|
|
· Ana səhifə· Rəsmi· Heydər Əliyev Fondu· Əmrlər, sərəncamlar· Təhsil Nazirliyində· Xəbərlər· Pedaqoji yazılar· Məktəblərimiz· Bizimlə əlaqə
|
İnformatika üzrə ümumrespublika olimpiadası keçiriləcək Olimpiadada iştirak etmək üçün komanda
rəhbərləri 01.03.2008-ci il tarixdən 26.03.2008-ci il
tarixinə kimi http://www.aztelekom.org/olimpiada/ saytında
qeydiyyatdan keçməlidirlər. Qeydiyyata alınmış
komandalara iştirak etmək
üçün elektron dəvət göndəriləcək. Olimpiadanın birinci mərhələsi seçmə
mərhələ adlanır. Təşkilatçılar
tərəfindən təsdiq edilən Əsasnaməyə
görə seçmə mərhələsində balların 30
faizini toplamış komandalar final
mərhələsində iştirak etmək hüququ qazanır. Qeyd edək ki, olimpiada informatika üzrə
beynəlxalq komanda yarışlarının yarımfinalında
iştirak etmək üçün komandanın seçilməsinə
və hazırlanmasına imkan yaradacaq.
Azərbaycan
Müəllimlər İnstitutunda Müasir zamanda elmin, texniki tərəqqinin yüksəlişi,
mürəkkəb texniki sistemlərin tətbiqi, onların
istismarında riskin artması ilə müşayiət olunur.
Bu isə insanların həyat və sağlamlığına,
ətraf mühitə və cəmiyyətin normal
fəaliyyətinə təhlükə yaradır. Bütün bunlarla əlaqədar
gələcək mütəxəssislərə fövqəlada
hallar zamanı xilasetmə işlərinin aparılması
və ətraf mühitin mühafizəsini təmin
etməklə bağlı bilik, bacarıq verilməsi günün
ən vacib məsələsidir. Bu baxımdan Azərbaycan
Müəllimlər İnstitutunda keçirilən ümumdünya Mülki-Müdafiə
Gününə həsr edilmiş tədbir maraqlı oldu. Tədbiri giriş sözü ilə Azərbaycan
Müəllimlər İnstitutunun rektoru, siyasi elmlər
doktoru, professor A.Naxçıvanlı açaraq bildirdi ki, təbii
texnogen, antrogen, ekoloji və sosial fəlakətlər
nəticəsində baş verən insan tələfatı,
maddi itkilərin həcmi bəşəriyyəti bu
məsələ barədə çox ciddi düşünməyə
vadar edir. Bu baxımdan, institutumuzda Mülki-Müdafiə Gününün
keçirilməsi böyük əhəmiyyət daşıyır. Tədbirdə "MM - fövqəladə
hallar zamanı xilasetmə işləri" mövzusunda mülki-müdafiə,
tibbi biliklərin əsasları və fiziki tərbiyə
kafedrasının müdiri, polkovnik Rafiq Bağırov
məruzə etdi. Kafedranın metodisti, polkovnik Yaşar
Mustafayev, kafedranın müəllimi Fatma Şəmiyeva, mülki-müdafiə
üzrə mühəndis Tofiq Fətullayev və
tələbələr çıxış etdilər. Əyani olaraq xilasetmə işlərinin nümayiş olunduğu tədbirin sonunda təlimə cəlb olunan struktur bölmələrin, mülki-müdafiə xidmətlərinin, dəstələrin, komandirlərin fəaliyyəti münsiflər heyəti tərəfindən qiymətləndirildi.
Jurnalın
ilk nömrəsi işıq üzü görüb Təhsil, maarif və elmi-metodiki nəşrlər
sırasına yeni bir mətbuat orqanı - "Təhsil
ocağı" jurnalı da daxil oldu. Elmi, metodiki və
publisistik xarakterli yazılarla jurnal 2 ayda bir dəfə
olmaqla ildə 6 nömrə nəşr ediləcək. Jurnalı nəşr etməkdə yaradıcı
heyətin məqsədi onun baş redaktoru, dosent
Sədaqət Məmmədovanın "Baş
redaktordan" yazısında açıqlanıb. "Buradan aydın olur ki, yeni nəşr
ölkəmizdə aparılan təhsil siyasətini, onun çoxçeşidli
mənzərəsini - hüquqi, maliyyə, texnoloji, iqtisadi,
ictimai-siyasi, elmi, pedaqoji, mənəvi-əxlaqi və s.
istiqamətdə işıqlandırmaqla Azərbaycanın
təhsil ocaqlarındakı uğur və nöqsanları üzə
çıxarmaq, yaxşıları təqdir etmək, nöqsanların
aradan qaldırılmasına kömək, görkəmli elm
xadimləri ilə oxucuları tanış etmək,
gənc nəslin şəxsiyyət olaraq formalaşıb,
doğma vətənimizin daha da çiçəklənməsi
üçün gərəkli bir mütəxəssis kimi yetişməsinə
dəstək olmaqdır". "Təhsil ocağı" elm,
təhsil və ictimai mühitimizin ən müxtəlif
sahələrinə dair bir-birindən maraqlı və
məzmunlu məqalələr dərc etmək
məqsədilə ətrafına müxtəlif ixtisas
sahibləri olan alim, metodist, pedaqoq və publisistləri
cəlb etmişdir. Onun redaksiya heyətinə
akademiklərdən Abel Məhərrəmov, Akif Hacıyev,
İsa Həbibbəyli, professorlardan Ağacan Abıyev, Hüseyn
Əhmədov, Əjdər Ağayev, Qəzənfər Paşayev
və başqaları daxildir. "Təhsil ocağı"nın yaradıcı
kollektivinə təhsil naziri, professor Misir Mərdanovun ünvanladığı
təbrik məktubunda deyilir: "Son illər görülən işlər, atılan
müsbət addımlar ölkəmizdəki mövcud KİV
vasitəsilə geniş ictimaiyyətə çatdırılmış,
bu barədə ətraflı məlumat verilmişdir.
"Təhsil ocağı" jurnalı da bu məqamda
xeyirxah, eyni zamanda çətin və məsuliyyətli işə
başlayır. Bu münasibətlə kollektivinizi təbrik
edir, ölkəmizin təhsil həyatı, bu sahədə baş
verən yeniliklər haqqında ictimaiyyətə dəqiq
və geniş məlumat verilməsi, görüləcək işlərin
müasir tələblər səviyyəsində qurulması
sahəsindəki fəaliyyətinizdə
nailiyyətlər arzulayıram". Jurnalın 1-ci sayında informatika
texnologiyasına, riyaziyyat, ədəbiyyatşünaslıq,
pedaqogika, psixologiya, muzeyşünaslıq, mətbuat tarixi
və digər sahələrə həsr edilmiş
məqalələr, habelə publisistik yazılar çap edilmişdir. Kitab
müsabiqənin "Qızıl mükafat"ına layiq görüldü Bakının
Nərimanov rayonundakı 43 nömrəli liseyin Azərbaycan
dili və ədəbiyyat müəllimi Mahirə Nağı
qızı bacarıqlı, yenilikçi müəllim olmaqla yanaşı,
eyni zamanda incə ruhlu şeirlər müəllifi kimi də
tanınır. Müəllifin "Mənim anam", "Ana,
dalımca su at" adlı şeir kitabları ötən
illərdə işıq üzü görüb. Ata-anaya, övlada, milli
dəyərlərimizə, Vətənə, xalqa sevgi
və məhəbbət, Qarabağ dərdi, yurd
həsrəti kitaba daxil edilən şeirlərin əsas
qayəsini təşkil edir. Səmimiliyi, orijinallığı,
vətənpərvərliyi ilə seçilən bu şeirlər
"Avropa nəşr-mətbu evi"nin
vətənpərvərlik mövzusunda təşkil etdiyi müsabiqənin
münsiflər heyətinin diqqətindən də kənarda
qalmayıb. Müəllim-şairənin "Mənim
anam" kitabı müsabiqənin "Qızıl mükafat"ına
və diplomuna layiq görüldü. Bu yaxınlarda liseydə mükafatın
təqdimetmə mərasimi keçirildi. Tədbirdə
filologiya elmləri doktorları, professorlar Mirzə
Həsənov, İsmayıl Kazımov, filologiya elmləri
doktoru Qafar Hüseynov çıxış edərək Mahirə
Nağı qızının pedaqoji
fəaliyyətindən, yaradıcılığından
danışdılar. Məktəblilər müəllifin
şeirlərindən parçaları əzbər söylədilər. Bədən
tərbiyəsi və idman gününə həsr olunmuş
turnir Bədən tərbiyəsi və İdman
Günü münasibəti ilə Bakı Sənaye Pedaqoji
Texnikumunda idman turniri keçirilib. İdmanın 10 növünü
əhatə edən yarışlarda 500-ə yaxın
tələbə iştirak edib. Texnikumun Sabunçu Rayon Gənclər və
İdman İdarəsi ilə birlikdə keçirdiyi turnirin açılışı
fevralın 29-da olub. Açılış mərasimində
texnikumun müxtəlif idman yarışlarında
fərqlənən tələbələrinə mükafatlar
təqdim olunub. Yunan-Roma güləşi ilə məşğul
olan Elçin Sahibov "Məhsul" İdman
Cəmiyyətinin respublika açıq birinciliyində qalib
gəldiyinə, Rauf Muradlı "Təhsil" İdman
Mərkəzinin açıq birinciliyində
fərqləndiyinə, texnikumun voleybol komandası isə
Respublika Bədən Tərbiyəsi və İdman
Mərkəzinin Kuboku uğrunda yarışlarda birinci
nəticə göstərdiyinə görə diplom, fəxri
fərman və qiymətli mükafatlara layiq görülüblər.
Tədbirdə iştirak edən Təhsil Nazirliyi
Tərbiyə və məktəbdənkənar müəssisələrlə
iş şöbəsinin müdiri Ağababa İbrahimov, Bakı
Şəhəri Gənclər və İdman idarəsi
rəisinin müavini Raqub Abbasov, BSPT-nin direktoru Vidadi Orucov,
Sabunçu Rayon Gənclər və İdman İdarəsinin
rəisi Rakif Əliyev qalibləri təbrik edərək
onlara daha böyük qələbələr arzulayıblar. Sonra yeni yarışlara start verilib.
Tələbələr 100 m məsafəyə qaçışda,
estafet (4x100m) qaçışında, qumbara atmaq, nüvə
itələmək, voleybol, stolüstü tennis, şahmat,
basketbol və boks növlərində öz qüvvələrini sınayıblar.
5 gün davam edən yarışlara martın 5-də yekun
vurulub. Yarışların baş hakimi Elsevər
Abbasov bizimlə söhbətində ənənəvi olaraq
hər il keçirilən və 5-6 idman növünü əhatə
edən turnirin bu il həm tələbələrin,
həm də idman növlərinin sayı baxımından
daha geniş miqyas aldığını bildirdi. Məşqçinin
dediyinə görə, texnikumun tələbələri
dərs ilinin sonunadək daha iki turnirdə - may ayında
ümummilli lider Heydər Əliyevin doğum günü və 28
May Respublika Günü münasibəti ilə keçiriləcək 5
idman növü üzrə (3+2) yarışlarda da öz qüvvələrini
sınayacaqlar. Y.HƏSƏNƏLİOĞLU İdmançılar
beynəlxalq turnirdən qələbə ilə qayıdıblar Fevralın 17-dən
25-dək Ukraynanın Vinnitsa şəhərində idman
akrobatikası üzrə beynəlxalq turnir keçirilib. Türnirdə
ölkəmizi Bakı şəhər 13 nömrəli İxtisaslaşdırılmış
Olimpiya Ehtiyatları Uşaq Gənclər İdman
Məktəbinin yetirmələri təmsil edib.
Atletlərdən ibarət 4-lük dünya çempionatına hazırlıq
mərhələsi çərçivəsində keçirilən
beynəlxalq turnirdə digər rəqiblərdən daha
yaxşı çıxış edərək I yerə layiq görülüblər.
|