|
|
· Ana səhifə· Rəsmi· Heydər Əliyev Fondu· Əmrlər, sərəncamlar· Təhsil Nazirliyində· Xəbərlər· Pedaqoji yazılar· Məktəblərimiz· Bizimlə əlaqə
|
"Vətən
dərsi" deyəndə... Ailə, məktəb, ətraf mühit övladlarımızın
tərbiyəsinə təsir göstərən başlıca
amillərdir. Təbii ki, hər
birimiz onun gələcəyindən nigaranıq. Təsəvvür etmirəm, elə bir müəllim,
valideyn tapılsın ki, şagirdinin,
uşağının tərbiyəsinə
biganə qalsın. Amma
bilirsinizmi, bu tərbiyəni nə bütövləşdirir?!
Əlbəttə ki, Vətənə,
torpağa məhəbbət və sevgi, ona sədaqət.
Yəqin ki, mənimlə razılaşarsınız ki,
indiki nəsil vətənpərvərlik ruhundan
yetərincə uzaq böyüyür. Buna çox şey təsir göstərir.
Xüsusilə, ekranı gecə-gündüz sönmək
bilməyən televizorlarda uşaqlarımız torpaq,
Vətən haqqında müxtəlif verilişlərə
həsrət qalıb,
indi daha çox bayağı şou verilişləri könül
bulandırır. Uşaqlarımız biz özümüz də
bilmədən, hiss etmədən bu bataqlıqda batırlar.
Daha yetər, "Vətən dərsi" keçməyin
vaxtıdır. Səbail
rayonundakı 189 nömrəli
məktəbin müəllim və şagird kollektivi
artıq 2001-ci ildən həyəcan təbili çalaraq
təkcə kiçiklərə yox, eləcə də böyüklərə
"Vətən dərsi" keçir.
2001-ci ildə Azərbaycan dili və
ədəbiyyat müəllimi Şəhla Gündüzün
rəhbərliyi altında fəaliyyət göstərən
"İstedad" studiyası
əsl vətənpərvərlər yetişdirir.
İndiyədək məktəbdə "Vətən
dərsi" adı altında müxtəlif mövzularda
silsilə tədbirlər keçirilib. Həmin
dərslərin təşəbbüskarı və təşkilatçısı,
ssenari müəllifi və rejissoru Şəhla Gündüzdür.
"İstedad" uşaq studiyasının üzvləri öz
rollarının öhdəsindən əsl aktyor kimi
gəlirlər, böyüklərə müraciət edərək,
ana Vətən üçün əllərindən
gələni əsirgəməməyə çağırırlar.
çünki bir müddət keçəcək, bu torpağı
sevmək və qorumaq üçün
onların da zamanı yetişəcək, döyüş və
əzmkarlıq göstərmək zamanı.
Necə edək ki, uşaqlarımız
vətənpərvər böyüsünlər? öz keçmişlərini
öyrənsinlər, tarixi unutmasınlar. Təkcə qınaq
hədəfi uşaqlar deyil, elə biz özümüz -
böyüklər də bu
hisslərdən uzağıq. Ona görə hər birimiz
"Vətən dərsi" keçməliyik. Məktəbin direktoru Bela Cəlilova deyir
ki, hər tədbirimiz
böyük anşlaqla keçir. Zalda boş yer tapa bilməzsən.
200 insanın gözünə
və qəlbinə elə bir hisslər dolur
ki, tədbirdən günlər keçsə belə, bu gözəl
duyğulardan xilas ola bilmirsən. Hər dəfə
Vətəni daha çox sevməyi öyrənirsən. Bu sevgi
sənin qanına və canına hopur. I "Vətən dərsi"nin mövzusu
"Haqq yoludur tutduğumuz yol", II-si "Mən
Vətənin daşıyam", III-sü "Azərbaycan-türk
xatunları", IV
"Vətən dərsi"nin mövzusu isə
"Sərhəddən o yankı Vətən" adlanıb.
"İstedad" studiyasının ölməz şairlərimiz
- Cəfər Cabbarlı, Mikayıl Müşfiqlə
bağlı yaddaqalan yubiley gecələri də
təqdirəlayiqdir. Ən önəmlisi isə bu
tədbirlərin bənzərsiz olmasıdır. Burada
səslənən şeirlər, qurulan
səhnəciklər, oxunan mahnılar təkrarsızdır.
Bu obrazları yaradanlar və hər kəsin içində yaşatmağa
can atanlar isə Aytac İsmayılova, Fizzə
Mirzəyeva, Şəhriyar Nağızadə,
Aydan İsmayılzadə, Həsənbala
Hüseynov, Nərgiz Qədirli, Rüfət İsmayılov
və "İstedad" studiyasının digər
fəal üzvləridir. Bu
balalar əsl vətənpərvərlər kimi böyüyürlər.
İndi "istedadlar" Şəhla müəllimin
növbəti "Ay dil yiyəsi" adlı layihəsi üzərində
işləməyə hazırlaşırlar. Bu, hər
bir azərbaycanlının öz dilinə sahib çıxmasına
doğru bir çağırışdır: "Dilimizi
bilək, sevək və göz bəbəyimiz kimi
qoruyaq". Qarşıda duran planlar çoxdur.
"Vətən dərsi" hələ çox
mətləblərə aydınlıq
gətirəcək, qəlbləri titrədəcək. Aynur GüLüSTAN
|