|
|
· Ana səhifə· Rəsmi· Heydər Əliyev Fondu· Əmrlər, sərəncamlar· Təhsil Nazirliyində· Xəbərlər· Pedaqoji yazılar· Məktəblərimiz· Bizimlə əlaqə
|
Bakıda
"Tempus günü" mövzusunda konfrans
Martın
18-də Təhsil Nazirliyi Avropa Komissiyasının
Təhsil və Mədəniyyət üzrə Baş
direktorluğu ilə birlikdə Bakı Dövlət
Universitetində (BDU) Tempus Proqramının 10 illiyi münasibətilə
"Tempus günü" mövzusunda konfrans keçirmişdir. Ayrı-ayrı qurumların, o cümlədən
ali təhsil müəssisələri nümayəndələrinin
iştirak etdikləri tədbirdə BDU-nun rektoru, Milli
Məclisin deputatı, akademik Abel Məhərrəmov
və təhsil nazirinin müavini Elmar Qasımov ölkə
Prezidenti İlham Əliyevin Azərbaycanda təhsilin inkişafına
daim böyük əhəmiyyət verdiyini vurğulamışlar.Avropa
İttifaqının Tempus Proqramı çərçivəsində
həyata keçirilən layihələrin elmin
tərəqqisində, Azərbaycan təhsil sisteminin Avropa
təhsil məkanına inteqrasiyasında mühüm rolu olduğunu
söyləyən natiqlər son 10 il ərzində 22-dək
ali məktəbimizdə (Bakı Dövlət Universiteti,
Azərbaycan Dövlət Neft Akademiyası, Naxçıvan Dövlət
Universiteti, Azərbaycan Texniki Universiteti və s.) müvafiq
layihələr üzrə uğurlu nəticələr
əldə edildiyini, o cümlədən BDU-nun qrantlara layiq görüldüyünü
bildirmişlər. Avropa Komissiyasının ölkəmizdəki
nümayəndəliyinin rəhbəri Alan Vaddams
Azərbaycan-Avropa İttifaqı əməkdaşlığından
bəhs edərək, Avropa İttifaqının
Azərbaycanda ali təhsilin inkişafına kömək
etməyə hazır olduğunu diqqətə çatdırmışdır. Milli Tempus ofisinin əlaqələndiricisi
Mahir Kazımov 1995-2006-cı illərdə bu Proqram çərçivəsində
27-dək fərdi səfərlərə, 24
layihəyə maliyyə dəstəyi verildiyini və müvafiq
layihələrin ali təhsilin inkişafı ilə bağlı
olduğunu söyləmişdir. Sonra Tempus Proqramı çərçivəsində
yeni layihə ilə bağlı müsabiqə qaydaları açıqlanmış,
geniş müzakirələr aparılmışdır. Konfransda BDU-nun beynəlxalq
əlaqələr üzrə prorektoru, professor Nərgiz Paşayeva
iştirak etmişdir. AzərTAc
|