|
|
· Ana səhifə· Rəsmi· Heydər Əliyev Fondu· Əmrlər, sərəncamlar· Təhsil Nazirliyində· Xəbərlər· Pedaqoji yazılar· Məktəblərimiz· Bizimlə əlaqə
|
Ali
təhsillə bağlı müşavirə Martın
11-də Təhsil Nazirliyində ali təhsillə bağlı
müşavirə keçirildi. Tədbirdə nazirliyin müvafiq
şöbə və struktur bölmələrinin, o cümlədən
Bakıdakı dövlət ali təhsil müəssisələrinin
rəhbərləri iştirak edirdilər. Müşavirə iştirakçılarını
salamlayan təhsil naziri Misir Mərdanov öncə ölkə
Prezidenti cənab İlham Əliyevin "Azərbaycan
Respublikasının ali təhsil müəssisələrinin
Avropa ali təhsil məkanına inteqrasiyası ilə bağlı
bəzi tədbirlər haqqında" sərəncamına
əsasən görülən işlərdən bəhs etdi
və həmin sənədin icrası ilə
əlaqədar "2008-2012-ci illərdə Azərbaycan
Respublikasının ali təhsil sistemində islahatlar üzrə
Dövlət Proqramı"nın hazırlıq
vəziyyəti haqqında məlumat verdi. Təhsil naziri bu sahədə islahatların
həyata keçirilməsi zərurətindən danışarkən
bildirdi ki, müasir dövrdə Avropa ölkələri təhsil
sistemlərinin inteqrasiyası və ümumavropa ali təhsil
məkanının formalaşdırılması xüsusi
aktuallıq kəsb edir. Bu baxımdan həyata keçirilən
tədbirlər arasında Boloniya prosesi önəmli yer tutur.
Qeyd edək ki, "2008-2012-ci illərdə
Azərbaycan Respublikasının ali təhsil sistemində
islahatlar üzrə Dövlət Proqramı"nın əsas
məqsədi ölkənin ali təhsilinin dünya təhsil
sisteminə inteqrasiyası, onun məzmununun Boloniya
prosesinin prinsiplərinə uyğun qurulması,
rəqabət qabiliyyətliliyinin təmin edilməsi, ölkə
iqtisadiyyatının inkişaf tələblərinə uyğun
ali təhsilli kadrlara yaranan tələbatın ödənilməsi,
iqtisadi və sosial baxımdan səmərəli ali
təhsil sisteminin formalaşdırılmasıdır.
İslahatların beynəlxalq təhsil təcrübəsinə
uyğun olaraq ali təhsilin normativ-hüquqi bazasının
yeniləşdirilməsi, məzmununun və təlim
texnologiyalarının təkmilləşdirilməsi,
maddi-texniki bazasının müasir tələblərə uyğun
qurulması, iqtisadiyyatının yeni mexanizmlərinin yaradılması
və tətbiqi, ali təhsildə keyfiyyətin təmin
olunması və kadr hazırlığı, ali təhsil
müəssisələrinin strukturunun və bütövlükdə
onun idarə olunması sisteminin modernləşdirilməsi,
bu müəssisələrdə elmi-tədqiqat işlərinin
müasir tələblərə uyğun qurulması
istiqamətlərində aparılması müəyyən
edilib. Təhsil naziri daha sonra layihə sənədində
öz əksini tapmış maliyyə təminatı, proqramın
həyata keçirilməsi üzrə tədbirlər planı
və digər mühüm məsələləri
diqqətə çatdırdı. O, ali təhsil müəssisələrinin
rəhbərlərindən bu sənədlə
diqqətlə tanış olaraq öz istəklərini,
rəy və təkliflərini bildirməyi xahiş etdi. Təhsil nazirinin dediyinə görə,
Azərbaycan Respublikası Prezidentinin "Azərbaycan
Respublikasının ali təhsil müəssisələrinin
Avropa ali təhsil məkanına inteqrasiyası ilə bağlı
bəzi tədbirlər haqqında" sərəncamının
icrası ilə əlaqədar Avropa dövlətlərinin
ən nüfuzlu universitetləri ilə birbaşa
əlaqələrin yaradılması nəzərdə
tutulur. Hələlik bu cəhətdən Almaniya və
Fransanın ali təhsil müəssisələri daha
məqsədəuyğun sayılıb. Artıq ölkəmizin
ali məktəbləri üçün müvafiq siyahılar hazırlanıb
və burada həmin universitetlərin dünyadakı və
regiondakı reytinqi göstərilib. Bu əlaqələrin indiyədək
olanlardan tamamilə fərqli aspektdə qurulacağını
nəzərə çatdıran Misir Mərdanov qeyd etdi ki, biz
Boloniya prosesinə qoşuluruqsa, mütləq dünyada və
Avropada ali təhsil sistemində baş verən dəyişikliklərdən
xəbərdar olmalı və tətbiq olunan yenilikləri
öyrənməliyik. Buna görə də xarici ölkələrdəki
universitetlərin modeli, onların idarəçilik,
maliyyələşmə, kadr hazırlığı
və s. sahələrdəki təcrübəsi ilə tanış
olmalıyıq. Təhsil naziri bu məqsədlə
universitetlərimizin nümayəndə heyətlərinin
xaricə səfərlərinin təşkil
ediləcəyi və ya onların bura dəvət olunacağının
nəzərdə tutulduğunu bildirdi. Müşavirədə təhsil naziri ali
təhsil müəssisələrinə tələbə
qəbulunun planlaşdırılması, təhsilalma
şərtləri, məzunların yerləşdirilməsi
və s. məsələlər barədə fikirlərini
səsləndirdi. O qeyd etdi ki, ali məktəblərə
qəbul aparılacaq ixtisasların siyahısı
hələ təsdiqlənmədiyindən,
gecikməmək üçün qəbul planı mövcud, təsdiq
olunmuş ixtisaslar üzrə hazırlanmalıdır. Sonda ali məktəblərin rektorları müşavirədə
müzakirə olunan məsələlərlə bağlı
rəy və təkliflərini bildirdilər. Hicran ƏKBƏROVA
Misir
Mərdanov Təhsil Nazirliyi və British Council
tərəfindən həyata keçirilən birgə
layihələri yüksək qiymətləndirdi Martın
13-də Təhsil Nazirliyində British Council-in bu qurumla
birgə həyata keçirilən layihələrinə
həsr olunan tədbir keçirildi. Tədbirdə British
Council ilə əməkdaşlıq, həyata keçirilən
layihələrdə iştirak edən bir sıra ali
məktəblərin rektorları, məktəb direktorları
və müəllimlər, həmçinin
digər qurumların nümayəndələri iştirak
edirdilər. Təhsil naziri Misir Mərdanov tədbiri açaraq
British Council-in 1993-cü ildən Azərbaycanda
fəaliyyət göstərdiyindən, bu təşkilatın
əsas məqsəd və məramından söz açdı.
Qeyd etdi ki, adıçəkilən təşkilatın
məqsədi Böyük
Britaniya və Azərbaycan arasında faydalı münasibətlər
qurmaqdır. British Council fəaliyyətində təhsil
komponenti prioritet təşkil etməklə, 3 aspektə xüsusi
əhəmiyyət verir. Bunlar islahatlar və stabillik,
iqtisadiyyat və bacarıqlar,
mədəniyyətlərarası dialoqdur. İngilis
dilinin tədrisi sahəsində layihələrin Təhsil
Nazirliyi üçün ən əhəmiyyətlilərindən
olduğunu qeyd edən Misir Mərdanov bütövlükdə
15 il ərzində nazirliklə British Council
tərəfindən birgə həyata keçirilən
layihələrin hər biri haqqında ətraflı danışaraq
onları geniş şərh etdi. Təhsil naziri British Council-in Cənubi
Qafqaz üzrə direktoru cənab Əndi Uilyamsın 1994-cü
ildən Azərbaycanda çalışdığını
deyərək onun fəaliyyətindən razı qaldığını
bildirdi. Cənab Əndi Uilyamsın fəaliyyətini artıq
başqa bir ölkədə davam etdirəcəyini söyləyən
təhsil naziri, British Council-in Azərbaycan üzrə yeni
direktoru xanım Nikol de Laluvyeri tədbir iştirakçılarına
təqdim etdi. Nazir Azərbaycanda
təhsilin inkişafı sahəsində
səmərəli fəaliyyətinə, Böyük Britaniya -
Azərbaycan təhsil əlaqələrinin inkişafında
xidmətlərinə görə British Council-in Cənubi
Qafqaz üzrə direktoru cənab Əndi
Uilyamsı Təhsil Nazirliyinin Fəxri fərmanı
ilə təltif etdi və ona gələcək işlərində
uğurlar arzuladı. Cənab Əndi Uilyams Azərbaycanda çalışmaqdan
böyük zövq aldığını deyərək, ona yaradılan
imkan və şəraitə, eyni zamanda əməyinə
belə yüksək dəyər verdiyinə görə
təhsil naziri Misir Mərdanova
dərin təşəkkürünü bildirdi. Bu ölkədə
hər zaman ona doğma münasibət göstərildiyini
deyən cənab Əndi Uilyams ölkəmizin sürətlə
inkişaf etdiyini bildirərək
,xüsusilə təhsilimizdə
gedən müsbət dəyişikliklərdən razılıqla
danışdı. çıxış üçün söz alan British
Council-in yeni direktoru Nikol de Laluvyer azərbaycanlı
həmkarları ilə ilk dəfə görüşməsindən
məmnunluq hissi keçirdiyini dedi. Qeyd etdi ki, o, may ayından
fəaliyyətə başlayacaq. Xanım Nikol de Laluvyer
belə səmimi qarşılandığına görə
hamıya münnətdarlığını bildirdi.
Azərbaycanda bu cür layihələrin davamlı, eyni zamanda
uğurlu olacağına ümidvar olduğunu deyən yeni
rəhbər buna tam hazır olduğunu qeyd etdi. Tədbiri təhsil naziri Misir Mərdanov
yekunlaşdıraraq qarşıdan gələn Novruz bayramı
münasibətilə hamını təbrik etdi, xoş
arzularını söylədi. Sonda British Council-in nümayəndələri
təhsil naziri Misir Mərdanovla xatirə şəkli çəkdirdilər. Samirə KƏRİMOVA
Təhsil
Nazirliyində görüş Martın
12-də təhsil naziri Misir Mərdanov İslam İnkişaf
Bankının departament direktorunun müavini cənab
Məhəmməd Rza Yusifxan, bankın baş mütəxəssisi
Rauf Məmmədov, Azərbaycan üzrə nümayəndəsi
Zaur Cəfərli ilə görüşüb. Misir Mərdanov qonağa ölkəmizdə peşə
təhsilinin inkişafı istiqamətində görülən
işlər, təsdiq olunmuş Dövlət Proqramı, eyni
zamanda yerli və beynəlxalq qurumlarla birgə bu
sahədə həyata keçirilən tədbirlər haqqında
məlumat verib. Sonra nazir ölkəmizin texniki peşə
təhsili müəssisələrinin maddi-texniki bazasının
gücləndirilməsi və inkişafı
məqsədilə İslam İnkişaf Bankı ilə
əməkdaşlığın yaradılması,
həyata keçiriləcək yeni layihəyə
əsasən bankdan texniki yardım və qrant ayrılması
məsələsindən söz açıb. Eyni zamanda müvafiq
layihə üzrə Bakı şəhərində 1, Saatlı
rayonunda isə 2 peşə təhsili müəssisəsində
iş aparılmasının nəzərdə tutulduğunu
diqqətə çatdırıb və müvafiq tələbatın
öyrənilməsinin əsas şərt olduğunu vurğulayıb.
Layihənin əsas məqsədinin texniki peşə
təhsili müəssisələrinin müasir əmək bazarının
tələblərinə uyğunlaşdırılması
olduğunu bildirən Misir Mərdanov bununla bağlı
rəy və təkliflərini qeyd edib. Nazir layihənin "Azərbaycan Respublikasında
texniki peşə təhsilinin inkişafı üzrə Dövlət
Proqramı (2007-2012-ci illər)"na uyğun olaraq
həyata keçiriləcəyini açıqlayıb. Cənab Məhəmməd Rza Yusifxan
təmsil olunduğu qurumun öz fəaliyyətində
təhsilin inkişafına xüsusi yer ayırdığını,
nəzərdə tutulan layihəyə lazımi
dəstək göstərməyə hazır olduqlarını
bildirib. Qonaq, həmçinin layihənin maliyyələşdirilməsi
və bir sıra mühüm istiqamətlərlə bağlı
fikirlərini qeyd edib. Görüşdə milli və beynəlxalq məsləhətçilərin layihə sənədini hazırlaması, nümunəvi peşə təhsili müəssisəsinin yaradılması, peşə məktəblərinin modelinin təkmilləşdirilməsi ilə bağlı müzakirə aparılıb. |