|
|
· Ana səhifə· Rəsmi· Heydər Əliyev Fondu· Əmrlər, sərəncamlar· Təhsil Nazirliyində· Xəbərlər· Pedaqoji yazılar· Məktəblərimiz· Bizimlə əlaqə
|
"Leyli və Məcnun"un 100 yaşı oldu Dahi
bəstəkarın ilk operasının 100 illiyi bir vaxtlar
müəllimlik etdiyi 51 nömrəli orta məktəbdə qeyd
edildi Səbail rayonundakı 20-ci yaşayış
sahəsində yerləşən 51 nömrəli orta
məktəbdə Şərqdə
ilk opera olan "Leyli və Məcnun" operasının
100 illik yubileyi təntənəli şəkildə qeyd
olunub. Yubiley tədbirinin 51 nömrəli orta
məktəbdə keçirilməsi heç də təsadüfi
deyildir. Dahi bəstəkarımız üzeyir Hacıbəyov
Qori Müəllimlər Seminariyasını bitirdikdən
və bir müddət indiki Xocavənd rayonunda işlədikdən
sonra Bakı şəhərinə gələrək,
1905-1907-ci illərdə məhz bu məktəbdə
müəllimlik etmişdir. Tədbirdə çıxış edən
Səbail Rayon İcra Hakimiyyətinin başçısı
Sahib Ələkbərov böyük bəstəkarın
mədəniyyətimizin inkişafı və Azərbaycan
xalq musiqisinin dünya səviyyəsində
tanınmasında, peşəkar bəstəkarlıq
məktəbinin yaranmasındakı misilsiz
xidmətlərindən söhbət açdı. Natiq son
illərdə ölkə başçısı cənab İlham
Əliyev tərəfindən mədəniyyətimizə
və incəsənət xadimlərinə olan qayğıdan
bəhs edərkən, muğam sənətinin qorunub
saxlanmasında, təbliğində və inkişaf
etdirilməsində Heydər Əliyev Fondunun prezidenti,
YUNESKO-nun və İSESKO-nun xoşməramlı səfiri,
Milli Məclisin deputatı Mehriban
xanım Əliyevanın əvəzsiz xidmətlərini
də xüsusi vurğuladı. Məktəblilərin ifasında
səslənən "Leyli və Məcnun" operasından
"Şəbi-hicran" xoru tədbir iştirakçılarında
xoş təəssürat oyatmış, Azərbaycan muğamını
yaşadan və geniş təbliğ edən Leyli və
Məcnun rollarının mahir ifaçıları, xalq
artistləri Nəzakət Teymurova və Mənsum İbrahimovun çıxışı
hərarətlə qarşılandılar. Mərasimdə iştirak edən təhsil
naziri Misir Mərdanov dahi
bəstəkarın Azərbaycan musiqisinin inkişafındakı
xidmətlərindən söhbət açaraq, onun bir zamanlar
dərs dediyi məktəbdə büstünün ucaldılmasının
təşəbbüskarlarına öz minnətdarlığını
bildirib, məktəb
kollektivinə uğurlar arzuladı.
"Leyli və Məcnun" tamaşasında
100-cü dəfə Məcnun rolunu ifa etməyə hazırlaşan
xalq artisti Mənsum İbrahimov,
51 nömrəli orta məktəbin şagirdi
Həmid Qarayev də mərasimdə çıxış
etdilər. Yüzillik
eşq mehrabı Naxçıvan Dövlət Universitetinin
konservatoriyasında Şərqin ilk operası
"Leyli və Məcnun"un 100 illik yubileyi ilə
bağlı tədbir keçirildi. Tədbiri giriş sözü ilə açan rektor,
akademik İsa Həbibbəyli görkəmli bəstəkar
üzeyir Hacıbəyovun yaradıcılığı
barədə geniş məruzə etdi. Rektor milli operamızın
ilk nümunəsi olan "Leyli və Məcnun"un
Azərbaycan incəsənətindəki misilsiz
xidmətlərindən, opera teatrının, milli orkestrin
və dirijorluq sənətinin inkişafındakı
rolundan danışdı. Akademik muğamlarımız
əsasında yaradılmış bu operanı dahi şair
Füzulinin və Azərbaycan musiqisini dünyada tanıdan böyük
üzeyir bəyin sənətinin ecazkar vəhdəti kimi
dəyərləndirdi. Universitetin musiqişünaslıq kafedrasının
müdiri, sənətşünaslıq namizədi İnarə
Məmmədova "Leyli və Məcnun"u sənətşünaslıq
baxımından təhlil edərək bu operanı
nəinki Azərbaycan, bütün Şərq
incəsənətində nadir sənət incisi kimi
dəyərləndirdi. Sonra söz musiqiyə verildi. Konservatoriya
tələbələrinin ifasında operadan müqəddimə,
xor və duetlər, partitura səsləndi.
Tələbələrdən Ayaz Qocazadə və
Zeynəb Yusifovanın ifasında duet, tar və fleytada
səsləndirilən musiqi nömrələri,
tələbə mini orkestrinin uğurlu debütü
hərarətlə alqışlandı. Samiddin
Vəliyevin ifa etdiyi "Qarabağ şikəstəsi"
üzeyir ruhuna sevgi və ehtiramdan yoğrulmuş musiqi
dəməti oldu. Konsertdən sonra çıxış edən
akademik İsa Həbibbəyli tələbələrin
hər konsertdə sənətkarlıq baxımından püxtələşdiyini,
yeni istedadların üzə çıxdığını,
musiqinin müxtəlif janrları üzrə ifaçıların
yetişdiyini vurğuladı, konsertin yüksək
səviyyədə təşkilinə görə Naxçıvan Muxtar
Respublikasının əməkdar incəsənət
xadimi, Azərbaycan Respublikasının əməkdar
mədəniyyət işçisi Səidə
Məmmədovaya təşəkkürünü
bildirdi. Azərbaycan Respublikası Milli Məclisinin
deputatı Aydın Mirzəzadə
tələbələrin musiqi professionallığından
və səhnə səriştəsindən, istedadından
danışdı. Mehriban SULTAN, Naxçıvan Dövlət Universitetinin mətbuat xidmətinin əməkdaşı 20
Yanvar faciəsi ilə əlaqədar tədbir keçirildi Bu günlərdə Bakı Pedaqoji Kadrların
İxtisasartırma İnstitutunun akt zalında 20 Yanvar
faciəsinin 18-ci ildönümünə həsr olunmuş
tədbir keçirildi. Tədbirdə institutun kollektivi ilə
yanaşı, qonaqlar da iştirak edirdilər. Şəhidlərin
xatirəsi bir dəqiqəlik sükutla yad olunduqdan sonra
tədbir öz işinə başladı. Tədbiri giriş sözü ilə açan Bakı
Pedaqoji Kadrların İxtisasartırma İnstitutunun
rektoru, professor Asəf Zamanov çıxışında
bildirdi ki, biz bu gün 1990-cı il 20 Yanvar faciəsinin 18-ci
ildönümünə yığışmışıq. O
gecədə neçə-neçə dinc vətəndaş, ziyalılarımız,
alimlərimiz şəhid oldular. Unutmamalıyıq ki,
dəhşətli gündə Moskvada yaşayan Heydər
Əliyevin Azərbaycanın daimi nümayəndəliyində
verdiyi bəyanat 20 Yanvar faciəsi xəbərinin
beynəlxalq aləmə yayılmasında çox böyük rol
oynadı. Heydər Əliyev Azərbaycan xalqının başına
gətirilən bu faciənin törədilməsində
əsl günahkarların, Sov.İKP və SSRİ
rəhbərliyinin adını tam açıqladı. Bu, sovet
imperiyasının öz vətəndaşlarına qarşı
silah qaldırmasının və dinc əhalini qanına
qəltan etməsinin bütün dünya qarşısında ifşası
idi. Sonra söz institutun Gənclərin çağırışaqədərki
hazırlığı kabinetinin müdiri Nurəddin Hüseynova
verildi. Nurəddin müəllim qeyd etdi ki, xalqımız
1990-cı ilin 20 Yanvarında hərbi, siyasi və
mənəvi təcavüzə məruz qalsa da, tarixi
qəhrəmanlıq ənənələrinə sadiq qaldığını,
çətinliklərə baxmayaraq, azadlıq və müstəqillik
uğrunda sarsılmaz mübarizə apardığını
bütün dünyaya çatdırdı. Həm də 20 Yanvar
Azərbaycanda xalq hərəkatından milli azadlıq mübarizəsinə
keçidin dönüş məqamı oldu. Tədbirdə 20 Yanvar Cəmiyyəti İdarə
Heyətinin üzvü, cəmiyyətin Binəqədi rayon
təşkilatının sədri Ağarza Xankişiyev,
Pedaqogika kabinetinin müdiri Fikrət Əliyev və
Rəhbər kadrlar kabinetinin müdiri Nisə Cəlilova da 20
Yanvar faciəsinə öz münasibətlərini
bildirdilər. Qeyd olundu ki, 1993-cü ildə ulu öndər
Heydər Əliyev yenidən siyasi hakimiyyətə
gələndən sonra 20 Yanvar faciəsinin baş
verməsinin səbəblərinin araşdırılması
ilə bağlı addımlar atıldı. 20 Yanvar
faciəsinə dövlət səviyyəsində hüquqi-siyasi
qiymət verildi. İnstitutun əməkdaşı, şair
Mehdi Cəlal 20 Yanvara aid şeirini söylədi. Müdavimlər
Eltac Salmanova və Etibar Əliaslanov 20 Yanvar faciəsi
ilə əlaqədar hazırladıqları kompozisiyanı
nümayiş etdirdilər. Tədbirdə matəm musiqisi sədaları
altında o müdhiş gecədən fraqmentlər göstərildi.
Tədbirin axırında 20 Yanvar hadisələri zamanı
zərərçəkmiş bir qrup şəxsə, o cümlədən
Binəqədi rayon sakinlərindən 20 Yanvar
Cəmiyyəti İdarə Heyətinin üzvü Ağarza
Xankişiyevə, Canpolad İsmayılova
və Esmira Mehdiyevaya Bakı Pedaqoji Kadrların İxtisasartırma
İnstitutunun rəhbərliyi tərəfindən yardım
təqdim olundu. Şakir CƏFƏROV Şəhidlərimizin
ruhu bizi mübarizəyə səsləyir 20 Yanvar faciəsinin 18-ci ildönümü ilə bağlı
Bakının Yasamal rayonundakı 20 nömrəli
məktəb-liseydə "Şəhidlərimizin ruhu
bizi mübarizəyə səsləyir" mövzusunda
ədəbi-bədii kompozisiya keçirilmişdir. Rayon
səviyyəsində keçirilən tədbirdə iştirak
edən icra hakimiyyətinin başçısı İbrahim
Mehdiyev, Bakı Şəhəri üzrə Təhsil İdarəsinin
məsul əməkdaşları, müxtəlif
məktəblərin rəhbərləri, ictimaiyyətin nümayəndələri,
şəhid anası və digər qonaqlar öncə
faciə ilə bağlı məktəb-liseydə təşkil
olunmuş sərgiyə tamaşa etdilər. Sonra 20 nömrəli
məktəb-liseyin direktoru, əməkdar müəllim Əkbər
Qocayev qonaqlarla birlikdə şəhidlərin ruhunu 1
dəqiqəlik sükutla yad etdi və faciə ilə bağlı
ümumi məlumat verdi. O bildirdi ki, məktəb-liseydə 20
Yanvarla əlaqədar təhsil naziri Misir Mərdanovun
təsdiq etdiyi tədbirlər planına uyğun olaraq
rəsm sərgisi, inşa müsabiqəsi, ibtidai
siniflərdə ana, Vətən mövzularında aparılmış
söhbətlər, Şəhidlər Xiyabanını
ziyarətlər, mərdlik dərsləri və s.
tədbirlər keçirilir. Şəhidlər haqqında danışan
Əkbər müəllim şagirdlərə Vətən
sevgisi, Vətən məhəbbəti arzuladı. Sonra söz
Yasamal Rayon İcra Hakimiyyətinin başçısı İbrahim
Mehdiyevə verildi. ümummilli lider Heydər Əliyev
tərəfindən 20 Yanvar faciəsinə siyasi qiymət
verildiyini tədbir iştirakçılarının
nəzərinə çatdıran İ.Mehdiyev şəhid
ailələrinə və əlillərə göstərilən
dövlət qayğısından danışdı. Qeyd etdi
ki, torpaqlarımızın müdafiəsi uğrunda şəhid
olanların əməlləri heç vaxt unudulmayacaq, onlar
qəlbimizdə daim yaşayacaqlar. 20 Yanvar faciəsinə həsr olunmuş
bədii hissə başlandı. Faciəni əks
etdirən stendlərin qarşısında çıxış
edən aparıcılar öncə 20 Yanvar şəhidləri
haqqında məlumat verdilər. Sonra həzin musiqi
sədaları altında məktəblilərin ifasında
Bəxtiyar Vahabzadənin "Şəhidlər" poemasından
parçalar, bayatılar, qəhrəmanlığı və
Vətən sevgisini əks etdirən şeirlər
səsləndi, səhnəciklər göstərildi. Tədbirin yüksək
vətənpərvərlik ruhunda keçməsində müəllimlərdən
Aydın Babayev, Ləman Ağasıyeva, Gülnarə Orucova,
Mehparə Həbibi, Şamil Sadıqov, Adil Ağayev,
şagirdlərdən isə Taleh, Tural, Turanə, Günel,
Orxan, İlham və Fərizənin xüsusi əməyi
oldu. Sonra şəhid Fərizənin anası öz çıxışında
20 nömrəli məktəb-liseyin direktoru, əməkdar müəllim
Əkbər Qocayevə bu tədbirin təşkili üçün
minnətdarlığını bildirdi və şagirdləri
vətənpərvərliyə çağırdı. "Şəhidlərimizin ruhu bizi mübarizəyə
səsləyir" adlı ədəbi-bədii kompozisiya
"Koroğlu" uvertürasının sədaları altında
başa çatdı. Fazil İDRİSOĞLU 20
Yanvara həsr olunan rəsm sərgisi Yanvarın 18-də Tofiq İsmayılov adına
Uşaq Gənclər Yaradıcılıq Sarayının
"Uşaq dünyası" qalereyasında 20 Yanvara
həsr olunan sərgiyə toplaşanlar
məktəblilərin həmin günlə bağlı çəkdikləri
rəsm işləri ilə yaxından tanış oldular.
Sərgi iştirakçıları uşaq təxəyyülünün
məhsulu olan sənət əsərlərinə tamaşa
edərək o günü yenidən xatırladılar. Sərginin açılışından öncə
Təhsil Nazirliyinin Tərbiyə və
məktəbdənkənar müəssisələrlə iş
şöbəsinin müdiri Ağababa İbrahimov çıxış
edərək 20 Yanvar faciəsinin tariximizə qanlı bir
gün kimi daxil olduğunu söylədi. Bununla bərabər,
həmin gün xalqımız müstəqilliyə qovuşdu.
Bir millət, xalq olaraq sovet imperiyasına qarşı öz
etirazını bildirərək, azadlığını,
müstəqilliyini əldə etdi. Neçə-neçə oğul
və qızlarımız şücaət, igidlik göstərərək
qəhrəmancasına həlak oldular. Daha sonra çıxış edən Bakı
Şəhəri üzrə Təhsil İdarəsinin
məktəbdənkənar təhsil sektorunun müdiri
Qənirə Sultanova qanlı gecənin canlı iştirakçısı
olan 48 nömrəli Tərbiyə İşi Mərkəzinin
direktoru Avtandil Nəbiyev həmin günü ürəkağrısı
ilə yenidən xatırladılar.
çıxışlardan sonra sərgiyə baxış
oldu. Sərgidə paytaxtın bir çox uşaq yaradıcılıq
mərkəzlərinin rəsm dərnəyində məşğul
olan şagirdlərin 200-dən yuxarı rəsmi nümayiş
olunurdu. Rəsm əsərlərində 20 Yanvar günü
paytaxtda törədilən qırğınlar təsvir
olunub, igid oğul və qızlarımızın
qəhrəmanlıqla həlak olmaları göstərilib. Məktəblilərin çəkdikləri
rəsmlərə həyəcansız baxmaq qeyri-mümkün
idi. Uşaqlar öz rəsm əsərlərində 20 Yanvar
hadisələrini elə peşəkarlıqla təsvir
etmişlər ki, sanki həmin gecənin canlı şahididirlər.
Nümayiş olunan şəkilləri seyr etdikcə həmin
qanlı faciənin üstündən 18 il keçməsinə
baxmayaraq, gənc nəslin yaddaşında o gecənin
unudulmayan bir gün kimi yadda qaldığına bir daha
əmin olduq. Samirə KƏRİMOVA
|