|
|
· Ana səhifə· Rəsmi· Heydər Əliyev Fondu· Əmrlər, sərəncamlar· Təhsil Nazirliyində· Xəbərlər· Pedaqoji yazılar· Məktəblərimiz· Bizimlə əlaqə
|
Türkiyənin Ceyhan şəhərində Heydər Əliyev adına liseyin açılışı olub Noyabrın 8-də Türkiyənin Ceyhan şəhərində
Heydər Əliyev adına liseyin açılış
mərasimi olmuşdur. Mərasimdə Azərbaycan Prezidentinin
İcra Aparatının İctimai-siyasi
məsələlər şöbəsinin müdiri Əli
Həsənov, Türkiyənin milli təhsil naziri Hüseyn çəlik,
ARDNŞ-in prezidenti Rövnəq Abdullayev, respublika təhsil
nazirinin müavini Elmar Qasımov, Adana valisi İlhan Atış,
ölkəmizin Türkiyədəki səfiri Zakir Həşimov
və digər rəsmi şəxslər iştirak etmişlər.
Mərasimi açan nazir Hüseyn çəlik 600
şagird yerlik liseyin dördmərtəbəli binasının
tikintisinin bu ilin may ayında ARDNŞ-in prezidenti Rövnəq
Abdullayev ilə imzalanmış protokol əsasında 5 ay
müddətində tamamlandığını, "bir
millət, iki dövlət" kəlamı ilə xalqlarımızın
qardaşlığını daha da möhkəmləndirən
dahi şəxsiyyət Heydər Əliyevin adını daşıyan
bu təhsil ocağının Ceyhan sakinlərinə böyük
töhfə olduğunu bildirmişdir. Mövlana Cəlaləddin
Ruminin "Eyni dildə danışanlar deyil, eyni şeyi
hiss edənlər yaxşı anlaşa bilirlər" sözlərini
xatırladan nazir demişdir ki, biz azərbaycanlı qardaşlarımızla
həm eyni dildə danışır, həm də eyni
şeyləri hiss edirik. Bu liseydə təhsil alanlar daim
Heydər Əliyevi rəhmətlə anacaqlar. Burada yetişən
uşaqlar onun adı ilə yaşayacaqlar. Prezidentin İcra Aparatının İctimai-siyasi
məsələlər şöbəsinin müdiri Əli
Həsənov çıxışında demişdir ki, indi dövrümüz
müharibələr deyil, elm və texnologiya dövrüdür. Bütün
dünyada türk xalqlarının da zirvələrə çatması
yalnız təhsillə bağlı olacaqdır. Ceyhanı
indi bütün dünya tanıyır. Mən nə vaxtsa bu
məktəbdən Türkiyənin nazirlərinin və
idarəçilərinin çıxacağına inanıram. Azərbaycan təhsil nazirinin müavini Elmar
Qasımov iki ölkə arasında təhsil sahəsində
əməkdaşlıqdan bəhs etmişdir. O bildirmişdir
ki, hazırda Azərbaycanda 4 min türk, Türkiyədə
isə 4 min azərbaycanlı tələbə təhsil alır.
Açılış mərasimindən sonra Hüseyn
çəlik və Əli Həsənov ulu öndər Heydər
Əliyevin liseydəki büstünün önünə gül qoydular,
yadigar olaraq bir-birinə xatirə hədiyyələri
təqdim etdilər.
Görkəmli
filosofun yubileyi qeyd edildi
Bu günlərdə Azərbaycan Müəllimlər
İnstitutunda Azərbaycanın görkəmli filosof alimi, SSRİ
Dövlət mükafatı laureatı, akademik Heydər
Nəcəf oğlu Hüseynovun 100 illik yubileyinə həsr
olunmuş "dəyirmi masa" keçirildi. İnstitutun
professor-müəllim heyəti və
tələbələrinin iştirak etdiyi tədbiri giriş
sözü ilə AMİ-nin rektoru, professor Aqiyə Naxçıvanlı
açdı. O, görkəmli filosofun ömür yoluna
nəzər salaraq, onun dialektik və tarixi materializmə
dair əsərlərinin ali məktəb üçün
Azərbaycan dilində ilk dərslik olmasından, ADU-nun
tarix fakültəsi nəzdində ilk fəlsəfə şöbəsində
təşkilatçılığından, eləcə də
ölkəmizdə fəlsəfə üzrə kadrların yetişdirilməsində
mühüm xidmətlərindən danışdı. İctimai fənlər kafedrasının müdiri,
professor Vaqif Piriyevin, ixtisasartırma və yenidənhazırlanma
fakültəsinin dekanı, filologiya elmləri namizədi,
dosent Telman Haqvediyevin, pedaqoji fakültənin I kurs
tələbəsi Allahverdi Hüseynovun Heydər Hüseynovun
həyat və yaradıcılığı,
fəlsəfi düşüncələri, ictimai-fəlsəfi
fəaliyyəti haqqında çıxışları və
tələbələrin çoxsaylı sualları Heydər Hüseynovun
keçdiyi ömür yolunun maraqla öyrənildiyindən xəbər
verirdi.
|