|
|
· Ana səhifə· Rəsmi· Heydər Əliyev Fondu· Əmrlər, sərəncamlar· Təhsil Nazirliyində· Xəbərlər· Pedaqoji yazılar· Məktəblərimiz· Bizimlə əlaqə
|
Paytaxtın
daha bir məktəbi yubileyini qeyd etdi Xətai rayonundakı
Ayaz Məhərrəmov adına 95 nömrəli
məktəbin 30 yaşı tamam oldu. Bu münasibətlə
təhsil ocağında yubiley tədbiri keçirildi. Tədbir iştirakçılarını
salamlayan məktəbin direktoru Tahir Süleymanov
məktəbin 30 illik tarixi dövründə qazandığı
uğurlardan bəhs
etdi. Bildirdi ki, 95 nömrəli
məktəb 1977-ci ildə istifadəyə verilib.
Məktəbin ilk direktoru
Həsənxan Ağayev olub.
Fəaliyyətə başladığı ildə
məktəbdə 10
sinifdə 123 şagird təhsil alıb. 22 müəllim çalışıb.
Sonralar məktəb
inkişaf edərək ən yaxşı
təlim-tərbiyə müəssisələrindən
birinə çevrilib. Fəaliyyət göstərdiyi dövr
ərzində məktəbin pedaqoji kollektivi bütün qüvvələri
səfərbər edərək gənc nəslin
təlim-tərbiyəsi işini dövrün
tələbləri səviyyəsində qurub, dövlətin
təhsil siyasətinin yerinə yetirilməsinə layiqli töhfəsini
verib. Məktəbdə
fəaliyyət planına müvafiq olaraq istedadlı şagirdlərin
aşkara çıxarılması istiqamətində
məqsədyönlü işlər həyata keçirilib. Nəticədə təhsil ocağının
şagirdləri bilik yarışlarında, fənn
olimpiadalarında, müsabiqələrdə, idman
turnirlərində bir sıra uğurlar qazanıb.
2001-2002-ci dərs ilində məktəbin IX
sinif şagirdi Heyran Əliyeva
biologiya fənni üzrə olimpiadanın respublika
turunda II yerə layiq görülərək Təhsil Nazirliyinin
ikinci dərəcəli diplomu ilə təltif edilib.
Bakı Şəhəri üzrə Təhsil İdarəsinin
2007-ci ilin dekabrında keçirdiyi "Bilik yarışı"nın
rayon turunda 6 şagird fərqlənmə diplomu alıb, 3
şagird isə şəhər turunda iştirak etmək
hüququ qazanıb. Bu
illər ərzində məktəbin məzunlarından 4-ü
qızıl, 12-si isə
gümüş medala layiq görülüb. Hazırda burada işləyən müəllimlərdən
8 nəfəri məktəbin öz məzunlarıdır.
Məktəbin bacarıqlı müəllimləri Təhsil
Nazirliyi və Bakı Şəhəri üzrə Təhsil
İdarəsinin elan etdikləri yarış və müsabiqələrdə
yaxından iştirak edərək müxtəlif
mükafatlara layiq görülmüşlər.
Məktəbin kimya müəllimi Sona Abbasova "İlin
ən yaxşı müəllimi" müsabiqəsində
respublika üzrə 2-ci yeri tutaraq fəxri
fərmanla təltif edilib. Məktəb şəhidlik zirvəsinə
yüksəlmiş qəhrəman
məzunları ilə fəxr edir. Ayaz
Məhərrəmov və Mehman
Yaralıyev Qarabağda torpaqlarımızın azad
edilməsi uğrunda gedən döyüşlərdə
qəhrəmanlıqla həlak
olublar. Xətai Rayon İcra Hakimiyyəti başçısının
birinci müavini Zaməddin Əkbərov təbrik çıxışında
bu təhsil ocağının digərləri
ilə müqayisədə öndə olduğunu
nəzərə çatdırdı, uğurlardan danışdı.
Qeyd etdi ki, məktəbin məzunları hər il
qəbul imtahanlarında yüksək
bal toplayaraq ölkənin ali məktəblərinə
qəbul olurlar. Bakı Şəhəri üzrə Təhsil
İdarəsinin ümumtəhsil şöbəsinin müdiri Fürudin
Həmzəyev çıxışında qeyd etdi ki,
təhsil ocağı çoxlu savadlı kadrlar yetişdirib.
Bu məktəbin qarşıda böyük gələcəyi
var. Digər təbrik çıxışlarında
da təhsil ocağının ünvanına xoş sözlər
deyildi. Mərasimin sonunda fərqlənən müəllimlərə
diplomlar verildi, şagirdlərin iştirakı ilə
konsert proqramı nümayiş olundu. Şagirdlər
məktəbləri haqqında yazdıqları şeirləri
səsləndirdilər. Rəşad ZİYADOV
Kəskin
hava şəraitinə baxmayaraq məktəblərdə
tədris prosesi davam edir Son günlər havaların kəskin soyuması,
ölkəmizin ərazisində yağan güclü qar bir sıra
problemlər yaratmaqla əhalinin gündəlik həyat
rejimini pozub. Yollar buz bağladığından gediş-gəliş
çətinləşib, nəqliyyatın hərəkət
intensivliyi aşağı düşüb. Bütün bunlar, təbii
ki, idarə və müəssisələrin, o cümlədən
təhsil ocaqlarının normal fəaliyyətinə
də öz mənfi təsirini göstərib. Yaranmış
ekstremal vəziyyət nəzərə alınaraq yanvarın
7-də Azərbaycan Respublikasının Təhsil Nazirliyi
üzrə verilmiş xüsusi əmrlə ölkənin ümumtəhsil
məktəblərində və
məktəbəqədər tərbiyə müəssisələrində
tədris yanvarın 10-dək müvəqqəti dayandırılmışdı. Budur, artıq həmin müddət başa çatmış,
dünəndən ümumtəhsil müəssisələrində
dərslər başlanmışdır. Bəs 10 günlük
tətildən sonra məktəblərdə ilk dərs günü
necə keçib? Yaranmış şəraitdə təhsil
ocaqları necə fəaliyyət göstərir? Suallarımıza
cavab almaq üçün dünən paytaxtımızın müxtəlif
ərazilərində yerləşən bir sıra
təhsil ocaqları, Sumqayıt şəhərinin, bir neçə
rayonun təhsil şöbələri ilə əlaqə
saxladıq. Məlum oldu ki, əlverişsiz hava şəraitinin
yaratdığı problemlərin, yolların buz bağlaması
ilə bağlı çətinliklərin davam etməsinə
baxmayaraq, ilk dərs günü normal keçib. Hətta bəzi
məktəblərdə şagirdlərin davamiyyəti
70-80 faizdən yuxarı olub. Müəllimlər arasında
da işə gəlməyənlər olub.
Dərslərdə iştirak etməyən şagirdlərin
valideynləri ilə əlaqə saxlanılır,
tədris prosesinin davam etdiyi onlara bildirilir. Əlaqə saxladığımız
məktəblərin rəhbərləri tədris ocaqlarında
istilik sisteminin normal işlədiyini bildirdilər. Y.HƏSƏNƏLİOĞLU
|