rəsmi· Heydər Əliyev Fondu· Əmrlər, sərəncamlar· Təhsil Nazirliyində· Xəbərlər· Pedaqoji yazılar· Məktəblərimiz· Bizimlə əlaqə
|
Fransa
Dövlət Şərq Dilləri və
Mədəniyyətləri İnstitutunda Azərbaycan dili
fakültəsi açılıb Azərbaycanın birinci xanımı, Heydər Əliyev Fondunun prezidenti, YUNESKO və İSESKO-nun xoşməramlı səfiri Mehriban Əliyeva açılış mərasimində iştirak edib Noyabrın
7-də Parisdə, Fransa Dövlət Şərq Dilləri
və Mədəniyyətləri İnstitutunda (İNALCO)
Azərbaycan dili fakültəsi açılmışdır.
Azərbaycanın birinci xanımı, Heydər Əliyev
Fondunun prezidenti, YUNESKO və İSESKO-nun xoşməramlı
səfiri Mehriban Əliyeva açılış
mərasimində iştirak etmişdir. Fransa Dövlət Şərq Dilləri və
Mədəniyyətləri İnstitutunda Mərkəzi
və Şərqi Avropa, Asiya, Sakit okean hövzəsi, Afrika
və Amerikanın aborigen xalqlarının dilləri,
həmin ərazilərdəki ölkələrin coğrafiyası,
tarixi, siyasi, iqtisadi və ictimai həyatı tədris
olunur. 1669-cu ildə, Fransa kralı XIV Lüdoviqin
hakimiyyəti dövründə əsası qoyulmuş
Gənclər Dil Məktəbi XX əsrdə institut
statusu almışdır. İkinci Dünya müharibəsindən
sonra institutda tədris olunan dillərin sayı 50-yə çatmışdı.
1971-ci ildən indiki adla adlanan institut 3-cü Paris
Universitetinin nəzdində idi. 1985-ci ildən isə müstəqildir.
Hazırda institutda 11 mindən çox tələbə
təhsil alır, burada bütün qitələri əhatə
edən 90 dil tədris olunur. Tədris olunan fənlərin
sayı isə 1500-ə çatır. Azərbaycan dili
institutun Avrasiya departamentinə daxildir. İNALCO-da Azərbaycan dili 1999-cu ildən
etibarən fakültativ (könüllü) fənn kimi tədris olunur.
Dərslər iki qrupda - 1-3-cü kurs tələbələri
üçün və "Licence" təhsil pilləsində aparılır.
Birinci qrupda hər il təxminən 15-20 tələbə
il ərzində 40 saat Azərbaycan dili dərsi keçir. Azərbaycanın birinci xanımı
Mehriban Əliyeva Azərbaycan dili fakültəsinin açılışından
əvvəl institutun rektoru Jak Löqranla görüşmüşdür.
Görüşdə institutda Azərbaycan dili fakültəsinin
açılması mühüm hadisə kimi qiymətləndirilmişdir.
Bildirilmişdir ki, bu, Fransa ilə Azərbaycan arasındakı
mədəni və humanitar əməkdaşlığın
bariz nümunəsi, eyni zamanda təhsil sahəsində
əlaqələrin inkişafına yönəlmiş tarixi
addımdır. Fransa ictimaiyyəti, institut kollektivi və
Azərbaycan diasporu nümayəndələrinin iştirakı
ilə keçirilən mərasimi institutun rektoru Jak Löqran açaraq
demişdir ki, bu mərasim yaxşı təməllər
üzərində qurulur. Bu gün iştirak etdiyimiz tədbir Dövlət
Şərq Dilləri və Mədəniyyətləri
İnstitutunun çoxəsrlik tarixində daim yadda qalacaqdır.
Biz bu təşəbbüsün həyata keçirilməsinə xüsusi
önəm veririk. Hazırkı toplantı Azərbaycanla
institutumuz arasında qurduğumuz tərəfdaşlığın
və əməkdaşlığın bariz nümunəsidir. Mərasimdə çıxış edən
Mehriban ƏLİYEVA Azərbaycan dilinə və
mədəniyyətinə göstərilən diqqətə
görə təşəkkürünü bildirərək dedi:
"Dünyada başqa belə bir institut yoxdur ki, orada 90 dil
tədris olunsun. Mən fəxr edirəm ki, zəngin
ənənələrə malik bu ali təhsil ocağında
Azərbaycan dili fakültəsi açılır. Bu gün İNALCO-da Azərbaycan dili fakültəsinin
açılması Fransada Azərbaycanın tarixi haqqında
daha geniş informasiya almağa imkan yaradacaqdır. Eyni
zamanda hesab edirəm ki, bu hadisə dövlətlərimiz arasında
olan münasibətlərə, xalqlarımız arasında
olan əlaqələrə, xoşməramlı,
mədəni dialoqun qurulmasına güclü təkan
verəcəkdir. Əsrlər boyu millətlərin, xalqların
formalaşmasında dil misilsiz rol oynayır. Azərbaycan
xalqı da çox qədim və zəngin tarixə və
mədəniyyətə malik olan bir xalqdır. Eyni zamanda
Azərbaycan müstəqil dövlət kimi çox gəncdir. Biz
Azərbaycan dilimizi qoruyub saxlamaqla, öz
ənənələrimizi, milli mənəvi
dəyərlərimizi, öz köklərimizi qoruyub saxlamışıq.
Əlbəttə, hər bir dil inkişaf edir, yeni
kəlmələrlə, yeni terminlərlə
zənginləşir. Amma biz gərək unutmayaq ki, dil özü-özlüyündə
çox dəyərli bir mədəni və tarixi
abidədir". Mehriban Əliyeva Fransa-Azərbaycan
əlaqələrinin genişləndiyini və bu
əməkdaşlığın siyasi, iqtisadi, enerji
və mədəniyyət sahələrini əhatə
etdiyini vurğuladı: - Azərbaycanda Fransa
mədəniyyətinə, tarixinə, dilinə çox böyük
diqqət və hörmət var. Bir əsrdən çoxdur ki,
Azərbaycanda fransız dili tədris edilir. İndi
Azərbaycanın 7 ali məktəbində fransız dili
və ədəbiyyatı ixtisas fənni kimi tədris
olunur, orta məktəblərdə 70 mindən çox şagird
xarici dil kimi fransız dilini öyrənir. Azərbaycanın birinci xanımı Fransa
Dövlət Şərq Dilləri və
Mədəniyyətləri İnstitutunda Azərbaycan dili
fakültəsinin ikitərəfli əməkdaşlığa
böyük töhfə verəcəyini bildirərək dedi ki,
Qərblə Şərq arasında körpü yaradan bu
institutda Azərbaycan dili fakültəsinin yaradılmasının
böyük əhəmiyyəti vardır. İNALCO-nun kollektivinə uğurlar
arzulayan Mehriban xanım Əliyeva fakültəyə
Azərbaycanda nəşr olunmuş 400-dən çox kitab bağışladığını
bildirmiş, institutun əməkdaşlarını Bakıya
dəvət etmişdir. Rektor Jak Löqran hədiyyəyə görə
təşəkkür edərək bildirmişdir ki, bu
kitablar Azərbaycan dilinin tədrisində mühüm vasitə
olacaqdır. O, ölkəmiz haqqında yüksək fikirlər
söyləmiş, Heydər Əliyev Fondunun
mədəniyyət və təhsil sahəsindəki
xidmətlərini vurğulamışdır. Rektor demişdir
ki, rəhbərlik etdiyi institut müxtəlif xalqlar arasında
körpü rolunu oynayır. Azərbaycan özü də tarix boyu
Şərqlə Qərb arasında körpü olubdur. "Bakı
müxtəlif xalqları təmsil edən ədiblərin ürəyində
xüsusi yer tutub", - deyən Jak Löqran bildirmişdir ki, bu
institut həm də mədəni irsin qoruyucusu funksiyasını
yerinə yetirir. Sonra çıxış edən institutda
Azərbaycan dilini tədris edən müəllim Jil Otye
hər il üç ay ölkəmizdə səfərdə olduğunu
və Azərbaycanda yaşayan kiçik xalqların
dillərini tədqiq etdiyini bildirmişdir. O demişdir ki,
qırız, budıq və xınalıq dillərini
tədqiq edərkən, ölkəmizin mədəniyyəti,
tarixi və ədəbiyyatı ilə yaxından tanış
olmuşdur. Belə bir qənaətə gəlmişdir
ki, dünyanın ən gözəl dili Xəzər
sahillərində, Kür və Araz çaylarının qovuşuğunda
danışılır. Jil Otye Mehriban xanım Əliyevaya
bu missiyanın reallaşmasında xidmətinə görə
təşəkkür etmişdir. Jil Otye daha sonra demişdir: - İndi Xınalığa
gözəl asfalt yol var. Hər kənddə yeni
məktəb tikilib. Bu il sentyabr ayında Quba rayonundakı
kiçik bir kəndin yeni məktəbində 10 ədəd
təzə kompüteri, kitabxanasında isə yenicə
gətirilmiş 3 min təzə kitabı öz gözlərimlə
görə bildim. Hörmətli Mehriban xanım, bu yeni
məktəbi iyun ayında Siz açmışsınız. çox
kiçik bir kənd olsa belə, orada yeni bir məktəb
tikdirməyi qarşıya vacib bir məsələ kimi
qoydunuz. Sonra Heydər Əliyev Fondunun da köməyi ilə
və Sizin himayənizlə ən çalışqan
universitet tələbələri və məzunları
xaricə göndərilməyə başladılar.
Nəhayət, bu gün uzaq Parisin mərkəzində
yerləşən qədim ali məktəbimizi ziyarət
etmək və Azərbaycan dilini tədris
edənlərə kömək göstərmək üçün buraya
gəldiniz. ümidvaram ki, İNALCO-da Azərbaycan dilinin
tədrisi üçün təyin ediləcək yeni müəllim bu böyük
və vacib vəzifəyə layiq olacaqdır. Mərasimə dəvət olunan yüksək
səviyyəli qonaqlar Mehriban xanımla söhbətlərində
institutda Azərbaycan dili fakültəsinin
fəaliyyətə başlamasının Avropanın
mədəniyyət mərkəzi olan Fransada Azərbaycanın
təbliği baxımından xüsusi əhəmiyyət daşıdığını
bildirmişlər. Onlar Azərbaycanın birinci xanımına
bu təşəbbüsünə görə təşəkkür
etmişlər. Mərasimdə M.V.Lomonosov adına Moskva Dövlət
Universitetinin Bakı filialının rektoru Nərgiz Paşayeva,
Azərbaycanın Fransadakı səfiri Tarik Əliyev, ölkəmizin
YUNESKO yanındakı daimi nümayəndəsi, səfir
Eleonora Hüseynova iştirak etmişlər. AzərTAc
Görkəmli ədib, alim, pedaqoq Mir Cəlal Paşayevin 100 illiyi YUNESKO səviyyəsində qeyd olunub Azərbaycanın birinci xanımı
Mehriban Əliyeva mərasimdə iştirak edib Noyabrın
10-da Parisdə, YUNESKO-nun iqamətgahında XX əsr
Azərbaycan ədəbiyyatının görkəmli nümayəndəsi,
alim, pedaqoq Mir Cəlal Paşayevin 100 illiyinə həsr
olunmuş mərasim keçirilmişdir. YUNESKO səviyyəsində keçirilən
yubiley mərasimində Azərbaycanın birinci xanımı
Mehriban Əliyeva iştirak etmişdir. XX əsr Azərbaycan ədəbiyyatında,
elmində müstəsna xidmətlər göstərən Mir
Cəlal Paşayevin 100 illiyinin YUNESKO
səviyyəsində qeyd olunması, ilk növbədə,
Azərbaycan elminə, mədəniyyətinə və
ədəbiyyatına dünya miqyasında verilən önəmin
və dəyərin təzahürüdür. 2008-2009-cu
illərdə YUNESKO-nun dünya miqyaslı hadisələrin
və şəxsiyyətlərin yubileylərinin qeyd
olunması ilə bağlı qərarına Mir Cəlal
Paşayevin də adının daxil edilməsi həm
də Azərbaycan-YUNESKO əməkdaşlığının
inkişafının bariz nümunəsidir. Azərbaycanın
birinci xanımı Mehriban Əliyevanın YUNESKO-nun xoşməramlı
səfiri kimi bu sahədə geniş və
səmərəli fəaliyyəti qurumla ölkəmiz arasında
əlaqələrin inkişafına mühüm töhfə verir. YUNESKO-nun iqamətgahına gələn
Mehriban xanım Əliyevanı qurumun Baş direktoru Koişiro
Matsuura və digər rəsmi şəxslər
səmimiyyətlə qarşılamışlar. Koişiro Matsuura və Mehriban xanım
əvvəlcə Mir Cəlal Paşayevin həyat və
yaradıcılığından bəhs edən sərgi
ilə tanış olmuşlar. Azərbaycanın görkəmli
yazıçısı və aliminin müxtəlif illərdə
çəkilmiş fotolarında onun zəngin həyat və
fəaliyyətinin ən maraqlı məqamları əks
olunmuşdur. Bu fotolarda görkəmli yazıçının dövrünün
görkəmli ziyalıları ilə görüşlərini yaşadan
məqamlar, ailə üzvləri ilə şirin
xatirələr yaşanır. Sərgidə yazıçının
həm Azərbaycanda, həm də xaricdə nəşr
edilmiş əsərləri də təqdim olunmuşdu. Görkəmli yazıçının
əsərləri bir neçə nəslin
tərbiyəsində, maariflənməsində və dünyabaxışının
formalaşmasında mühüm rol oynamışdır. Mir
Cəlal Paşayev həm də alimliyi, müəllimliyi,
ziyalılığı ilə Azərbaycanın fikir
tarixində xüsusi yer tutur. Odur ki, bu böyük ziyalının
yubileyinin YUNESKO səviyyəsində qeyd edilməsinin xüsusi
mənası və özəlliyi var. Yubiley mərasimini açan YUNESKO-nun Baş
direktoru Koişiro Matsuura demişdir ki, Azərbaycan xalqının
böyük alimi və yazıçısı Mir Cəlal Paşayevin
100 illiyinin YUNESKO səviyyəsində qeyd edilməsi
qurumun ənənələrinə uyğundur. çünki
YUNESKO ilə Azərbaycan arasında güclü əməkdaşlıq
var və bu münasibətlər müxtəlif sahələri
əhatə edir. Bu əməkdaşlığın
qurulması və inkişafında Azərbaycanın
birinci xanımı, YUNESKO-nun xoşməramlı
səfiri Mehriban Əliyevanın xidmətləri xüsusi vurğulanmalıdır.
Baş direktor bildirmişdir ki, Mir Cəlal Paşayevin 100
illiyinin YUNESKO-da qeyd edilməsi də qurumla Azərbaycan
arasındakı uğurlu əməkdaşlığın
nümunəsidir. Sonra çıxış edən Azərbaycanın
birinci xanımı Mehriban Əliyeva xalqımızın
zəngin mədəni dəyərləri olduğunu vurğulayaraq
bildirmişdir ki, çox böyük ədəbi irsə malik olan
Azərbaycan böyük alimlər, mütəfəkkirlər
nəsli yetişdiribdir. Mir Cəlal Paşayevin
ədəbi və elmi yaradıcılığının
xarakterik xüsusiyyətlərindən danışan Mehriban
xanım demişdir ki, onun əsərləri bütöv bir dövrün
mənzərəsini yaradır. O, böyük pedaqoq kimi
Azərbaycan cəmiyyəti üçün minlərlə açıqfikirli
tələbə yetişdirmişdir. Mehriban Əliyeva başda YUNESKO
rəhbərliyi olmaqla, yubiley mərasiminin keçirilməsində
əməyi olan bütün insanlara təşəkkürünü
bildirmişdir. Sonra Mir Cəlal Paşayevin həyat və
yaradıcılığından bəhs edən film nümayiş
olunmuşdur. Mərasim "Könül dolusu musiqi" adlı
konsert proqramı ilə davam etdirilmişdir. Dirijor, xalq
artisti Rauf Abdullayevin idarəsi ilə Azərbaycan Dövlət
Simfonik Orkestri Azərbaycan və Avropa bəstəkarlarının
əsərlərindən ibarət konsert proqramı
təqdim etmişdir. Yubiley mərasiminə dəvət olunmuş
Fransa Senatının keçmiş sədri Kristian Ponsöle
Azərbaycan xalqının görkəmli ziyalısı Mir
Cəlal Paşayevin 100 illiyi münasibətilə Mehriban xanım
Əliyevanı təbrik etmiş, bu mərasimdən aldığı
yüksək təəssüratın ölkəmizə olan rəğbətini
daha da artırdığını vurğulamışdır.
Mərasimdən sonra YUNESKO-nun iqamətgahında
Azərbaycanın birinci xanımı Mehriban Əliyevanın
adından Mir Cəlal Paşayevin 100 illik yubiley
mərasimində iştirak edən qonaqların şərəfinə
ziyafət verilmişdir. AzərTAc
|