|
|
· Ana səhifə· Rəsmi· Heydər Əliyev Fondu· Əmrlər, sərəncamlar· Təhsil Nazirliyində· Xəbərlər· Pedaqoji yazılar· Məktəblərimiz· Bizimlə əlaqə
|
Moldovada beynəlxalq konfrans Azərbaycan təhsil müəssisələrində İKT-dən istifadə təcrübəsi maraq doğurdu Martın 10-dan 15-dək təhsil
nazirinin müavini İradə Hüseynova Moldova Respublikasının
Maarif və Gənclər Nazirliyinin dəvəti ilə
"Təhsilin keyfiyyəti: informasiya və kommunikasiya
texnologiyalarının təhsildə tətbiqinin
nəzəri və praktiki məsələləri" mövzusunda
beynəlxalq konfransda iştirak etmək üçün Moldova
Respublikasının Kişinyov şəhərində
səfərdə olmuşdur. Aşağıda
səfər təəssüratları ilə bağlı yazını
oxuculara təqdim edirik. Konfransın
beynəlxalq nümayəndə
heyəti kifayət qədər geniş idi. Belə
ki, iştirakçı ölkələr
sırasına Rumıniya, Azərbaycan, Albaniya, Bolqarıstan,
Gürcüstan, Kipr, Latviya, Litva, Moldova, Ukrayna, Estoniya,
Ermənistan daxil idi. Konfransda həmçinin YUNESKO, Avropa
Şurası, Maykrosoft kampaniyasının Avropa ofisi də
təmsil olunurdular. Konfransın plenar iclasının rəsmi açılış
mərasimində Moldova Respublikasının Prezidenti
Vladimir Voronin və Moldovanın informasiya inkişafı
naziri Vladimir Molocen iştirak edirdilər. Plenar iclasda
məruzə üçün söz mənə verildi. Mən
Azərbaycanda ölkə Prezidenti tərəfindən bu
sahəyə göstərilən dövlət qayğısını
xüsusi vurğulayaraq, "Azərbaycan
Respublikasında İKT-nin təhsil sistemində
tətbiqi" mövzusunda geniş
məruzə ilə çıxış etdim. Yarım
saat davam edən çıxışı slaydlarla müşayiət
olunurdu. Məruzəmdə Azərbaycanda İKT-nin
təhsilə tətbiq edilməsi sahəsində görülən
işlər, qarşıda duran vəzifələr haqqında
konfrans iştirakçılarına ətraflı məlumat
verdim. çıxış konfrans iştirakçıları
tərəfindən böyük maraqla qarşılandı. Müzakirələr
zamanı respublikamızın, xüsusi ilə də
Təhsil Nazirliyinin bu sahədə təcrübəsinin
qabaqcıl regionlarla müqayisədə kifayət
qədər proqressiv olduğu meydana çıxdı. Dünyada
bərabərhüquqlu, ali informasiya texnologiyalarına son
dərəcə xüsusi önəm və müasir elmi
innovasiyaların inkişafında elmin xüsusi roluna
əhəmiyyət verən ölkə kimi Azərbaycan
Respublikasının bu sahədə əldə etdiyi
nailiyyətlər müxtəlif ölkələrdən
gəlmiş mütəxəssislərinin,
o cümlədən konfrans
iştirakçılarının diqqətini cəlb etdi. Konfransın tematik
müzakirə və plenar iclaslarında Moldovanın maarif və
gənclər naziri Viktor Svirkun, Rumıniyanın maarif, elm
və gənclər naziri Adomnisey Kristian Mixay, Moldova
Nəqliyyat və Telekommunikasiya Akademiyasının rektoru
Dumitru Solomun, Bolqarıstanın təhsil və elm nazirinin
müavini Kirço Atanasov, Ukrayna Dövlət Mənzil-Kommunal
Təsərrüfatı Akademiyasının elmi işlər
üzrə prorektoru Yuri Doroşşenko və başqaları
məruzələrlə çıxış etdilər. Beynəlxalq konfransın ilk iş günü
ölkənin qabaqcıl tədris müəssisələri
və informasiya mərkəzləri ilə tanışlığa
həsr olundu. Bu sıradan ilk tanışlıq
Moldovanın ən iri universitetlərindən biri olan
Moldova Dövlət Universiteti
ilə oldu. Tanışlıq zamanı universitetin
rektoru Georgi çokanu, vitse-rektorlar İqor Yenikov, Peotor Qauqaş,
Yelena Muraru ilə səmərəli görüşlərimiz
oldu. Onlar konfrans iştirakçılarına
Moldova Dövlət Universitetinin
professor-müəllim və tələbə heyətinin
nailiyyətləri, yeni tədris proqramlarının
tətbiqi, universitetin beynəlxalq əlaqələri haqqında
geniş və əhatəli
məlumat verdilər. Sonra
konfrans iştirakçıları universitetin tədris-mühazirə
auditoriyaları, laboratoriyaları, müvafiq kafedraları,
jurnalistika fakültəsində fəaliyyət göstərən
tele və radioverilişlər studiyaları,
tələbələrin peşəkar oriyentasiyası
mərkəzi və universitetin kitabxanası ilə tanış
oldular. Onu da qeyd etməyi vacib bilirəm ki,
universitetin müasir tədris avadanlıqları, o cümlədən
elektron avadanlıqlarla təchizatı kifayət
qədər yüksək səviyyədədir. Moldova Dövlət
Universitetində 23 mindən artıq (15 min
nəfər əyani, 7 min nəfər isə qiyabi şöbədə)
tələbə təhsil alır, 1500 nəfərdən
ibarət pedaqoji kollektiv, 1000 tədris-köməkçi
heyəti fəaliyyət göstərir. Moldovanın ali
məktəbləri Boloniya prosesinə 2005-ci ildən qoşulublar.
Cari ildə ali təhsilin ilk tsiklinin (pilləsinin) -
lisensiatın (tədris müddəti 3-4 il - 180-240 tədris
krediti vahidi) ilk buraxılışı həyata keçiriləcək.
Elə bu ildə ali təhsilin ikinci tsiklinə - masterata
(1-2 il - 60-120 tədris kredit vahidi) ilk qəbulun keçirilməsi
planlaşdırılır. Ali təhsildə islahatların
aparılması çərçivəsində sistemə yeni
təhsil standartları daxil edilmiş, məqbul-kredit
sistemi və digər yeniliklər tətbiq edilmişdir.
Hər bir məzunun Avropa modelli diplomuna əlavə verilir
və bunun üçün heç bir ödəniş alınmır. Səfər çərçivəsində konfrans
iştirakçılarının Moldova Respublikasının
Təhsil Nazirliyində nazir
müavini cənab Krudu ilə görüşü oldu. Bir saat davam
edən görüşdə
təhsil islahatları, islahatların qanunvericilik
əsasları, Moldova və Azərbaycanın təhsil
sistemlərinin müqayisəsi və digər
məsələlər müzakirə olundu. Görüş
zamanı inklüziv təhsil məsələləri
barədə də geniş müzakirə aparıldı
və Moldova tərəfi gələcəkdə bu
sahədə ikitərəfli
fəal əməkdaşlıq təklif etdi.
Səfər çərçivəsində xüsusi
qayğıya ehtiyacı olan
uşaqların saxlanması üçün günlük uşaq
mərkəzi "Speransa" ilə tanışlıq
oldu. Məlum oldu ki, Moldova Ailə və Uşaq Sosial
Təminatı Nazirliyinin hazırkı müavininin təşəbbüsü
ilə təşkil
edilən mərkəz 1997-ci ildən fəaliyyət göstərir.
Bu gün mərkəzdə 45 uşağ saxlanılır. İstirahət
otaqları, müasir texniki, tədris və tibbi avadanlıqlarla
təchiz olunmuş, ixtisaslaşdırılmış
tədris və reabilitasiya kabinetləri olan
mərkəzdə
uşaqların saxlanması üçün hər cür şərait
yaradılıb. Mərkəzin nəzdində peşəkar
pedaqoji, tibbi, köməkçi işçilər fəaliyyət göstərirlər.
Uşaqlar üçün mərkəzin özünün nəqliyyat
vasitələri var. Mərkəz yerli bələdiyyə
şurası (son üç ildə), müxtəlif sponsorlar,
donorlar, layihə və proqramlar tərəfindən
maliyyələşdirilir. Səfər çərçivəsində
konfrans iştirakçılarının digər bir görüşü 1 saylı məktəb-internatda oldu. Tədris
ocağının direktoru xanım Qaştya məktəb
və pedaqoji kollektiv
barədə qonaqlara
ətraflı məlumat verərək bildirdi ki, internatda
I-IX siniflərdə (Moldovada 9 illik təhsil məcburidir)
82 şagird təhsil alır və internatın hazırkı
binası keçmiş uşaq bağçasının binası
olub. Tətillərdə və bazar günlərində
internatda getməyə yeri olmayan (və ya getmək
istəməyən) 20-30 şagird qalır. İnternatın
kifayət qədər peşəkar personalı
uşaqlara qarşı diqqətlidir, gecə işləmək
üçün əlavə personal da fəaliyyət göstərir.
İnternatda uşaqların təhsil alması,
dincəlməsi, dərnəklərdə məşğul
olması üçün yaxşı
şərait yaradılıb. İnternatda psixoloq, defektoloq
və digər mütəxəssislərin işləməsi
üçün kabinetlər, o cümlədən meditasiya (məşğələlərə
hazırlıq) kabineti də fəaliyyət göstərir. Təhsil yalnız rus dilində olan
M.Qreku adına liseydə olarkən müəssisənin
direktoru xanım Qlotova söhbətində bildirdi ki, lisey
incəsənət təmayüllüdür. Burada təhsilin formatı
1-12 sinifdir. Lisey şəhərin orta ümumtəhsil müəssisələri
arasında yüksək reytinqə malikdir. Liseyin profil
təhsilinə görə - rəssamlıq, xoreoqrafiya,
musiqi-xor - differensasiya
edilmiş şagirdləri incəsənətdə yüksək
nailiyyətlər, ən müxtəlif
səviyyələrdə mükafatlar qazanmışlar.
Liseydə iki kompüter sinfi yaradılmışdır. Konfransın ikinci günü Avropa Şurasının
məsləhətçisi Bernard Dümonun çıxışı
ilə başladı. O, öz çıxışında ictimai və fərdi intellekt kapitalından,
elm və təhsilin xalqların gələcək
inkişafındakı rolundan, elektron təhsil və
təhsilin keyfiyyətindən danışaraq, təhsil mühəndisliyinin
aktuallığı məsələlərini xüsusi olaraq
nəzərə çatdırdı. İnformasiya və
kommunikasiya texnologiyaları vasitəsilə təhsilin
keyfiyyət göstəricilərinin artırılması
sahəsindəki fəaliyyət haqqında YUNESKO-nun
Təhsildə İnformasiya Texnologiyaları İnstitutunun
əməkdaşı Natalya Tokareva məlumat verdi. Adları çəkilən beynəlxalq
ekspertlərin çıxışından sonra Moldova və
Rumıniya respublikalarının təhsil nazirləri
V.Svirkun və A.K.Mixay öz
çıxışlarında ölkələrinin təhsil
sistemlərində informasiya və kommunikasiya texnologiyalarından
istifadə təcrübələrini bölüşdülər.
Konfransdakı çıxışlar arasında
fasilədə mətbuat
konfransı keçirildi. Həmin gün Bolqarıstanın elm və
təhsil nazirinin müavini K.Atanasovun, Estoniyanın Təhsil
və Elmi tədqiqatlar Nazirliyinin əməkdaşı
C.Antonun, Litvanın Təhsildə İnformasiya
Texnologiyaları Mərkəzinin rəhbəri V.Bracdeykisin
çıxışları dinlənildi. Ukraynada informatika sahəsində
məktəb təhsilinin məzmun və strukturunun müasirləşdirilməsinin
perspektivləri və reallıqları haqqında Dövlət
Mənzil-Kommunal Təsərrüfatı Akademiyasının
elmi işlər üzrə prorektoru, professor Y.Doroşşenko
danışdı. Təhsildə
informasiya vasitələrinin tətbiqinin Moldova təcrübəsini
İqtisadi Elmlər Akademiyasının mütəxəssisləri
İ.Bolun, İ.Kostaş və İ.Kovalenko təqdim
etdilər. Nəqliyyat və Telekommunikasiya Akademiyasının
rektoru D.Solomun "İnformasiya və kommunikasiya
texnologiyaları: təhsilin keyfiyyətinin təmin
edilməsində həlledici amil" mövzusunda çıxış
etdi. Mərkəzi və Şərqi Avropa üzrə
ofisin əməkdaşı M.Kavanovanın
Maykrosoft kampaniyası ilə əməkdaşlığa
dair məruzəsi
də konfrans iştirakçıları tərəfindən
maraqla qarşılandı. M.Kavanova təhsil
sistemlərində İKT-nin istifadə edilməsində
kampaniyanın investisiyalaşdırılması imkanları
haqqında danışdı. Konfransda tanınmış
beynəlxalq kommunikasiya kampaniyaları və İKT istehsalçıları
ilə Azərbaycanın Təhsil Nazirliyinin
əməkdaşlığı çərçivəsində
daha sıx əlaqələrin davam etdirilməsi və
Milli İKT sektorunun potensialından daha səmərəli
şəkildə istifadə edilməsinin
çox perspektivli olduğu bir daha xüsusi vurğulandı.
Konfransda müzakirə olunan
məsələlər iştirakçıların
böyük marağına səbəb oldu və bütün çıxışlar
maraqlı suallarla, əməkdaşlıq
təklifləri ilə qarşılandı. Azərbaycanın
İKT sahəsində təcrübəsi də auditoriya
tərəfindən bəyənildi. üçüncü gün konfrans iştirakçılarının
İKT-nin köməyilə təhsilin keyfiyyətinin
artırılması ilə bağlı real
nailiyyətlərlə tanışlığına
həsr edildi. Tədbir iştirakçılarına
Təhsildə İnformasiya və Kommunikasiya Texnologiyaları
mərkəzində, "Haudeamus" nəzəri
liseyində, İqtisadi elmlər Akademiyasında olmaq
təklif edirdi. Konfransın son iclasında ümumi
təkliflər müzakirə olunaraq müvafiq qərar qəbul
olundu. Onu da qeyd edim ki, Azərbaycanda İKT-dən
təhsil proseslərində səmərəli istifadə
edilməsi səhəsində görülən işlər haqqında
geniş məlumat konfrans
materialında öz əksini tapdı. İradə HüSEYNOVA, Azərbaycan Respublikası təhsil
nazirinin müavini
|