|
|
· Ana səhifə· Rəsmi· Heydər Əliyev Fondu· Əmrlər, sərəncamlar· Təhsil Nazirliyində· Xəbərlər· Pedaqoji yazılar· Məktəblərimiz· Bizimlə əlaqə
|
Görkəmli alim və yazıçı Mir Cəlal Paşayevin 100 İlliyinə həsr olunmuş təntənəli yubiley gecəsi keçirilib Oktyabrın 3-də M.Maqomayev adına
Azərbaycan Dövlət Filarmoniyasında görkəmli yazıçı,
ədəbiyyatşünas alim və pedaqoq Mir Cəlal Paşayevin
100 illiyinə həsr olunmuş təntənəli yubiley
gecəsi keçirilmişdir. Bütün mənalı ömrünü ədəbiyyatın,
ədəbiyyatşünaslıq elminin inkişafına
və elmi kadrların hazırlanmasına həsr edən görkəmli
şəxsiyyətin yubiley gecəsi bəstəkar
Fikrət Əmirovun musiqisi əsasında "Mir Cəlalı
yad edərkən" kompozisiyasının ifası ilə
başlamışdır. Əsər ilk dəfə idi ki,
ifa edilirdi. Sonra Mir Cəlal Paşayevin həyat və
fəaliyyətini əks etdirən fotosalnamə nümayiş
etdirilmişdir. Xalq artisti Fəxrəddin Manafov xalq şairləri
Hüseyn Arifin və Nəriman Həsənzadənin Mir
Cəlal Paşayevin xatirəsinə həsr etdikləri
şeirləri oxumuşdur. Xalq artisti Rauf Abdullayevin dirijorluğu
ilə Azərbaycan Dövlət Simfonik Orkestrinin ifasında
ü.Hacıbəylinin, Q.Qarayevin, S.Hacıbəyovun
əsərlərindən fraqmentlər səsləndirilmişdir.
İncəsənət ustaları operalardan ariyalar ifa etmişlər.
Böyük ədib və alimin
nəvələri - Heydər Əliyev Fondunun prezidenti,
YUNESKO-nun və İSESKO-nun xoşməramlı səfiri,
Milli Məclisin deputatı Mehriban xanım Əliyeva, Moskva
Dövlət Universiteti Bakı filialının rektoru,
professor Nərgiz Paşayeva, dövlət və hökumət nümayəndələri,
deputatlar, elm və ədəbiyyat
xadimləri yubiley
gecəsində olmuşlar. AzərTAc
Müqəddəs peşə sahiblərinin bayram sevinci Naxçıvan
Dövlət Universitetinin çoxsaylı kollektivinin beynəlxalq
Müəllim günü münasibətilə ilə "Duzdağ"
otelində keçirdiyi tədbiri universitetin rektoru, akademik
İsa Həbibbəyli açaraq müəllimlik sənətinin
müqəddəs və şərəfli peşə olduğunu,
müəllimlərimizin milli şüurunun inkişafında
misilsiz rol oynadığını qeyd etdi. Natiq
ümummilli lider Heydər Əliyevin və onun siyasi
kursunun layiqli varisi Prezident İlham Əliyevin milli
təhsilin, elmin inkişafına göstərdiyi qayğıdan
söz açdı. Rektor ölkə başçısının müəllim
əməyini daim uca tutaraq yüksək
qiymətləndirdiyini vurğuladı, universitetin 40 illik
yubileyi ərəfəsində bir qrup əməkdaşın
fəxri adlarla təltif edilməsini, təhsil işçilərinin
əməkhaqlarının artırılmasını milli
təhsil quruculuğuna böyük töhfə kimi
dəyərləndirdi. Sonra otelin icraçı direktoru Novruz Novruzov çıxış
edərək müəllimləri peşə bayramı münasibəti
ilə təbrik etdi. Universitetin sosial idarəetmə və turizm
kafedrasının müdiri, fəlsəfə elmləri
namizədi, dosent Hafiz Hüzeynov həmkarlarını
təbrik edərək "Duzdağ" otelinin turizm
ixtisası üzrə təhsil alan tələbələr
üçün təcrübi baza rolunu oynadığını bildirdi.
H.Hüseynov tələbələrin burada turizm və otelçilik
mədəniyyətini mənimsədiyini, universitet
məzunlarının yerli ixtisaslı kadr kimi oteldə işlə
təmin olunduğunu bildirdi. Universitetin "Qeyrət" nəşriyyatının
di rektoru, tarix elmləri namizədi Vaqif
Məmmədov müəllim əməyinin müqayisəolunmaz
dəyərindən söz açaraq dünya standartlarına cavab
verən "Duzdağ" otelinin və Fizioterapiya
xəstəxanasının regionların sosial-iqtisadi inkişafına
göstərilən dövlət qayğısının
əməli bəhrəsi adlandırdı, turizmin inkişafının
Azərbaycanın ayrılmaz parçası
olan Naxçıvanın qədim tarixinin və zəngin
mədəniyyətinin dünyada tanıdılmasında da böyük
rol oynayacağını vurğuladı. Tədbir ziyafətlə davam etdi.
Universitetin təsviri incəsənət fakültəsinin müəllim
və tələbələrinin hazırladığı
rəngarəng konsert proqramı müəllimlər üçün
bayram ərməğanı oldu. Mehriban SULTAN, Naxçıvan Dövlət Universiteti Mətbuat xidmətinin rəhbəri
|