“Son illərdə Respublika fənn olimpiadalarında (RFO) iştirak edənlərin sayı əhəmiyyətli dərəcədə artıb. Belə ki, olimpiadalarda iştirakçı sayı 80 mini ötüb”.
“Azərbaycan müəllimi” xəbər verir ki, bunu elm və təhsil naziri Emin Əmrullayev RFO qaliblərinin mükafatlandırılması mərasimində deyib.
"Elm və Təhsil Nazirliyi olaraq istedadlı gənclərlə işləmək, onları vaxtında üzə çıxarmaq və sonradan inkişafını təmin etmək bizim üçün əsas prioritetlərdir. Hesab edirəm ki, gələcəkdə də bu cür imkanlar olacaq və istedadlarının vaxtında müəyyən olunması onların inkişafında həlledici rol oynayacaq”, – deyə nazir qeyd edib.
O əlavə edib ki, istər fundamental elmlər, istər mühəndislik, istərsə də digər ixtisaslaşmış sahələrdə inkişaf üçün imkanlar mövcuddur. Bəzən bu sahələrdə az sayda insan çalışsa da, onların ortaya qoyduğu nəticələr son dərəcə dəyərli və təsirli olur.
Emin Əmrullayevin sözlərinə görə, belə məqamlarda azlığın içindən keyfiyyətli nəticələr çıxarmaq bacarığı ön plana keçir. Bu isə göstərir ki, əsas meyar sayın çoxluğu deyil, həvəs, zəhmət və istedaddır.
Digər xəbərlər
Digər xəbərlər tapılmadı
Qəzetimizə abunəlik
"Azərbaycan müəllimi" qəzetindən ən son xəbərləri və xüsusi təklifləri əldə etmək üçün abunə olun
Bölmələrimiz
2025 © "Azərbaycan müəllimi" qəzeti. Bütün müəllif hüquqları qorunur. Məlumatdan istifadə zamanı istinad mütləqdir. Məlumat internet səhifələrində istifadə edildikdə hiperlink qoyulmalıdır.
Şərhlər