Abşeron–Xızı regionu üzrə təhsil işçilərinin sentyabr konfransı keçirilir.

"Azərbaycan müəllimi" xəbər verir ki, konfransda 2024–2025-ci tədris ilinin yekunlarına dair hesabatla çıxışı edən Abşeron–Xızı Regional Təhsil İdarəsinin müdiri İlhamə Abdullayeva görülmüş işlər haqqında məlumat verib. O bildirib ki, idarənin 3 illik fəaliyyəti ərzində qarşıya qoyulan məqsədlərin 60-70 faizinə nail olunub. 

Konfransın əsas məqsədi qarşıya qoyulan hədəflər, onlara çatma yolları, tədrisin keyfiyyətinin artırılması istiqamətində görülməli olan işlərin müzakirəsi olub. İdarə rəhbəri çıxışında region təhsilində olan çatışmazlıq və nöqsanlardan da söz açıb və növbəti tədris ilində bu problemlərin aradan qaldırılması üçün hər bir təhsil işçisinin üzərinə düşən vəzifələri layiqincə yerinə yetirməsinin vacibliyini vurğulayıb.

İ.Abdullayevanın sözlərinə görə, idarə yarandığı dövrdən region üzrə 33 müəssisə rəhbəri işdən çıxarılıb.

Abşeron rayonunda şagird sıxlığı məsələsinə toxunan idarə rəhbəri yeni məktəblərin tikilməsinə ehtiyac olduğunu deyib. O, Xırdalan məktəblərində şagird sayının çoxalmasına, Xızı rayonunda isə şagird sayında gedən azalmaya diqqət çəkib. 

İdarə rəhbəri xüsusən təhsil müəssisələrində tədrisin keyfiyyərinin artırılması qarşıya qoyulan hədəflərə çatmaq üçün 

İlhamə Abdullayeva qeyd edib ki, Abşeron-Xızı regionunun şagird nəticələrinə görə ölkə üzrə yüksək yer tutmasına baxmayaraq, 2023-2024-cü tədris ili ilə müqayisədə 2024-2025-ci tədris ilində bu nəticələrdə azalma müşahidə edilib. Bununla belə, 9-cu sinif üzrə nəticələrdə artım qeydə alınıb.

İdarə rəhbəri məktəbəhazırlıq qruplarının artırılmasını da vacib sayıb. 

İdarə rəhbəri direktorlara dərs bölgüsü, dərs cədvəli, əvəzolunma məsələlərində mövcud olan problemlərin aradan qaldırılmasını, direktor müavinlərinin işlərinə daha məsuliyyətlə yanaşmasına diqqət yetirilməsini tövsiyə edib.