|
|
· Ana səhifə· Rəsmi· Heydər Əliyev Fondu· Əmrlər, sərəncamlar· Təhsil Nazirliyində· Xəbərlər· Pedaqoji yazılar· Məktəblərimiz· Bizimlə əlaqə
|
Ali və orta ixtisas təhsili müəssisələrinin rəhbərlərinə Azərbaycan Respublikası Prezidentinin 28 iyul
2007-ci il, 2292 N-li sərəncamı ilə "Şəffaflığın
artırılması və korrupsiyaya qarşı mübarizə
üzrə milli strategiya" qəbul edilmişdir. "Milli
Strategiya"da təhsil sahəsinə də xüsusi
diqqət yetirilmiş, təhsil müəssisələrində
imtahanların keçirilməsində şəffaflığın
təmin olunması, ictimai nəzarətin gücləndirilməsi,
şikayətlərə baxılmasının
səmərəliliyinin artırılması və s.
məsələlər nəzərdə tutulmuşdur. "Milli Strategiya"nın icrası
ilə əlaqədar Təhsil Nazirliyinin 04.12.2007-ci il,
1225 N-li əmri ilə "Azərbaycan Respublikası
Təhsil Nazirliyinin "Şəffaflığın artırılması
və korrupsiyaya qarşı mübarizə üzrə "Milli
Strategiya"nın həyata keçirilməsi ilə bağlı
fəaliyyət planı (2007-2011-ci illər)" təsdiq
edilmişdir. Fəaliyyət planında "Milli
Strategiya"nın məramı və məzmununun
təhsil işçilərinə, tələbə və
valideynlərə çatdırılması
məqsədilə tədris müəssisələrində
korrupsiyaya qarşı mübarizə üzrə mütəmadi
olaraq seminar və məşğələlərin keçirilməsi
nəzərdə tutulmuşdur. Qeyd olunanlarla əlaqədar rəhbərlik
etdiyiniz təhsil müəssisəsində 2007-2008-ci
tədris ilinin yay imtahan sessiyasının, Dövlət
attestasiya imtahanları və buraxılış işlərinin
müdafiəsinin təşkili ilə əlaqədar
"Milli Strategiya"da və onun icrası ilə bağlı
təsdiq edilmiş fəaliyyət planında
nəzərdə tutulmuş tədbirlərin ardıcıl
həyata keçirilməsini, imtahan sessiyasından
əvvəl müəllim, tələbə və
valideynlər üçün maarifləndirici və məlumatlandırıcı
seminar və məşğələlərin keçirilməsini,
həmin tədbirlərə nazirliyin fəaliyyət planında
nəzərdə tutulan, korrupsiyaya qarşı mübarizə
üzrə işçi qrupuna daxil olan QHT nümayəndələrinin
dəvət edilməsini sizə tapşırırıq. Müvafiq tədbirlərin təşkili
ilə əlaqədar hesabatların yay imtahan sessiyasının
sonunda nazirliyə təqdim olunmasını xahiş edirik. Misir MƏRDANOV, Azərbaycan Respublikasının
təhsil naziri Buraxılış
imtahanlarından azadedilmə barədə
Azərbaycan Respublikası təhsil nazirinin əmri I. Məktəblilərin fənn olimpiadalarının
respublika turunda birinci yeri tutmuş aşağıda adları
qeyd olunan XI sinif şagirdləri orta təhsil üzrə
buraxılış imtahanlarından azad edilsinlər: 1. Qasımlı Fidan Lətif qızı
- Bakı şəhəri 83 nömrəli
məktəb-liseyin XI sinif şagirdi 2. Mehrabov Haqverdi Dilbazi oğlu - Bakı
özəl Türk Liseyinin XI sinif şagirdi 3. Yaqubov Araz Əli oğlu -
fizika-riyaziyyat və informatika təmayüllü liseyin XI sinif
şagirdi 4. Məmmədzadə Mirnahid Daməd oğlu
- Bakı özəl Türk Liseyi Lənkəran filialının
XI sinif şagirdi 5. Ağazadə Sadiq Əyani oğlu -
Bakı şəhəri 160 nömrəli Klassik gimnaziyanın
XI sinif şagirdi 6. Musayev Nicat Hafiz oğlu - Bakı
şəhəri 275 nömrəli orta məktəbin XI sinif
şagirdi 7. Onk Ahu Müjgan Yavuz qızı - T.İsmayılov
adına "İntellekt" liseyinin XI sinif şagirdi 8. Mahmudova Könül Nurəli qızı -
Naxçıvan şəhəri 705 nömrəli hərbi
hissə orta məktəbinin XI sinif şagirdi 9. Mahmudzadə Cavid Namiq oğlu - Bakı
şəhəri 20 nömrəli məktəb-liseyin XI sinif
şagirdi II. İmtahanlardan
azad edilmiş şagirdlərin təhsil
sənədlərinə illik qiymətləri yazılsın. III. Təhsil Nazirliyinin İctimaiyyətlə
əlaqə şöbəsi (B.Hüseynzadə) əmrin
"Azərbaycan müəllimi" qəzetində və
"Təhsil xəbərləri"
məcmuəsində dərc olunmasını təmin
etsin. IV. Əmrin icrasına nəzarət nazir müavini
İ.İsgəndərova həvalə olunsun. Misir MƏRDANOV, Azərbaycan Respublikasının
təhsil naziri
|