Bakının Nizami rayonundakı 1 nömrəli idman liseyinin ingilis dili müəllimi Simuzər Əhmədova bu gün keçirilən müəllimlərin sertifikatlaşdırılması imtahanında 60 bal toplayıb.
4 ildir ki, müəllim kimi fəaliyyət göstərən Simuzər Əhmədova sertifikatlaşdırma prosesi ilə bağlı təəssüratlarını “Azərbaycan müəllimi” ilə bölüşüb.
O bildirib ki, imtahan sualları, əsasən, dərslərində tədris etdiyi mövzuları əhatə etdiyindən çətinlik çəkməyib:
“İmtahanın sualları mənə tanış idi. Bəzi suallar bir qədər düşündürücü olsa da, ümumilikdə asan və aydın idi. Vaxt da kifayət qədər idi, hətta artıq vaxtım qaldı. İmtahanın təşkili yüksək səviyyədə idi və özümü rahat hiss etdim”.
Maksimum bal toplayan müəllim bir qədər həyəcanlı olduğunu desə də, bu onun nəticəsinə təsir etməyib.
O, imtahana hazırlaşarkən, əsasən, dərsliklərə və bəzi əlavə mənbələrə nəzər yetirib:
“Hazırlıq prosesində daha çox dərsliklərə və bəzi əlavə mənbələrə baxdım. Düşünürəm ki, dərsliklərdəki məlumatlar kifayət etdi. Öz üzərimdə çalışdığım üçün ayrıca uzunmüddətli bir hazırlıq mərhələsinə ehtiyac duymadım. Ümumilikdə suallar asan idi, amma xüsusilə mətnlərlə bağlı olan bəzi suallar bir qədər düşünmə və kompleks anlama tələb edirdi. Buna baxmayaraq, hər birinin öhdəsindən gəlmək mümkün idi”.
Digər xəbərlər
Digər xəbərlər tapılmadı
Qəzetimizə abunəlik
"Azərbaycan müəllimi" qəzetindən ən son xəbərləri və xüsusi təklifləri əldə etmək üçün abunə olun
Bölmələrimiz
2025 © "Azərbaycan müəllimi" qəzeti. Bütün müəllif hüquqları qorunur. Məlumatdan istifadə zamanı istinad mütləqdir. Məlumat internet səhifələrində istifadə edildikdə hiperlink qoyulmalıdır.
Şərhlər