|
|
· Ana səhifə· Rəsmi· Heydər Əliyev Fondu· Əmrlər, sərəncamlar· Təhsil Nazirliyində· Xəbərlər· Pedaqoji yazılar· Məktəblərimiz· Bizimlə əlaqə
|
Birincilərin bayramı Adi
bir may səhəri idi. Ancaq bu, paytaxtdakı 53 nömrəli
orta məktəbin I "J" sinif şagirdləri üçün
heç də adi gün deyildi. Həmin gün onlar "Əlifba"nı
bitirmələrini bayram edirdilər. Birincilər həm
də bu vaxta qədər aldıqları biliklərin
hesabatını verəcəkdilər. Tədbiri
məktəbin direktoru Firəngiz Həsənova açaraq
bayram münasıbətilə sinif müəllimi Günay Novruzovanı,
şagirdləri, valideynləri və qonaqları təbrik
etdi. Sonra aparıcı VI "D" sinif
şagirdi N.Bəyim sözü birincilərə verdi. Onlar
Azərbaycan Respublikasının Dövlət himnini ifa
etdilər. Səhnəyə "Əlifba" ilə
"Oxu" gəldi. Hərflər
sıraya düzüldü. Məhyəddin, Merac, Həmidə, Sülhanə,
Nəzrin, Sahib, Məhəmməd hərflərə aid
şeirlər söylədilər, "Kiçik sənət
sahibləri" səhnəciyini göstərdilər. Sonra
rəqəmlərin dialoqu başlandı. Zeynəbin aparıcılığı
ilə Ləman, Səba, Orxan, Fəridə, Baxış,
Əlinə səhnələşdirilmiş "Qoğal",
"Şəngülüm, Şüngülüm, Məngülüm" nağıllarını
göstərdilər. Ləman,
İsgəndər, Murad müəllim-şagird münasibətlərini
əks etdirən səhnəcik nümayiş etdirdilər.
Sinif müəlliminin hazırladığı ssenariyə
əsasən uşaqlar onlara verilən tapşırığın
öhdəsindən məharətlə gəlirdilər. Birincilərin ulu öndər Heydər Əliyevə,
Vətənə, anaya, müəllimə aid söylədikləri
şeirlər də maraqla qarşılandı. Musiqi müəllimi
Kəmalə Qardaşovanın pianoda müşayiəti
ilə şagirdlər "Əlifba",
"Birincilərik", "Kitab",
"Azərbaycan", "Mən sayıram onacan" mahnılarını
oxudular. çıxışlardan hiss olunurdu ki, onlar əlifbanı,
riyaziyyatı mükəmməl öyrəniblər. Sonra şagirdlər
rəqs nömrələri ilə çıxış
etdilər. Tədbirin sonunda aparıcı sözü
məktəbin təlim-tərbiyə işləri üzrə
direktor müavini Rəhim Axundova verdi. O, sinif müəllimi Günay
Novruzovanın ilk sinifi olmağına baxmayaraq, tədris
metodunu, çalışqanlığını, məhz bu
bayramda şagirdlərin onun böyük zəhməti hesabına
göstərdikləri fəallıqlarını yüksək
qiymətləndirdi və onlara müvəffəqiyyətlər
arzuladı. Sonra Təranə müəllim və
valideynlərdən bir neçəsi çıxış
edərək gözəl ifalarına görə şagirdlərə,
çəkdiyi əziyyətə görə sinif müəlliminə
"çox sağ olun" dedilər. Sevil
ƏBDüLOVA
|