Artıq neçə ildir ki, Sumqayıt Şəhər Təhsil
Şöbəsində fəaliyyət göstərən veteran müəllimlər
şurası üzvlərinin çağırışçı gənclərlə görüşü bir
ənənəyə çevrilib. Bu günlərdə ümumtəhsil
məktəblərində çalışan veteran müəllimlər
Sumqayıt Şəhər Hərbi Komissarlığında çağırışçı
gənclərlə maraqlı görüş keçiriblər. Gənclərin
hərbi xidmətə yolasalma mərasiminə həsr olunmuş
tədbirdə şəhər təhsil şöbəsi veteranlar
şurasının sədri Məşdi Zeynalov çıxış edərək,
belə tədbirlərin gənclərin hərbi vətənpərvərlik
tərbiyəsində çox böyük əhəmiyyəti olduğunu
bildirib.
Görüşdə çıxış edən şəhər 25 nömrəli orta
məktəbin direktoru, şair-publisist Əvəz Mahmud
Lələdağın Vətənə, torpağa həsr etdiyi şeirlər
tədbir iştirakçılarında xoş ovqat yaradıb.
Tədbirdə veteran müəllimlərdən Nəsrəddin
Həsənov, Sərdar Quliyev, Həsən Həsənov, Qulu
Əbdürrəhmanov, Hətəm Əliyev və Fuad Fətəliyev
çıxış edərək sumqayıtlı çağırışçılara Vətənin
müdafiəsində ayıq-sayıq durmalarını tövsiyə edib
və onlara bu şərəfli işdə uğurlar diləyiblər.
ƏDALƏT |