|
|
· Ana səhifə· Rəsmi· Heydər Əliyev Fondu· Əmrlər, sərəncamlar· Təhsil Nazirliyində· Xəbərlər· Pedaqoji yazılar· Məktəblərimiz· Bizimlə əlaqə
|
Nazir Türkiyə səfirini qəbul edib Fevralın
15-də təhsil naziri Misir Mərdanov Türkiyə
Respublikasının ölkəmizdəki fövqəladə
və səlahiyyətli səfiri cənab Hüseyn Avni
Karslıoğlu ilə görüşüb. Nazir qonağı səmimi salamlayaraq onun ölkəmizdəki
fəaliyyəti dövründə görülən
səmərəli işləri, Azərbaycan-Türkiyə
dostluq və qardaşlıq əlaqələrinin genişləndirilməsi
istiqamətində atılan addımları, əldə
olunan nailiyyətləri yüksək dəyərləndirib.
Nazir həmçinin iki ölkə arasında mövcud təhsil
əlaqələrinin inkişafı, həyata keçirilən
tədbirlər və digər
məsələlərdən də söz açıb. Eyni
zamanda Misir Mərdanov gələcək
perspektivlərdən də danışaraq ortaq bağça-məktəbin
açılması məsələsinə toxunub. Cənab Karslıoğlu nazirə səmimi
qəbul və xoş münasibət üçün
təşəkkürünü bildirib. Tarixi, mədəni
və iqtisadi baxımdan qurulan əlaqələrdən danışan
qonaq təhsil sahəsi üzrə yaradılan əməkdaşlığın
dəyərli töhfələr verdiyini diqqətə çatdırıb.
Səfir fəaliyyəti dövründə ona göstərilən
diqqət və yardıma görə razılığını
da ifadə edib. Eyni zamanda ölkəmizə təyin olunacaq
yeni səfirin mövcud əlaqələrin daha da inkişafına
çalışacağına əmin olduğunu bildirib. Sonda Misir Mərdanov səfirə
gələcək fəaliyyətində uğurlar arzulayıb.
Norveç səfiri və Oslo Universitetinin professoru Təhsil Nazirliyində Fevralın 15-də təhsil naziri Misir
Mərdanov Norveç Krallığının
ölkəmizdəki fövqəladə və
səlahiyyətli səfiri cənab Jon Ramberg, Oslo
Universitetinin professoru xanım
Vibeke Roggenlə görüşüb. Görüşdə Norveç-Azərbaycan təhsil
əlaqələri, eyni zamanda
Boloniya prosesinin tələblərinə uyğun
olaraq beynəlxalq
layihələrin birgə
həyata keçirilməsi məsələləri
müzakirə olunub. Misir Mərdanov
öz növbəsində xanım Vibeke Roggenin Təhsil
Nazirliyində Oslo Universitetinin idarəolunması,
tələbələrin qəbulu, akkreditasiyanın aparılması, professor-müəllim
heyətinin seçilməsi ilə
əlaqədar təqdimat-məruzə
etməsinin məqsədəuyğunluğunu qeyd edib. Sonra görüşdə iştirak
edənlər müzakirə olunan
məsələlərlə bağlı
öz fikirlərini
bildiriblər. Görüşdə Azərbaycan Dillər Universitetinin rektoru, millət vəkili Səməd Seyidov, həmin universitetin prorektoru Jalə Qəribova iştirak edib.
Nümayəndə
heyəti ilə görüş
Fevralın 16-da təhsil naziri Misir
Mərdanov ölkəmizdə səfərdə olan Türkiyə
nümayəndə heyəti ilə görüşüb. Təhsil naziri Misir Mərdanov görüşü açaraq
türkiyəli qonaqları Təhsil Nazirliyində görməkdən
məmnunluq hissi duyduğunu söylədi. Dövlətlərimiz
arasındakı dostluq münasibətlərindən söz açan
nazir bütün sahələrdə əlaqələrin inkişaf
etdiyini, genişləndiyini qeyd etdi, ölkələrimiz arasındakı
dostluğun artıq qardaşlığa çevrildiyini xüsusi
vurğuladı. Nazir bildirdi ki, hər iki ölkənin dövlət
başçılarının səmimi münasibətləri,
dostluğu xalqlarımızın daha da yaxınlaşmasına
gətirib çıxarıb. Türkiyənin Azərbaycanı
hər zaman dəstəklədiyini xüsusi vurğulayan nazir
bunu yüksək dəyərləndirdi. Nazir onu da qeyd etdi ki, Azərbaycanla Türkiyənin
təhsil əlaqələri müsbət istiqamətdə
inkişaf edir. Azərbaycandan Türkiyəyə ali təhsil
almağa gedənlərin sayı ilbəil artmaqdadır.
Respublikamızın müxtəlif ali
məktəblərində təhsil alan türkiyəli
tələbələrin də sayı çoxalmaqdadır. ölkəmizdə
"çağ" öyrətim İşlətmələri
Şirkətinin Azərbaycan-Türk özəl liseylərinin,
"Qafqaz" Universitetinin uğurla
fəaliyyət göstərdiyini qeyd edən Misir
Mərdanov təhsil ocaqlarının işindən razı
qaldığını söylədi, "çağ" öyrətim
İşlətmələri Şirkətinin prezidenti
Ənvər özərənin Azərbaycanla Türkiyə arasında
təhsil əlaqələrinin inkişafındakı
rolunu müsbət qiymətləndirdi. Nazir iki ölkənin
təhsil əlaqələrinin genişlənməsində
Türkiyənin ölkəmizdəki səfiri Hüseyn Avni Karslıoğlunun
xidmətlərini xüsusi qeyd edərək səfirliklə
işgüzar əməkdaşlığın olduğunu
bildirdi. Hər iki ölkənin müvafiq nazirlikləri arasında
səmimi dostluq münasibətlərindən söz açan Misir
Mərdanov bunun gələcəkdə də davam və
inkişaf etdirilməsinin zəruriliyini qeyd etdi. Qonaqlarla səmimi söhbət edən nazir söylədi
ki, bu gün Türkiyə ilə Azərbaycan arasında ortaq
dərsliklərin yaradılmasına, hər iki ölkənin
təhsil müəssisələri arasında daha sıx
əməkdaşlığa ehtiyac duyulur. Bütün bunlar
və digər məsələlər haqqında ətraflı
danışan təhsil naziri yaxın
gələcəkdə həmin işlərin öz
həllini tapacağına ümidvar olduğunu dedi. Təhsil naziri Misir Mərdanov qonaqlara
səfərlərinin uğurlu keçməsini arzulayaraq onlara
ən xoş istəklərini çatdırdı. Türkiyə Böyük
Millət Məclisinin Təhsil, mədəniyyət,
gənclik və idman komissiyasının sədri Mehmet Sağlam
onları belə səmimi qarşıladıqlarına görə
təhsil naziri Misir Mərdanova təşəkkürünü
bildirdi. Mehmet bəy nümayəndə heyətini görüş
iştirakçıları ilə tanış etdi. Nümayəndə
heyətinə Türkiyənin Təhsil Nazirliyinin şöbə
müdiri Hasan Kaplan, kültür və turizm nazirinin müavini İsmət
Yılmaz, Türkiyənin tanınmış iş adamları
və digər qurumların əməkdaşları daxil
idi. Bakıya ilk gəlişindən xeyli vaxt keçdiyini
deyən Mehmet bəy bu illər ərzində ölkəmizin
sürətlə inkişaf etdiyini, iqtisadi cəhətdən
gücləndiyini söylədi. ölkələrimizin mehriban dostluq və qardaşlıq
əlaqələrindən söz açan qonaq təhsil
sahəsində əməkdaşlığın artırılmasının
vacibliyini vurğuladı. Azərbaycanda təhsilin inkişafı
istiqamətində çox işlərin görülməsindən
məlumatlı olduğunu deyən Mehmet bəy ölkə başçısı
cənab İlham Əliyevin təhsilə göstərdiyi
diqqət və qayğını yüksək
qiymətləndirdi. Türkiyənin kültür və turizm nazirinin müavini
İsmət Yılmaz ölkəmizdə ilk dəfə olduğunu
deyərək bu səfərin yaddaqalan olacağına ümidvar
olduğunu söylədi. Görüşdə iştirak edən
digər qonaqlar da belə səmimi qarşılandıqlarına
görə təhsil naziri Misir Mərdanova və nazirliyin
əməkdaşlarına təşəkkür etdilər. Görüşdə Türkiyənin ölkəmizdəki
səfirliyinin təhsil məsələləri üzrə müşaviri
Səlahəddin Dikmən də iştirak edirdi. Samirə KƏRİMOVA
"Britaniya Şurası"nın yeni layihələri müzakirə olunub Fevralın
19-da təhsil naziri Misir Mərdanov "Britaniya Şurası"nın
ölkə üzrə direktoru cənab Əndi Uilyamsla görüşüb.
Nazir qonağın rəhbəri olduğu
təşkilatın həyata keçirdiyi layihələr
barədə danışaraq bildirib ki, bu qurum ölkəmizdə
müəllimlərin ixtisasının artırılması,
ingilis dili müəllimlərinin təkmilləşdirilməsi
istiqamətində əhəmiyyətli işlər reallaşdırıb.
Eyni zamanda nazir "Britaniya Şurası"nın
nəzərdə tutduğu yeni layihə barədə
məlumatı olduğunu və bu layihəni
dəstəklədiyini qeyd edib. Cənab Əndi Uilyams səmimi qəbul
və aparılan işlərə lazımi köməklik göstərdiyi
üçün nazirə təşəkkür edib. Qonaq bu günlərdə
ölkəmizdəki fəaliyyətinin başa çatması
barədə də məlumat verib. Təbiət
fənlərini tədris edən müəllimlər üçün
təlim kursları layihəsindən və onun
mahiyyətindən söz
açan qonaq həmin layihənin Bakı, Sumqayıt, Salyan,
Lənkəran və Gəncədə reallaşdırılmasının
nəzərdə tutulduğunu qeyd edib. Nazir də öz növbəsində Şəki
və Quba rayonlarında bu layihə üzrə iş aparılmasını
təklif edib. Görüşdə qeyd olunan təşkilatın Azərbaycanda təhsil sahəsində həyata keçirdiyi proqramlar və yeni layihə ilə bağlı ictimaiyyətin məlumatlandırılması üçün yaxın günlərdə müvafiq tədbirin təşkil olunması, ölkəmizdə peşə təhsilinin inkişafına dəstək göstərilməsi və digər layihələrlə əlaqədar fikir mübadiləsi aparılıb.
|