|
|
· Ana səhifə· Rəsmi· Heydər Əliyev Fondu· Əmrlər, sərəncamlar· Təhsil Nazirliyində· Xəbərlər· Pedaqoji yazılar· Məktəblərimiz· Bizimlə əlaqə
|
Görkəmli alim, akademik Arif Paşayevin 75 illik yubileyinə həsr olunmuş kitabın təqdimatı olub Rəşid Behbudov adına Azərbaycan Dövlət
Mahnı Teatrında Rusiyanın Novosibirsk şəhərində
fəaliyyət göstərən "Heydər Əliyev adına
Beynəlxalq Azərbaycan Forumu"nun ölkəmizdəki
daimi nümayəndəliyinin rəhbəri, şair-publisist
Mirkazım Seyidovun Milli Aviasiya Akademiyasının rektoru,
akademik Arif Paşayevin 75 illik yubileyinə həsr olunmuş
"İnsanlığın düz ünvanı" poemasının
təqdimatı olmuşdur. "Nurlan" nəşriyyatında
nəfis şəkildə çap olunmuş kitabın
redaktorları Milli Məclisin Mədəniyyət
məsələləri daimi komissiyasının sədri,
AMEA-nın müxbir üzvü, filologiya elmləri doktoru Nizami
Cəfərov, xalq şairi Nəriman Həsənzadə
və Vaqif Abbasovdur. "Müdrikliyin poetik təcəssümü"
adlı ön sözün müəllifi Naxçıvan Dövlət
Universitetinin prorektoru, əməkdar elm xadimi Hüseyn Həşimlidir.
Tədbirdə Mirkazım Seyidov akademik Arif
Paşayevin apardığı elmi araşdırmalarla
xarici ölkələrdə Azərbaycan elminə başucalığı
gətirdiyini, təcrübəli, yüksək səriştəli
elm və təhsil təşkilatçısı kimi bu
sahələrin inkişafına yeni töhfələr
verdiyini, səmərəli ictimai fəaliyyəti ilə
xalqın dərin hörmətini qazandığını,
ibrətamiz həyat yolunun, çoxşaxəli
fəaliyyətinin bugünkü və gələcək
nəsillər üçün əsl örnək olduğunu bildirmiş,
poemanın məziyyətləri barədə danışmışdır.
Milli Məclis sədrinin birinci müavini
Ziyafət Əsgərov, Milli Məclisin deputatı
Qənirə Paşayeva, Milli Aviasiya Akademiyasının
professoru İbrahim Quliyev və başqaları Dövlət mükafatı
laureatı, əməkdar elm xadimi, bır sıra
beynəlxalq akademiyaların üzvü olan Arif Paşayevin müasir
Azərbaycan ziyalılarının ən görkəmli nümayəndələrindən
biri olduğunu vurğulamış, onun fizika elminin ən
müasir sahələrində nailiyyətlərini, mülki
aviasiyamızın inkişafı naminə
xidmətlərini diqqətə çatdırmışlar.
Bildirilmişdir ki, akademik Arif Paşayev 400-dən artıq
elmi məqalənin, 30 kitab və monoqrafiyanın, çoxsaylı
ixtira və patentin müəllifidir. Onun gərgin
əməyi sayəsində Milli Aviasiya Akademiyasında
maddi-texniki baza təkmilləşdirilmiş, müasir
tələblərə cavab verən laboratoriyalar qurulmuş,
yeni ixtisaslar açılmışdır. Milli aviasiya kadrlarının
hazırlandığı bu təhsil ocağında hazırda
beş fakültə və iyirmi kafedra fəaliyyət göstərir.
Musiqili ədəbi-bədii gecədə
Azərbaycan, rus və ingilis dillərində çap olunmuş
poemadan parçalar oxunmuş, incəsənət ustaları
və uşaq ansamblının ifasında
vətənpərvərlik, azərbaycançılıq
ruhunda mahnılar səslənmişdir. Teatrın foyesində görkəmli alim,
akademik Arif Paşayevin həyat və elmi
fəaliyyətinə həsr olunmuş fotostend qoyulmuşdu.
AzərTAc
|