|
|
· Ana səhifə· Rəsmi· Heydər Əliyev Fondu· Əmrlər, sərəncamlar· Təhsil Nazirliyində· Xəbərlər· Pedaqoji yazılar· Məktəblərimiz· Bizimlə əlaqə |
Dünya təhsili Şotlandiyada təhsil Təhsil dünyada daha yaxşı yaşamaq
üçün vacibdir. çünki o, insanların həyat tərzini
dəyişdirir, biliyi genişləndirir, idrakı
dərinləşdirir, parlaq gələcəyə və
həyat vərdişlərinin formalaşmasına şərait
yaradır. Fasiləsiz təlim bizim xəyalımızda
yaşatdığımız yüksək inkişaf etmiş,
bütün sahələrdə uğur qazanmış Şotlandiyanın
təməlidir. Biz dərk edirik ki, mühüm qlobal iqtisadi
və texnoloji dəyişikliklər fonunda öz bacarıq
və vərdişlərimizi daim təkmilləşdirmək
imkanı əldə etməliyik. Odur ki, vərdişlərimizin
müntəzəm müasirləşdirilməsi
üçün bizə şərait yaradılmalıdır. Bu halda
iqtisadiyyatımız daha yaxşı təchiz olunar və
biz bir şəxsiyyət kimi gələcək inkişafımıza
nəzarəti gücləndirə bilərik. Təhsilin
hər bir cəmiyyətdə yeri var və o,
cəmiyyətin hər bir üzvünə aiddir. Bu,
təkcə dərəcələrin yüksəlməsi
və ixtisasın artırılması deyildir, bu o
deməkdir ki, hər bir insan tam potensialı ilə inkişaf
etmək imkanına malik olmalıdır. Təhsilin
həyata keçirilməsi Şotlandiyada təhsil sisteminin quruluşu
Təhsil Qanunları - Aktları silsiləsindən
ibarətdir ki, bu da Şotlandiya üçün spesifikdir. Bu qanunlar
qanuni qüvvəyə malik olan nizamnamələr
vasitəsilə tənzimlənir. 1999-cu ildə
səlahiyyətlərin yerlərə ötürülməsindən
(devolution) bəri təhsillə bağlı yeni
qanunvericilik Şotlandiya Parlamentində müzakirə obyekti
olmuşdur. Şotlandiyada Təhsil Qanunlarının
məzmununa təhsilin təşkili və idarəolunması
daxildir. Nizamnamələr və məlumat kitabçaları
məsələləri daha ətraflı şərh edir.
Şotlandiyada tədris proqramları (kurikulum), dini və
mənəvi təhsil istisna olmaqla, qanunvericilik
tərəfindən idarə olunmur. Şotlandiyada təhsil və təlim
siyasətini həyata keçirən orqanlar aşağıdakılardır: 1. Şotlandiya Ali Təhsil Şöbəsi
(SEED); 2. Şotlandiya İcra Orqanı; 3. Nəqliyyat və Fasiləsiz Təlim
Departamenti (SEETLİD). Şotlandiya Ali Təhsil Şöbəsi
Şotlandiya məktəblərində 2000-ci ildə
verilən qanunlardan sonra bir sıra təşəbbüs
və təkliflər irəli sürüb ki, bu da Şotlandiya
təhsilində real yeniliklərin yaranmasına təkan
verir. Yerli
hakimiyyət orqanları və təhsil 1996-cı ildən yerli hakimiyyət orqanları
32 ayrı-ayrı qurumların məsuliyyətini öz üzərinə
götürmüşdür. Onlar bir-birindən çox fərqlidir, amma
onların hər biri təhsil də daxil olmaqla bir sıra
xidmətlərin həyata keçirilməsi üçün
məsuliyyət daşıyır. Məktəb
Şurası 1988-ci ildə qəbul olunmuş qanuna
əsasən, hər bir orta məktəbə yerli
cəmiyyətlərin üzvlərindən, təhsil işçilərindən
və valideynlərdən seçilmiş Məktəb Şurası
yaratmaq hüququ verilir. Hazırda ibtidai məktəblərin
təqribən 88 faizi, orta məktəblərin 97 faizi, özəl
məktəblərin 78 faizinin Məktəb Şurası
vardır. Məktəb Şurasının daha çevik nümayəndə
heyəti ilə əvəzetmə planları 2005-ci ilin
martında Şotlandiya Təhsil Qanununda tədbirlər
sisteminin bir hissəsi kimi öz əksini tapmışdır.
Bu qanun valideyn hüquqlarının daha da qüvvətlənməsini
təmin edir. İbtidai
məktəb İbtidai məktəb 1-7-ci sinifləri
(5-11 yaşlı uşaqlar) əhatə edir. Siniflər oğlan
və qızlardan ibarətdir. Hər bir sinfin bütün
tədris proqramını həyata keçirən bir müəllimi
olur və ona bu işdə mütəxəssis müəllimlər
kömək edir. Şotlandiyada nizamnamə şəklində
tədris planı yoxdur, amma Şotlandiya İcra Orqanı
5-14 yaşlı siniflər üçün geniş
sahələrə bölünən tədris olunan materialların
əhatə dairəsi, tarazlıq, bağlılıq
və ardıcıllığı təmin edən
tədris proqramı təklif edir. Tövsiyə olunan bu
proqramda tarazlıq aşağıdakı kimidir: 1. Dil 20
faiz. 2. Riyaziyyat 15 faiz. 3. Ətraf mühitlə bağlı
fənlər, cəmiyyət, elm və texnologiya 15 faiz. 4. İfadəli incəsənət və
bədən tərbiyəsi 15 faiz. 5. Dini və mənəvi təhsil 15 faiz
(sağlamlıq dərsi, şəxsi və sosial inkişaf).
6. Seçmə fənlərə ayrılan vaxt
- 20 faiz. Şotlandiyada ibtidai məktəblər
şagirdlərin sayı baxımından fərqlənir:
kənd yerlərində 20 və daha az şagirdi və bir
müəllimi olan məktəblər vardır. Elə
məktəblər də vardır ki, orada 600-dən çox
şagird təhsil alır və eyni yaş qrupu üzrə
bir neçə sinif təşkil edilir. Qeyd edilməlidir ki,
bir sıra kiçik məktəblərdə, xüsusən
də ucqar ərazilərdə siniflər müxtəlif yaşlı
uşaqlardan təşkil olunur. Orta
təhsil Şotlandiyada
orta məktəb 12-18 yaşlı uşaqlardan təşkil
olunur. 16 yaşınadək təhsil icbari hesab olunur. Aşağı orta təhsil (12-16) 2
mərhələyə bölünür. İlk iki ildə (S1-I
mərhələ, S2-II mərhələ), yəni 5-14 yaşda
uşaqlar ümumi təhsil proqramı ilə təmin edilir.
Sonrakı iki ildə (S3-III mərhələ, S4-IV
mərhələ) daha professional vərdişlər aşılanır
və peşəyönümü üçün imkanlar açılır. Yuxarı orta təhsil (16-18 - V-VI
mərhələ) orta məktəbin son 2 ilini
əhatə edir. Bu, şagirdlərə təcrübə
qazanmağa və peşə əldə etməyə,
sonrakı təhsilini davam etdirməyə yaxından kömək
edir. Əsas orta məktəb fənləri
hər mərhələdə tədris olunur, amma bundan
əlavə, məktəb də fənlərin tədrisi
ilə bağlı öz seçimini edə bilər. IV
mərhələnin sonunda şagirdlər, adətən,
standart dərəcə almaq üçün və ya yerli
cəmiyyətin tələbatlarının ödənilməsi
üçün milli komponentlərə aid ixtisaslardan imtahan
verirlər. Milli komponentlərə aid ixtisaslar yuxarı
orta məktəbin 5 səviyyəsində tədris olunur.
Burada bu ixtisaslarla yanaşı, peşəyönümlü və
akademik fənlər də tədris olunur, əsas vərdişlər
aşılanır və bu da sonrakı bacarıq və
vərdişlərin formalaşmasına və inkişafına
stimul yaradır. Orta məktəb üçün şagirdlərin sayı
100-dən 2000-dək təşkil etməli olduğu halda,
Şotlandiya orta məktəblərinin
əksəriyyətində şagirdlərin sayı
400-1200 arası olur. Sonrakı
təhsil Sonrakı təhsil (ST) Şotlandiyada
fasiləsiz təlim işində əsas rol oynayır.
Odur ki, Şotlandiyada 43 kollec bu işdə hamı üçün
geniş imkanlar yaradır. Bu kolleclər müraciət
edənlərlə işləyərək innovativ
proqramlar əsasında onları öyrədir və
təcrübə keçmək üçün xidmətlər göstərir.
Fərdi şəxslərə və birliklərə tam
potensialı ilə inkişaf etməsi üçün şərait
yaradılır. Standart sonrakı təhsil kollecləri vardır
ki, onlar istənilən səviyyədə kurslar təklif
edir. Sonrakı təhsil zamanı tədris proqramı daha
geniş miqyasda öyrənmə ehtiyaclarına cavab verir, ümumi
təhsil proqramı daxil olmaqla yüksək ixtisaslaşmış
peşə təhsili və iş təcrübəsini də
əhatə edir. ST müxtəlif tələbatlara cavab
vermək məqsədilə həyati vərdişlərin
aşılanmasından başlayaraq öyrənmə zamanı
meydana çıxan çətinliklərin aradan qaldırılması,
dərəcələrin alınması, ali
təhsildən sonrakı mərhələnin
problemləri ilə də məşğul olur. Bu da
dərəcə almaq üçün və məzunların işində
ortaya çıxan problemlərin həlli üçün zəmin yaradır.
Bu kurslar əsasən peşəyönümlü
olub, həm nəzəri, həm də praktik
sahələri əhatə edir. Kurslar xüsusi peşə
sektorları üçün və tələbələrin şəxsi
ehtiyaclarına uyğun olaraq sifariş şəklində
təşkil olunur. Şotlandiyada peşəyönümü üzrə
sonrakı təhsil üçün əsas qiymətləndirmə
şurası Şotlandiya İxtisaslaşma İdarəsidir.
Bu idarə texniki və biznes bölmələri üzrə çoxsaylı
kurslarda istənilən aşağı və yuxarı
səviyyələrdə təltiflər verir. Aşağı
səviyyədə verilən sertifikatlar milli ixtisas kimi tanınır.
Milli ixtisaslar milli kurslar və qrup mükafatları şəklində
ola bilər, məsələn, Milli İnkişaf mükafatı
və ya Milli Sertifikatı verilə bilər. Yüksək
səviyyədə mükafatlar Ali Milli Sertifikat, Ali Milli
Diplom və Professional mükafatlar hesab olunur. Əlavə
təhsil üçün kurslar aşağıdakılardır: 1. Peşəyönümlü və ümumi təhsil; 2. Məktəb şagirdləri üçün peşəyönümlü
kurslar; 3. İlkin peşə treninqi; 4. İşçilər üçün treninq; 5. İş yerində kurslar; 6. Peşə və qeyri-peşəyönümlü
axşam kursları; 7. Uzaq məsafədən öyrənmə; 8. İctimai təhsil; 9. Keçid kursları; 10. İngilis dili xarici dil kimi.
Ali
təhsil Şotlandiyada
21 ali təhsil müəssisəsi fəaliyyət göstərir.
Bura 14 universitet (Açıq Universitet) və 7 digər
təhsil müəssisəsi aiddir. Ali məktəbə qəbul qaydaları
hər bir ali təhsil müəssisəsi
tərəfindən müəyyənləşdirilir. Bu
təhsil müəssisələri
insanlara ali təhsil almaq üçün geniş imkanlar verir.
Buraya daxil olmaq üçün ənənəvi yol Şotlandiya
İxtisaslaşma Orqanı tərəfindən aparılan
dövlət imtahanlarından keçən qruplardan asılıdır.
Bəzi hallarda imtahanın nəticəsinə
əsasən şagirdlər II və ya III kursa qəbul olunurlar. Hazırlıq
kursları və iş təcrübəsi instituta daxil olmaq
üçün xüsusi əhəmiyyət kəsb edir. Xarici
tələbələrin ərizələri hər zaman
qəbul olunur - Şotlandiya ali təhsil müəssisələrində
2004-2005-ci ildə 29091 nəfər xarici tələbə
təhsil almışdır. Ali təhsil müəssisələri yarımdərəcəli
kurslar, birinci dərəcəli kurslar, müəllimlər
üçün təhsil və treninq kursları, magistr və
doktorantura səviyyələrində olan məzunlar üçün
xüsusi kurslar, peşəkarların ixtisaslaşması
üçün isə ali səviyyədə kurslar təşkil
edir. Şotlandiyada məzunlar I dərəcə
(3 illik akademik təhsil ilindən sonra), orta
dərəcə (ümumi), 4 illik təhsildən sonra
fərqlənmə (ixtisaslaşmış)
dərəcəsi alır. Bəzi fakültələrdə,
məsələn, tibb və hüquq fakültələrində
kurslar ənənəvi olaraq daha uzunmüddətli olur və
bu, professional iş təcrübəsi
əldə etməsini tələb edir. Şotlandiyada
Keyfiyyətə Təminat Agentliyi bu institutlarla işləyərək
yüksək keyfiyyət standartları əldə olunmasına
təminat verir. Ali təhsil müəssisələri bir sıra
sahələrdə - incəsənət və humanitar
elmlər, sosial elmlər, tibb, hüquq, texnologiya və mühəndislik
sahələrində genişçeşidli kurslar təklif
edir. Böyük institutların əksəriyyəti bu spektr üzrə
geniş təminatlar verir və eləcə də peşəkar
ixtisaslar təklif edir. Daha kiçik institutlar isə
səhiyyə qayğısı, incəsənət və
dizayn, musiqi və dram, toxuculuq texnologiyası, kənd
təsərrüfatı və müəllim hazırlığı
kimi xüsusi sahələr üzrə ixtisaslaşmaya meyil edir.
Müxtəlif təhsil imkanları, yüksək keyfiyyətli
təminatlar Şotlandiya ali təhsil sisteminin xarakterik
əlaməti kimi göstərilir. Şotlandiyada mükafatlanan
dərəcələr və ali təhsil ixtisasları
həm milli, həm də beynəlxalq aləmdə hörmətlə
qarşılanır.
Məktəbəqədər
təhsil Şotlandiyada
bütün 3-4 yaşlı uşaqlar ödənişsiz
keyfiyyətli məktəbəqədər təhsil almaq hüququna
malikdir. Məktəbəqədər keyfiyyətli
təhsil - Uşaqları oyunlar əsasında öyrətməyə
kömək edir; - Evdə olan öyrənməyə əsaslanır; - Sonrakı həyatda istifadə olunacaq
vacib vərdişləri inkişaf etdirir; - Uşaqları ibtidai məktəbə hazırlayır;
- Milli tədris planı
məktəbəqədər mərkəzlərin
fəaliyyət planına kömək edir ki, bu da aşağıdakı
sahələrdə uşaqların inkişaf və öyrənməsinə
şərait yaradır: 1. Emosional, şəxsi və sosial inkişaf.
2. ünsiyyət və dil. 3. Bilik və dünyanı dərketmə. 4. İfadəli nitq və estetik inkişaf.
5. Fiziki inkişaf və hərəkət. Təhsil
Proqramının Mənimsənilməsi üçün
Qiymətləndirmə proqramı TPMüQ-in məqsədi
təlim-tərbiyədə müsbət dəyişikliklər
etməklə uşaqların həyat vərdişlərini
inkişaf etdirməkdir. TPMüQ 2002-ci ildən etibarən
fəaliyyətə başlamışdır və onun
məqsədi biliklərin ardıcıl olaraq
mənimsədilməsi və intellektin inkişaf
etdirilməsi haqqında şagirdlər, valideynlər, müəllim
və digər peşəkarları məlumatlandırmaqdır.
1998-ci ildə aparılmış tədqiqat göstərmişdir
ki, formativ (müddətli) qiymətləndirmə daha yüksək
nəticələr, böyük nailiyyətlər əldə
edilməsinə xidmət edir. Bu tədqiqat göstərdi ki,
şagirdlər o zaman yaxşı öyrənir ki: - Onların yerinə yetirdikləri işin
nəticələri geniş təhlil edilsin və onlar bu
işi daha da yaxşı icra etmək üçün nələr
tələb olunduğunu bilsinlər. - Bu işin daha da təkmilləşdirilməsi
üçün onlara məsləhət verilsin. - Ehtiyacların öyrənilməsində özləri
iştirak etsinlər və daha çox kimdən kömək almaq
lazım olduğunu bilsinlər. Qiymətləndirmə
nədir Qiymətləndirmə effektiv öyrənmə
və öyrətmə prosesinin ayrılmaz tərkib
hissəsidir. Bu elə bir məqsədyönlü və
idarəolunan prosesdir ki, burada şagirdlərə
tədris kursunun bütün sahələrində öz potensial
imkanlarından istifadə etmək üçün şərait yaradılır. Yüksək keyfiyyətli işin
qiymətləndirilməsi bütün mərkəzlər və
tədris ocaqları üçün keyfiyyətə zəmanəti
təmin etmək, nailiyyətləri yüksəltmək, inkişaf
və irəliləyişlərə kömək
etməkdə zəruridir. Qiymətləndirmənin
məktəblərdə istifadə olunan iki tipi - summativ
və formativ tipləri məlumdur. Summativ qiymətləndirmə,
adətən, test formalarında və səviyyəni müəyyən
edən konkret tapşırıqlar şəklində aparılır.
Formativ qiymətləndirmə uşağın
təlim prosesində müxtəlif tipli fəaliyyət növlərinin
iştirakı ilə şərtlənir. Nəticə
etibarı ilə bu qiymətləndirmədən
tədrisi uşağın tələblərinə uyğun
şəkildə qurmaq üçün istifadə olunur. Maliyyə Şotlandiya icra hakimiyyəti təhsili,
birgə öyrənməni və inkişafı maliyyə
yardımı ilə dəstəkləyir və bununla bağlı
hər il yerli orqanlara qrant ödənilir. Yerli orqanlar
tərəfindən təhsilə qoyulan sərmayənin
miqdarı onların öz ixtiyarındadır. Gündəlik
xərclərin 90 faizi birbaşa məktəbin baş müəllimlərinin
səlahiyyətinə verilir. Sonrakı və ali təhsil Şotlandiya
Maliyyə Şurası ilə Şotlandiya icra
hakimiyyəti tərəfindən maliyyələşir.
Şotlandiya Maliyyə Şurası Şotlandiyada kollec
və universitetlərdə öyrətmə, tədqiqat
və digər sahələrin maliyyələşdirilməsinə
1,5 billion (milyard) məbləğində pul ayırır.
2005-ci ildə özəl əlavə təhsil və ali
təhsil maliyyə qurumlarının birgə iştirakı
ilə Maliyyə Qurumu Şotlandiyada yüksək
keyfiyyətli öyrətmə, öyrənmə, tədqiqat işlərinə
kömək etmək üçün əla təhsilin strateji
vəziyyətini təmin edir. Rəhim HüSEYNOV, Heydər Əliyev adına özəl təhsil kompleksinin direktoru |