|
· Ana səhifə· Rəsmi· Heydər Əliyev Fondu· Əmrlər, sərəncamlar· Təhsil Nazirliyində· Xəbərlər· Pedaqoji yazılar· Məktəblərimiz· Bizimlə əlaqə
|
Türkmənistan Prezidenti Qurbanqulu Berdiməhəmmədova Bakı Dövlət Universitetinin fəxri doktoru adı verilib Mayın
20-də Bakı Dövlət Universitetində Türkmənistan
Prezidenti Qurbanqulu Berdiməhəmmədova BDU-nun fəxri
doktoru adı verilməsi münasibətilə mərasim keçirilmişdir.
Universitetdə Türkmənistan Prezidentini
səmimi qarşıladılar, tələbələr ali
qonağa gül dəstəsi təqdim etdilər. Türkmənistan dövlətinin başçısı
əvvəlcə universitetdəki Heydər Əliyev Muzeyi
ilə tanış oldu. BDU-nun rektoru, AMEA-nın akademiki, Milli
Məclisin deputatı Abel Məhərrəmov mərasimi açaraq,
Türkmənistan Prezidenti Qurbanqulu Berdiməhəmmədovun
həyat və fəaliyyətinin əsas məqamlarından
danışdı. Ali qonağa müsəlman Şərqində
ilk dünyəvi ali məktəbin - Bakı Dövlət
Universitetinin yaranma tarixi barədə məlumat verildi.
Bildirildi ki, hazırda universitetin 16 fakültəsində 18
mindən çox tələbə təhsil alır. Onların
1300 nəfəri 20 xarici ölkənin nümayəndəsidir.
Universitetdə işləyən 1300-dən çox müəllimin
300 nəfəri elmlər doktoru, professor, 14 nəfəri
Milli Məclisin deputatıdır. Sonra Abel Məhərrəmov dünyada
sabitliyin qorunub saxlanmasında səylərinə,
Azərbaycan ilə Türkmənistan arasında qardaşlıq
əlaqələrinin möhkəmləndirilməsində böyük
roluna, elmi və tərəqqini
dəstəklədiyinə görə Türkmənistan
Prezidentinə BDU-nun fəxri doktoru adı verilməsi
barədə Böyük Elmi Şuranın 2008-ci il 19 may tarixli
qərarını oxudu. Prezident Qurbanqulu Berdiməhəmmədova
BDU-nun fəxri doktoru mantiyası, diplomu və
hədiyyə təqdim olundu. Mərasimdə nitq söyləyən Türkmənistan
Prezidenti layiq görüldüyü şərəfə görə
Azərbaycanın qədim ali məktəbinin Elmi Şurasının
üzvlərinə təşəkkürünü bildirdi. Türkmənistan dövlətinin başçısı
vurğuladı ki, onun ölkəsində genişmiqyaslı
və tarixi dəyişikliklər və islahatlar gedir. O, Türkmənistanın
sosial-iqtisadi inkişafının sürətləndirilməsini
və son nəticədə onun inkişaf etmiş dövlətə
çevrilməsini ölkənin daxili siyasi xəttinin öncül
istiqaməti kimi səciyyələndirdi. Qurbanqulu
Berdiməhəmmədov dedi: "Türkmənistanda başa
düşürlər ki, bu məqsədə intellektual potensialı
artırmaqla, biliklərə və insan təfəkkürünün
ən yaxşı nailiyyətlərinə və
tərəqqiyə arxalanmaqla nail olmaq mümkündür". O
bildirdi ki, bu məqsədlə təhsil və elm
sahəsində köklü islahatlar həyata keçirilir, orta
təhsil, ali məktəblərdə kadr hazırlığı
sistemi təkmilləşdirilir, fundamental elmlər inkişaf
etdirilir. Türkmənistan bu yolda müəyyən
nailiyyətlər əldə etmişdir. ölkədə
ən müasir multimedia avadanlığı ilə təchiz
olunmuş məktəbəqədər uşaq müəssisələri,
məktəblər və ali təhsil ocaqları tikilir
və bu proses davam etdirilir. Azərbaycan-Türkmənistan münasibətlərindən
danışan Prezident Qurbanqulu Berdiməhəmmədov vurğuladı
ki, Bakıda aparılan danışıqlar və Prezident
İlham Əliyev ilə əldə olunan razılaşmalar
geniş dövlətlərarası dialoq, o cümlədən
etimadın, dostluğun və qarşılıqlı anlaşmanın
möhkəmlənməsinə digər sahələrdən
daha çox kömək edən humanitar sahədə dialoq üçün
yeni imkanlar açır. Mərasimin sonunda ali qonaq BDU-nun rektoruna
hədiyyə təqdim etdi. Sonra Türkmənistan Prezidenti BDU-nun fəxri
doktorları qalereyası üçün şəkil çəkdirdi. AzərTAc
|