|
|
· Ana səhifə· Rəsmi· Heydər Əliyev Fondu· Əmrlər, sərəncamlar· Təhsil Nazirliyində· Xəbərlər· Pedaqoji yazılar· Məktəblərimiz· Bizimlə əlaqə
|
Azərbaycan Prezidenti İlham Əliyev Bakının Yasamal rayonundakı 60 nömrəli orta məktəbin yeni binasının açılışında iştirak edib Sentyabrın
15-də - Bilik günü Bakının Yasamal rayonundakı
şəhid Paşa Nəzərov adına 60 nömrəli
orta məktəbin yeni binasının açılış
mərasimi olmuşdur. Mərasimə toplaşmış təhsil
işçiləri, şagirdlər, valideynlər Azərbaycan
Prezidenti İlham Əliyevi və xanımı Mehriban
Əliyevanı böyük hörmət və ehtiramla, gül-çiçəklə
qarşıladılar. Dövlət başçısı müasir
standartlara uyğun tikilmiş məktəbin rəmzi açılışını
bildirən lenti kəsdi. Təhsil naziri Misir Mərdanov məlumat
verdi ki, Azərbaycanda son illər ərzində
məktəb tikintisi və təmiri geniş vüsət almış
və təhsil sisteminin maddi-texniki bazası möhkəmlənmişdir.
Prezidentin xüsusi tapşırığı ilə ötən
il iyunun 1-dən inşasına başlanılmış bu
məktəbdə tədris üçün hər cür şərait
yaradılmışdır. 50-dən çox sinif otağı
olan 840 şagird yerlik məktəbdə yeni dərs
ilində 600 şagird təhsil alacaqdır. Onların
təlim-tərbiyəsi ilə 60 müəllim məşğul
olacaqdır. Məktəbdə ulu öndər Heydər Əliyevin,
Prezident İlham Əliyevin fəaliyyətləri,
Azərbaycanın dövlət dili, rəmzləri, hərb
sənəti ilə və tədrislə bağlı xüsusi
guşələr yaradılmışdır. Paytaxtın qabaqcıl təhsil ocaqlarından
olan, Qarabağ müharibəsi şəhidi, vaxtilə burada
oxumuş Paşa Nəzərovun adını daşıyan
məktəbin yeni binası müasirliyi ilə diqqəti çəkir.
İnşaat işləri zamanı Türkiyə, Fransa
və digər ölkələrdən gətirilən tikinti
materiallarından geniş istifadə edilmişdir.
Məktəbdə avadanlıqlar və əyani dərs
vəsaitləri ilə təchizat yüksək
səviyyədədir. Bu il dörd sinifdə 1-cilər
təhsilə başlayacaqlar. Heydər Əliyev Fondu
respublikamızdakı bütün 1-ci sinif şagirdlərini çanta,
məktəbləri isə nəfis tərtibatlı
əyani vəsaitlə təchiz etmişdir. Xatırladıldı
ki, cari ildə bu məktəbin 55 məzunu respublikamızın
ali məktəblərinə qəbul imtahanlarında iştirak
etmiş, onlardan 41-i tələbə adını qazanmışdır.
Məktəbin 600-dən çox bal toplamış məzunları
Prezident təqaüdünə layiq görülmüşlər. Dövlət başçısı ayrı-ayrı
sinif otaqlarına, fənn kabinetlərinə, müəllimlər
otağına, bufetə, kiçik və böyük idman salonlarına
baxdı, tədris prosesi, dərs vəsaitləri ilə
maraqlandı. Məlumat verildi ki, informatika kabineti kompüterlərlə
təmin olunmuş və İnternet şəbəkəsinə
qoşulmuşdur. Məktəbin kitabxanasında latın
qrafikası ilə çap olunmuş 6000-ə qədər
dərslik və müxtəlif ədəbiyyat toplanmışdır.
Məktəbdə mini ATS quraşdırılmış,
tibb otağında səhiyyə xidməti üçün normal
şərait yaradılmışdır. Məktəbin
bufetindəki avadanlıqlar və yaradılan şərait
keyfiyyətli qidalanmaya hərtərəfli təminat verir. Kimya laboratoriyası həmin fənnin
təkcə nəzəri deyil, həm də praktik baxımdan
yüksək səviyyədə tədrisinə
hərtərəfli imkan yaradır. Fizika laboratoriyası
da müasir tərtibatı və zəngin avadanlığı
ilə diqqəti cəlb edir. Burada da nəzəri
biliklər praktik məşğələlərlə
əlaqələndiriləcəkdir. Bütün bunlar tədrisin səviyyəsinin yüksəldilməsinə,
beynəlxalq standartlara uyğunlaşdırılmasına
yönəlmişdir. Məktəbin davamlı işıqlandırılması,
istilik, havalandırma sistemi müasir səviyyədədir.
Yanğından mühafizə sistemi ən son texnologiyalara
əsaslanır və istənilən fövqəladə halın
qısa müddətdə aradan qaldırılmasına imkan
verir. Dövlət başçısı 1-ci sinif şagirdləri
ilə görüşdü, onlara təhsildə uğurlar arzuladı.
Dövlət başçısı
məktəblərə qayğının daha da gücləndiriləcəyini,
müəllimlərin iş şəraitinin və maddi rifah
halının mütəmadi yaxşılaşdırılacağını
vurğuladı. Məktəbin idman salonu ilə tanışlıq
zamanı bildirildi ki, buradakı münasib şərait və
müxtəlif avadanlıq bədən tərbiyəsi
dərslərinin lazımınca tədrisinə imkan yaradır.
Burada həndbol, voleybol, mini futbol, stolüstü tennis və
digər oyunlar keçirmək mümkündür. Duşxana,
soyunub-geyinmə otaqları da vardır. Prezident İlham
Əliyev bu təhsil ocağının açılışı
və yeni dərs ilinin başlanması münasibətilə
məktəbin kollektivini təbrik etdi, uğurlar arzuladı
və onlarla xatirə şəkli çəkdirdi. * * * Sonra Prezident İlham Əliyev 60 nömrəli
orta məktəbin qarşısındakı parkda aparılan
yenidənqurma işləri ilə tanış oldu. Dövlət başçısına məlumat
verildi ki, burada əsaslı təmir işləri yüksək
səviyyədə aparılmışdır. Parkda
məktəblilərin və sakinlərin istirahəti
üçün hərtərəfli şərait yaradılmışdır.
Müasir işıqlandırma sistemi quraşdırılmış
bu istirahət ocağı ətraf ərazi ilə ümumi
ansambl təşkil edir, paytaxtın bu hissəsinə
əlavə yaraşıq verir. Prezident İlham Əliyev Bakıda aparılan yenidənqurma işləri ilə bağlı fikirlərini bölüşdü, tapşırıq və tövsiyələrini verdi.
|