Bütün xəbərlər
1 avqust, 10:27

2025\2026-cı tədris ili üçün tələbə qəbulu həyata keçirən peşə təhsili müəssisələrinin siyahısına biri də əlavə edilib. İyulun 22-dən İsmayıllı Dövlət Peşə Təhsil Mərkəzinin Qobustan filialı üzrə tələbə qəbuluna start verilib. 

Peşə Təhsil Mərkəzinin direktoru Cəlil Bağırov “Azərbaycan müəllimi”nə açıqlamasında bildirib ki, növbəti tədris ili üçün Qobustan peşə təhsili müəssisəsinə ilk dəfə tələbə qəbulu həyata keçirilir. Bu il müəssisəyə 100 nəfər tələbənin qəbulu planlaşdırılıb: “İsmayıllı Dövlət Peşə Təhsil Mərkəzinin Qobustan korpusu kimi fəaliyyətə başlayacaq müəssisədə sənaye, kənd təsərrüfatı və informasiya texnologiyaları istiqamətləri üzrə 5 ixtisas: “Bitkiçilik mütəxəssisi” (XI sinif attestatı ilə), “Geniş profilli traktorçu-maşinist, təmirçi-çilingər” (IX sinif attestatı ilə), “Kompüterlərin təmiri üzrə texnik” (XI sinif attestatı ilə), “Dərzi” (IX sinif attestatı ilə), “Baytar texniki” (XI sinif attestatı ilə) üzrə tələbə qəbulu həyata keçirilir”.

Direktorun sözlərinə görə, müəssisədə dövlət vəsaiti hesabına 1 və 2 illik qruplarda texniki peşə təhsilinin verilməsi nəzərdə tutulub: “Dövlət Məşğulluq Agentliyi, Qobustan Rayon İcra Hakimiyyəti, icra nümayəndəlikləri, bələdiyyə sədrləri ilə, həmçinin regiondakı işəgötürən müəssisələrin nümayəndələri ilə kadr ehtiyacları barədə il ərzində bir neçə dəfə müzakirələr aparılıb. Bu müzakirələrdən sonra 5 ixtisasın açılması ilə bağlı sifariş vermişik”.

Peşə təhsili müəssisəsinin yerləşdiyi ərazi də region üçün uğurla seçilib: “Bu çox önəmli məqamdır ki, peşə təhsili müəssisəsi Qobustanın tam mərkəzində, əlçatan yerdə, “Azərxalça” ASC-nin keçmiş Qobustan filialının binasında fəaliyyətə başlayacaq. İsmayıllı Dövlət Peşə Təhsil Mərkəzinin Qobustan korpusu Dağlıq Şirvan iqtisadi rayonunda Şamaxı və İsmayıllıdakı peşə təhsili müəssisələrindən sonra üçüncü peşə təhsili müəssisəsidir. İsmayıllı Dövlət Peşə Təhsil Mərkəzi publik hüquqi şəxsin tabeçiliyində fəaliyyət göstərəcək. Korpus rəhbəri, tədris və təlim işləri, inzibati və təsərrüfat işləri üzrə koordinator ştatları, bir psixoloq olacaq”.

İşə götürən müəssisələrlə qarşılıqlı əməkdaşlıqların da artıq bünövrəsi qoyulduğunu vurğulayan C.Bağırov əlavə edib ki, Qobustan korpusu da digər peşə təhsili müəssisələrinin üstünlüklərinə sahibdir: “Müəssisənin  müasir kampusu var. Təhsilalanlar tələbə təqaüdü alacaqlar. Bütün ixtisaslar üzrə işəgötürən müəssisələrə təlim-təcrübə səfərləri təşkil ediləcək. Təhsilalanlarımız fəal tələbə həyatı yaşayacaq, beynəlxalq və regional layihələrdə iştirak imkanı əldə edəcəklər. Müəssisənin hazırda tədris korpusu və emalatxanası var. İnfrastrukturda sonradan ehtiyaca görə islahatlar aparılacaq”.

Cəlil Bağırovun sözlərinə görə, iyulun 25, 28, 29, 30, 31-də İsmayıllı Dövlət Peşə Təhsil Mərkəzində yaradılan işçi qrup əhaliyə yerində müraciət və qeydiyyat zamanı dəstək məqsədilə Qobustan Gənclər Evində fəaliyyət göstərib: “Həmin günlərdə Qobustan əhalisi ixtisas seçimində işçi qrupun dəstəyindən faydalanıb, peşə təhsilində bu və başqa fürsətlərlə bağlı ətraflı məlumat əldə ediblər”.

Şərhlər

Xəbər lenti

30 avqust, 12:16

Xaçmaz rayonu üzrə 650 məzun tələbə oldu

30 avqust, 10:59

Azərbaycanlı Kanzas Dövlət Universitetində yüksək vəzifəyə təyin olunub

30 avqust, 09:08

“Ana dili – Azərbaycan məktəbi”nə qeydiyyat başlayıb

29 avqust, 18:28

MİQ müsabiqəsinin müsahibə mərhələsinin nəticələri açıqlanıb

29 avqust, 17:23

Mühəndislikdə zərif güc: 50 qadın “Zərif mühəndislər”lə real istehsalata addım atdı

29 avqust, 17:01

İndiyədək 59 000-dən çox təhsil krediti müqaviləsi rəsmiləşdirilib – TTKF

29 avqust, 16:59

Peşə təhsili müəssisələrinə işə qəbul üzrə müsahibə mərhələsi başlayıb

29 avqust, 16:52

Evdə təhsil ləğv olunmayıb – RƏSMİ AÇIQLAMA

29 avqust, 16:26

ICPC dünya finalının direktoru: Azərbaycan 6 aya hazırlıq görən ilk ölkədir – MÜSAHİBƏ

29 avqust, 15:40

ADNSU rəhbərliyi Vorvik Universitetində tədqiqat mərkəzləri ilə tanış olub

29 avqust, 14:51

ADPU-da “Mexanikada yeni trendlər” adlı elmi konfrans keçiriləcək

29 avqust, 14:47

Mil-Muğan regionunun 41 məktəbində tikinti və təmir işləri aparılır

29 avqust, 14:33

Region məktəbinin bütün məzunları tələbə oldu

29 avqust, 14:20

Lisey və gimnaziyalara II mərhələ üzrə qəbul nəticələri AÇIQLANDI

29 avqust, 14:08

Tərbiyəçi-müəllimlərin işə qəbulu üzrə imtahan keçirilib

29 avqust, 13:55

Yaşıl gələcək uğrunda: Təhsil və ekologiyada könüllü təşəbbüslər

29 avqust, 13:12

ADNSU Kitabxana informasiya mərkəzi oxuculara jurnal resurslarını təqdim edir

29 avqust, 12:26

Bu məzunlar rayon birinciləri oldular

29 avqust, 12:21

Təhsil haqqı üçün pul yoxdur? – Təhsil tələbə krediti ilə bağlı bütün detallar

29 avqust, 11:35

Bölgələrdə velosiped məşqçiləri üçün təlim keçiriləcək

Digər xəbərlər

Digər xəbərlər tapılmadı

Search not found

Qəzetimizə abunəlik

"Azərbaycan müəllimi" qəzetindən ən son xəbərləri və xüsusi təklifləri əldə etmək üçün abunə olun

2025 © "Azərbaycan müəllimi" qəzeti. Bütün müəllif hüquqları qorunur. Məlumatdan istifadə zamanı istinad mütləqdir. Məlumat internet səhifələrində istifadə edildikdə hiperlink qoyulmalıdır.