|
|
· Ana səhifə· Rəsmi· Heydər Əliyev Fondu· Əmrlər, sərəncamlar· Təhsil Nazirliyində· Xəbərlər· Pedaqoji yazılar· Məktəblərimiz· Bizimlə əlaqə
|
Gürcüstanda Heydər Əliyev adına Humanitar Universitet açılıb Bu günlər Gürcüstanın Marneuli
şəhərində ulu öndər Heydər Əliyevin adını
daşıyan Gürcüstan-Azərbaycan Humanitar Universitetinin açılışı
olub. Bu ali təhsil müəssisəsinin yaradılmasında
məqsəd Gürcüstanda fəaliyyət göstərən 124
Azərbaycan məktəbi üçün müxtəlif ixtisaslar üzrə
müəllim kadrları hazırlamaqdan ibarətdir. Son məlumatlara görə, Gürcüstandakı
Azərbaycan məktəblərində 35 min şagird
təhsil alır. Onların təlim-tərbiyəsi
ilə cəmi 4 min müəllim məşğul olur. Daha
800 müxtəlif ixtisaslı müəllimə ehtiyac var.
Həmin bu kadr çatışmazlığının aradan
qaldırılmasında yeni açılmış universitetin
mühüm rol oynayacağı şəksizdir. Universitetin rektoru Novruz Bayramovun mətbuat
üçün verdiyi məlumata görə, həmin ali təhsil müəssisəsinə
bu il 80 tələbə qəbul olunub. Göründüyü kimi, bu,
çox azdır. Gələcəkdə
tələbələrin sayını artırmaq üçün
yeni beşmərtəbəli binanın tikilməsinə böyük
ehtiyac var. Eyni zamanda universitetin auditoriyalarını kompüterləşdirmək
və digər tədris avadanlıqları ilə təmin
etmək üçün müəyyən qədər maliyyə
vəsaiti tələb olunur. Novruz müəllimin sözlərinə görə,
bu problemlər həll olunsa, Gürcüstandakı Azərbaycan
məktəblərində müəllim kadrlara olan ehtiyac qısa
zamanda ödənilə bilər. Rektor onu da qeyd etmişdir
ki, bəzi ali məktəblərdən fərqli olaraq
Heydər Əliyev adına Humanitar Universitetin diplomları
dünyanın bir çox ölkələrində tanınacaqdır. ƏDALƏT
|