|
|
· Ana səhifə· Rəsmi· Heydər Əliyev Fondu· Əmrlər, sərəncamlar· Təhsil Nazirliyində· Xəbərlər· Pedaqoji yazılar· Məktəblərimiz· Bizimlə əlaqə
|
Azərbaycan Prezidenti İlham Əliyev İslam ölkələrinin ali təhsil və elm nazirlərinin Bakıda keçirilən IV konfransının iştirakçılarını qəbul edib Görüşdə Prezident İlham Əliyev Azərbaycanda təhsilin səviyyəsinin artdığını və bu sahənin dövlət siyasətində əsas prioritet kimi götürüldüyünü bildirib Azərbaycan
Respublikasının Prezidenti İlham Əliyev oktyabrın
6-da İslam ölkələrinin ali təhsil və elm
nazirlərinin Bakıda keçirilən IV konfransının iştirakçılarını
qəbul etmişdir. Prezident İlham ƏLİYEV qonaqlara müraciətlə
dedi: - Mən Sizin hamınızı
Azərbaycanda salamlamaq istəyirəm. çox şadam ki,
burada əyləşənlərin ölkəmizə
səfər etmək imkanı olubdur. Sizlərdən
bəziləri burada artıq olublar, lakin konfrans iştirakçılarının
bir çoxu Azərbaycana ilk dəfə səfər
edirlər. Eyni zamanda mən bu cür mühüm tədbiri
Azərbaycanda təşkil etdiyinə görə İSESKO-ya
və onun Baş direktoruna minnətdarlığımı
bildirmək istəyirəm. İlk növbədə, belə
konfrans iştirakçılarının bir-biri ilə görüşməsi
və ölkələrimiz arasında münasibətləri möhkəmləndirmək,
eləcə də təhsil məsələlərini müzakirə
etmək baxımından yaxşı fürsətdir. Əminəm
ki, konfrans bütün ölkələr üçün çox mühüm olacaqdır,
çünki bu, elə bir sahədir ki, biz
gələcəkdə əsas diqqəti ona
yetirməliyik. Bu, xalqlarımızın, yeni
nəsillərin gələcəyidir. İnanıram ki,
gələn illər ərzində ölkələrimizin inkişaf
səviyyəsi, əsasən, təhsilin
səviyyəsindən və insanlarımızın
biliklərindən, eləcə də ölkələrimizin
inkişafına töhfə vermək qabiliyyətindən asılı
olacaqdır. Bir sözlə, fikrimcə, bu konfransın bir
çox mühüm məqamları var. Əlbəttə ki, onlardan
birincisi, İslam dövlətləri arasında
həmrəyliyin möhkəmləndirilməsidir. Bu baxımdan,
biz Azərbaycanda həmin sahədə öz rolumuzu oynamağa
çalışırıq və yəqin, siz bilirsiniz ki, Bakıda
İKT-nin və müsəlman ölkələrinin müxtəlif
sahələrə aid bir sıra beynəlxalq konfransları
keçirilmişdir. Biz ölkəmizdə bu cür bir çox digər
tədbirləri təşkil etməyə çalışacağıq. İlk növbədə, bu, sizi görmək
üçün münasib fürsətdir. İkincisi isə ondan
ibarətdir ki, Azərbaycan gənc müstəqil dövlətdir
və hələ də dünyada tam yaxşı tanınmır.
Bunları nəzərə alaraq, daha çox
səfərlər və təmaslar bir-birimizi daha yaxından
tanımağa imkanlar yaradır. Biz ölkəmizdə təhsil
məsələlərinə xüsusi önəm veririk. Ali
və orta təhsil bizim diqqətimiz
mərkəzindədir. Dövlət siyasətimizin yaxşı
misallarından biri təhsil məqsədləri üçün dövlət
xərclərinin artırılmasıdır. Ola bilsin, siz
bu haqda eşitmişsiniz. Əgər eşitməmişsinizsə,
nazir sonra sizə təfərrüatı ilə məlumat
verər ki, ötən illər ərzində bu sahədə
hansı işlər görülübdür. Təhsil dövlət büdcəmizdəki
xərclər siyahısında ikinci yeri tutur. Birinci yeri,
əfsuslar ki, hərbi xərclər tutur. Lakin biz bunu
etməyə məcburuq, çünki biz müharibə şəraitindəyik.
15 ildən çoxdur ki, ərazilərimiz Ermənistan silahlı
qüvvələrinin işğalı altındadır. Buna görə
də hərbi güc imkanları bizim üçün çox vacibdir. Dövlət təhsil proqramlarının
həyata keçirilməsində üzləşdiyimiz
məsələlərdən biri qaçqın və
məcburi köçkün uşaqları arasında təhsilin
səviyyəsi idi. Ermənistanın hərbi təcavüzü
nəticəsində bir milyondan artıq soydaşımız
qaçqın və məcburi köçkün vəziyyətinə düşmüşdür.
İşğal edilmiş yeddi rayonumuz tamamilə dağıdılıb,
orada bütün orta məktəblər və tarixi
abidələr məhv edilibdir. Əlbəttə ki, müharibə,
işğal inkişafımıza, xüsusən də qaçqın-köçkün
ailələrinin uşaqlarının təhsil
səviyyəsinə çox mənfi təsir göstərmişdir.
Biz bu məsələni tam ciddiliyi ilə aradan qaldırmalı
idik. Qaçqın və məcburi köçkünlərin yeni yaşayış
yerlərinə köçürülməsi proqramının birinci
mərhələsi tam başa çatdırılmışdır.
Biz bütün çadır düşərgələrini ləğv
etməyə və qaçqın-köçkünlər üçün yeni
evlərin, habelə orta məktəb binalarının
tikilməsini nəzərdə tutan layihələri
həyata keçirməyə nail olduq. Hər bir yeni salınmış
qəsəbədə məktəb tikilmişdir.
Beləliklə, Azərbaycanda bütün uşaqların
təhsil almaq imkanları var. Biz çox şadıq və
fərəhlənirik ki, uşaqlarımızın hamısı,
yəni onların yüz faizi məktəblərdə
təhsil alır. ölkədə savadlılıq, demək
olar ki, yüz faizdir. Lakin biz gələcəyə
nəzər salmalıyıq. Bu gün dünya dəyişir.
Qloballaşma, inteqrasiya prosesləri gedir. Təbii ki, biz
də buna hazır olmalıyıq. Hazırda biz kompüterləşdirmə
proqramını həyata keçiririk. Biz informasiya
texnologiyalarının inkişafına xüsusi diqqət
yetiririk. Təhsil Nazirliyi, Rabitə və İnformasiya
Texnologiyaları Nazirliyi bunun üzərində birgə çalışır.
Yəni, nəinki məktəb tikintisi gedir, həm də
təhsilin səviyyəsi artır. Bütün bunlar bizim üçün
yeni imkanlar açır. Həyata keçirdiyimiz kompüterləşdirmə
proqramı sayəsində biz elə bir
səviyyəyə çatmışıq ki,
əvvəllər 1000 məktəbliyə 1 kompüter düşürdüsə,
indi 29 şagirdə 1 kompüter düşür. Eyni zamanda biz öz
adət-ənənələrimizi, həyat tərzimizi
qoruyub saxlamalıyıq. Qloballaşma prosesi bizim
dəyərlərimizə, köklərimizə, tariximizə
və gələcəyimizə müdaxilə etməli deyil.
Biz ölkəni müasirləşdiririk, şəhərlərimizi
yeniləşdiririk. Bütün xalqımız, o cümlədən
gənclər üçün mümkün qədər əla şərait
yaratmağa çalışırıq. Gənclər ölkəmizdə
çoxluq təşkil edir. Biz çalışırıq ki,
onların yaxşı təhsil almaq, xaricdə
biliklərə yiyələnmək və müasir dünyanı
öyrənmək imkanı olsun. Lakin, eyni zamanda biz öz milli köklərimiz,
tariximiz, adət-ənənələrimiz və həyat
tərzimiz barədə hər zaman düşünməliyik. Azərbaycan qədim tarixi və zəngin
mədəniyyəti olan ölkədir. Lakin müstəqil ölkə
kimi tariximiz nisbətən qısadır. Əsrlər boyu
biz digər imperiyaların və ölkələrin
tərkibində yaşamışıq. Lakin biz milli
mənsubiyyətimizi qoruyub saxlaya bilmişik. Bu, bizim milli
köklərimizə bağlılığımız
sayəsində mümkün olmuşdur. Biz bu haqda daim düşünməliyik.
Qloballaşan dünyanın ən qabaqcıl təcrübəsini
Azərbaycana gətirmək üçün biz ümumbəşəri
dəyərləri bölüşürük, lakin bizim öz
dəyərlərimiz, Azərbaycan və İslam
dəyərlərimiz, ənənəvi
dəyərlərimiz də var. Bütün bunlar inkişafımızın
əsaslarını təşkil edir. Mən bir daha demək istəyirəm ki, bütün
dövlət proqramlarımızda təhsil əsas prioritet
kimi götürülür. ölkəmizdə həyatın bütün
sahələrinə - iqtisadi inkişafa, siyasi islahatlara,
sosial sahəyə, infrastruktur layihələrinə aid
proqramlarımız var. üDM-in və sənaye istehsalının
artımı baxımından Azərbaycan son dörd il
ərzində dünyada birinci yeri tutur. Bu il Dünya Bankı ölkəmizi
dünyada bir nömrəli islahatçı dövlət kimi tanımışdır.
Bizim müxtəlif sahələrdə gözəçarpan proqramlarımız
var. Əlbəttə ki, müstəqilliyini yenicə qazanmış
ölkələr özlərinin iqtisadi potensialı haqqında
düşünməlidirlər, çünki güclü iqtisadiyyat olmadan
ideyalarımızdan heç biri həyata keçirilə
bilməz. Lakin biz eyni diqqətlə təhsil
məsələlərinə də yanaşmalıyıq,
çünki bu, bizim gələcəyimizdir. Gələcəyini
qurmayan ölkə heç bir uğuru qazana bilməz. Bizim böyük
enerji resurslarımız, inkişaf etmiş infrastrukturumuz
ola bilər və buna malikik. Lakin bilikli və bacarıqlı
insanlar və ən yüksək standartları qavrayan
gələcək nəsil olmasa, biz uzunmüddətli uğur
qazana bilmərik. Mən, sadəcə, bu məsələ
ilə bağlı fikirlərimi və təhsilə,
eləcə də İslam həmrəyliyinə nə
dərəcədə böyük önəm verdiyimizi söyləmək
istəyirdim. Bu konfrans həmin iki amili, o cümlədən
Azərbaycanın hazırkı inkişafının bir çox
digər amillərini əhatə edir. Eyni zamanda bu, ölkələrimiz
arasında dostluğu möhkəmləndirmək üçün yaxşı
fürsətdir. Burada bir çox ölkənin nümayəndəsi
əyləşibdir. Artıq qeyd etdim ki, sizlərdən
çoxunuz ölkəmizə ilk dəfədir ki, səfər
edirsiniz. Əminəm ki, bu səfər sonuncu olmayacaq
və əməkdaşlığımız davam
edəcəkdir. çıxışımın sonunda mən müsəlman
dünyasında və Azərbaycanda bu
məsələlərə sadiqliyinə görə İSESKO-ya
və onun rəhbərinə bir daha minnətdarlığımı
bildirirəm. Bizim cənab əl-Tüveycriyə böyük hörmətimiz
var. O, əlaqələrimizin inkişaf
etdirilməsində, mədəniyyət, təhsil və
humanitar sahədə göstərdiyi səylərə görə
Azərbaycanın yüksək ordeninə layiq görülmüşdür.
Bir daha xoş gəlmişsiniz. Əminəm
ki, Azərbaycana səfərinizdən razı qalacaqsınız. * * * İSESKO-nun Baş direktoru Əbdüləziz
bin Osman əl-Tüveycri beynəlxalq konfransın Bakıda keçirilməsini
mühüm hadisə adlandıraraq dedi ki, İSESKO və İslam
Konfransı Təşkilatına (İKT) üzv ölkələr
Sizin müdrik siyasətiniz sayəsində gedən güclü
və sürətli inkişafı görməkdən
məmnundur. Mən ölkənizə dəfələrlə
səfər etmişəm və bütün sahələrdə
gözəl inkişafın şahidi olmuşam. Baş direktor Azərbaycan təhsilində
də böyük inkişaf olduğunu, dövlətin bu
sahədə uğurlu siyasətini xüsusi vurğulayaraq
dedi ki, son illər ölkədə 1500 məktəbin
tikilməsi gözəl göstəricidir. Bir çox ölkələrdə
bunu görmək mümkün deyildir. Biz bu nailiyyətlərə görə
Sizə təşəkkür edirik. Konfransın işini yüksək
qiymətləndirən İSESKO-nun Baş direktoru onu
gələcək məqsədlərə nail olmaq baxımından
mühüm addım adlandırdı. Görüşün sonunda Prezident İlham Əliyev
konfrans nümayəndələri ilə xatirə şəkli
çəkdirdi. AzərTAc
Azərbaycan
Respublikasının təhsil işçilərinə
fəxri adların verilməsi haqqında
Azərbaycan Respublikası Prezidentinin Sərəncamı Azərbaycan təhsilinin inkişafında
xidmətlərinə görə aşağıdakı
təhsil işçilərinə Azərbaycan Respublikasının
fəxri adları verilsin: "Azərbaycan Respublikasının əməkdar müəllimi" Abdullayeva Gülnaz Fərman qızı Ağayeva çimnaz Mirzəbala qızı Alıyev Şəmil Musa oğlu Babayev Sehran Ənam oğlu Babayev Şahmalı Behbud oğlu Carçıyev Şadət Qasım oğlu Cəfərova Fəridə Nəsib qızı
Cəfərova Mehparə Hüseynağa qızı Dilbazi Minirə Xulusi qızı Dünyamalıyev Dilsuz İsa oğlu Eynullayeva Səmayə Xankişi qızı Əfəndiyeva Hicran Mikayıl qızı Əhmədov Saday Xasay oğlu Əhmədova Validə Həmid qızı Əliyev Hidayət Arazxan oğlu Əliyeva Rəhilə Xızır qızı Əliyeva Sevda Alim qızı Əsədov Surxay Rəzzaq oğlu Əsgərov Niyazi Həsən oğlu Əsgərova İradə Əziz qızı Əzimova Sədaqət Qərib qızı Əzizli Fərman Məhəmməd oğlu Əzizov Aydın Məmmədəziz oğlu Hacıyev Səyyad Mustafa oğlu Hacıyeva Sevda Həbib qızı Həsənov Ayaz Yolçu oğlu Həsənov İsgəndər Alış
oğlu Həsənova Dilarə Həmid qızı Hüseynov Arif Mehdi oğlu Hüseynov Nəriman Muxtar oğlu Hüseynov Nəsimi Hüseynəli oğlu Hüseynova Dilrubə Şövlət qızı Xasıyev Məhəmməd Abdurrahman oğlu Xəlilov İbrahimxəlil Qurban oğlu Xubyarov Babək Ələkbər oğlu İbrahimova Aybəniz Paşa qızı İsgəndərova Xalidə Əmirxan qızı İsmayılov Ağayar Soltan oğlu İsmayılov İslam Yusif oğlu İsmayılov Sakit Aslan oğlu İsmayılova Rəhilə Mustafa qızı Kazımova Füruzə Cümşüd qızı Kərimova Sevil Cabbar qızı Kişiyev Hacırza Baxşəli oğlu Qermes Anna Romanovna Qəhrəmanlı Malik İsmayıl oğlu Quliyev Famlet Şirin oğlu Quliyev Maarif İbrahim oğlu Quliyev Vaqif Yunis oğlu Qurbanova Tahirə Hümbət qızı Mahmudov Şükür Məhər oğlu Mehdiyev Ələsgər Rəşid oğlu Mehdiyeva Sücaət Təhməz qızı Məmmədov Əfsər Ərzulla oğlu Məmmədov Namiq Qəzənfər oğlu Məmmədov Rəfail İnqilab oğlu Məmmədov Sabir Məhəmməd oğlu Məmmədov Şükür ömürmalı oğlu Məmmədov Tahir Məmmədalı oğlu Məmmədov Valeh Hüseyn oğlu Məmmədova Aidə Rza qızı Məmmədova Alla Cəfər qızı Nəzirov Nəzir Hadı oğlu Orucov Rasim Mikayıl oğlu Rəhimov İsfəndiyar Kazım oğlu Sabirov İmran Bulud oğlu Sadıqova Zəkiyə Ağa Əli qızı Səfərəliyev Məhəmməd
Yusif oğlu Səmədov Rafiq İslam oğlu Soltanov Qəzənfər Ələmdar oğlu Şiriyev Bəhram Qəzənfər oğlu Teyli Akif Əmiraslan oğlu Topiyev Məlikşah Cəmisər oğlu Veysova Zülfiyyə Altay qızı "Azərbaycan Respublikasının əməkdar elm xadimi" İsgəndərov Asəf Daşdəmir
oğlu "Azərbaycan Respublikasının əməkdar incəsənət xadimi" Babayeva Həcər Teymur qızı Əliyev Eldar Hacıməmməd oğlu "Azərbaycan Respublikasının əməkdar jurnalisti" Məmmədov Şamxəlil Hətəm oğlu İlham ƏLİYEV, Azərbaycan Respublikasının Prezidenti Bakı şəhəri, 3 oktyabr 2008-ci
il Azərbaycan Respublikasının təhsil işçilərinin "Tərəqqi" medalı ilə təltif edilməsi haqqında Azərbaycan Respublikası Prezidentinin Sərəncamı Azərbaycan təhsilinin inkişafında
xidmətlərinə görə aşağıdakı
təhsil işçiləri "Tərəqqi" medalı
ilə təltif edilsinlər: Abbasov İlyas Əliqulu oğlu Abbasova Adilə Allahyar qızı Abdullayev Nadir Yaqub oğlu Asəfli Elmira Qafar qızı Babayev Səyyad Əsəd oğlu Bağırov Bəkir Bağır oğlu Bədəlov Maarif Ağamalı oğlu Canəhmədov Nurəhməd
Xanəhməd oğlu Cəfərova Əntiqə Savalan qızı Cəlilov Babək Şirin oğlu Əfəndiyeva Ofelya Həsən qızı Ələkbərova Viktoriya Sadıq qızı Əlixanova Emma Hidayət qızı Əzimova Həqiqət Nizaməddin qızı Hacıyev Eyvaz Mirhüseyn oğlu Hüseynov Nəriman Cavad oğlu Hüseynov Nizami Niftalı oğlu Hüseynova Gülnarə Ənvər qızı İsmayılov Pənah İsmayıl oğlu Kərimov Rza Məhərrəm oğlu Qasımov Elmar Eldar oğlu Qədirova Nailə Əkbər qızı Qəmbərov Elsivər Bayram oğlu Quliyev Yusif Əliqulu oğlu Qurbanov Saleh Cümşüd oğlu Mehdiyev Vaqif Bəylər oğlu Mehdiyeva İmarət Şamxal qızı Mehtiyev Ənvər Nəsib oğlu Məhərrəmov Lətif Fərhad oğlu Məmişov Allahverən Məmmədxan oğlu Məmmədov Məhəmməd Bəşir
oğlu Məmmədov Məhərrəm
Cəfər oğlu Məmmədova Şərqiyyə Baxşəli
qızı Musayev Kamal Bəhram oğlu Mürşüdov Qəzənfər Müzəffər
oğlu Mürvətov Nəcməddin Taci oğlu Nabatov Dadaş Rüstəm oğlu Nağıyev Piri Abbas oğlu Nəbiyev Fikrət Nəbi oğlu Nəcəfov Hakim Rəhim oğlu Novruzova Zöhrə Ağagül qızı Rüstəmov Rüstəm Nəbi oğlu Salahov Telman Bəxtiyar oğlu Seyidov Nüsrət Əsgər oğlu Seyidova Nərminə Mirmahmud qızı Səmədov Mirhümbət Qeyrət oğlu İlham ƏLİYEV, Azərbaycan Respublikasının Prezidenti Bakı şəhəri, 3 oktyabr 2008-ci
il
İslam ölkələrinin ali təhsil və elm nazirlərinin IV konfransının iştirakçılarına Hörmətli konfrans iştirakçıları! Sizi - İslam ölkələrinin ali
təhsil və elm nazirlərinin IV konfransının iştirakçılarını
Azərbaycanın paytaxtı Bakı şəhərində
ürəkdən salamlayıram, konfransınızın işinə
uğurlar diləyir, hər birinizə ən xoş arzularımı
yetirirəm. İslam ölkələri ilə
hərtərəfli əməkdaşlıq müstəqil
Azərbaycanın beynəlxalq aləmə inteqrasiyası
yolunda əsas istiqamətlərdən birini təşkil
edir. Son illər İslam Konfransı Təşkilatı
və İslam Elm, Təhsil və Mədəniyyət
Təşkilatı ilə əlaqələrimizin daha da
genişlənməsi bu münasibətlərin qarşılıqlı
faydalı zəmində qurulmasından xəbər verir,
xalqlarımızın təhsil və elm
sahələrində gələcək inkişafına
xidmət edir. Müasir dünyanın qlobal inkişaf
meyilləri dövlətlərin və cəmiyyətlərin
sosial-iqtisadi həyatında təhsilin, elmin və yeni
texnologiyaların əvəzsiz rol oynadığını
aydın göstərir. İnkişafı təmin edən
intellektual potensialın artırılması naminə
təhsildə və elmdə qazanılmış qabaqcıl
təcrübələrin öyrənilməsi, mübadiləsi
və tətbiqi istiqamətində bütün birgə
səylər yüksək qiymətləndirilməlidir. ümidvaram
ki, konfransınızda İslam ölkələrində elm,
texnologiya və innovasiya strategiyası, biliklərə
əsaslanan iqtisadiyyatın qurulması və ali təhsil
sahəsində əməkdaşlığa dair
problemlərin müzakirəsi təqdirəlayiq amil olaraq öz
səmərəsini verəcəkdir. Son illər Azərbaycan sosial-iqtisadi inkişaf
yolunda ciddi uğurlar əldə etmişdir. Bütün bunlar ölkəmizin
təbii resurslarından məqsədyönlü istifadə
olunmasına yönəlmiş iqtisadi siyasətin
nəticəsidir. Sevindirici haldır ki, həmin islahatlar,
eləcə də yerli və beynəlxalq
əhəmiyyətli iri layihələr peşəkar milli
kadrların bilik və bacarıqları sayəsində müvəffəqiyyətlə
həyata keçirilmişdir. Azərbaycanda cəmiyyətin
tərəqqisinin mühüm amili kimi təhsil və elm xüsusi
dövlət qayğısı ilə əhatə olunmuşdur.
İnformasiya Cəmiyyəti üzrə Sammitdə ölkəmiz
bəyan etmişdi ki, bizim əsas vəzifəmiz mövcud
iqtisadi nailiyyətlərimizin bəhrələrini insani
sərvətə çevirməkdən ibarətdir. Bu
məqsədlə ölkəmizdə təhsilin və elmin
daha da inkişaf etdirilməsinə dövlət
tərəfindən ayrılan vəsaitin həcmi
ildən-ilə artırılır, xüsusi dövlət
proqramları gerçəkləşdirilir. İnanıram ki,
mötəbər tədbiriniz təmsil etdiyiniz ölkələrdə
bu istiqamətdə məsələlərin ətraflı
müzakirəsini aparacaq, gələcək faydalı
əlaqələrin qurulması üçün geniş imkanlar açacaqdır. Əminəm ki, konfransınız ölkələrimizin
inkişafı, xalqlarımızın rifahı naminə
təhsil və elm sahələrində əməkdaşlığın
yeni yollarını müəyyən edərək, qarşıdakı
vəzifələrin həyata keçirilməsinə öz
layiqli töhfəsini verəcəkdir. Dərin hörmətlə, İlham ƏLİYEV, Azərbaycan Respublikasının Prezidenti Bakı şəhəri, 6 oktyabr 2008-ci
il
Heydər Əliyev adına park sakinlərin sevimli istirahət yeridir Prezident İlham Əliyev və xanımı Mehriban Əliyeva parkda Şirvan şəhərinin bir qrup təhsil işçisi ilə görüşdülər Prezident
İlham Əliyev oktyabrın 4-də Şirvan şəhərində
ulu öndərin adını daşıyan parkla tanış
olmuşdur. Bu park şəhər sakinlərinin ən
sevimli istirahət guşələrindən biridir. Buradakı
oturacaqlar yeniləşdirilmiş, müasir işıqlandırma
sistemi quraşdırılmışdır.
Fəvvarələr, şəlalə isə parka xüsusi gözəllik
verir. Bir sözlə, burada Şirvan sakinlərinin asudə
vaxtlarını səmərəli keçirməsi üçün yaxşı
şərait yaradılmışdır. Prezident İlham Əliyev və xanımı
Mehriban Əliyeva parkda şəhərin bir qrup təhsil işçisi
ilə görüşdülər. Şəhər 21 nömrəli orta
məktəbin müəllimi SƏADƏT QULİYEVA dövlətimizin
başçısına müraciətlə dedi: - Cənab Prezident, bizim şəhərimizə
xoş gəlmişsiniz. İlham müəllim, çox gözəl
təsadüfdür ki, bu gün, bizim bu gözəl günümüzdə
gəlmişsiniz. Biz Müəllim gününü qeyd etməyə
hazırlaşırıq, sevincimizin həddi-hüdudu yoxdur.
Bax belə gözəl gündə Siz bizə yeni hədiyyə
etdiniz. Mehriban xanım, Sizi də görməyimizə çox
şadıq. Bizim bu şəhərdə aparılmış
abadlıq işlərini öz gözlərinizlə gördünüz. İLHAM ƏLİYEV: - çox gözəl
işlər görülür. SƏADƏT QULİYEVA: - Biz bütün
bunlara görə həmişə Sizə minnətdarıq.
Bu işlər respublikanın bütün yerlərində görülür.
Hamı bütün rayonlar haqqında gözəl sözlər deyir.
Amma hamısı Sizin adınızla bağlıdır. Son vaxtlar şəhərimizin
nailiyyətləri çoxdur. Ona görə ki, bu il təhsil üzrə
göstəricilərimiz yüksəkdir. Bu il 23 nəfər
məzun 600-dən yuxarı, Nurlan adlı oğlan isə
700 bal toplayıbdır. üç nəfər də Prezidentin
fərdi təqaüdünə layiq görülmüşdür. Biz bununla çox fəxr edirik. İnanırıq
ki, gələcəkdə şəhərimiz daha da gözəlləşəcəkdir.
Bu parkı da ulu öndərin adına layiq saxlamağa çalışırıq.
Həmişə Sizin görüşlərinizi televiziyada,
hər yerdə izləyirik. Fəxr edirik ki, bizim
Prezidentimiz xanımı ilə birlikdə adımızı
bütün dünyada ucaldır. Sizinlə, doğrudan da, fəxr
edirik. ƏZİZƏ MƏMMƏDOVA
(Şəhər Qadınlar Şurasının
sədri): - Sevincimin həddi-hüdudu yoxdur. çünki bu,
mənim ən gözəl günümdür. Təsadüfə baxın,
Siz məni "Tərəqqi" medalı ilə
təltif etdiniz. ömrüm boyu Sizə minnətdaram. İLHAM ƏLİYEV: - Təbrik
edirəm. ƏZİZƏ MƏMMƏDOVA: - çox
sağ olun. Sabah Müəllim günüdür, təntənəli
şəkildə qeyd edəcəyik. Yüz yaşayın.
Sizi ulu Tanrı özü qorusun. Əgər ulu Tanrı Sizi bu yüksək
təbəqəyə layiq görürsə, biz ömrümüz boyu
minnətdar olacağıq və Sizi həmişə
dəstəkləyirik. ALMAZ MAHMUDOVA (müəllim): - Bizim maaşlarımızı
artırmışsınız. Sizə buna görə
minnətdarıq. Siz həmişə müəllimlərin
qayğısına qalmışsınız. İLHAM ƏLİYEV: - Mən sizi
təbrik edirəm. Müəllim uşaqların
tərbiyə olunmasında əsas rol oynayır. Ona görə
indi Azərbaycanda təhsil məsələlərinə
çox böyük diqqət göstərilir. Həm yeni
məktəblər tikilir, həm də müəllimlərin
sosial vəziyyəti yaxşılaşır. İndi yeni
imzalanmış sərəncamda bir neçə müəllimin
fəaliyyəti qiymətləndirilibdir. Həm medal,
həm də fəxri adlar verilibdir. Bu, lazımdır.
Təhsil bizim gələcəyimizin, uğurlu
gələcəyimizin əsasıdır. Təhsildən
çox şey asılıdır. Həm bilik, həm savad,
həm də tərbiyə. Uşaqlar həm bilikli,
həm savadlı olmalıdır, həm də
vətənpərvərlik ruhunda tərbiyə almalıdırlar.
Yəni bütün bunlar məktəb illərində həll
olunur və müəllimlərdən çox şey asılıdır.
Azərbaycanda müəllimlərin sayı çoxdur və onların
sosial vəziyyəti ildən-ilə yaxşılaşmalıdır.
Bütün məktəblər təmir olunacaqdır.
Son illər ərzində 1500 yeni məktəb tikilib, yüzlərlə
məktəb əsaslı təmir olunubdur. Növbəti
illərdə bu, davam etdiriləcəkdir. Hələ
elə məktəblər var ki, onlar yararsız
vəziyyətdə, qəza vəziyyətindədir. İndi xüsusi proqram icra olunur. Bütün rayon
və şəhərləri, o cümlədən Şirvanı
da nəzərdə tutur. Hesab edirəm ki, növbəti 3-4
il ərzində Azərbaycanda yararsız
vəziyyətdə məktəb qalmayacaqdır. İndi bütün
məktəblərdə yaxşı avadanlıq quraşdırılır,
kompüter sinifləri yaradılır ki, bizim uşaqlarımız
gənc yaşlarından bütün qabaqcıl texnologiyalara hazır
olsunlar. Bu, onların gələcək fəaliyyəti
üçün çox vacibdir. Şirvan şəhərinin də inkişafı
göz qabağındadır. ƏZİZƏ MƏMMƏDOVA: -
Bəli, təzə ad, inkişaf, tərəqqi, gözəllik. SƏADƏT QULİYEVA: - çox sağ
olun ki, bu adı bizim şəhərimizə verdiniz. Doğrudan
da, biz bununla fəxr etdik. İLHAM ƏLİYEV: - Mən o vaxt
belə təşəbbüs irəli sürdüm ki, şəhərin
adı dəyişməlidir. çünki şəhərin özünəməxsus
bir adı olmalıdır. Əvvəlki ad bir növ uyğun
deyildi. Süni şəkildə yaradılmışdı. Düzdür,
insanlar ona öyrəşmişdilər. Ancaq bəziləri
heç bilmirdi ki, bu nə deməkdir, kiminlə bağlıdır.
Amma, eyni zamanda mən icra hakimiyyətinin başçısına
dedim ki, bütün fəallarla məsləhətləşin,
sizin üçün hansı ad daha uyğundursa, biz onun üstündə
dayanaq. Hələ mən istəyirdim ki, burada yaşayan
insanlar bu qərarı versinlər. Bu ad - Şirvan, doğrudan
da, tarixi addır. Azərbaycanın böyük bir hissəsi
Şirvan bölgəsi hesab olunur. SƏADƏT QULİYEVA: -Həm
də üzərimizə böyük məsuliyyət qoyur. İLHAM ƏLİYEV: - Əlbəttə,
Şirvan zonasında müxtəlif şəhərlər,
qədim şəhərlər yerləşir. Ona görə
bu şəhərə Şirvan adının verilməsi
həm də böyük məsuliyyətdir, şərəfdir.
Bu, çox gözəl addır, Azərbaycanın tarixinin böyük
bir parçasıdır. Tariximizin böyük bir hissəsi Şirvanla
bağlıdır. ƏZİZƏ MƏMMƏDOVA: - Hörmətli
Prezident, bu diqqətə, qayğıya görə çox sağ
olun. Bir gözəl keyfiyyəti də demək
istəyirəm ki, Siz tədrisə necə böyük
qiymət verirsiniz. Azərbaycandan kənarda 4 mindən çox
tələbənin oxuması balaca iş deyildir. Onlar bizim
xəzinəmizdir. Ən zəngin xəzinədir. Onlar
təhsili qurtarıb gələndən sonra, inşallah,
Azərbaycan dünyaya meydan oxuyacaq. Allah Sizə cansağlığı
versin. O gözəl günləri hamımız bir yerdə görək.
İLHAM ƏLİYEV: - Əslində,
bir yenilik yoxdur. çünki bu ənənəni vaxtilə
Heydər Əliyev qoymuşdur. ƏZİZƏ MƏMMƏDOVA: -
Bəli, ilk dəfə ulu öndər qoymuşdur. İLHAM ƏLİYEV: - Hər il
800-900 tələbə Moskva, Leninqrad, Kiyev və SSRİ-nin
başqa aparıcı şəhərlərinə imtahansız
göndərilirdi. Yəni imtahanları Bakıda
verirdilər, oxumağa oraya gedirdilər. İndi onların
bir çoxu Azərbaycanda, müxtəlif yerlərdə işləyir.
Yəni biz bu ənənəni, elə bil ki, bərpa
edirik və bu, başlanıbdır. SƏADƏT QULİYEVA: - Bu, ulu öndərin
qoyduğu ənənədir. Biz bunu bilirik. İLHAM ƏLİYEV: - Ancaq, bununla
bərabər, mən hesab edirəm, növbəti
mərhələdə Azərbaycanın daxilində
təhsilin keyfiyyəti elə olmalıdır ki, biz uşaqları
xaricə göndərməyək. Yəqin biz növbəti
mərhələdə daha çox xaricdən bilikli, tanınmış
müəllimləri dəvət edəcəyik ki, onlar bizim
ali məktəblərdə dərs desinlər və müxtəlif
seminarlar keçsinlər. Buna ehtiyac var. Bizə bilikli mütəxəssislər
lazımdır. Ancaq yenə də deyirəm, əsas
vəzifə odur ki, Azərbaycanda təhsilin
səviyyəsi yüksək olsun. SƏADƏT QULİYEVA: - Bəli,
hər şey özümüzdə olmalıdır. Mən qadınların qurultayında idim.
Mehriban xanım çox gözəl çıxış etdi, yəni
hər sahəyə toxundu. Biz birinci xanımımızla,
həqiqi mənada, fəxr edirik. Təhsilə böyük önəm
verir. Gözəl, xeyirxah işlərlə məşğuldur.
Mehriban xanım, uşaqdan tutmuş böyüyə kimi hamı
Sizi sevir. Biz Sizinlə fəxr edirik. FİRƏNGİZ ŞİRƏLİYEVA:
- Mehriban xanım, builki birinci sinif uşaqlarının
hamısına çanta və içərisində lazım olan
ləvazimatlar paylamışsınız. İLHAM ƏLİYEV: - Hamıya çatdımı?! FİRƏNGİZ ŞİRƏLİYEVA:
- Bəli, hamıya çatdı. Bütün valideynlər
minnətdardırlar. Mənim nəvəm bu il birinci
sinfə gedir, bu sevinci bütün ailəmiz yaşayıbdır.
Siz Azərbaycanda nə qədər ailənin sevincinə
səbəb olursunuz. çox sağ olun. *** Prezident İlham Əliyev və xanımı
Mehriban Əliyeva təhsil işçiləri ilə xatirə
şəkli çəkdirdilər. Bununla da dövlətimizin başçısının
Füzuli, Beyləqan, Ağdam rayonlarına və Şirvan
şəhərinə səfəri başa çatdı. AzərTAc
Prezident İlham Əliyev Beyləqan rayonundakı məcburi köçkünlər qəsəbəsində orta məktəb binasının açılışında iştirak edib Oktyabrın
4-də Prezident İlham Əliyev Beyləqan rayonu
ərazisində Xocavənddən olan məcburi köçkünlər
üçün salınmış qəsəbədəki 360 şagird
yerlik orta məktəbin binasının açılışında
iştirak etmişdir. Dövlətimizin başçısı
əvvəlcə qəsəbənin baş planına,
məcburi köçkünlər üçün ayrılmış
əkin-səpin sahələrinin, suvarma şəbəkəsinin
sxeminə baxdı, sonra məktəbin idman salonu, sinif
otaqları, kompüter və fənn kabinetləri ilə tanış
oldu, binanın ikinci mərtəbəsinin eyvanından
ətrafı seyr etdi. Prezidentə məlumat verildi ki, hazırda
məktəbdə 200 şagirdin təlim-tərbiyəsi
ilə 27 müəllim məşğuldur. Sinif otaqları,
fənn kabinetləri, laboratoriyalar müasir avadanlıqla
təmin olunmuşdur. Kitabxana latın qrafikası ilə
nəşr edilmiş ədəbiyyatla komplektləşdirilmişdir.
15 sinif otağından ibarət məktəb Məcburi Köçkünlərin
Sosial İnkişafı Fondunun sifarişi ilə tikilmişdir. Prezident İlham Əliyev idman salonunda şagirdlərlə
görüşdü, onlarla xatirə şəkli çəkdirdi.
Məlumat verildi ki, məktəbin şagirdləri müxtəlif
idman yarışlarında uğurlu nəticələr
qazanmışlar. Dövlətimizin başçısı və xanımı
Xocavənd şəhidlərinin fotoşəkillərindən
ibarət guşəyə də baxdılar.
Məktəb-lisey kompleksi müasir tipli təhsil ocağıdır Oktyabrın
7-də Prezident İlham Əliyev Biləsuvarda
məktəb-lisey kompleksinin açılışında iştirak
etmişdir. ümumi sahəsi 6 min kvadratmetr olan və
Avropa standartlarına uyğun layihələndirilmiş
bina zəlzələyə yüksək davamlılıq
nəzərə alınmaqla tikilmişdir. Beş yüz şagird üçün
nəzərdə tutulan məktəb-liseyə bu il
Biləsuvar rayonunda 2800 şagird arasından test üsulu
ilə 192 nəfər seçilmişdir. Daha 15 şagird rayon
ərazisindəki məcburi köçkün
qəsəbələrindəki 140 şagird arasından seçilmişdir
və onlar yataqxana ilə də təmin olunacaqlar.
Liseydə təhsil pulsuzdur. Bu il hərəsi iki sinif
olmaqla, 5-8-ci siniflər komplektləşdirilmişdir.
Hər sinifdə 24-26 şagird təhsil alacaqdır. Növbəti
ildə bütün bölgəni əhatə etməklə birinci
sinfə qəbul aparılacaqdır. Bu məqsədlə
gələn il yeni yataqxananın tikintisi də planlaşdırılır.
Hazırda liseydə 20 müəllim çalışır,
gələcəkdə onların sayı 70-ə çatdırılacaqdır.
Tədris genişləndirilmiş proqram üzrə,
nəzəriyyə və təcrübələrin inteqrasiyası
vasitəsilə aparılacaqdır. Keçilmiş hər mövzudan
sonra yoxlama testi, hər ay isə sınaq imtahanı olacaqdır.
Gələcəkdə kompleksin
nəzdində məktəbəqədər təlim bölməsinin
də açılması nəzərdə tutulmuşdur. Kompüter
otağında şagirdlər üçün İnternetə qoşulmuş
24, informatika dərsini aparan müəllim üçün ayrıca kompüter
vardır. Vahid elektron şəbəkəsi olan liseydə
respublikamızda ilk dəfə olaraq yeni təhsil mühiti,
informatika sistemi yaradılmışdır. Kitabxanadakı ədəbiyyatın bir
hissəsinin isə həm də elektron versiyası olacaqdır.
Prezident İlham Əliyev kompleksin akt
salonuna, 80 nəfərlik yeməkxanaya, 184 yerlik tribunası
olan idman salonuna, fizika, kimya və biologiya laboratoriyalarına,
müəllimlər otağına, kompüter, rəsm otaqlarına,
hərbi hazırlıq kabinetinə və kitabxanaya baxdı.
Bu cür müasir tipli komplekslərin ölkəmizdə
təhsilin inkişafına diqqət və qayğının
göstəricisi olduğunu söyləyən Prezident İlham
Əliyev dedi ki, gənc nəslin savadlı böyüməsi,
biliklərə dərindən yiyələnməsi üçün
burada hər cür şərait vardır. Dövlət başçısı
məktəb-liseyin kollektivinə uğurlar arzuladı. AzərTAc
"Dəfinə" liseyi Masallının yeni tədris müəssisəsidir Oktyabrın
7-də Prezident İlham Əliyev Masallı şəhərində
"Dəfinə" liseyi üçün tikilmiş bina ilə
tanış olmuşdur. Uzun illər baxımsız və
təmirsiz vəziyyətdə qalan məktəb binası
bu il yenidən tikilmişdir. Müasir standartlara cavab verən
məktəb bütün zəruri avadanlıqla təchiz edilmişdir.
220 şagird yerlik liseyin ikimərtəbəli tədris
korpusunun mərkəzləşdirilmiş istilik sistemi
də vardır. Prezident İlham Əliyev idman salonu,
fənn kabinetləri, iclas salonu, laboratoriya ilə tanış
oldu, İnternetə çıxışı təmin olunmuş
kompüter otağında şagirdlərin bu müasir
texnologiyalara yiyələnmələri prosesini izlədi. Dövlət
başçısı bu təhsil ocağının uğurlarını
əks etdirən lövhəyə də baxdı. Məktəblə tanışlıqdan
məmnun qalan Prezident İlham Əliyev kollektivə uğurlar
arzuladı. Bununla da dövlət başçısının
Masallı rayonuna səfəri başa çatdı.
Səpnəkəran orta məktəbi ilə tanışlıq Oktyabrın
8-də Prezident İlham Əliyev Lənkəran rayonunun
Səpnəkəran kəndindəki Möhübbət
Həmzəyev adına orta məktəbdə olmuşdur. Məktəblilər Prezident İlham Əliyevi
və xanımı Mehriban Əliyevanı böyük
hərarətlə salamladılar. Məktəblə tanışlıq
zamanı bildirildi ki, bu il Lənkəranda 9 məktəb
binası inşa edilmişdir. Bunların dördü Heydər
Əliyev Fondunun "Yeniləşən Azərbaycana yeni
məktəb" Proqramı çərçivəsində, beşi
isə regionların sosial-iqtisadi inkişafı Dövlət
proqramına əsasən tikilmişdir. Səpnəkəran kənd
məktəbinin əvvəlki binası 1923-cü ildə inşa
edilmişdi. 1941-45-ci illər müharibəsi zamanı burada
uşaq evi yerləşmişdi. ümumi sahəsi 1568 kvadratmetr olan yeni binanın
foyesində ümummilli lider Heydər Əliyevin həyat
və fəaliyyətini əks etdirən guşə yaradılmışdır.
İkimərtəbəli binada 16 sinif otağı, 7
əlavə otaq, kitabxana, İnternetə çıxışı
olan kompüterlər zalı vardır. Qızlar üçün tikiş
otağı, oğlanlar üçün iki emalatxana zəruri avadanlıqla
təmin edilmişdir. Məktəbin ayrıca istilik sistemi
vardır. Burada 320 şagirdin təlim-tərbiyəsi
ilə 45 müəllim məşğul olacaqdır.
Heydər Əliyev Fondu məktəbə əyani
vəsaitlər hədiyyə etmişdir. Prezident İlham Əliyev sinif otaqlarına,
fənn kabinetlərinə, kompüter və tikiş otaqlarına,
emalatxanalara baxdı. ölkəmizdə ilk dəfə məhz bu
məktəbdə dəmir konstruksiyalı və xüsusi
materialdan hazırlanmış, açılıb-yığılan
damı olan idman salonu tikilmişdir. ümumi sahəsi 500
kvadratmetr olan salona süni qazon döşənmişdir. Dövlətimizin başçısı idman salonu
ilə də tanış oldu, onun gənclərin idmanla
məşğul olmasına böyük töhfə
verəcəyini bildirdi. AzərTAc
|