Bu gündən 2025–2026-cı tədris ili üzrə müəllimlərin işə qəbulu (MİQ) müsabiqəsinin test imtahanı mərhələsinə start verilib.
Bu barədə “Azərbaycan müəllimi”nə Elm və Təhsil Nazirliyinin İnsan Resursları Mərkəzindən məlumat verilib.
Bildirilib ki, test imtahanlarında ümumilikdə 65 572 namizəd iştirak edəcək. İmtahanlar bu gün də daxil olmaqla, iyulun 4, 8–10 iyul tarixlərində ölkənin 19 şəhərində, ümumilikdə 44 imtahan mərkəzində təşkil edilir.
Test mərhələsinin ilk gününün birinci seansına 3 771 namizəd dəvət olunub. Seans üzrə davamiyyət 83 faiz təşkil edib.
Bu gün keçirilən imtahan zamanı 325 namizədin iştirak etdiyi 5 imtahan mərkəzində internet bağlantısında müvəqqəti fasilələr müşahidə edilib. Texniki nasazlıq dərhal aradan qaldırılıb və itirilmiş vaxtın bərpası təmin olunub.
Qeyd edək ki, 3 iyul tarixində keçirilən test imtahanlarına dair apellyasiya müraciətlərinin qəbulu 4 iyul saat 12:00-dan başlayacaq.
1 /3
Digər xəbərlər
Digər xəbərlər tapılmadı
Qəzetimizə abunəlik
"Azərbaycan müəllimi" qəzetindən ən son xəbərləri və xüsusi təklifləri əldə etmək üçün abunə olun
Bölmələrimiz
2025 © "Azərbaycan müəllimi" qəzeti. Bütün müəllif hüquqları qorunur. Məlumatdan istifadə zamanı istinad mütləqdir. Məlumat internet səhifələrində istifadə edildikdə hiperlink qoyulmalıdır.
Şərhlər