|
|
· Ana səhifə· Rəsmi· Heydər Əliyev Fondu· Əmrlər, sərəncamlar· Təhsil Nazirliyində· Xəbərlər· Pedaqoji yazılar· Məktəblərimiz· Bizimlə əlaqə
|
Beynəlxalq olimpiadanın qalibləri müəyyənləşdi Türkiyədə beynəlxalq dil öyrətim
cəmiyyəti hər il xarici ölkələrdə türkcə
olimpiadalarını təşkil edir. Bu olimpiadalarda keçən
il 104 ölkə iştirak etmişdir. ölkəmizin
məktəbliləri də hər il olimpiadalarda iştirak
etmiş və müxtəlif nominasiyalarda medallar qazanmışdır.
Azərbaycanı təmsil edəcək şagirdlər türk
dilinin tədris edildiyi məktəblərdə müsabiqələrdən
keçərək seçiliblər. Beynəlxalq
türkcə olimpiadasının Azərbaycan seçmələrini
bu il Türkiyə Respublikasının ölkəmizdəki
səfirliyi, Azərbaycan Respublikası Təhsil Nazirliyi, TİKA-nın
Türk Hava Yolları, Atatürk mərkəzi və "çağ"
öyrətim İşlətmələri şirkəti
birgə təşkil etmişdir. 45 təhsil müəssisəsindən
5000-ə yaxın şagird arasında keçirilən müsabiqə
3 mərhələdə aparılmışdır. Fevralın 16-da Musiqili Komediya Teatrında keçirilən
olimpiadanın final mərhələsində 9 nominasiya üzrə
35 şagird iştirak etdi. Şeir, mahnı, qrammatika
və digər nominasiyalarda öz bilik və
qabiliyyətlərini nümayiş etdirən
məktəblilərin 9-u finalda 1-ci yerə layiq görüldü.
Qaliblər mayda təşkil olunacaq, 120 ölkənin iştirakı
gözlənilən 6-cı Beynəlxalq türkcə olimpiadalarında
Azərbaycanı təmsil edəcəklər. Final mərhələsində milli
mənəvi dəyərləri əks etdirən film göstərildi.
Tədbirdə təhsil naziri Misir
Mərdanov, Türkiyə Respublikasının Azərbaycandakı
fövqəladə və səlahiyyətli səfiri Hüseyn
Avni Karslıoğlu, Türkiyə Böyük Millət
Məclisinin üzvü Mehmet Sağlam, TİKA-nın Bakı
proqram koordinatoru Serhat Küçükkurt, Azərbaycan Atatürk
mərkəzinin rəhbəri, millət vəkili Nizami
Cəfərov, "çağ" öyrətim İşlətmələri
şirkətinin prezidenti Ənvər özərən,
millət vəkilləri, elm və mədəniyyət
xadimləri, təhsil işçiləri iştirak etmişlər. Sonda 6-cı Beynəlxalq türkcə olimpiadasının
Azərbaycan seçmələrinin qaliblərini mükafatlandırmaq
üçün tribunaya nazir Misir Mərdanov dəvət edildi. öncə
qonaqları salamlayan Misir Mərdanov, bu tədbirin keçirilməsində
xüsusi rolu olan "çağ" öyrətim İşlətmələri
şirkətinin rəhbərliyinə minnətdarlığını
bildirdi. Keçirilən tədbirin ortaq türk əlifbasının
yaradılmasında mühüm əhəmiyyət daşıdığını
qeyd edən nazir, ulu öndər Heydər Əliyevin bu
arzusunun həyata keçiriləcəyinə inandığını
bildirdi, olimpiadanın bir millət, iki dövlət olan Türkiyə
ilə Azərbaycanın bir-birinə daha sıx yaxınlaşmasına
kömək edəcəyini vurğuladı. Sonra nazir Misir Mərdanov qalibləri
təbrik etdi, onları mükafatlandırdı. Fazil İDRİSOĞLU, foto müəllifindir |