|
|
· Ana səhifə· Rəsmi· Heydər Əliyev Fondu· Əmrlər, sərəncamlar· Təhsil Nazirliyində· Xəbərlər· Pedaqoji yazılar· Məktəblərimiz· Bizimlə əlaqə
|
Təhsil işçilərinə fəxri ad və medalların təqdimat mərasimi oldu İnsan psixologiyasının özəlliklərindən
biri də budur: hər bir şəxs, istənilən peşə
sahəsində çalışan hər bir fədakar mütəxəssis
öz əməyinin maddi və ya mənəvi yöndən
stimullaşdırılmasını istəyir. Xalqa
xidmət, vəzifədə ləyaqətlə çalışma
dəyərləndiriləndə, bu
qiymətləndirmə həmin şəxsin daha
səmərəli fəaliyyətində faktora çevrilir. XX əsrin 60-cı illərindən bu yana,
XXI əsrin ilk 8 ili Azərbaycan təhsilinin inkişafı,
təhsilin maddi-texniki bazasının zənginləşdirilməsi,
pedaqoji ictimaiyyətin əmək və
nailiyyətlərinin dövlət və hökumət
səviyyələrində müxtəlif
səviyyələrdə dəyərləndirilib
qiymətləndirilməsi baxımından seçilən bir
mərhələdir. Əslində bu, müdrik və uzaqgörən
ümummilli lider Heydər Əliyevin hakimiyyəti dövrlərində
daxili siyasətin başlıca tərkib hissəsidir. Bu gün
də davam və inkişaf etdirilir: ölkə müəllimlərinin
maaşı artırılır, gələcək
təhsil işçiləri olacaq aspirant, magistrant və
bakalavrların təqaüdləri çoxaldılır... bu
rəğbətləndirmə və stimullaşdırmaya
təhsilin müxtəlif pillələrində çalışanların
orden və medallara, fəxri adlara layiq görülməsi də
daxildir. Kütləvi informasiya vasitələrində
də xəbər verildiyi kimi, Müəllim günü
ərəfəsində yenə də ənənəvi
olaraq respublikanın ali, orta ixtisas təhsili müəssisələrində,
ümumtəhsil və peşə məktəblərində,
təhsili idarəetmə orqanlarında çalışanlara
ölkə Prezidentinin sərəncamları ilə orden
və medallar, müxtəlif rəsmi fəxri adlar verildi. Azərbaycan Respublikasında növbəti
prezident seçkilərindən iki gün sonra - oktyabrın
17-də Bakıdakı 20 nömrəli məktəb-liseyin
akt zalında orden və medalların, fəxri adlarla bağlı
vəsiqələrin təqdimetmə mərasimi oldu. Tədbirə toplaşanları ölkə başçısı
İlham Əliyevin sərəncamları ilə təltif
olunmaları münasibətilə təbrik edən təhsil
naziri, professor Misir Mərdanov çıxışına davam
edərək Azərbaycanda növbəti Prezident seçkilərinin
uğurla keçdiyini, bu ümumdövlət əhəmiyyətli
tədbirdə müəllimlərin fəal iştirak
etdiklərini vurğuladı. Cənab İlham Əliyevin
yenidən böyük səs göstəriciləri ilə respublika
Prezidenti seçilməsi xalqın siyasi
mədəniyyətinin ifadəsidir. Azərbaycanın müxtəlif
ictimai, iqtisadi və ya mədəni sahələrdə çalışan
vətəndaşları-mütəxəssisləri kimi, ölkənin
çoxsaylı orta və ali məktəb müəllimləri,
ümumiyyətlə təhsilin müxtəlif
pillələrində fəaliyyət göstərənlər
ölkə inkişafındakı reallıqları düzgün
dəyərləndirmişlər. Beş il ərzində
Azərbaycanda müxtəlif dövlət proqramı və
layihələr çərçivəsində yüzlərlə
məktəb tikilmiş, köhnə binalar əsaslı
təmir olunmuş, uşaq tərbiyə ocaqları inşa
olunmuş, bütövlükdə ali məktəblərin çoxunda
əsaslı yenidənqurma aparılmışdır.
Azərbaycanda təhsilin keyfiyyətinə yönəldilən
müxtəlif sənədlər qəbul olunmuş,
xaricdə təhsil və xaricilərin ölkəmizdə
təhsili ilə bağlı köklü işlər görülmüşdür.
Azərbaycan ziyalıları, təhsil işçiləri bu
və ya digər gerçəkliklərə obyektiv qiymət
verərək, bu dəfə də öz seçimlərini etmişlər. Təhsil naziri Misir Mərdanov çıxışında
cari dərs ilinin bir sıra hadisələrlə daha
yaddaqalan olduğunu dedi. Belə ki, sentyabrın 22-də
Azərbaycan müəllimlərinin XIII qurultayı keçirildi.
ümumiyyətlə, son 10 ildə ölkə müəllimlərinin
üç ali məclisi keçirilmişdir. Son 5 il ötən qurultayın
qətnaməsində əksini tapmış
vəzifələrin yerinə yetirilməsi salnaməsi
olub. Azərbaycanın ümumtəhsil
məktəblərində ibtidai siniflər yeni kurrikulumla
işə başlayıblar. Bununla bağlı dərs ili
qabağı ixtisasartırma sistemində köklü işlər
görülüb: sinif müəllimləri kurslardan keçirilib, genişmiqyaslı
izahat işləri aparılıb, elmi-metodik təminat baxımından
məsələlər həll olunub. Yuxarı siniflərdə ayrı-ayrı
fənlərin tədrisində kurrikulumlara keçidlə bağlı
ardıcıl, məqsədyönlü və sistemli
fəaliyyət aparıldığını deyən Misir
Mərdanov ötən il keçirilmiş "Ən yaxşı
məktəb", "Ən yaxşı müəllim"
müsabiqələrinin ümumtəhsil
mərhələsində doğurduğu böyük yaradıcılıq
hissinin, axtarışların təhsilin keyfiyyətinə
əhəmiyyətli təsir göstərəcəyinə
əminliyini bildirdi. Cari dərs ilində bu milli dövləti
əhəmiyyəti olan tədbirin-müsabiqənin daha
təkmil şəkildə həyata keçiriləcəyini söylədi. Təlim sahəsində fəaliyyətin
nəticələri özünü imtahan göstəricilərində
əks etdirir. ötən dərs ilində buraxılış
siniflərinin mərkəzləşdirilmiş qaydada
imtahan vermələri bu sahədə vəziyyəti aydın
təsəvvür etməyə şərait yaratdı. Qarşıdakı
illərdə bu cür imtahan bütün respublika
məktəblərini əhatə edəcək. Odur ki,
təlimin keyfiyyətini, tədrisin
səmərəliliyini artırmaq üçün interaktiv/fəal
təlim metodlarından, innovasiyalardan, informasiya və
kommunikasiya texnologiyalarından istifadə olunması, qabaqcıl
təcrübədən bəhrələnməklə şagirdyönümlü
təlim təmin olunmalıdır. Təhsil naziri tədbir iştirakçılarının
nəzərinə onu da çatdırdı ki, hələ
də məktəblərdə dövri mətbuatı
izləməyən, təhsil islahatı sahəsində uğurlardan
xəbəri olmayan məktəb rəhbərləri
və müəllimlərinin özünün təhsillə ciddi
məşğul olmaları vacibdir. Daha sonra nazir gəncliyin təlimi ilə
yanaşı, tərbiyəsi
məsələlərinə daha çox diqqət
yetirməyin vacibliyinə toxundu. Şagirdlərin
mənəvi-əxlaqi, fiziki və bədii
tərbiyəsi, siyasi mədəniyyətə, tarixi
mədəniyyətə yiyələnmələri dövrün
tələbidir. üstəlik gənclik mənəvi
dəyərləri öyrənməli, xaricdə təhsil
alarkən Vətənin layiqli təmsilçisi olmalıdır. Təhsil naziri Misir Mərdanov çıxışında
təhsilin bu və ya digər
məsələlərinə toxunaraq yeni ildə daha
əzmlə çalışmağı pedaqoji ictimaiyyətin
vəzifə borcu kimi bir daha xatırlatdı. Sonra tədqimat mərasimi oldu: ölkənin
orden və medallarını, fəxri adların
vəsiqələrini təhsil işçilərinə
Prezidentin İcra Aparatının Humanitar siyasət
məsələləri şöbəsi müdirinin müavini M.Əhmədov,
təhsil naziri Misir Mərdanov, nazir müavinləri İ.İsgəndərov,
İ.Hüseynova, E.Qasımov təqdim etdilər. Təqdimat mərasimində nazirliyin şöbə
müdirləri və aparıcı mütəxəssisləri,
KİV-in nümayəndələri iştirak edirdilər. Ş.MƏMMƏDOV
|