|
|
· Ana səhifə· Rəsmi· Heydər Əliyev Fondu· Əmrlər, sərəncamlar· Təhsil Nazirliyində· Xəbərlər· Pedaqoji yazılar· Məktəblərimiz· Bizimlə əlaqə
|
Korrupsiyaya qarşı mübarizə hamının işidir Fevralın 6-da Abşeron rayonunun Xırdalan
şəhər 1 nömrəli orta məktəbində
Azərbaycan Respublikası Təhsil Nazirliyində
fəaliyyət göstərən Korrupsiyaya Qarşı Mübarizə
üzrə İşçi Qrupu ilə Abşeron rayon təhsil işçilərinin
birgə "Korrupsiyaya qarşı mübarizə" mövzusunda
tədbiri keçirildi. Tədbirdə Abşeron rayonunun
təhsil işçiləri, o cümlədən
məktəb direktorları, müəllimlər və
dəvət olunmuş qonaqlar iştirak edirdilər. Tədbiri giriş sözü ilə Abşeron
Rayon Təhsil Şöbəsinin müdiri Nadir Ağayev açaraq
bildirdi ki, son illər ölkəmizdə korrupsiyaya qarşı
ciddi mübarizə aparılır. Korrupsiya ilə bağlı
məktəblərdə də maarifləndirmə işi
getməlidir. çünki bu məsələ hazırda
təhsilimizə öz mənfi təsirini göstərməkdədir.
Biz məktəblərdə hələ də neqativ hallara
rast gəlirik. Demokratik dövlətimizin daha da qüdrətlənməsi
və inkişafı üçün hamı korrupsiyaya qarşı
mübarizəyə qoşulmalıdır. Bu gün Azərbaycan
Respublikası Prezidenti İlham Əliyev cənablarının
"Şəffaflığın artırılması
və korrupsiyaya qarşı mübarizə üzrə Milli
Strategiyanın təsdiq edilməsi barədə"
verdiyi sərəncamı hər birimizin qarşısına
böyük vəzifələr qoyur. Sonra söz Korrupsiyaya Qarşı Mübarizə
Fondunun İcraçı direktoru, Təhsil Nazirliyində
fəaliyyət göstərən Korrupsiyaya qarşı Mübarizə
üzrə İşçi Qrupunun üzvü Vasif Mövsümova verildi. O,
çıxışında qeyd etdi ki, təhsil naziri Misir
Mərdanov Təhsil Nazirliyində fəaliyyət göstərən
Korrupsiyaya Qarşı Mübarizə üzrə İşçi
Qrupunun fəaliyyətinin daha da səmərəli təşkili
məqsədilə 15.05.2007-ci il tarixdə imzaladığı
əmrlə İşçi Qrupunun fəaliyyət planını
təsdiq etmişdir. Ona görə də bu gün
məktəblərdə şagird, müəllim və
valideynlər arasında xoşagəlməz neqativ hallara
rast gəlinirsə, onların problemləri yerində
və operativ araşdırılır. Sonra çıxış üçün söz Dövlət
Quruculuğu Araşdırmalar Mərkəzinin
rəhbəri, Təhsil Nazirliyində korrupsiyaya Qarşı
Mübarizə üzrə İşçi Qrupunun üzvü İslam
Əsgəroğluna verildi. O bildirdi ki, korrupsiyaya qarşı
mübarizə ümumxalq işidir. Bu işdə təkcə müəssisələr
yox, hər bir kəs fəal olmalıdır. Tədbirdə Xırdalan şəhər 1
nömrəli orta məktəbin direktoru Tahirə Ələkbərova,
Fatmayı kənd orta məktəbinin direktoru Nuru Nadirov
və Abşeron Rayon Təhsil Şöbəsi müdirinin müavini
Vahid Əliyev çıxışlar ətrafında ürək
sözlərini bildirdilər. Sonda tədbir iştirakçılarını
maraqlandıran suallara cavablar verildi. Şakir CƏFƏROV
Təhsil
Nazirliyinin yeni saytı yaxın günlərdə
istifadəyə veriləcək
Təhsil Nazirliyi Təhsilin idarəolunmasının
məlumat sistemləri şöbəsinin müdiri İsmayıl
Sadıqovun sözlərinə görə, yeni sayt üç dildə
- Azərbaycan, ingilis və rus dillərində olacaq. Əvvəlki
illə müqayisədə
yeni saytda əlavə bölmələr yaradılıb:
"Yeni saytda şagirdlər
mərkəzləşdirilmiş imtahanın
nəticələrini cavab kartına kimi heç bir cətinlik
çəkmədən öyrənə biləcəklər.
Bununla yanaşı, saytda nazirliyin struktur bölmələri
olan rayon təhsil şöbələri haqqında
məlumatlar da yerləşdiriləcək. Rayonlarda olan
şagird, tələbə, müəllim sayı bura daxildir.
Eyni zamanda saytda bu gün təhsil sistemində həyata keçirilən
layihələr, dövlət proqramları
haqqında da məlumatlar olacaq. Saytda daha bir yenilik
isə şagird və tələbələri maraqlandıran
sual-cavab (form) bölməsidir ki, onlar buraya təhsillə bağlı
maraqlandıqları sualları yerləşdirməklə
cavab tapa biləcəklər". İ.Sadıqov onu da qeyd etdi ki, sayta
girmək istəyənlər "www.edu.gov.az"-la yanaşı,
"www.tehsil.gov.az"-dan da istifadə edə
bilərlər. RƏŞAD
Televiziyalarda
intellektual proqramlara ehtiyac var
İnformasiya cəmiyyətinin özünəməxsus
spesifik xüsusiyyətləri var. Burada informasiyanın mübadiləsindən
daha çox virtual psixologiya, məhz televiziyaların
vasitəsi ilə geniş kütlələrə ideoloji
təsir edə bilir. Belə bir məqamda təbii ki,
insanların inteqrasiyası daha çox vərdiş aşılayan
psixoloji temperamentlərin təsiri ilə formalaşır.Müasir
dunyada kütlələrin qlobalizmin mənfi
təsirlərindən kənarda saxlanılmasını
ortaya qoyan bir sıra proqramlar tərtib olunub. Bunlardan biri
ölkələrin milli təhsil sisteminin əsasları hesab
olunursa, başqa tərəfdən kommunikasiya texnologiyalarının
düzgün tətbiq olunması göstərilir. Son vaxtlar ölkəmizdə də həyata keçirilən
təhsil siyasətinə əlavə dəstək ola
biləcək resurslar haqqında informasiyalar
səslənməkdədir.Bu resurslar daha çox dövlətin
digər qurumları ilə sıx qarşılıqlı
əməkdaşlıq hesab olunur ki bu istiqamətdə
də müsbət işlər həyata keçirilir. Ancaq burada əsas
məsələlərdən biri təhsil siyasətini
dəstəkləyən və onun ideoloji təbliğatını
quran lahiyələrin qeyri-dövlət təşkilatları
səviyyəsində həyata keçirilməsidir.
Məsələn, televiziyalarda elmi intellektual tutumlu verilişlərin
sayını artırmaqla bu istiqamətdə müəyyən
işlər görmək olar. Xüsusilə uşaqların
və yeniyetmələrin iştirakı ilə keçirilən
intellektual oyunlar yeni nəslin intellektual düşüncəsinin
müsbət formalaşmasına imkan yaradar. Eyni zamanda şou
xarakterli verilişlərlə sağlam rəqabət
aparmaq da mümkündür. Hətta bu günkü bazar prinsiplərini
nəzərə alan mütəxəssislər hesab edir ki
digər proqramlar kimi bu intellektual proqramları da SMS
vasitəsi ilə təmin etməklə maliyyə
məsələlərini tam həll etmək mümkündür. Mütəxəssislər hesab edir ki bir neçə
saat dərs keçən uşağın psixologiyasına bir
neçə dəqiqəlik istənilən alternativ televiziya
verilişi təsir
edə bilir. Elə bunun üçün yeniyetmələri və uşaqları
intellektual verilişlər hazırlayıb bu kimi verilişlərə
cəlb etmək olar. Və eyni zamanda bu yolla təhsil
siyasətinə kompleks dəstək vermək mümkündür. Zamin AXUNDOV
|