|
|
· Ana səhifə· Rəsmi· Heydər Əliyev Fondu· Əmrlər, sərəncamlar· Təhsil Nazirliyində· Xəbərlər· Pedaqoji yazılar· Məktəblərimiz· Bizimlə əlaqə
|
Paytaxtın
ümumtəhsil məktəblərinin istiliklə təminatı
necədir?
245
nömrəli məktəbi niyə su basdı? Hazırda ölkəmizin bütün
ərazisində ayazlı, şaxtalı, soyuq hava şəraiti
hökm sürür. ötən illərdən fərqli olaraq bu il qış
daha sərt görünür. Sözsüz ki, qışa hazırlıqla
əlaqədar paytaxtın təhsil müəssisələrində
də vaxtında həll olunmayan bir çox problemlər yaşanmaqda
davam edir. Elə bu həlli vacib problemlərlə
bağlı hələ ötən ilin dekabrın 1-də
Təhsil Nazirliyi kollegiyasının iclası keçirildi.
"Bakı şəhərinin ümumtəhsil
məktəblərinin istiliklə təminatı
vəziyyəti" mövzusunda məsələnin müzakirə
olunduğu iclasda təhsil naziri Misir Mərdanov Bakının
rayonları üzrə məktəblərin istilik sisteminin
vəziyyəti ilə əlaqədar kollegiyada iştirak
edən məktəb rəhbərlərinə qısa vaxt
ərzində həmin problemləri aradan qaldırmağı
tövsiyə etmişdi. Odur ki, biz də ötən bu müddət
ərzində paytaxt məktəblərində qışa
hazırlıqla bağlı görülmüş işləri müşahidə
etmək qərarına gəldik. öncə Bakının Nəsimi rayonundakı
247 nömrəli təhsil ocağında olduq. Direktor
Məhəmməd Əliquliyev məktəb haqqında ümumi
məlumat verərək bildirdi ki, hələ keçən il
Nazirlər Kabinetinin köməkliyi ilə köhnə çuqun
batareyalar və boru xətləri təmir edilərək
saz hala gətirilmişdir. Hazırda akt zalımız
və 4 sinif otağımız tam qızdırılmır.
Yerdə qalan bütün otaqlarımızda istilik sistemi normal işləyir.
Onu da deyim ki, məktəbimiz mərkəzləşdirilmiş
qaydada qızdırılır. Təhsil Nazirliyinin bu
məsələyə həsr olunmuş kollegiya iclası
olan gündən etibarən bizə istilik verilir. Sonra direktorla birlikdə bir neçə
sinfə, müəllimlər və əmək otaqlarına
baxış keçirdik. Həqiqətən də istilik
sistemi normal işləyirdi. Məktəbdə
tənəffüs zamanı beşinci sinif şagirdləri
Elməddin Mirzəyev və Coşğun İsgəndərlidən
sinif otaqlarının isti olub olmadığını soruşduq.
Hər iki şagird razılıq etdi. Direktor isə bir
qədər gileyli halda onu da bildirdi ki, məktəbdə
yadıma gələn son on ildə heç bir təmir işi
aparılmadığından pəncərə və qapılar
nasaz vəziyyətdədir. Əlbəttə, bu da sinif
otaqlarının tam istilənməsinə təsir edir.
Bir də təhsil ocağının ucqar nöqtədə
yerləşməsi istiliyin bizə gəlib çatana kimi
nisbətən soyumasına səbəb olur. Bunları
deməkdə məqsədim odur ki, məktəbin ayrıca
qazanxanası olsa, bu problemlərlə üzləşmərik... Həmin gün Nəsimi rayonunda yerləşən
daha bir təhsil ocağında - 42 nömrəli
məktəbdə də olduq. Burada məktəbin
təsərrüfat işləri üzrə direktor müavini
Vilayət Cabbarovla görüşdük. O, gəlişimizin
məqsədini biləndə dedi: - Hələ ötən ilin avqust ayında
Təhsil Nazirliyinin əsaslı tikinti idarəsi
məktəbimiz üçün yeni qazanxana tikmiş, içərisində
də Almaniyanın istehsalı olan avadanlıqlar quraşdırılmışdır.
Eyni zamanda təhsil ocağının həm köhnə,
həm də yeni korpusundakı dəhliz və sinif otaqlarında
Türkiyənin istehsalı olan 183 qızdırıcı
batareyalar boru xəttinə qoşulmuşdur. Artıq bu il
yanvarın 5-dən məktəbin istilik sistemi tam gücü
ilə işləyir. İndi şagirdlər və
valideynlər çox razılıq edir. Dərslərə
davamiyyət də yüksəkdir. Biz məktəbin ayrı-ayrı sinif
otaqlarını, dəhlizlərini direktor müavini ilə
birlikdə gəzdik. Burada istilik sisteminin normal işlədiyinin
şahidi olduq. Daha sonra Bakının Nərimanov
rayonundakı 45 nömrəli məktəbə baş çəkdik.
Burada direktor Nazilə Məmmədova ilə söhbət
zamanı öyrəndik ki, ötən ilin yay ayında Təhsil
Nazirliyi tərəfindən məktəb əsaslı
təmir edilmişdir. Elə həmin vaxt təhsil ocağının
bütün otaqlarında Türkiyənin istehsalı olan 216 qızdırıcı
batareyalar da quraşdırılmışdı. Direktor onu
da bildirdi ki, biz kollegiya iclasında iştirak edəndə
məktəbimizə mərkəzləşdirilmiş
qaydada verilən istilik boru xəttində baş vermiş
qəzanın nəticələri Nərimanov Rayon İcra
Hakimiyyəti və "Azəristiliktəchizat" ASC-nin
səyi nəticəsində aradan qaldırılmışdır.
Məktəbimizə 2 gün idi ki, istilik verilirdi. Elə o
vaxtdan bizim təhsil ocağında istilik sistemi ilə bağlı
heç bir problemimiz yoxdur. Direktorla məktəbi gəzdik. Foyedə
XI "ç" sinif şagirdi Zaur Vəliyevin anası
Xalidə xanımla rastlaşdıq. O, məktəbin qızdırılması
ilə bağlı sualımıza cavab olaraq bildirdi ki, qısaca
onu deyim ki, məktəb bizim evdən istidir. Sonra biz VII
"D" sinfində Fəqan , Rüfət, Aysel, Əzizə
ilə, VII "E" sinfində İsmayıl və Rüfətlə,
VII "B" sinfində isə informatika müəllimi
Yamən Həsənova ilə söhbətdən də öyrəndik
ki, həqiqətən məktəbdə istiliklə bağlı
heç bir problem yoxdur. Beləliklə, bir-birindən çox-çox aralıda
yerləşən hər 3 təhsil ocağındakı qışa
hazırlığın vəziyyəti
istər-istəməz ürəyimizi isitdi. *** Paytaxtın ümumtəhsil
məktəblərinin istilik təminatı ilə
əlaqədar yanvarın 21-də Bakının Nərimanov
rayonundakı Bağça-Məktəb-Lisey Kompleksində
olduq. Direktor Qafar Hüseynov bildirdi ki, ötən ilin avqust ayında
Təhsil Nazirliyinin xətti ilə
məktəbimizin hər iki korpusundakı
dəhlizlərdə və 54 sinif otağında Türkiyənin
istehsalı olan 184 qızdırıcı batareyalar yeni çəkilmiş
plastik boru xəttinə
birləşdirilmişdir. Zirzəmidəki ana
xətlər də bütünlüklə dəyişdirilərək
yenisi ilə əvəz edilmişdi. Beləliklə, ötən
ilin noyabr ayının 17-dən məktəbimiz
mərkəzləşdirilmiş qaydada istiliklə
təmin edilir. Bu sahədə heç bir problemimiz yoxdur. Sonra birlikdə IV "ç", IV "C"
siniflərinə, dəhlizlərə baxış keçirdik.
Həqiqətən də məktəbin istiliklə
təminatı yüksək səviyyədə idi. Söhbət
etdiyimiz valideynlər, şagirdlər və müəllimlər
yaradılmış şəraitdən razılıq
edirdilər. Bakının Xətai rayonundakı 95
nömrəli orta məktəbində isə istilik
təminatı ilə bağlı görüb eşitdiklərimiz
bizdə təəssüf hissi doğurdu. ümumi vəziyyətlə bağlı
məlumat verən məktəbin direktoru Tahir Süleymanov
bildirdi ki, keçən ilin avqust ayında Təhsil Nazirliyinin
vəsaiti hesabına "Birlik" MMC
tərəfindən bizim təhsil ocağında istilik
sistemi dəyişdirilərək 65 sinif otağına,
dəhlizlərə 250 qızdırıcı batareyalar
quraşdırılmışdır. Sevindik ki, bu
sahədə daha heç bir problemimiz olmayacaq. Amma sonradan
məlum oldu ki, şirkət işçiləri
məktəbimizin zirzəmisindəki ana xətlərin heç
birini təmir etməyib. İndi Xətai Rayon İstilik
İdarəsi bizim məktəbə istilik verəndə
zirzəmidəki 30 il əvvəl çəkilmiş boru
xətləri yüksək təzyiqə davam gətirmir.
Tez-tez qəza baş verir. Elə bu
səbəblərdən də sinif otaqlarımız lazımınca
qızdırılmır. ötən ilin dekabrın 20-dən
guya məktəbimizə mərkəzləşdirilmiş
qaydada istilik verilir. Belə istilik bizim təhsil ocağını
qətiyyən qane etmir. özümüzün fərdi qazanxanamız
olsa, belə problemlərlə üzləşmərik... Tahir müəllimin bu gileyini dinlədikdən
sonra birlikdə əvvəlcə sinif otaqlarını
gəzdik, XI "A", VII "Ə", IX "Ə",
XI "B" sinif şagirdləri otaqlarının soyuq
olduğunu, şagirdlərin bir neçəsinin
xəstələndiyini bildirdilər. Hərbi otaqda papaq
və paltolu əyləşmiş müəllim Cavad
Kələntərli də soyuqdan xəstələndiyini
bildirdi. Zirzəmidə yerləşən ana
xətlərin vəziyyətini öyrənmək istədik.
Elə burada rayon istilik mərkəzinin çilingəri
Nəcəf Qasımovla rastlaşdıq. O da
zirzəmidəki ana boru xətlərinin nasaz olduğunu göstərib
gileylənərək bildirdi ki, bu xətlər yeniləri
ilə əvəz olunmayana qədər sinif otaqlarını
istiliklə tam təmin etmək çətin olacaq. Əlbəttə,
məktəbdə görüb eşitdiyimiz bu vəziyyət
bizdə təəssüf hissi doğurdu. Həmin gün baş çəkdiymiz Xətai
rayonundakı 25 nömrəli məktəbdə isə
istilik təminatı nisbətən yaxşı idi.
Direktor Nəbi Ağayev bildirdi ki, hələ iki il
əvvəl Təhsil Nazirliyi ilə Xətai Rayon İcra
Hakimiyyəti birlikdə məktəbdəki köhnə çuqun
batareyaları yuyaraq təmir etmiş, yeni boru
xətləri çəkmiş, zirzəmidəki ana boru
xətlərini yenisi ilə əvəz etmişdir. ötən
il noyabrın 30-dan təhsil ocağı
mərkəzləşdirilmiş qaydada istiliklə
təmin edilir. Biz direktorla birlikdə V "C", VII
"A", VII "B", VIII "D"
siniflərinə, məktəbdəki dəhlizlərə
baxış keçirdik. Burada istilik sisteminin normal işlədiyinin
şahidi olduq. Xətai rayonundakı 29 nömrəli
məktəbdə də istilik sistemi işləmirdi.
Direktor Ələddin Əliyev əvvəlcə
məktəbin istilik sisteminin təmiri ilə
əlaqədar məlumat verərək dedi ki, keçən
ilin avqustundan noyabrın axırına kimi bizim təhsil
ocağında Təhsil Nazirliyinin xətti ilə istilik
sistemində təmir işi aparılmış, yeni boru
xətti çəkilmiş və Türkiyənin istehsalı
olan 250-yə yaxın qızdırıcı batareyalar quraşdırılmışdır.
Məktəbin zirzəmisində isə ana boru
xətləri dəyişdirilməmişdir. Burada
təmir işi aparılmadığından həmin köhnə
borularda tez-tez qəza baş verir. Buna baxmayaraq, ötən
ilin yanvarın 4-dən bizə mərkəzləşdirilmiş
qaydada istilik verilir. Bəs indi niyə istilik yoxdur sualımıza
cavab olaraq direktor Xətai Rayon İstilik İdarəsi
ilə telefon əlaqəsi yaratdı. İdarədən
Musa adlı bir nəfər cavab verdi ki, işıq
xəttində hansısa faza yoxa çıxıb. Faza "tapılanda",
istilik verəcəyik... Bütün bunların əsas səbəbi
isə zirzəmidəki ana boru xətlərinin 1976-cı
ildən bəri təmir edilməməsidir. Bax elə buna
görə də rayonun istilik mərkəzindən aşağı
təzyiqdə istilik verilir. Bu səbəbdən də
məktəbin sinif otaqları normal qızdırılmır.
O
gün sonuncu baş çəkdiyimiz təhsil ocağı Xətai
rayonundakı 245 nömrəli məktəb oldu. Buranın
istiliklə təminatı son dərəcə acınacaqlı
idi. Müəllimlər və şagirdlər
dəhlizlərdə paltolu, papaqlı gəzirdilər.
Bura elə bil məktəbə oxşamırdı.
Hələ ötən ilin avqust ayından təmirinə başlanmış
istilik sistemində işlər tamamlanmamışdı. ötən
bu müddət ərzində məktəbin bütün
mərtəbələrindəki dəhlizlərə, sinif
otaqlarına yeni boru xətləri çəkilmiş, 250 qızdırıcı
batareyalar yeniləri ilə əvəz edilmişdir. Biz
həmin gün direktor və məktəbin təsərrüfat
işləri üzrə direktor müavini Sahib Zülfiqarovla
əvvəlcə IV "Q", IV "İ"
siniflərinə baş çəkdik. Otaqlar soyuq idi. Şagirdlər
sinifdə paltoda, papaqda, hətta əllərində
əlcək əyləşmişdilər. Sonra
zirzəmiyə baxış keçirdik. Burada
həqiqətən köhnə
boru xətləri tam dəyişdirilməyib, görünən
çürümüş xətlərin veriləcək istilik
təzyiqinə davam gətirməyəcəyi aydınca görünürdü.
Bütün bu çatışmazlıqlara baxmayaraq, həmin gün
batareyalarda cüzi istilik hiss olunurdı. Biz
məktəbdən uzaqlaşandan sonra valideynlərdən
biri bizə zəng vurub bildirdi ki, "Azərbaycan müəllimi"
qəzeti əməkdaşlarının bu ərazidə
reyddə olduğunu bilib, yarım saat əvvəl ilk
dəfə olaraq istilik veriblər. Xətlər köhnə
olduğu üçün məktəbin xeyli hissəsini su basıb. Biz isə bu işdə günahı bütün
əlaqədar təşkilatlarda, o cümlədən
məktəb rəhbərliyində görürük. Axı ötən
müddət ərzində bu işə laqeyd
münasibət göstərməsəydi, indi qışın
bu sərt günlərində şagirdlər soyuq otaqlarda
dərs keçməzdilər. Yəqin ki, bu işdə günahı olanlar
cəzalarına çatacaqlar. Soyuq qış günlərində Səbail
rayonunun 20-ci sahə adlanan ərazisində təhsil müəssisələrinin
istiliklə təminatı ilə maraqlandıq. Həmin
ərazidə bir həyətdə yerləşən 4
bina - 162 nömrəli məktəb, 51 nömrəli
məktəbin iki korpusu və yeni tikilmiş uşaq bağçasının
istilik sistemi bir qazanxanadan vurulan su ilə qızdırılmalıdır. Yanvarın 19-da 162 nömrəli
məktəbdə olarkən burada istilik sisteminin işləmədiyini,
sinif otaqlarının istiliklə təminatı
məqsədilə yalnız elektrik qızdırıcılarından
istifadə edildiyini müəyyən etdik. Məktəbin direktoru Ələkbər
Əliyev bizimlə söhbətində binanın daxilində
istilik sisteminin qaydasında olduğunu dedi. O bildirdi ki, bu
məsələ ilə bağlı yayın ortalarından
noyabradək iş görülüb, köhnə borular dəyişdirilərək
divarın içinə salınıb, əvvəllər
sistemə qoşulmamış dəhlizlərə və
bir neçə sinif otağına xətlər çəkilib
və bütün korpusdakı qızdırıcılar müasir
formalı yeniləri ilə əvəz olunub. Amma
qazanxanadan vurulan su hardasa sızdığından və
buna görə də dövr etmədiyindən istilik
sistemindən istifadə etmək mümkün olmur. Sonra getdiyimiz 51 nömrəli məktəbin
şagird kontingentinin əksəriyyəti bu il
istifadəyə verilmiş təzə korpusda, cəmi 12
sinif isə köhnə binada təhsil alır. Yuxarıda
qeyd edildiyi kimi, burada da bütün boru və qızdırıcılar
yenidir. Həmin gün məktəbdə istilik sistemi normal işləyirdi. Məktəbin direktoru Lətafət
Səmədova məlumat verdi ki, bu məqsədlə
əhaliyə veriləndən əlavə Səbail Rayon
Qaz İdarəsi 20-ci sahədən qazanxanaya 250 metr uzunluğunda
qaz xətti çəkib. L.Səmədova qeyd etdi ki, qazanxana
bizim balansda olduğundan bu işə daim çox ciddi yanaşır
və xüsusi diqqət göstəririk. Amma istilik sistemini işlətmək yalnız
dünəndən mümkün olub. Onun sözlərinə görə,
tikinti və təmir işlərini görən
fəhlələrin səhlənkarlığı
nəticəsində nasazlıq yaranmış və
həmin problem ucbatından bu vaxtadək bir neçə
dəfə cəhd etsələr də, müsbət
nəticə əldə olunmayıb. Nəhayət, nasazlığın
səbəbi ayırd edilmiş və dünən axşamacan
görülən gərgin işdən sonra istilik sisteminin normal
fəaliyyəti üçün hər şey qaydaya salınmışdır. Paytaxtda istilik sistemi ilə bağlı
ciddi problemləri olan təhsil ocaqlarından biri də
8-ci mikrorayonda yerləşən və özünün təhsil uğurları,
məzunlarının ali məktəblərə
qəbulda yüksək göstəriciləri ilə tanınan 83
nömrəli məktəb-liseydir. Məktəb-lisey
mərkəzi istilik sisteminə qoşulsa da, neçə
illərdir normal istilik üzünə həsrətdir.
Səbəb təhsil ocağında istilik sisteminin yararsız
vəziyyətə düşməsidir. Məktəb-liseyin
direktoru Yaqut Sadıqova bizimlə söhbətində bildirdi
ki, mərkəzi qazanxanadan məktəbə qədər
olan məsafədə borular təzələnib. Lakin binanın
daxilindəki borular köhnəlib sıradan çıxdığından
istilik sistemini işə salmaq qeyri-mümkündür.
Məktəb-liseydə ötən il cari təmir işləri
aparılsa da, çox vəsait tələb etdiyindən istilik
sistemini qaydaya salmaq mümkün olmayıb. Direktor problemin
həlli ilə bağlı aidiyyəti təşkilatlara
dəfələrlə müraciət etdiyini, Nazirlər
Kabinetindən, rayon icra hakimiyyətindən, Bakı Şəhəri
üzrə Təhsil İdarəsindən nümayəndələrin
gəlib vəziyyətlə yerində tanış olduqlarını,
rayon icra hakimiyyətinin başçısı
tərəfindən bu barədə iki dəfə
məsələ qaldırıldığını
bildirdi. Problemin bu il həll olunacağını deyən
Yaqut xanım mart ayından başlayaraq
məktəb-liseyin istilik sistemində
əsaslı təmir
işləri aparılmasının nəzərdə
tutulduğunu söylədi. Bu günlərdə məktəblərdə
istilik sisteminin işləyib-işləməməsini öyrənmək
məqsədilə Qaradağ rayonunun Lökbatan
qəsəbəsində yerləşən 288, 139, 166
və 106 nömrəli orta məktəblərdə olduq.
İlk yolumuzu Neftçi Qurban adına 288 nömrəli
məktəbə saldıq. 2182 şagirdi, 260 nəfər
pedaqoji və texniki işçisi olan məktəbdə
siniflərin sayı 98-dir. Sinif otaqlarında istilik sistemi
tam qaydasında idi. Elxan Həsənov adına 139 nömrəli
orta məktəbdə sinif otaqlarını
gəzərkən istiliyin normal olduğunu gördük. Sonra Azərbaycanın Milli Qəhrəmanı
Tofiq Rəfiyev adına 166 nömrəli
məktəb-liseyə baş çəkdik. Burada da istilik
sistemi normal idi. Siniflərdə kifayət qədər
istilik vardı. Qəsəbənin Səxavət
Məhərrəmov adına 106 nömrəli
məktəbində də olduq. Məktəbdə 75 sinif
otağı, 185 nəfər texniki və pedaqoji işçi
olmaqla, şagirdlərin sayı 1608-dir. Məktəbin
direktoru Süleyman Şıxəliyevlə sinif otaqlarını
gəzdik. Siniflərdə istilik zəif idi. Direktor bunun
səbəbini belə izah etdi. Mən bu məktəbə
təyin olunanda istilik sistemi normal deyildi. çünki
siniflərin qızdırılması üçün
məktəbdə qazanxana sistemi yox idi. Artıq bu sistem
məktəbdə quraşdırılıb. İstilik
sistemi yaxın günlərə qədər yaxşı idi.
Son günlər havaların şaxtalı keçməsindən qızdırıcılarda
xırda çatışmazlıqlar əmələ gəlib
ki, bunlar da təcili olaraq aradan qaldırılır. çalışırıq
ki, bu sahədə heç bir problemimiz olmasın. Məktəblərdə istilik sisteminin
vəziyyətini öyrənmək üçün paytaxtdakı
bəzi orta təhsil ocaqlarında
olduq. Nəsimi rayonundakı 133 nömrəli
məktəbə getdik. Xatırladaq ki, bir müddət
əvvəl Təhsil Nazirliyinin kollegiyasında
bu məktəbdə istilik sisteminin pis
vəziyyətdə olması qeyd edilmişdi.
Nazir Misir Mərdanovun
haqlı tənqidindən sonra
bu təhsil ocağında istilik sistemi bərpa
edilib. Məktəbin direktoru Füzuli Həsənovla
birlikdə bütün sinif
otaqlarına baxdıq. Qızdırıcıların hamısı
işlək vəziyyətdə idi.
Bir daha əmin olmaq üçün əlimizi qızdırıcılara
yaxınlaşdırdıq. Həqiqətən, qızdırıcılarda
yüksək istilk vardı. Direktorun sözlərinə görə,
təhsil ocağında istilik sistemi məktəb
istifadəyə veriləndən bəri həmişə
fasilələrlə işləyib. Son dəfə isə
fasiləyə səbəb məktəbin istilik
sisteminə gələn xəttin zədələnməsi
olub. Amma indi bu fasilələr tamamilə aradan qaldırılıb.
Direktorun dediyinə görə, havalar istiləşənədək
məktəbdən istilik kəm olmayacaq. Binəqədi rayonundakı 100 nömrəli
məktəbdə isə vəziyyət başqadır.
Məktəb yarandığı gündən istilik sistemi
olmayıb. Yalnız Təhsil Nazirliyinin yardımı
ilə məktəbdə istilik sistemi yaradılıb.
Məktəbin direktoru Gülnarə Məmmədovanın
dediyinə görə, 75 illik tarixə malik təhsil ocağında
ötən ilə qədər nə istilik sistemi, nə
də qazanxana olub. Eyni zamanda məktəbdə şagirdlərin
sayının çox olması və sinif otaqlarının çatışmaması
ilə əlaqədar ötən
il Heydər Əliyev Fondunun dəstəyi ilə
məktəb üçün yeni əlavə korpus və qazanxana
tikildi. Amma işlər yarımçıq qaldı.
Məktəbə istilik xətləri çəkilmədi. Hazırda
yeni inşa edilən həmin
binada ibtidai siniflər dərs keçir. Təhsil ocağında
1301 şagird təhsil alır.
Kollegiya iclasında həmçinin istilik sistemi olmayan
məktəblərin sırasında 100 nömrəli
məktəbin də adı çəkildi. Tənqiddən tez
nəticə çıxarıldı. Məktəbə qazanxanadan borular çəkildi.
Amma yeni tikilən
korpusu çıxmaq şərtilə, köhnə binanın
sinif otaqları soyuq idi. Köhnə binada
əlavə elektrik sobaları qoyulsa da, otaqlar yaxşı
isinməmişdi. Şagirdlər üst geyimləri ilə
sinif otaqlarında oturmaq məcburiyyətində qalıblar. Binəqədi rayonundakı 157 nömrəli
məktəbdə istilik sistemi son bir neçə gündə
bərpa olunub. Məktəbin direktoru Gülayə
Səttarova bidirdi ki, ötən il təhsil ocağının
30 ili tamam olub. Bu məktəbdə də istilik sistemi ümumiyyətlə
olmayıb. Yalnız
Təhsil Nazirliyinin təşəbbüsü
ilə məktəbdə
istilik sistemi yaradılıb. Hazırda məktəbdə
istilik sistemi var. Halbuki əvvəllər siniflərə
girmək mümkün olmasa da, davamiyyətə elə bir
təsir göstərməyib. Direktorun dediklərini
dəqiqləşdirmək üçün sinif otaqlarnı
gəzdik. Doğrudan da sinif otaqları normal istilikdə
idi. Yalnız 4-cü mərtəbədə bir çox sinif otağında
dərslər təxirə salınmışdı.
Məktəbin dam
örtüyü yararsız vəziyyətə düşüb. İndi
məktəb rəhbərliyi
Təhsil Nazirliyinin
yardımına ümid bəsləyir. Əks halda,
məktəbin dam örtüyünün nə vaxt təmir olunacağı
məlum deyil. Binəqədi rayonundakı 144 nömrəli
məktəbdə də istilik sistemi yox idi. Mən
məktəbə girəndə istilik sisteminin düzəldilməsi
istiqamətində işlərin görüldüyünün şahidi
oldum. Məktəbin direktoru Raya Allahverdiyevanın sözlərinə
görə, bu təhsil ocağı 1978-ci ildə
istifadəyə verilib. Ancaq həmin vaxtdan bu günə kimi
məktəbdə istilik sistemi olmayıb. Yalnız
Təhsil Nazirliyinin diqqətindən sonra
məktəbə istilik sistemi çəkilir. İndi
"Azəristiliktəchizat" Açıq Səhmdar
Cəmiyyətinin işçiləri əlindən
gələni edirlər ki, yanvarın axırına
qədər məktəbi istiliklə təmin etsinlər. "Azərbaycan müəllimi"
|