|
|
· Ana səhifə· Rəsmi· Heydər Əliyev Fondu· Əmrlər, sərəncamlar· Təhsil Nazirliyində· Xəbərlər· Pedaqoji yazılar· Məktəblərimiz· Bizimlə əlaqə
|
Moskva Dövlət Universiteti Bakı filialının təntənəli açılışı olub Oktyabrın
4-də Bakıda yağış yağırdı, lakin
bu təbiət hadisəsi M.V.Lomonosov adına Moskva Dövlət
Universiteti Bakı filialının açılışına
toplaşan insanların bayram əhvali-ruhiyyəsinə
təsir etməmişdi. Təntənəli mərasimə gəlmiş
çoxsaylı qonaqlar, o cümlədən respublika hökumətinin
üzvləri, Milli Məclisin deputatları, diplomatlar,
Azərbaycanın aparıcı ali məktəblərinin
rektorları, ictimaiyyətin nümayəndələri,
Moskvadan təşrif buyurmuş professor-müəllim
heyətinin üzvləri və nəhayət, filialın ilk
tələbələri olan gənc bakılılar ölkəmizdə
təhsil sisteminin tarixində bu əlamətdar hadisə münasibətilə
sevinclərini gizlətmirdilər. Filialın binasının
girəcəyində qonaqları qarşılayan
Azərbaycan Nəfəsli Alətlər Orkestrinin ifasında
musiqi nömrələri bu mərasimə xüsusi ovqat bəxş
edirdi. Məsul an yetişdi. MDU-nun Bakı filialının
rektoru, filologiya elmləri doktoru, professor Nərgiz Paşayeva,
Azərbaycanın təhsil naziri Misir Mərdanov və
filialın Moskvadan olan direktoru Vitali Fedorçuk rəmzi qırmızı
lenti kəsərək dünya şöhrətli ali
məktəbin yeni filialının açılmasını
elan etdilər. Cəmi bir il-ilyarım bundan əvvəl
burada olmuş insanlar gördükləri mənzərəyə
mat qalmışdılar. Keçmiş Xüsusi Konstruktor Bürosunun
baxımsız qalmış binasının yerində müasir
dizaynın son tələblərinə uyğun olaraq
yenidən qurulmuş və təmir edilmiş, möhtəşəm
sütunlu bir bina ucaldılmışdı. Binanın geniş
vestibülü, gözəl akt zalı, işıqlı
auditoriyalar - bütün bunlar burada baş vermiş dəyişikliklərin
yalnız az bir qismidir. ...Təntənəli mərasimi açıq
elan edən professor Nərgiz Paşayeva giriş sözü söylədi. Nərgiz xanım dedi ki, bu gün Azərbaycanın
mədəni həyatında əlamətdar, tarixi bir gündür.
Bu gün Azərbaycanın və Rusiyanın mədəni
və təhsil sahəsində əlaqələrində
yeni bir mərhələnin təcəssümü olmaqla yanaşı,
həm də bütövlükdə ölkələrimizin qarşılıqlı
əlaqələrinin möhkəmlənməsi və inkişafı,
hər iki ölkədə vətəndaş
cəmiyyətlərinin bir-birinə yaxınlaşması
ilə əlamətdardır. Universitetin yeni filialının yaranması
mədəniyyət və elm naminə, xalqlar dostluğu
naminə əməkdaşlığın rəmzi olan çox
böyük bir təməlin yaranması deməkdir. Əlamətdar
haldır ki, indi bütün bunlar həm də tədris
auditoriyaları vasitəsilə həyata keçiriləcəkdir.
Filialın binasının çox qısa müddətdə
yenidən qurularaq istifadəyə verilməsini vurğulayan
Nərgiz xanım ölkəmizdə təhsil ocaqlarının
təşəkkülündə Azərbaycan Prezidentinin rolunu xüsusi
qeyd etdi. O bildirdi ki, Prezident gənclərin layiqli
təhsil almaları məsələsinə çox böyük
əhəmiyyət verir. Axı bugünkü
tələbələr sabah ən mühüm dövlət işlərində
çalışacaq, ölkənin daha da inkişafına
xidmət edəcəklər. Bakıda MDU-nun filialının açılması
ideyası dövlətimizin başçısına məxsusdur.
Bu, Azərbaycanın modernləşdirilməsinə yönəlmiş
çoxsaylı layihələrdən biridir. Nərgiz Paşayeva Rusiya Prezidenti Dmitri
Medvedyevin və MDU-nun rəhbərliyinin də filialın
açılmasında böyük xidmətləri olduğunu vurğuladı.
Lakin Nərgiz xanımın fikrincə, universitetdə
ən əsas insanlar tələbələrdir, indi onlara
çox məsul vəzifələr həvalə edilmişdir. Sabah Azərbaycanda Müəllim günü və
Rusiyada Təhsil günüdür. Bu tarixlərin eyni günə düşməsi
rəmzi məna daşıyır. Professor Paşayeva dedi
ki, biz istedadlı insanların kommersiya strukturlarına üz
tutmasını deyil, elm aləminə gəlməsini
istəyirik və buna nail olacağıq. Sonra MDU-nun rektoru, akademik Viktor Sadovniçinin
səmimi təbrik məktubunun mətni oxundu. MDU-nun Bakı filialının Moskvadan olan
direktoru Vitali Fedorçuk öz çıxışının
əvvəlində qeyd etdi ki, gənclər bizim
gələcəyimizdir və təhsilə göstərilən
qayğı ölkənin gələcəyinə göstərilən
qayğıdır. V.Fedorçuk Nərgiz xanımın
fədakar əməyini və müstəsna təşkilatçılıq
qabiliyyətini vurğulayaraq qeyd etdi ki, Bakıda bu filialın
yaradılması ilə bağlı layihənin həyata
keçirilməsi məhz Nərgiz xanımın
səyləri sayəsində mümkün olmuşdur. Təntənəli mərasimdə çıxış
edən Azərbaycanın təhsil naziri Misir Mərdanov
qeyd etdi ki, bu zalda əyləşənlərin
əksəriyyəti ya Moskvada təhsil almış, ya da
orada dissertasiya müdafiə etmiş, təcrübə keçmiş
insanlardır. Bir sözlə, bu insanlar Rusiya paytaxtı
ilə bu və ya digər şəkildə bağlıdırlar. Misir Mərdanov dedi ki, ötən əsrin 90-cı
illərində ulu öndərimiz Heydər Əliyev ölkələrimiz
arasında mədəniyyət və təhsil
sahələrində dostluq körpülərinin dağıdılmasına
imkan vermədi və indi də bu körpülərin möhkəmləndirilməsi
naminə çox iş görülür. Azərbaycanın Rusiyadakı səfiri
Polad Bülbüloğlu Nərgiz Paşayevanın 253 illik
tarixə malik olan MDU-nun Bakı filialının rektoru
olmasını ən böyük uğur adlandırdı.
Səfir çıxışının sonunda qeyd etdi ki, bu
filialın açılması ölkələrimiz arasında qarşılıqlı
münasibətlərdə irəliyə doğru atılmış
çox uğurlu addımdır. Rusiya Federasiyasının Azərbaycandakı
səfiri Vasili İstratovun çıxışı da böyük
maraqla dinlənildi. O, razılıq hissi ilə qeyd etdi ki,
Azərbaycanda Rusiya təhsilinə tələbat böyükdür.
Bu fakt MDU-nun keçmiş məzunu, sonra isə bu ali
məktəbin müəllimi kimi onu sevindirməyə
bilməz. Xarici işlər nazirinin müavini, Diplomatik
Akademiyanın rektoru Hafiz Paşayev qeyd etdi ki, bu auditoriyada
Moskvadan gəlmiş qonaqlar çoxdur. Onların əməyi,
burada onların gələcək uğurları həm
Azərbaycan, həm də Rusiya üçün çox vacibdir. Hafiz Paşayev
vurğuladı ki, ölkələr arasında hər hansı
mədəni əlaqələr yaradılanda ən çox
sevinən səfirlər olur. O qeyd etdi ki, MDU-nun diplomu
Amerikada və bütün dünyada çox yüksək
qiymətləndirilir, bu fakt çox şeydən xəbər
verir. Hafiz Paşayev çıxışının sonunda qeyd
etdi ki, bütün dünyada tanına biləcək kadrlar hazırlayan
ölkə üçün yeni tipli təhsil çox vacibdir. Bakı Dövlət Universitetinin rektoru,
akademik Abel Məhərrəmov bildirdi ki, biz genetik baxımdan
Türkiyə ilə bağlıyıqsa, elm və təhsil
məsələlərində Rusiya ilə
ənənəvi bağlılığımız vardır.
Mübaliğəsiz bayram adlandırıla
biləcək mərasimdə iştirak edən moskvalı
qonaqlar da Azərbaycanda təhsilin inkişafına dövlət
səviyyəsində çox böyük əhəmiyyət
verildiyini qeyd etdilər. Bildirdilər ki, Azərbaycan büdcəsinin
20 faizinin bu sahəyə ayrılması buna sübutdur. Qazaxıstanın ölkəmizdəki
səfiri Serik Primbetov qeyd etdi ki, tələbə olmaq gözəl
şeydir, MDU-nun tələbəsi olmaq isə əsl xoşbəxtlikdir.
Səfir dedi ki, indi Azərbaycan, sözün həqiqi mənasında,
çiçəklənir. Birinci kurs tələbələri adından
kimya fakültəsinin tələbəsi Tahir Məmmədov
çıxış etdi. O, ölkə hüdudlarından kənara
çıxmadan MDU-nun diplomunu almaq imkanı yaratmış dövlətimizə
təşəkkürünü bildirərək, mərasim iştirakçılarını
əmin etdi ki, gənclər onlara bəslənən ümidləri
doğruldacaq və yüksək hazırlıqlı mütəxəssislər
olmaq üçün əllərindən gələni
edəcəklər. Filialın açılışında Baş
nazirin müavini Elçin Əfəndiyev, Prezidentin İcra Aparatının
şöbə müdiri Fatma Abdullazadə və digər
rəsmi şəxslər iştirak etmişlər. AzərTAc
|