|
· Ana səhifə· Rəsmi· Heydər Əliyev Fondu· Əmrlər, sərəncamlar· Təhsil Nazirliyində· Xəbərlər· Pedaqoji yazılar· Məktəblərimiz· Bizimlə əlaqə
|
Təhsil Nazirliyinin kollegiya iclasında ötən
il orta məktəbləri "əla" qiymətlər
və fərqlənmə attestatı ilə bitirmiş
məzunların ali məktəblərə qəbulu
vəziyyəti müzakirə olundu Xəbər verdiyimiz kimi, iyunun 4-də
Təhsil Nazirliyi kollegiyasının iki iclası keçirilmiş
və hər iclasda iki məsələ müzakirə edilmişdir.
Həmin məsələlərin üçünün müzakirəsi
haqqında hesabat qəzetimizin ötən nömrəsində
oxuculara təqdim olunmuşdur. Kollegiya iclaslarında müzakirəyə
çıxarılan məsələlərdən biri də
"2006-2007-ci dərs ilində ümumtəhsil
məktəblərinin XI siniflərini "əla"
qiymətlər və fərqlənmə attestatı
ilə bitirmiş məzunların ali
məktəblərə qəbulu vəziyyəti" idi. Kollegiya iclasında təhsil naziri Misir
Mərdanov bildirdi ki, orta məktəbləri
"əla" qiymətlərlə bitirmiş və
fərqlənmə attestatı almış məzuların
son illər ali məktəblərə qəbul zamanı
zəif nəticələr göstərmələri ilə
bağlı Təhsil Nazirliyinin ünvanına tez-tez iradlar
səslənir. Ona görə də bu məsələnin araşdırılması
və müzakirə olunması zəruri sayılıb. Sonra iclasda Təhsil Nazirliyinin kənd
rayonları və şəhərlər üzrə ümumi
təhsil və məktəbəqədər
tərbiyə şöbələrinin müdirləri Aydın
Əhmədov və Arif Muradov müzakirə olunan
məsələ barədə geniş
məruzə-təqdimatlarla çıxış etdilər. Ekranda slaydların nümayişi ilə müşayiət
olunan məruzələrdə ölkənin şəhər
və rayonlarında fəaliyyət göstərən orta ümumtəhsil
məktəblərini ötən il "əla"
qiymətlər və fərqlənmə attestatı
ilə bitirmiş məzunların ali
məktəblərə qəbulunun vəziyyəti müxtəlif
parametrlər üzrə geniş təhlil olundu, belə
məzunları yaxşı və pis nəticə göstərmiş
şəhər və rayonların, məktəblərin
adları açıqlandı. Məruzə-təqdimatlarda qeyd
edildi ki, 2006-2007-ci dərs ilində ölkənin 59 kənd
rayonunun ümumtəhsil orta məktəblərinin 69891
məzunu olmuş, onlardan 28744-ü (41,13 faiz) ali
məktəblərə sənəd vermişdir. Naxçıvan
Muxtar Respublikasının, respublika tabeliyindəki şəhərlərin
orta məktəblərini və bilavasitə Təhsil
Nazirliyinə tabe olan lisey və gimnaziyaları isə keçən
il 42962 şagird bitirmiş, onların 35858-i (83,47 faiz) ali
məktəblərə qəbul üçün TQDK-nın yaratdığı
sənəd qəbulu komissiyalarına ərizə ilə
müraciət etmişlər. Kənd rayonları üzrə
abituriyentlərdən 2321-i (məzunların sayının
3,32 faizi, abituriyentlərin sayının isə 8,07 faizi)
orta təhsilini "əla" qiymətlərlə başa
vurmuş, əlaçıların 44-ü fərqlənmə
attestatı almışdır. Şəhərlər üzrə əlaçıların
sayı 543, fərqlənmə attestatı alanlar 79, Naxçıvan
MR üzrə isə müvafiq olaraq 194 və 113 nəfər
olmuşdur. Daha çox məzunu "əla"
qiymətlər və fərqlənmə attestatı almış
şəhər və rayonlar diqqətə çatdırıldı.
Məlum oldu ki, əlaçı məzunlar Bakı (416
nəfər), Gəncə (43 nəfər), Mingəçevir
(28 nəfər), Şirvan (27 nəfər) şəhərlərində,
Goranboy (115 nəfər), Zaqatala (132 nəfər),
Qəbələ (101 nəfər), Lerik (45 nəfər),
Biləsuvar (59 nəfər) və Göyçay (74 nəfər)
rayonlarında üstünlük təşkil etmişdir. Daha sonra təqdimatlarda rayonlar və şəhərlər
üzrə əlaçıların qəbulolma faizini əks
etdirən diaqram və cədvəllər iclas iştirakçılarının
diqqətinə çatdırıldı. Qeyd olundu ki, kənd
rayonları üzrə ali məktəblərə
sənəd vermiş 2321 əlaçı məzundan 1239-u,
yəni 53,38 faizi qəbul olunmuş, 1082 nəfər
isə tələbə adını qazana bilməmişdir. Şəhərlər üzrə isə 543
əlaçı abituriyentin 437-si, seçdiyi ixtisaslar üzrə ali
məktəblərə qəbul olunmuşdur. Naxçıvan MR məktəblərini
2006-2007-ci dərs ilində əlaçı attestatı
ilə bitirmiş 194 gəncin 191-i, fərqlənmə
attestatı alanların isə hamısı (113
nəfər) tələbə adını qazanmışdır. 59 kənd rayonu üzrə əlaçıların
qəbulolma faizi aşağıdakı kimi olmuşdur: 21
rayonun əlaçılarının 25-50 faizi, 24 rayonun əlaçılarının
50-70 faizi, 9 rayonun əlaçılarının 70-90 faizi, 3
rayonun (İmişli, Hacıqabul və Xocalı) əlaçılarının
isə 100 faizi ali məktəblərə qəbul olunmuşdur.
2 rayonun - Şuşa və Xocavənd rayonlarının
əlaçılarından isə heç biri tələbə adını
qazana bilməmişdir. Şəhərlərdə qəbulolma
faizi kənd rayonlarına nisbətən yüksək olmuşdur.
Belə ki, Bakı şəhəri üzrə 416 əlaçı
abituriyentdən 340-ı, Gəncə şəhəri üzrə
43 əlaçıdan 35-i, Mingəçevir şəhəri üzrə
28 əlaçıdan 23-ü, Şirvan şəhəri üzrə
27 əlaçıdan 24-ü, Naftalan şəhəri üzrə 19
əlaçıdan 5-i, Sumqayıt şəhərinin (1
nəfər), Təhsil Nazirliyinin tabeliyindəki
"Zəngi" liseyinin (8) və İncəsənət
Gimnaziyasının (1) əlaçı məzunlarının
hamısı ali məktəblərə daxil olmuşdur.
Şəhərlər üzrə müsabiqədən keçməyən
106 əlaçıdan 76-sı Bakı, 8-i Gəncə, 5-i
Mingəçevir, 3-ü Şirvan, 14-ü isə Naftalan şəhərlərinin
məzunları olmuşdur. Məruzə-təqdimatlarda əlaçıların
qəbul imtahanlarında topladıqları bal intervallarını
əks etdirən diaqram və cədvəllər kollegiya iştirakçılarında
xüsusilə maraq doğurdu. Həmin diaqram və
cədvəllər üzrə verilən
təhlillərdən aydın oldu ki, ali
məktəblərə sənəd vermiş 59 kənd
rayonu üzrə 2321 əlaçıdan 219-u (9,44 faiz) qəbul
imtahanlarında 0-100, 375-i (16,6 faiz) 100-200, 453-ü (19,52 faiz)
200-300, 889-u (38,30 faiz) 300-500 və 385-i (16,59 faiz) 500-700 bal
toplamışdır. Rayonlar üzrə bal göstəriciləri
isə belə olmuşdur: 17 rayonun əlaçılarından
0-100 bal toplayan olmamışdır. 21 rayonun əlaçılarının
1-10 faizi, 16 rayonun əlaçılarının 10-25 faizi
və 5 rayonun əlaçılarının 25-45 faizi imtahanda
0-100 bal toplamışdır. 6 rayonun əlaçılarından 100-200 bal
toplayan olmamışdır. 12 rayonun əlaçılarından
1-10 faizi, 31 rayonun əlaçılarından 10-25 faizi və
10 rayonun əlaçılarından isə 25-50 faizi 100-200 bal
toplamışdır. Əlaçıları hansı nisbətdə
200-300, 300-500 bal toplayan rayonlar haqqında da müvafiq faktlar
diqqətə çatdırıldı. 500-700 bal arasında topladıqları
nəticə ilə, bir növ, öz qiymətlərini doğruldan
əlaçı məzunların təmsil olunduğu rayonların
faiz nisbəti də açıqlandı və gətirilən
rəqəmlərdən aydın oldu ki, 6 rayonun əlaçılarından
heç biri bu səviyyədə bal yığmayıb. 10
rayonun əlaçılarının 1-10 faizi, 24 rayonun əlaçılarının
10-20 faizi, 19 rayonun əlaçılarının isə 20-50
faizi 500-700 bal arasında nəticə göstərib. 600-dən çox bal toplayan əlaçı
məzunlar isə 41 rayonu təmsil ediblər. Belə ki,
14 rayonun əlaçılarından 1-5 faizi, 17 rayonun əlaçılarından
5-10 faizi, 10 rayonun əlaçılarından isə 10-50 faizi
qəbul imtahanlarında 600 bal həddini keçmişdir.
600-dən çox bal toplayanlar arasında 18 rayondan əlaçılar
olmamışdır. Kollegiyada təəssüf hissi ilə qeyd
olundu ki, 56 rayonun əlaçı məzunlarından 1082
nəfər ali məktəblərə qəbul ola
bilməmişdir. Qəbul olunmayanların imtahan
nəticələri də iclas iştirakçılarına
təqdim olundu. Məlum oldu ki, qəbul oluna
bilməyənlərdən 215-i (19,87 faiz) 0-100, 370-i (34,20
faiz) 100-200, 323-ü (29,85 faiz) 200-300, 171-i (15,80 faiz) 300-500, 3-ü
(0,28 faiz) 500-700 bal toplamışdır. Şəhərlər üzrə müsabiqədən
keçməyən əlaçı məzunların isə 10-u
0-100, 21-i 100-200, 35-i 200-300, 40-ı 300-500 bal nəticə
göstərmişdir. Daha sonra kollegiya iclasının iştirakçıları
məktəblər üzrə əlaçıların qəbul
göstəriciləri ilə tanış edildilər. Onlara
bildirildi ki, 57 rayon üzrə 282 məktəbdən olan 466
əlaçının hamısı ali
məktəblərə qəbul olunmuşdur. Daha çox
əlaçısı qəbul olan məktəblər Bakı,
Gəncə, Mingəçevir şəhərləri, Xızı,
Abşeron, Goranboy, Lənkəran, Göyçay, Tovuz, Neftçala,
Bərdə və Şəmkir rayonlarındandır. Bakı şəhəri üzrə 95,
Gəncə şəhəri üzrə 13, Mingəçevir
şəhəri üzrə 11 məktəbin bütün əlaçı
məzunları, Lənkəran şəhər 4 nömrəli
(10 əlaçı), Goranboy şəhər 1 nömrəli (7
əlaçı), Abşeron rayonu Ceyranbatan qəsəbə 1
nömrəli, Göyçay rayonu Ləkçıplaq kənd 1 nömrəli,
Lənkəran şəhər xarici dil təmayüllü
internat, Neftçala şəhər 4 nömrəli,
Qəbələ rayonu Mirzəbəyli kənd, Şəmkir
rayonu Düyərli kənd 2 nömrəli orta
məktəblərinin hər birinin 5, Abşeron rayonu Xırdalan
qəsəbə 2 nömrəli orta, Ağdaş rayonu M.İsayev
adına şəhər orta, Bərdə şəhər
5 nömrəli orta, Göyçay şəhər 4 nömrəli orta,
Masallı rayonu Binə, Xocavar kənd orta, Qazax şəhər
1 nömrəli orta, Sabirabad rayonu Yenikənd kənd orta,
Şəki şəhər 10 nömrəli orta, Şəmkir
şəhər Füzuli adına orta, Tovuz rayonu Bozalqanlı
kənd, M.Ələkbərov adına şəhər,
Qaraxanlı kənd orta, Xızı rayonu Sitalçay 1 nömrəli
orta məktəblərinin hər birinin 4, daha 29
məktəbin hər birinin isə 3 əlaçısının
hamısı ali məktəblərə qəbul olunmuşdur. Kollegiyada qeyd olundu ki, 52 rayonun 309
məktəbini təmsil edən 1486 əlaçıdan
isə 773-ü (52,02 faizi) tələbə adını almışdır.
Əlaçıları qismən qəbul olunan
məktəblərdən nisbətən yaxşı
nəticə göstərənlərin Ağstafa, Saatlı,
Quba, Laçın, Şəki, Siyəzən, Qubadlı, Ucar
və Göygöl (Xanlar) rayonlarından olduğu bildirildi. Bu
baxımdan Sabirabad şəhər 5 nömrəli, Şəki
şəhər 18 nömrəli, Siyəzən şəhər
2 nömrəli, Şamaxı şəhər 5 nömrəli,
Qəbələ şəhər 4 nömrəli, Ağstafa
şəhər 1 nömrəli, Ağsu şəhər 1 nömrəli
orta məktəblərin və başqa tədris ocaqlarının
adları qeyd olundu. Məruzə-təqdimatlarda əlaçılarından
heç biri ali məktəblərə qəbul olunmayan
məktəblərin də adı açıqlandı. Qeyd
olundu ki, 51 kənd rayonunun 237 məktəbindən 369
əlaçının heç biri tələbə adını
qazana bilməmişdir. Bildirildi ki, Göyçay rayonu üzrə 7
məktəbdən 24, Beyləqan rayonu üzrə 3
məktəbdən 9, Biləsuvar rayonu üzrə 2
məktəbdən 5, Zaqatala rayonu üzrə 9
məktəbdən 21, Tərtər rayonu üzrə 9
məktəbdən 18, Neftçala rayonu üzrə 2
məktəbdən 4, Xocavənd və Ağstafa rayonlarının
hər biri üzrə 1 məktəbdən 2, Ağcabədi
rayonu üzrə 14 məktəbdən 26, Sabirabad rayonu üzrə
12 məktəbdən 22, Ağdaş rayonu üzrə 9
məktəbdən 16, Oğuz rayonu üzrə 4
məktəbdən 7, Füzuli raonu üzrə 9
məktəbdən 15, Cəlilabad rayonu üzrə 14
məktəbdən 23, Astara rayonu üzrə 8
məktəbdən 13 və Goranboy rayonu üzrə 2
məktəbdən 3 əlaçının heç biri ali
məktəbə qəbul olunmamışdır. 28
belə kənd məktəbinin adını əks
etdirən cədvəl ekranda nümayiş olundu.
Cədvəldən aydın oldu ki, Göyçay rayonu çərəkə
kənd 1 nömrəli və Hacalıkənd kənd orta
məktəblərinin hər birinin 8, Cəlilabad rayonu
Abazallı kənd, Tərtər şəhər 2 nömrəli,
Zaqatala rayonu Əliabad qəsəbə 4 nömrəli orta
məktəblərinin hər birinin 5, Ağcabədi rayonu
Hindarx və Kəbirli, Beyləqan rayonu I Aşıqlı
və Yuxarı Kəbirli, Füzuli rayonu Mahmudlu kənd 2 nömrəli,
Sabirabad rayonu Cəngən kənd, Tərtər rayonu
Dəmirçilər kənd və Zaqatala rayonu Bazar kənd
orta məktəblərinin hər birinin 4, digər 15
məktəbin hər birinin 3 əlaçısından heç
biri ali məktəbə qəbul olunmamışdır. Qəbul olunmayan əlaçılarla bağlı
nümayiş etdirilən daha bir cədvəldən isə
məlum oldu ki, 46 rayonun 171 məktəbinin 243 əlaçısı
qəbul imtahanlarında 0-200 intervalında bal toplamışdır. Kollegiya iclasında ötən il orta
məktəbləri fərqlənmə attestatları
ilə bitirmiş məzunların ali
məktəblərə qəbulu vəziyyətinə
də aydınlıq gətirildi. Təhsil Nazirliyinin şöbə
müdirləri A.Muradov və A.Əhmədovun
məruzə-təqdimatlarından aydın oldu ki, Naxçıvan
MR üzrə orta məktəbləri fərqlənmə
attestatı ilə bitirmiş 113 məzunun hamısı,
respublika tabeliyindəki şəhərlər üzrə
fərqlənmə attestatı almış 79 məzunun
78-i ali məktəblərə qəbul olmuşdur. Bakı
şəhəri üzrə 19 məktəbdən 43
məzun, Gəncə şəhərinin 4
məktəbindən 11 məzun, fizika-riyaziyyat və
informatika təmayüllü liseyin 2, Bakı Avropa liseyinin
isə 5 məzunu ali məktəblərə daxil olaraq aldıqları
fərqlənmə attestatlarını doğrultmuşlar.
Mingəçevir şəhəri üzrə 8
məktəbdən fərqlənmə attestatı almış
18 məzunun isə 17-si tələbə adına qazanmışdır. Kənd rayonlarında isə bu baxımdan
vəziyyət heç də qənaətbəxş olmamışdır.
Belə ki, 13 kənd rayonunun 35 ümumtəhsil orta
məktəbini fərqlənmə attestatı ilə
bitirmiş 44 məzundan yalnız 31-i ali
məktəblərə qəbul olunmuşdur.
Fərqlənmə attestatı alanlardan 2-si (Biləsuvar
rayonu Əliabad kənd orta məktəbindən Aynur İsayeva
18,000 bal, Ağcabədi şəhər 3 nömrəli orta
məktəbindən Gülnar Həsənova 86,250 bal) 0-100
bal, 4-ü 100-200 bal, 5-i 200-300 bal, 8-i 300-500 bal və 25-i
500-700 bal toplamışdır. Fərqlənmə attestatı almış
ötənilki məzunlardan ali məktəblərə
qəbul olmayan 13 nəfərinin 2-si 0-100, 4-ü 100-200, 5-i
200-300, 2-si (Ucar rayonu Qazyan kənd 1 nömrəli orta
məktəbindən Sübhan Zeynalov 388, 500, Masallı rayonu
"Dəfinə" liseyindən Emin Əkbərli 441,
500 bal) 300-500 bal toplamışdır. 2006-2007-ci dərs ilində orta ümumtəhsil
məktəbləri məzunlarının ali
məktəblərə qəbulunun nəticələrinin
Naxçıvan Təhsil Nazirliyinin kollegiyasında, şəhər
və rayonların təhsil şöbəsi (idarəsi)
şuralarında müzakirə edilib müvafiq tədbirlər görüldüyü
bildirildi. ötən il ölkənin orta ümumtəhsil
məktəblərini "əla" qiymətlər
və fərqlənmə attestatı ilə bitirmiş
və ali məktəblərə daxil olmuş, habelə
qəbul imtahanlarında 0-100 bal toplamış və
fərqlənmə attestatı ilə ali
məktəblərə qəbul ola bilməyən
məzunların təmsil etdikləri rayon və
məktəblərin adının kollegiya qərarına
salınması təklif olundu.
Y.ƏLİYEV
Ali təhsilin akkreditasiyasında Amerika təcrübəsi müzakirə olundu İyunun 9-da Təhsil Nazirliyində Amerika
Birləşmiş Ştatlarının təhsil
sahəsi üzrə bir qrup mütəxəssisindən
ibarət nümayəndə heyəti ilə görüş keçirilib.
Təhsil naziri Misir Mərdanov qonaqları səmimi salamlayıb
və onları nazirlikdə görməkdən məmnunluq
duyduğunu ifadə edib. ABŞ-ın Ali Təhsilin Akkreditasiyası
Şurası prezidentinin bu görüşdə iştirak
etdiyini vurğulayan nazir son illər ölkəmizdə
akkreditə üzrə aparılan işlər haqqında danışıb,
müvafiq qaydalar və əsasnamələrin hazırlandığını
diqqətə çatdırıb. Eyni zamanda nazir bu
sahədə ABŞ təcrübəsindən yararlanmağın
da əhəmiyyətini qeyd edib. Azərbaycanla ABŞ arasındakı mövcud
əlaqələrdən söz açan Misir Mərdanov xeyli sayda
azərbaycanlı gəncin qeyd olunan ölkədə müxtəlif
proqramlar üzrə təhsil aldığını vurğulayıb. Sonra Misir Mərdanov ölkə Prezidentinin müvafiq
sərəncamı ilə təsdiq olunan "2007-2015-ci
illərdə Azərbaycan gənclərinin xarici ölkələrdə
təhsili üzrə Dövlət Proqramı" çərçivəsində
həyata keçirilən tədbirlər barədə danışıb.
Nazir bildirib ki, 2015-ci ilədək 5000-ə yaxın
azərbaycanlı gəncin xaricdə təhsil alması
nəzərdə tutulur. ABŞ Dövlət Departamentinin Təhsil bürosu
və mədəni məsələlər üzrə xüsusi
nümayəndəsi cənab David
Plak öncə bu ilin əvvəllərində Azərbaycana
rəsmi səfər edən ABŞ Dövlət katibinin
akademik proqramlar üzrə müşaviri cənab Tomas Farrellin
salamını nazirə çatdırıb. Təmsil olunduğu
təşkilatın bir sıra proqramlar həyata keçirdiyindən,
Fulbrayt proqramı çərçivəsində
əlaqələrdən danışan qonaq bu görüşü
gələcək dialoqun başlanğıcı adlandırıb. Ali Təhsilin Akkreditasiyası Şurasının
prezidenti xanım Judis İton qəbul üçün nazirə
təşəkkür etdikdən sonra rəhbəri olduğu
qurumun məqsəd və məramı, akkreditasiya
sahəsində gördüyü işlər haqqında məlumat
verib. Qonaq əlavə edib ki, 3000-dən artıq dərəcə verən kollec və universiteti
özündə birləşdirən bu təşkilat milli qurum
səviyyəsində müvafiq istiqamətdə iş aparır,
ona həmçinin 60 təşkilat da daxildir. Nazir öz növbəsində ölkəmizdə
akkreditə işinin aparılmasına yardım
edilməsi təklifi ilə çıxış edib və mövcud
sahə üzrə normativ sənədlərin təkmilləşdirilməsi
istiqamətində rəy bildirilməsinin
məqsədəuyğunluğunu vurğulayıb. Beynəlxalq Təhsil Universiteti Qəbul
Xidmətinin direktoru xanım Linda Tobaş da mübadilə
proqramlarının əhəmiyyətini qeyd
edərək, bu işin daha da inkişaf
etdirilməsindən danışıb. L.Tobaş təmsil
olunduğu qurumun gördüyü işlər və ABŞ-da
fəaliyyət göstərən universitetlər
barədə məlumat verib. Görüşdə "Xarici ölkələrdə
təhsil alacaq Azərbaycan gənclərinin seçim Qaydaları"nın
təsdiq edilməsi, gənclərin müxtəlif proqramlarda
iştirakı, eləcə də bununla bağlı
digər məsələlər müzakirə olunub. ABŞ-ın ölkəmizdəki
səfirliyinin İctimaiyyətlə əlaqələr
departamentinin rəhbəri cənab Conatan Henk
görüşdə iştirak edib.
ABŞ-ın İndiana Universiteti ilə əlaqələr genişləndiriləcək İyunun 9-da təhsil naziri Misir
Mərdanov ABŞ-ın İndiana Universitetinin
beynəlxalq tədqiqat və inkişaf üzrə
vitse-prezidenti cənab çarlz Rifsnider, Mərkəzi Avrasiya bölməsi
üzrə direktoru cənab Uilyam Fiermanla görüşüb. Misir Mərdanov qonaqları səmimi salamladıqdan
sonra İndiana Universiteti ilə mövcud olan əməkdaşlıq
haqqında məlumat verərək bildirib ki, bu təhsil
ocağının ölkəmizin bir neçə universiteti
ilə sıx əlaqələri vardır. Nazir ABŞ-a səfər zamanı İndiana
Universiteti ilə yaxından tanış olduğunu qeyd
edib və dünyanın bu kimi nüfuzlu universitetlərində
azərbaycanlı gənclərin təhsil almasının
əhəmiyyətini vurğulayıb.
Cənab çarlz Rifsnider səmimi qəbul
üçün nazirə təşəkkür edib. İndiana
Universiteti barədə nazirə məlumat verən qonaq
əlavə edib ki, təmsil olunduğu təhsil müəssisəsi
beynəlxalq əlaqələrin genişlənməsi
istiqamətində fəal iş aparır. Qonaq İndiana
Universitetində azərbaycanlı gənclərin
təhsil almasında maraqlı olduğunu açıqlayıb. Görüşdə tərəflər birgə
elmi-tədqiqat işlərinin aparılması, müəllim-tələbə
mübadiləsi, İndiana Universiteti
tələbələrinin ölkəmizdə Azərbaycan
dili üzrə kurslarda iştirakı, "2007-2015-ci
illərdə Azərbaycan gənclərinin xarici ölkələrdə
təhsili üzrə Dövlət Proqramı" çərçivəsində
gənclərimizin gələn ildən həmin
universitetdə daha önəmli ixtisaslar üzrə təhsili,
eləcə də digər mühüm məsələlər
ətrafında fikir mübadiləsi ediblər. Təhsil naziri Misir Mərdanov bu görüşün mövcud əməkdaşlığın daha da inkişafına təkan verəcəyinə əmin olduğunu bildirib.
Təhsil naziri İSESKO-nun Baş direktoru ilə görüşüb İyunun 11-də təhsil naziri Misir
Mərdanov İSESKO-nun Baş direktoru cənab Əbdüləziz
bin Osman Əl-Tüveycrinin başçılıq etdiyi nümayəndə
heyəti ilə görüşüb. Misir Mərdanov qonağı səmimi
salamlayaraq ona böyük hörmət və ehtiramını çatdırıb,
eyni zamanda Bakıda "Mədəniyyətlərarası
dialoqda qadınların rolunun genişləndirilməsi"
mövzusunda keçirilən beynəlxalq forumun təşkilində
göstərdiyi dəstəkdən söz açıb. Nazir həmçinin
qonağın rəhbərlik etdiyi qurumda Azərbaycanın
aparıcı üzvlərdən birinə çevrildiyini qeyd
edib. Sonra nazir cari ilin oktyabrında islam ölkələrinin
ali təhsil və elmi-tədqiqat nazirlərinin Bakıda
keçiriləcək IV konfransına dair görüləcək işlərdən
danışıb, hazırlıq işlərinin təşkilinə
böyük önəm verdiyini açıqlayıb. Misir Mərdanov öz
çıxışında tədbirə dəvət olunacaq
şəxslər, qonaqların yerləşdirilməsi
və bu kimi məsələlərə də toxunub. Cənab Əbdüləziz bin Osman Əl-Tüveycri
öncə "Mədəniyyətlərarası dialoqda qadınların
rolunun genişləndirilməsi" mövzusundakı
beynəlxalq forumun yüksək səviyyədə təşkil
olunduğunu qeyd edərək, tədbirin
əhəmiyyətindən, habelə cari ilin oktyabrında
Bakıda keçirilməsi nəzərdə tutulan konfransa hazırlıq
istiqamətində görülən işlərdən söz açıb. Görüşdə konfransa dair proqram layihəsinin hazırlanması, eləcə də birgə görüləcək digər mühüm məsələlərlə bağlı fikir mübadiləsi aparılıb.
Bakıda islam ölkələri təhsil nazirlərinin IV konfransı keçiriləcək İyunun 12-də Təhsil
Nazirliyində müşavirə keçirilib. Təhsil naziri Misir
Mərdanov müşavirəni açaraq bildirib ki, cari ilin 6-8
oktyabr tarixlərində Bakıda islam ölkələrinin
ali təhsil və elmi-tədqiqat nazirlərinin IV konfransı
keçiriləcək. Nazir konfransa ciddi hazırlıq işlərinin
həyata keçirilməsinin vacibliyini qeyd edərək bu
məqsədlə Təşkilat Komitəsinin yaradılacağını
bildirib. Misir Mərdanov İSESKO nümayəndələrinin
konfransın keçiriləcəyi vaxtadək ölkəmizə
səfər edəcəklərini, eləcə də
həmin təşkilatın rəhbərinin
tədbirdən bir neçə gün öncə ölkəmizə
gələcəyini diqqətə çatdırıb. Nazir
əlavə edib ki, İSESKO tərəfindən artıq
konfransın proqramı hazırlanıb, bəzi ölkələrə
dəvət məktubları da göndərilib. Sonra Misir Mərdanov qonaqların təmsil
olunduqları ölkələrin dilində Azərbaycan haqqında
məlumat hazırlanması, proqramın mədəni
tədbirlər hissəsinin müəyyənləşdirilməsi
barədə nazirliyin müvafiq struktur bölmə
rəhbərlərinə tapşırıqlar verib,
digər mühüm məsələlərə də toxunub. Müşavirədə iştirak edən
İSESKO təşkilatının məsul nümayəndəsi
cənab Əhməd Səid Ould Bax konfransın yüksək
səviyyədə keçirilməsi üçün lazımi təşkilati
tədbirlərin həyata keçirilməsinin
məqsədəuyğunluğunu bildirib. Konfransda
250-yə yaxın nümayəndənin iştirak
edəcəyini bildirən Əhməd Səid Ould Bax öz
çıxışında qonaqların dəvət olunması,
tərcümə işinin təşkili, bəzi ölkələrin
iştirakına Azərbaycan tərəfindən
dəstək göstərilməsi, viza probleminin həll
edilməsi və s. məsələləri qeyd edib. Sonda konfransın uğurla keçəcəyi
əminliklə vurğulanıb.
|