Musiqi sənəti istiqaməti üzrə qabiliyyət imtahanları davam edir.

Dövlət İmtahan Mərkəzindən “Azərbaycan müəllimi”nə bildirilib ki, bu gün Bülbül adına orta ixtisas musiqi məktəbində 20, 23, 27, 31, 36 və 73-cü komissiyalar üzrə qabiliyyət imtahanları keçirilir. Bugünkü  imtahanlarda 104 abituriyentin  (subbakalavrın) iştirakı nəzərdə tutulub.

Abituriyentlər (subbakalavrlar) imtahana gələrkən  özləri ilə şəxsiyyəti təsdiq edən sənədin əsli, “İmtahana buraxılış vərəqəsi ”, “Proqram forması”, musiqi aləti (fortepiano aləti istisna olmaqla) və ifa edəcəyi əsərlərin notlarını mütləq gətirməlidirlər.

İmtahan proqramı konsertmeysterin müşayiəti ilə ifa edilməlidir. Abituriyentləri müşayiət edəcək konsertmeysterlər buradan qeydiyyatdan keçə bilərlər.

Xatırladaq ki, abituriyentlər (subbakalavrlar) aşağıdakı cədvəldə verilmiş qrafikə müvafiq olaraq hər imtahandan 5 gün öncə qeydiyyatdan keçdikləri səhifədə “İmtahana buraxılış vərəqəsi”ni çap etməlidirlər.

Qrafik mütəmadi olaraq yenilənir və digər imtahanların tarixləri də bəlli olduqca cədvələ əlavə edilir. Abituriyentlərə (subbakalavrlara) mütəmadi DİM-in saytını izləməyi tövsiyə edirik.

Qabiliyyət imtahanlarının məzmunu ,qiymətləndirmə meyarları və qəbul proqramları haqqında məlumatlar “Abituriyent” jurnalının 2025-ci ildə nəşr olunan  xüsusi buraxılışlarında verilib.