|
|
· Ana səhifə· Rəsmi· Heydər Əliyev Fondu· Əmrlər, sərəncamlar· Təhsil Nazirliyində· Xəbərlər· Pedaqoji yazılar· Məktəblərimiz· Bizimlə əlaqə
|
Məktəb rəhbərləri valideynlərlə əlaqəni vacib hesab edirlər Tədqiqatlar nəticəsində müəyyən
edilmişdir ki, müasir dövrdə məktəbin
fəaliyyətinin təşkili, idarə olunması,
problemlərinin həlli prosesinə valideynlərin daha
fəal cəlb olunması təhsilin və
tərbiyənin inkişafına müsbət təsir göstərə
bilər. Görəsən, məktəblərimizdə uşaqların
yaxşı təhsil almalarında,
təlim-tərbiyəsində valideynin köməyindən
necə istifadə olunur? Bakıdakı 47 nömrəli orta ümumtəhsil
məktəbinin direktoru Aytən Bağırova dedi ki,
məktəbdə yaranan problemlərin həllində
valideynlər də kömək göstərirlər. Biz
valideynlərlə sıx əlaqə saxlayırıq.
Hər rübün sonunda valideynləri məktəbə
dəvət edir, övladlarının problemləri ilə bağlı
söhbətlər aparırıq. Siniflərin hər
birində valideyn komitəsi yaradılıb. Bununla
yanaşı, sinif rəhbərləri də həmişə
valideynlərlə sıx əlaqədədir. Paytaxtın 42
nömrəli orta ümumtəhsil məktəbinin direktoru
Firəngiz Həmidovanın sözlərinə görə,
valideynlərlə sıx əlaqə uşağın
təhsili və təlim-tərbiyəsi üçün vacibdir. Bir
neçə gün bundan əvvəl biz yuxarı siniflərin
valideynləri ilə görüşmüşük. Onlara uşaqlarının
problemləri haqqında ətraflı məlumat vermişik.
Buna baxmayaraq, elə valideynlər də var ki, onlarla
işləmək çox çətindir. Keçirdiyimiz iclaslarda aşağı
sinif şagirdlərinin valideynləri çox fəal iştirak
etdikləri halda, X-XI siniflər üzrə bu göstərici,
nədənsə, aşağı səviyyədədir.
ümumiyyətlə, məktəbə ataların gəlişindən
sonra uşağın təlim-tərbiyəsindəki
qüsurlar müəyyən qədər aradan qalxır. Bakıdakı 20 nömrəli orta ümumtəhsil
məktəbinin direktoru Əkbər Qocayev valideyn uşağı
ilə daim maraqlansa, onun təhsilində və
təlim-tərbiyəsində heç bir problem olmaz,
qənaətini bizimlə bölüşür:
Məktəbimizdə valideyn iclası keçiririk.
Valideynlərlə görüşdükdən sonra uşaqlarda müsbətə
doğru dönüş yarandığını hiss edirik. Paytaxtdakı 36 nömrəli orta ümumtəhsil
məktəbinin direktoru İradə Babayeva da
valideynlərlə sıx əlaqədə olduqlarını
dedi. Bildirdi ki, məktəbdə ildə dörd dəfə
valideynlərlə görüşmək üçün "açıq qapı"
günləri təşkil olunur. Uşaqların
problemlərinin həllində valideynlər bizə kömək
göstərirlər. Bizim birgə işimizdən sonra uşağın
təlim-tərbiyəsi ilə bağlı problemlər öz
həllini tapır. Elə valideynlər də var ki, müəyyən
səbəblərdən onlar məktəbə gəlib uşaqları
ilə maraqlana bilmirlər. Həmin valideynlərlə
sinif rəhbərləri evlərində görüşür, uşaqlarının
problemləri haqqında məlumat verirlər. Rəşad ZİYADOV |