|
|
· Ana səhifə· Rəsmi· Heydər Əliyev Fondu· Əmrlər, sərəncamlar· Təhsil Nazirliyində· Xəbərlər· Pedaqoji yazılar· Məktəblərimiz· Bizimlə əlaqə
|
İlk
yoxlama imtahanı fevralın 22-də olacaq
Məlum olduğu kimi, dörd ildən bəri
ölkənin ümumtəhsil sistemində tətbiq olunan və
coğrafiyası ildən-ilə genişlənən
mərkəzləşdirilmiş qaydada buraxılış
imtahanları 2008-2009-cu dərs ilindən bütün ölkəni
əhatə edəcək. Orta məktəblərin XI (XII)
sinif şagirdləri ilə yanaşı, peşə
liseylərində məzun olmağa hazırlaşanlar da
buraxılış imtahanlarını yeni qayda ilə
verəcəklər. Buraxılış imtahanlarına hazırlıq
məqsədi ilə bu ilin fevral-aprel aylarında
mərkəzləşdirilmiş qaydada bir yoxlama-sınaq
imtahanının keçirilməsi nəzərdə tutulub. Təhsil Nazirliyi Şagird
nailiyyətlərinin qiymətləndirilməsi şöbəsindən
aldığımız məlumata görə, yoxlama imtahanlarının
peşə liseylərində ayrıca, ümumtəhsil
məktəblərində isə bölgələr üzrə
mərhələlərlə keçirilməsi planlaşdırılıb.
ölkə üzrə 5 bölgə müəyyənləşdirilib.
Bunlar Bakı, Sumqayıt şəhərləri və Abşeron
rayonu, şimal, şimal-qərb, qərb və cənub bölgələridir. Mərkəzləşdirilmiş qaydada ilk
yoxlama imtahanı fevralın 22-də olacaq. Həmin gün peşə
liseylərinin şagirdləri öz qüvvələrini sınayacaqlar.
Peşə liseyləri üzrə yoxlama imtahanları üçün
29 mərkəz yaradılıb. Onların 7-si Bakıda,
22-si isə ölkənin digər şəhər və
rayonlarında yerləşir. Bölgələr üzrə
yoxlama imtahanları isə mart ayından başlanacaq. Bakı
və Sumqayıt şəhərlərinin, Abşeron
rayonu məktəblərinin bu sahədə artıq 2-illik
təcrübəsinin olması nəzərə alınaraq
ilk imtahan məhz bu bölgə üzrə salınıb. O, martın
1-də keçiriləcək, sonra şimal bölgəsinə
daxil olan rayonların ümumtəhsil məktəblərinin
onbirinci sinif şagirdləri sınaq imtahanlarına qatılacaqlar.
Yoxlama imtahanları bazar günlərinə salındığından
və martın 8-i bayrama düşdüyündən şimal bölgəsi
üzrə imtahan martın 15-də aparılacaq. Daha sonra imtahanlar ardıcıl olaraq şimal-qərb,
qərb və cənub zonalarının rayonlarında keçiriləcək. Y.ƏLİYEV
|